السيارة ما تدق سـلــف !! أرجو المساعده ..

[--صريح--]

السلام عليكم ورحمة الله وبركاتة

هذي اول مشاركة لي في هذا المنتدى الموقر
وحبيت اني اطرح مشكلتي لاهل الاختصاص واهل الخبره
انا عندي ايكو 2005
في يوم من الايام وقفتها يوم جيت من بكرة بشغلها عيت تشتغل
حتى صوت سلف مافيه http://www.gulf4cars.com/vb/images/smilies1/38.gif
والمسجل شغال والأنوار وكل شي شغال بس الموتر مايشتغل وهاهي بوقفتها لها اسبوع .


فــ سؤالي هل فيه سلك أو اي شيء يفصل السلف ؟؟
ارجو ايجاد الحل
ولكم جزيل الشكر .!

[الشريف سلطان]

ان شاء الله يفيدونك الشباب

اتوقع انه عطل بسيط

[ميكا مكشات]

وعليكم السلام ورحمة الله وبركاته

وحياك الله في منتداك وأنت راع المحل وحنا ضيوف.......... نخش في الموضوع

أظن والله أعلم إن فيه سلك عند السلف أحيان يكون مفصول 0
وأيضاً هناك سلك صغير يجي عند اصبع البطارية الموجب له فيش جرب تحركه وخل غيرك يدق سلف

هذا إذا كانت الأنوار شغاله وإذا دقيت ما تضعف الأنوار أما إذا كانت الأنوار تضعف بشكل كبير معناتها البطارية نايمه سولها إشتراك وبتشتغل إنشاء الله

وبعدين والله إنك زول لها إسبوع متعطله وتاركها

ياخوي أنا لو أكتشف إن موتري مافيه موية مساحات ما أمرحت هاك الليل إلا أنا معبيها

تحياتي.......

[شامخ ألهيلا]

السلام عليكم

اخوي جرب قبل انك تضرب السلف بحديدة او بعصاء ممكن مجيم

[براق الحجاز]

أول شيء أتأكد من أن الكهرباء واصلة للسلف عن طريق كشاف الكهرباء وهذا موجود في محلات الزينة قيمته 5ريال
وأذا لقيت في كهرباء أضرب السلف بشيء قوي كم مرة زي ماقال أخوي الشامخ أذا أشتغلت أعرف أن الشغلة الفحمات رايحه بس

وحياك الله

[عـبـود 911]

لا تنسى تشيك على السلك اللي رايح لدقمة السلف

وممكن يكون عاض طقه كم مره بحديده وجرب

[نايف الكشات]

لاتسوي اي شي غير اشتراك
اشرك السياره بواسطة سياره اخرى اذا اشتغلت غير البطارية
لأن الانوار والهرن يعمل من كهرباء ضعيفة ولايدل على خراب البطاريه

[sami2003]

لاتسوي اي شي غير اشتراك
اشرك السياره بواسطة سياره اخرى اذا اشتغلت غير البطارية
لأن الانوار والهرن يعمل من كهرباء ضعيفة ولايدل على خراب البطاريه


فعلا كلامك صحيح
قبل سنة تقريبا لقيت صاحب يوكون متعطل وماحولة احد ويقول السيارة ماتشتغل !!!
جربنا الانوار والبوري كلها تشتغل !!!!
وللاسف ماكان معي اشتراك وحتى مفك الطويل الخاص ببطارية الجموس عشان اركب بطارية سيارتي وقلت لاخوي رح معة وانا بجلس اشب النار و اصلح القهوة والشاي لاقرب محطة واشترى الرجال بطارية وجاب معة ابو يمن (البنشري) وركبها له وماشاء من اول سلف اشتغل الموتر

السبب من البطارية خاصة اذا كانت نوع اي سي ديلكو .
تحياتي

[سوبر VTC]

كد صارت مشكلتك لجيب جيكسار م2000
النور و الطبلون و البوري تمام :good:
لكن مايدق سلف
صارت المشكلة من اصابع البطارية الكهرب و الماص
تعبانات جدا املاح و رواسب ماتوصل:good:

وصل سلك مباشر من البطارية الى السلف
اذا اشتغل السلف
فالمشكلة من الدقمة خربانه او مايجيه كهرب
يوجد كتاوت بعلبة الفيوزات
اذا كان خربان ما يشتغل السلف نهائيا
تاكد منه
تقدر تشغل السلف بواسطة سلك صغير طوله 3سم
طبعا تفك الكتاوت
و توصل بنفس فتحات الكتاوت القاعدة اللي يركب عليه الكتاوت
و يشتغل الموتر معك :good2: