المساعد الشخصي الرقمي

مشاهدة النسخة كاملة : مطلوب ورشة تنظيف رديتر بالرياض


هاوي نجد
16/02/2010, 03:24 AM
السلام عليكم ورحمة الله وبركاته


اعاني منذ فترة من ارتفاع في حرارة السيارة Gxr وبعد الكشف على السيارة تبين ان الرديتر يحتاج لتنظيف بسبب رواسب تمنع دوران الماء داخل الرديتر بالشكل المطلوب لذلك ارغب في نصيحة بورشة من اجل تنظيف الرديتر وذلك لتجربة سابقة مع سيارة أخرى اتلف العامل الرديتر وكان من نوع المونيوم و بدلت الرديتر بجديد ومكلف ....


فلا اريد ان اقع في عمالة تتدرب على السيارة


من باب التعاون ارغب بنصيحة في ورشة يعتمد عليها


ولكم مني كل الشكر والتقدير


.............:s
واثق الخطوه-
16/02/2010, 10:27 AM
هلا بك اخوي
كانك في الرياض عندك شارع الجمعيه من الجهه الغربيه محل في الزاويه قبال محل بن ماضي لبيع جلود السيارات شغلهم زين
ابو مكازي2002
16/02/2010, 10:38 AM
فيه بالصناعية القديمه واحد اسمه بندر يماني قريب عند ابو صالح التركي شغله تمام ولا يحتاج ,,,,,,,
تحياتي
لبرتي
16/02/2010, 10:46 AM
المركز السعودي في الصناعية القديمة
هاوي نجد
16/02/2010, 11:41 AM
اشكر الاخوان على سرعة تفاعلهم مع المشاركة لكن إذا امكن ذكر اسم المحلين الآخرين او تحديد مواقعهم يكون افضل واسهل للوصول للورشة.



وللجميع الشكر والتقدير:r
واثق الخطوه-
17/02/2010, 05:39 PM
هلا بك اخوي
كانك في الرياض عندك شارع الجمعيه من الجهه الغربيه محل في الزاويه قبال محل بن ماضي لبيع جلود السيارات شغلهم زين


المركز السعودي في الصناعية القديمة


[quote=هاوي نجد;3991281]
اشكر الاخوان على سرعة تفاعلهم مع المشاركة لكن إذا امكن ذكر اسم المحلين الآخرين او تحديد مواقعهم يكون افضل واسهل للوصول للورشة.
رفيع المقآم
18/02/2010, 03:10 PM
ما قصرو الاخوان لكن انتبه لكلامه تحسه فاهم ولا لا
ابونايف الروقي
21/02/2010, 04:32 PM
السلام عليكم

والله انا من وجهه نظري تغير اديتر جديد وريح مخك من شغله التسييخ لاني قد سيخت اديتر موتري وانفجر من فوق وتوهقت فيه وانا كنت مسافر .. وبعد ترا الدعوه حراره وانت عارف الحراره وش تسوي بالموتر لو ارتفعت ..
سوبر VTC
22/02/2010, 01:22 AM
مر على ورشة ابو صالح التركي تخصص نيسان
محله بجانب مركز ترايستار
يدلك على المحل الزين :good:

او مر على عدة ورش بالصناعيات
و اسالهم عن افضل محل يسيخ اديترات
اسال على الاقل 6ورش سعوديين يمنية هنود باكستان
و شف تصويت راي الاغلبية منهم
على المحل الزين

موفق
راعي الطلعات
22/02/2010, 01:54 AM
وعليكم السلام والرحمة

فيه مثل يقول اسئل مجرب ولا تسئل طبيب :)

اخوك معه باترول جربة الورشه السعوديه ولا كانهم سوو شي شغلهم عادي ولا انصحك بهم

لكن كا مجرب عندك ورشة البركات او البركه لوحته زرقاء وهذي صوره لشرح لموقعهم واسم العامل ظافر ومعي رقمه اذا كنت تبي رقمه ارسله لك على الخاص

http://file6.9q9q.net/local/thumbnail/26123685/600x600.png


وضعت لك الاماكن الي عليها الوان كا دلالات على الاماكن الي حولك وللتقريب للوصف
اللون الاصفر بنك الراجحي
اللون الاحمر مكان الورشه ورشة البركات
اللون الازرق مركز صيانة و ميزان للسيارات (مركز جديد)
اللون الاخضر ورشة العظيب
اللون البني المركز السعودي

لكن بدلك مع اقرب طريق لما يجيك بنك الراجحي على يدك اليمين لف معه يمين ثم لف يسار مع اول لفه راح تكون الورشه على يدك اليمين ورشة البركه او البركات

طبعاً الورشه في الصناعية القديمه اسعارهم معقوله جداً بس بكل صراحه ماشاءالله ولله الحمد الحراره اختفت ومع العلم اني مركب عندهم مراوح كهرب ومنظف الرديتر في نفس الوقت من شهرين او اكثر

وأسئل الله لك التوفيق