مشكلة في الفكسار Vxr

[ابوابراهيم333]

السلام عليكم ورحمة الله وبركاته

انا مشكلتي احسها عويصة شوي

اول شىء الدبل عندي كان فيه مشكله بحيث اني لو اشغله وانت ماشي ولفيت الطارة على الآخر الطارة السيارة تمسك وتوقف وبعض تسمع صوت طقه
طبعاً خليتها ولا رحت شيكت لان دخلاتي للبر قليلة مع العلم اني فاصل الدفع الرباعي المستمر وما اضن انه اهو الي مآثر لان فيه كم واحد من الربع لهم سنين وهم فاصلين الموتر ولا اشتكوا منها

والحين قبل فترة طلع معي صوت غريب ومستمر مع المشي

طبعاً الصوت ما يطلع الا اذا كانت السيارة بنمرة وانا ماشي طبعاً ما يطلع بس اذا فكيت رجلي عن الدعسه يبدا يطلع الصوت (تك،تك،تك) اول ما تدعس او تضغط الكلتش يروح الصوت

وصار لي فترة ما شغلت الدبل وامس شغلته وقلت خل اجرب السيارة والصراحة ما سكه مع اللفات بزيادة ويوم فصلته احس الصوت الي يطلع بعد ما تفك الدعسه زاد صوته

طبعاً امس رحت شحمت العمدان وشيكت على زيوت الدفرنس لكن الصوت ما راح والصراحة انا اشك في عمود الدبل لاني لما اضربه بيدي يبدا يطلع صوت ويهز معي مع الضرب

فقلت لازم اشاوركم قبل ما اروح للورش واشوف هناك لان خبركم يعطيك احتمالات وهو من جنبها وانواع الخساير

والله لا يهينكم واسف على الاطاله

[ن م ر]

أولا : مشكلتك يا أخي الكريم بسيطة ان شاء الله ولا توسوس في موترك ثمن تعافه نفسك والمسألة سهله ولا تنسى التوكل على الله دائماً
ثانيا : ما ذكرت موديل السيارة
عاشراً :التحليل الفني


اول شىء الدبل عندي كان فيه مشكله بحيث اني لو اشغله وانت ماشي ولفيت الطارة على الآخر الطارة السيارة تمسك وتوقف وبعض تسمع صوت طقه


أتوقع والعلم عند الله هذا الصوت من عكوس الدبل





والحين قبل فترة طلع معي صوت غريب ومستمر مع المشي
طبعاً الصوت ما يطلع الا اذا كانت السيارة بنمرة وانا ماشي طبعاً ما يطلع بس اذا فكيت رجلي عن الدعسه يبدا يطلع الصوت (تك،تك،تك) اول ما تدعس او تضغط الكلتش يروح الصوت





اتوقع والعلم عند الله الصوت هذا من صليب عمود الدبل








ارجو اني افدتك والأخوان ما يقصرون خبرتهم أكثر مني

[دله وفنجال]

السلام عليكم


هلابك اخوي الغالي والموضوع بسيط ونا اخوك


المشكله الاولى : . يجب عليك انك اتشيك على التروس في الدفرنس المامي ( الكارونه ) او العكوس يمكن المشكله منها .. ويبدولي انك من الناس الي ماتشحم العكوس ابد او انك تأخر عليهن لذلك يمكن انها تاكلت عندك مع الوقت .. انت شيك عليهن قبل لاتجي الدبل نفسه.. تشحيم العكوس من 35000 الف الى 45000 كيلو .

المشكله الثانيه : صوت الطقطقة اذا كان يطلع عندك بعد ماتشيل رجلك من الكلتش فهذا معناته ان فحمة الكلتش عندك تعبانه وصاير فيها فضاوه لذلك يطلع الصوت .. بس لاتخاف لاتغيره الا اذا جيت اتغير الكلتش لان تغييرته بنفس سعر تغيير الكلتش .. هذا اذا انت تقدر تصبر على الصوت ..

عموماً هذا للي مواترهم من 98 وطالع ..

ارجو اني افدتك ونا اخوك واسفين على القصور ..

[رفيع المقآم]

ما قصرو الاخوان لكن انت شيك على الزيوت وشحم ترى حنا بموسم الامطار يعني كنك بالدمام او المناطق البحريه واي صوت يطلع معاك على طول اسال عنه وصلحه اذا تبي موترك لان الصوت او مايطلع تلقا المشكله بسيطه واذا تاخرت تكبر وتكبر وتصير ))))))))))))عوييييصه((((((((((((( اهتم شوي ههههههه صاير ابوك على غفله

[ابوابراهيم333]

موديل السيارة 99

وبالنسبة لاخوي الي ذكر صوت فحمة الكلتش خابرها وهذي صوتها طالع عندي من زمان وعادي صابر عليها لان اهي طبيعتها كذا

لكن صوت الطقطقة الي اتكلم يجي بمجرد ما افك رجلي عن الدعسه وهي بنمرة لكن من اضغط الكلتش ولا افضي القير يروح

وفحمة الكلتش اذا فضيت القير وفكيت الكلتش يجي صوتها


وياليت اذا فيه ورشه تمدحونها في الشغل والذمة تعلموني عنها لان الصراحة مالي في الدوجة وسط الصناعية

والله لا يهينكم
ويجزاكم خير

[ن م ر]

الدبل عندك سليم والمشكله ما تتعدى عكوس وجلد عكوس
لأن الدبل اذا خرب في الموديلات هذي توقف السيارة ولا تتحرك يعني يجيم القير


وان شاء الله ما يقصرون الاخوان في الورش الممتازه

[ابوابراهيم333]

رحت يم العضيب حق لاندكروزر

وقالي العمود ولا الصلبان

ورح افحصها عند محل متخصص رحت لم المحل وقالي الصوت من القير

رحت لم ميكانيكي وشاف الموتر وقالي ان الصوت من التروس وازين لك اشترلك قير ياباني الي يجي استعمال ياباني لانك لو تصلحها بيرجع الصوت

وكلامه مومقنعني لانه يقول الصوت من التروس لان فيها فضاوة علشان كذا يطلع الصوت طبعاً القير عادي

واحترت ما دري وش اسوي

والحين احس الصوت صاير من قدام واذا ضغطت على الكلتش احس مع صوت الطقه في ردعه خفيفة تحسها تحت رجليك

[دله وفنجال]

السلام عليكم...



اخوي الغالي ابو ابراهيم الله يفك كربتك ويعجل بلفرج عليك ...

اخوي العزيز والله مشكلك غريبه بس يومنك رحت لم العضيب من قابلت من المهندسين السوداني ابو خليل او السوري كنعان اذا كان مافيه الا السوري فشوري عليك خل الورشه بهله لان السوري هذا حرامي من الدرجه الاولى ولاعنده سالفه ولا يفهم بشغل الميكانيكا .. اما من ناحيت القير اذا كنت خابر ورشه اتوضب ممتاز فوضبه وحرص انك انت الي تجيب القطع وتابع الشغل لانه مهما كان ماتضمن الورش والغش .. اما اذا تبي نصيحتي فتراي قد نشدت عن القير العادي للـvx-r 2001 من عند عبداللطيف جميل وقالي 6000 ريال وكسور وعليه ضمان ونت الي تفكه من صندوقه ... اما اسعار التوضيب الاصليه تبي تاكلك حول الشغله يمكن اقل بألف او الفين ...

الله يعينك على الدوران بين الورش بس تاكد يمكن مايحتاجله توضيب يمكن يبيله تغيير زيت او تنضيف للقير بس يبيلك مهندس مضبوط وامين ...


ااسف على الاطاله...

[ابوابراهيم333]

مشكور الله يعافيك والي قابلته واحد سوري

والله ييسر لنا ولكم ونلقا حل للمشكلة

[ناجل سمار]

وعليكم السلام -مشكور اخي العزيز من سؤالك استفدت كثير من اجوبة الاخوان

[shaheenshah]

اخوي قير موترك ما فيه شي وانتبه يلعبون عليك وتغيره ولا تفكه المشكلة عندك يا عمود يا عكوس ما تعداها
تروس القير لو فيها شي كان تسمع قروشه يعني صوت جرش قوي

[ابوابراهيم333]

هذا الي انا اقوله بعد والصراحة احس الطقة تحتي وعلى قدام

[ابوابراهيم333]

طبعاً مالقيت الحل ياشباب الين الحين

ومن كم يوم رحت اسوي ترصيص ارضي للسيارة من عند العضيب ويوم خلص من الكفرات الي قدام

رفع السيارة من ورا وخلا كفر واحد من الخلفية مرتفع ومشا الكفر بالالة وبدا يطلع صوت زي الطحن قوي مرة تقول صوت كارونة واول مرة اسمعه وجرب الكفر الثاني ونفس الشىء طلع الصوت

ونزلت السيارة وقلت شكلها خربت الكارونة وبديت امشي عليها والسيارة طبيعية ولاكانه في شىء غير الصوت الاول معناته انه مهوب من الكارونة

وركب معي واحد ورا وقال انه يحس الصوت من عند الكفر الايمن الخلفي يطلع

(مع العلم اني قبل فترة غيرة القماشات عند واحد احسه عليمي وركبت اصلي بس قام يوزن وقالي تعال بعد اسبوع علشان اوزنها ولا رحتله وصار للموضوع اكثر من شهرين)

هل تتوقعون ان المشكلة من القماشات صوت الطقطقة هلي ما يطلع الا اذا رفعت رجلي ياليت تعلموني تكفون وليش يوم رفع السيارة طلع صوت قوي مرة جرش ويوم نزلت ومشيت عليها راح صوت الجرش

نسيت اقولكم : احس بطقة اذا عشقت القير ولا قومة الموتر بسرعة ولا اذا ضغطت الكلتش بعض الاحيان

والسموحه منكم في التطويلة عليكم

[ن م ر]

موترك قد تعرض لحادث ؟؟؟

[سوبر VTC]

اي موتر بالزفلت
اذا كان لاف لاخر شي مايمشي الموتر
خصوصا اذا كنت شابك الدبل
لدرجة تسمع طقطة لصليبات راس العكس

[ابوابراهيم333]

موترك قد تعرض لحادث ؟؟؟

لا الحمد الله ما جاه حادث

[ابوابراهيم333]

اي موتر بالزفلت
اذا كان لاف لاخر شي مايمشي الموتر
خصوصا اذا كنت شابك الدبل
لدرجة تسمع طقطة لصليبات راس العكس




مرحبا اخوي

صحيح كلامك بس الصوت الخلفي الي يطلع طقطقة خفيفة متتالية في الكفر اليمين وش ممكن تكون

وليش يوم رفعت السيارة ارصصها من الخلف ارضي طلع صوت زي الجرش ويوم مشيت عليها ما عاد صار فيها صوت الجرش

وشكراً

[سيف111]

الوكاله يحددون المشكله وبعدين صلحهاعلى كيفك

[حبو 1]

طبعاً الصوت ما يطلع الا اذا كانت السيارة بنمرة وانا ماشي طبعاً ما يطلع بس اذا فكيت رجلي عن الدعسه يبدا يطلع الصوت (تك،تك،تك) اول ما تدعس او تضغط الكلتش يروح الصوت

هاذي فحمة الكلتش ولازم تفك القير علما بأن سعرها 77 ريال وعادي ماتضر

[ابو اسرار]

عندي طقه في العكوس عند اتعشيق فكسار تمتيك