المساعد الشخصي الرقمي

مشاهدة النسخة كاملة : دبل اليوكن


ff34d
16/02/2010, 11:08 PM
السلام عليكم ورحمة الله وبركاته
مالكم في الطويله
عندي جمس يوكن دبل من يوم شريته طبعاً مستخدم صارت تطلع معي هذي العباره


http://www.gulfup.com/gfiles/12663496951.jpg (http://www.gulfup.com/)


طبعا قلقت في البدايه قلت يمكن يكون خراب في الدبل
قريت احد المواضيع تحكي نفس المشكله مع احد الاعضاء الافاضل
الي قله طنش هذا تهنيق في النظام مادام ان الدبل شغال ما فيه اي مشاكل ... والي قله غير حساس الدبل وتكلفته 300ريال من غير التركيب ... والي قله شحم التروس .... والي قله روح للكهربائي وفك مجموعة الازرار حقت الدبل وخله يعيد تلحيمها من جديد لان التلحيم حق بلاده ضعيف ويسبب التماس ويصير التهنيق الي صاير معك ,,,,, كلام كثير انقال عنه والصراحه كلام من ذهب
طبعا انا طنشته وصرت بعد ما اشغله واطفيه يسوي بعض الحركات الي ترفع الضغط يتنقل على كيفه
مثل ما في الصور الي مستغرب منه انه احيان يكون في وضع N ويمشي طبيعي


http://www.gulfup.com/gfiles/12663496952.jpg (http://www.gulfup.com/)



http://www.gulfup.com/gfiles/12663496963.jpg (http://www.gulfup.com/)




طريقتي في التشغيل في كلا الحالتين الدبل الثقيل او الخفيف اوقف واشغله بعدين امشي الاماندر اشغل الخفيف وانا ماشي واحيان اطفيه وانا ماشي
بالنسبه للثقيل / طريقة الفصل ارجع ورى تقريبا مترين وافصله اما الخفيف بس اوقف


المشكله انه قبل يويمن وانا ماشي على مهلي من غير ما ادري حسيت زي المطبات لكن الشارع ما فيه اي مطب بسرعه وقفت اناضر الا الحبيب شابك الدبل الثقيل وقفت وفصلته وصار الوضع طبيعي الحين


س/ ايش المشكله بالزبط اغير حساس ولا اشحم التروس ولا ايش الحل
_دربيل_999
17/02/2010, 01:50 AM
أخوي..
السيارة اللي تشغل الدبل من نفسها..
لها إحتمالين الاول التماس في الاسلاك الموصولة بالدبل..
الاحتمال الثاني الحساس المسؤل عن تحريك تعشيق الدبل فيه خلل..
وفقك الله
الروقي
ff34d
17/02/2010, 07:42 PM
أخوي..
السيارة اللي تشغل الدبل من نفسها..
لها إحتمالين الاول التماس في الاسلاك الموصولة بالدبل..
الاحتمال الثاني الحساس المسؤل عن تحريك تعشيق الدبل فيه خلل..
وفقك الله
الروقي


الله يوفقك لكل خير

الاحتمال الاول // وين ممكن يكون الالتماس
الاحتمال الثاني // حله معروف تغيير الحساس
_دربيل_999
17/02/2010, 08:10 PM
الاحتمال الاول // وين ممكن يكون الالتماس
اخي الكريم..
في الدبل أسلاك من تحت وكذلك في الدفرنس الأمامي ممكن أحدها تعرض إما لحرارة العادم وقام بتعريته..أو أثناء السير في المناطق البرية يحتك مع الأسلاك أجسام صلبه تحدث فيها شقوق...وتسبب الالتماس..

قبل كل شيءافحص الأفياش التحتيه يمكن الفيش راخي ويبي تثبيت
لانه اذا صار يتخبط ممكن راخي ..

الاحتمال الثاني // حله معروف تغيير الحساس
وفقك الله
الروقي
سوبر VTC
17/02/2010, 09:58 PM
اكثر خراب اليوكن و الجمس
من حساس الدبل ب350ريال
ادخل هالرابط بالصور :good:

مشكله دبل اليوكن مايشتغل - منتديات مكشات (http://www.mekshat.com/vb/showthread.php?t=264381)

واحد معه يوكن 2005 اذا حط الدبل على 2H مايمشي الموتر
و اذا حطه على AUTO يمشي
واحد ثاني اذا حط الدبل على AUTO مايمشي الموتر و اذا حطه على 2H
يعني عكس بعض


تحصل الورش المتخصصة بالرابط السابق
اهم شي مر على كم3 او 4 او 5 ورش :good:

موفق
بدران9
17/02/2010, 11:09 PM
اهم شي مر على كم3 او 4 او 5 ورش :good:نصيحة اذا كنت من الرياض فأنا قبلك لفيت الصناعية كلها علشان مشكلة الدبل وفي النهاية طحت في نصاب شامي على كيف كيفك... جلس الموتر عنده يومين وصخ لي الفرش وركب صوفه جديده وهربت وفوق هذا كله ماصلح الدبل :mad:

طيب وين اروح له اجل؟؟
رح للمراكز الكبيرة تاريستار اوتوستار شالنجر لا تتعداهم يكفي ان نظامهم نظام شركات حتى لو خذوا عليك زود خمس مية ريال عن غيرهم... مع ان اسعارهم مناسبه نوعاً ما... لكن متخصصين في اعطال الامريكي...

او اضعف الايمان لا تروح الا لورشه عندهم فحص كمبيوتر لان ان كان العطل من الحساس راح يكشفه لك الكمبيوتر بنسبة 90% اما ان كان العطل ميكانيكي فالله يعينك..
سوبر VTC
18/02/2010, 02:40 AM
نصيحة اذا كنت من الرياض فأنا قبلك لفيت الصناعية كلها علشان مشكلة الدبل وفي النهاية طحت في نصاب شامي على كيف كيفك... جلس الموتر عنده يومين وصخ لي الفرش وركب صوفه جديده وهربت وفوق هذا كله ماصلح الدبل :mad:

طيب وين اروح له اجل؟؟
رح للمراكز الكبيرة تاريستار اوتوستار شالنجر لا تتعداهم يكفي ان نظامهم نظام شركات حتى لو خذوا عليك زود خمس مية ريال عن غيرهم... مع ان اسعارهم مناسبه نوعاً ما... لكن متخصصين في اعطال الامريكي...

او اضعف الايمان لا تروح الا لورشه عندهم فحص كمبيوتر لان ان كان العطل من الحساس راح يكشفه لك الكمبيوتر بنسبة 90% اما ان كان العطل ميكانيكي فالله يعينك..



طيب هالورش ؟ :good:
من الاخ مجلان







عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...
والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب
وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه
وفي عندك صناعية ام الحمام ورشة القحطاني رقم 11 سوداني فلته في الكهرباء


بارك الله فيكم وجزاكم الله خير...
Magellan
18/02/2010, 11:39 AM
طيب لاتهاوشون ياسوبر vtc وبدران:D
هذا واحد من ربعي نفس مشكلتك ياراعي الموضوع يشبك ويفصل على كيفه وبعض الاحيان على الثقيل
المهم ناوي يروح لهله في الهلالية بالقصيم وعارف الموتر يخاف يبهذله بالخط
فرفر بالصناعية لين وصفوله ورشة آل موسى انتبه اسمها (تشليح آل موسى) فيه سوري ركبه له بـ150 ريال والقطعه حساس كبر حجم الريال المعدن مرتين بـ350 لقاه عن دوير الخرج
وصلح معه لين باعه:good2:
بدران9
18/02/2010, 03:12 PM
طيب هالورش ؟ :good:
من الاخ مجلان



عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب
وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه
وفي عندك صناعية ام الحمام ورشة القحطاني رقم 11 سوداني فلته في الكهرباء
بارك الله فيكم وجزاكم الله خير...



سؤال استاذي سوبر فتك..

اللي يصلح القيور هل يكون متخصص مثلا في القير والكارونه والدبل؟؟

يعني يعني نقدر نقول اخصائي اذن وانف وحنجره :D ؟؟
بدران9
18/02/2010, 03:25 PM
طيب لاتهاوشون ياسوبر vtc وبدران:D



هو اللي يهاوشني :D
ff34d
19/02/2010, 03:58 AM
الدعوه انه احتد النقاش بين الكبار سوبر vtc وبدران
واشكر كل من رد على الموضوع ونورني
انا مو من الرياض من الطائف
الله يحفظكم
ff34d
19/02/2010, 03:59 AM
طيب عندي استفسار
ما اقدر اولف حساس عند المخرطه حديد بحكم انه فيه عيوب مصنعيه ؟؟؟؟؟
Magellan
19/02/2010, 08:28 PM
وسع صدرك يابدران:p
تبي نحشر هالقصمنجي ماعندي مانع:D
تراي قريب منه بالغاط يعني مشوار ساعه:p
..........
وياراعي الموضوع خذ ديلفي ممتاز يعني قطعه مكتوب عليها ديلفي اوGM أفضل من اي سيديلكو
وإن شاء الله ماهي خاربه عليك
بدران9
21/02/2010, 12:05 AM
الدعوه انه احتد النقاش بين الكبار سوبر vtc وبدران
واشكر كل من رد على الموضوع ونورني
انا مو من الرياض من الطائف
الله يحفظكم

عندكم مركز السواط :good:


وسع صدرك يابدران:p
تبي نحشر هالقصمنجي ماعندي مانع:D
تراي قريب منه بالغاط يعني مشوار ساعه:p
..........

لوه 4200 او 4500 ماعندي مانع :D

لاكن 4800 بيني وبينك له هيبه :j






.................................................. ......................
ff34d
24/02/2010, 03:30 PM
http://www.gulfup.com/gfiles/12663496952.jpg (http://www.gulfup.com/)






بسم الله الرحمن الرحيم
البارح مريت على ورشه ان شاء الله انهم اميني في شغلهم وكشف على الدبل واعطاني التقرير
شو طلع فيه
طلع ان الفيش حق تغيير نمر الدبل فيه التماس وتغيره 250 ريال
انا قريت موضوع عن فك وتلحيم الافياش من جديدي لكن والله اني ضيعت ماكن الموضوع وتعبت وانا ادور عليه ياليت الي يعرف او عنده الرابط حقه يفيدني والكم مني جزيل الشكر والتقدير