المساعد الشخصي الرقمي

مشاهدة النسخة كاملة : شفر(ابي واحد يصلحها) ماتشتغل اذا ودعست بنزين كم مره يتحرك العيار وتشتغل


ابوهيون
13/02/2010, 05:10 PM
طرمبة الزيت ماتشتغل مدري وش السواة اذا دعست بنزين كم مره يتحرك العيار وتشتغل اخاف تاقف بي واتورط النوع شفر2000
ابوهيون
14/02/2010, 11:01 PM
معليش كل الجهاز المقدمه
Magellan
15/02/2010, 12:08 AM
هذا رد للمبدع المشرف سوبر VTC بشأن الطرمبة
نصيحتي غيرها بطرمبة رياضية فورا



حياك اخوي نفود بريدة


سؤال
اثناء استخدامك للموتر
وش وضع انبير الزيت ؟؟؟
هل هو نازل ؟ هل ولعت لمبة حمراء حقت الطرمبة ؟
هل هو يلعب مرة على الثلث ؟ مرة على الربع ؟
قد يكون سبب المشكلة ضعف الطرمبة او تهريب صوفة ماصورة الكرتير
او الموتر محتمي سابقا !!!




رد لموضوع سابق


و عليكم السلام و رحمة الله


طرمبة الزيت للجمس و الكابرس من م2000 الى م2006
نفس بعض
مشكلتك بصوفة ماصورة الطرمبة
غالبية الجمس دايم يلعب انبير الزيت تحت النص احيانا على الربع


طبعا لو خربت اللمبة راح تولع لمبة حمراء
((ضغط طرمبة الزيت منخفض))
+ الانبير يطيح على الصفر
و هذا دلالة على خراب الطرمبة
ايضا +
راح و انت واقف عند اشارة مثلا
صوت طقطقة للمكينة همن اذا دست بنزين راح الصوت
لان الزيت رقا للمكينة بسبب سرعه دوران طرمبة الزيت مع سرعه المكينة


طبعا غالب الامريكي عند اشتغال الموتر و هو بارد خصوصا في الصباح
يظهر صوت احتكاك و ططقطقة للتكايات و البلوف
لمدة 5 او 7ثواني همن اذا رقا الزيت اختفى الصوت :good2:
و سالت اصحاب ورش + الوكالة يقولون الصوت طبيعي جدا
بسبب نزول كل الزيت الى الكرتير


دلالة خراب الطرمبة => اللمبة الحمراء + طقطقة بالمكينة + انبير الزيت
على الصفر



عندك 4احتمالات
1
انبير الزيت خربان نفس الدينمو
2
اذا شغلت الموتر و هو بارد و كان الانبير ضارب فوق النص
همن اذا احتمى يطيح الانبير
فاحتمال الخراب من ساعة الزيت بالسلندر
3
صوفة ماصورة الشفاط تهرب زيت
4
بلف الطرمبة معلق دايم يكون فاتح ما يسكر


فيه ناس غيروا انبير العداد ب150 ريال و ضبط الموتر :good:
طبعا جمس
و فيه ناس اذا وقف الموتر تسمع صوت طقطقة
لتكايات البلوف الصبابات
اذا داس بنزين اختفى الصوت
بعضهم يغير سيلة او صوفة ماصورة الطرمبة
و البعض الاخر غير الطرمبه وزانت


دام موترك اذا وقفت مافيه صوت لا تحرك ساكن :no2:



عندي الجمس م2001
انبير الزيت له 3سنين يلعب اذا كان الموتر واقف
و اذا مشيت على سرعه 130 الانبير يضرب فوق النض :good:
لكن
قبل اسبوعين اذا وقفت عند اشارة مثلا
تجيه حاله باليوم 3مرات
و هي
ان انبير الزيت يطيح على الصفر :no:
و تولع رسالة بالطبلون ضغط الطرمبة منخفض لمبة حمراء
همن بعد 5ثواني تسمع المكينه تطقطق صوت التكايات و البلوف
طبعا في هذه الحالة ادوس بنزين مره وحده
فيرتفع الانبير الى النص و يروح الصوت :good:
اللي حصل
اني غيرت طرمبه الزيت + سيلة ماصورة الكرتير اللي تركب على الطرمبه
+ وجه كرتير + وجه صدر المكينه + صوفه الصدر
قطع الغيار كامله ب750ريال
شغل اليد ب500ريال
للعلم غالبيه الورش قالوا
ب1500 :mad: و الاخر قال ب1800 :mad:
و اخر قالي شغل يد ب800ريال
و رابع قالي شغل يد ب800ريال
الان الموتر ما شاء الله الانبير ثابت على النص اذا وقفت
سابقا
اذا شغلت الموتر و هو بارد ما يوصل الانبير الى النص او فوق النص
و انما بعد التشغيل يبدا يلعب و يكون تحت النص
طبعا قالوا الاخوان غير سيلة ماصورة الكرتير حقت الطرمبه
لكن انا قلت نغير كل شي مرة وحده و لا نتخسر بعدين
مره ثانيه
للعلم
سمعت ان بعض ورش الرياض يفكون بلف الطرمبه و سبرنق
و يمغطون السبرنق عشان يثبت الانبير على النص (حيلة)
و هذا غش :mad:
طبعا الانبير يثبت على النص
لكن المكينه ما تاخذ كفايته من الزيت :no2:


(اهم شي اذا طاح انبير الزيت)
(هل يطلع صوت للمكينه ام لا؟؟؟؟؟؟؟)


ان شاء الله في الايام القادمه اذا الله يسر
راح انزل موضوع عن الطرمبه بالصور


هذي ماصورة الطرمبة ماصور الشفاط و لاحظ السيلة او الوجه


http://www.mekshat.com/pix/upload03/images134/mk53291_vsvsv1.jpg


http://www.mekshat.com/pix/upload03/images134/mk53291_dbbf11.jpg


http://www.mekshat.com/pix/upload03/images134/mk53291_gnng2.jpg




لاحظ السيلة او الوجه احيانا من الحرارة تلين و تهرب زيت و يرجع الى الكرتير


http://www.mekshat.com/pix/upload03/images134/mk53291_dbdf3.jpg



هذي الطرمبة الجديدة الكابرس و الجمس نفس بعض


http://www.mekshat.com/pix/upload03/images134/mk53291_bdfb4.jpg




http://www.mekshat.com/pix/upload03/images134/mk53291_bffbf5.jpg



جزاك الله خير
اذا دست بنزين و الموتر واقف
همن طفت الرسالة + اختفاء الصوت
فالمشكلة باذن الله
صوفة او سيلة ماصورة الكرتير
او من بلف الطرمبة فاتح ما يسكر
او من صوفة صدر المكينة اللي راكبه على
الطرمبة
و هذا احتمال ضعيف


http://www.mekshat.com/pix/upload03/images134/mk53291_ssv111.jpg



http://www.mekshat.com/pix/upload03/images134/mk53291_gnbdb222.jpg
ابوهيون
15/02/2010, 12:41 AM
وشلون طرمبه رياضيه مافهمت وهل فيه ورشه معينه تختصرون علي دوخة الورش وياليت تكون الورشه في ام الحمام
قمة افرست
15/02/2010, 12:53 AM
اذا توقفت الطرمبة تصلب المكينة في دقايق
حال توقف الطرمبة معناه مايوصل الزيت لاعلى وهذا يكسر المكينة
الافضل تتاكد عند اقرب ورشة
ابوهيون
19/02/2010, 03:20 AM
غيرت زيت الترا سفن وسيفون وغسيل مكينه ولاحظت بعض التحسن واذا ما ارتفع امبير الزيت ادعس بنزين ثواني ويضبط ودي بخبير او ميكانيكي يصلحها بالرياض
دينالي 2006
16/03/2010, 12:14 AM
كانت المشكلة اني كنت اغير زيت كاسترول 10w30 وكانت الامور مثل العسل لمدة سنتين ويوم اقنعني البنشر انة لازم اغير من كسترول الي سوبر شل 20w50 وبعد اربع تغيرات صار امبير الزيت يلعب بين النص والربع وصار ينزل تحت الربع وبعد يومين نزل الي الصفر وطلع صوت تكتك طبعا اذا دعست على البنزين يوصل الاربعين بالقوة علما انة كان واقف على الاربعين واذا دعست بنزين يوصل الستين
المهم رحت الوكالة وغيرو لي الطرمبة وكلفتني مع شغل اليد 2000 ريال
ولكن باقي عندي مشكلة اعتبرها بسيطة لكن ابغا من اصحاب الخبرة الافادة
بعد تركيب الطرمبة الجديدة كان امبير ظغط الزيت على الاربعين واذا دست بنزين يوصل فوق الستين وبعد ساعة صار على ثلاثين واذا دست بنزين يوصل الستين هل لازم يكون الامبير على النص او عادي ينزل بين النص والربع معليش على الاطالة هل تحتاج السيارة برمجة بعد تركيب الطرمبة الجديدة او مايهم البرمجة