النصيحه يالربع ودى اشترى جهاز وغشيم اخوكم

[راعى شاهين]

سلام عليكم ودى اشترى جهازنوفى 780 وكم سعره وهل هو افضل شىء موجود الان او 760 افضل وجعل من جابكم مايجيه النار

[Red Hat]

وعليكم السلام ورحمة الله و بركاته
ياخوك دعوتك مع هالصبح تشرح الصدر الله يشرح صدورنا بالايمان وطاعة الرحمن

شف يالغالي كلهن زينات ..

يعتمد اذا تفرق الاسعار واجد لان ماهنا فرق في المواصفات كثير وانت حدد وش يهمك في ال جهاز

مثل بلوتوث .. شكل المباني ثلاثي الابعاد ... وهالشغلات اذا ماتهمك يمكن حتي في انواع تناسبك غير الي ذكرت ..

[q8salem]

استكمالا لكلام أخونا Red Hat (http://www.mekshat.com/vb/member.php?u=154451) وعند مراجعة موقع شركة جارمن وجدت ان هالأنواع تم وقف تصنيعها يعني صارت قديمة ،، بس ما تفرق اذا شريتها من الوكيل في المملكة وعطاك عليها كفالة مع العلم انها ما تخرب بسهولة وتعمر لسنوات.

الاختيار يحدده السعر ولو تلقى شيء مستعمل ورخيص يكون أحسن لك توفر .

وتقدر تلقى بالانترنت هذي الموديلات والأحدث بأسعار منافسة لأسعار المحلات عندنا في الخليج وخصوصا في الكويت والمملكة اللي زايدين السعر على غير معنى.

مثلا انا توني شاري 760 من النت بقيمة 55 دينار اي ما يعادل 720 ريال وطلبته على طول عندما عرفت ان واحد من الربع شاري نفسه من الوكيل قبل اسبوع بقيمة 120 دينار يعني أكثر من 1500 ريال.

وبعضها تكون شاشتة 5 بوصة أو 7 بوصة حسب ما تحتاج.

أتوقع تلقى الموديلات الحديثة أو هذه بقيمة لا تتجاوز 1200 ريال وانت تحط عليها الخرائط اللازمة.


مع تمنياتي لك بالتوفيق

وانت لك الاختيار

[عبدالله.د]

عندي نوفي 780 ..

إذا لك رغبة فيه ..

بـ 1150ريال

[راعي طفات]

قبل فترة تقريبا 4 شهور أخذت نوفي 780 ومن تجربتي له ممتاز ماشاء الله تبارك الله

من عيوبه أنه لايحفظ مسار الرحلة ( الطريق الي أنت مشيته )

اما الباقي مايحتاج

وسمعت انه يفرق عن الـ 760 بسرعة التصفح

توكل على الله وخذ لك واحد ولا هو بخسارة

سعره من 900 - 1000 طبعا من غير الوكيل ( يعني من الي يبيعونه بالنت )

لكن تراهم يجيبون نوعين مجدد وجديد

خذ الي كرتونه أسود مع أزرق وليس أبيض مع أزرق

ومعه ملحقاته كامله وكان حصل تاخذ معه شاحن بيت وبعضهم يحط معه شنطة وأهم شي يكون محمل بالخرايط الجديدة طبعا الخرايط تكون مكركة يعني من النت ومكسورة حمايتها

وكانك مانتب راعي طلعات واجد فيمكن برنامج القارمن الي يركب على الجوال يكفيك ويقضي لزومك

أهم شي جرب قبل تشتري وشف يناسبك ولا لا

موفق لكل خير

مر على منتدى بيع أجهزة الملاحة بهالموقع وتحصل الي تبي

[Abu-Nawaf]

او جرب هذا العروض
http://img513.imageshack.us/img513/7240/garmin2m.jpg

[الشنه]

شف وانا اخوك خير الكلاك ما قل ودل



http://mekshat.com/vb/showthread.php?t=244216

[Red Hat]

قبل فترة تقريبا 4 شهور أخذت نوفي 780 ومن تجربتي له ممتاز ماشاء الله تبارك الله

من عيوبه أنه لايحفظ مسار الرحلة ( الطريق الي أنت مشيته )

اما الباقي مايحتاج

وسمعت انه يفرق عن الـ 760 بسرعة التصفح

توكل على الله وخذ لك واحد ولا هو بخسارة

سعره من 900 - 1000 طبعا من غير الوكيل ( يعني من الي يبيعونه بالنت )

لكن تراهم يجيبون نوعين مجدد وجديد

خذ الي كرتونه أسود مع أزرق وليس أبيض مع أزرق

ومعه ملحقاته كامله وكان حصل تاخذ معه شاحن بيت وبعضهم يحط معه شنطة وأهم شي يكون محمل بالخرايط الجديدة طبعا الخرايط تكون مكركة يعني من النت ومكسورة حمايتها

وكانك مانتب راعي طلعات واجد فيمكن برنامج القارمن الي يركب على الجوال يكفيك ويقضي لزومك

أهم شي جرب قبل تشتري وشف يناسبك ولا لا

موفق لكل خير

مر على منتدى بيع أجهزة الملاحة بهالموقع وتحصل الي تبي
الله يجزاك خير اخوي راعي الطفات .............. لكن سالفه انه مايحفظ مسار صراحه صدمه ..

هل جهاز 785 يحفظ ولا مثل خويه :) سوا عن تجربه او اي احد من الاخوان يفيدنا لان المسارات مهمه .. والله يوفق الجميع

[راعي طفات]

الله يجزاك خير اخوي راعي الطفات .............. لكن سالفه انه مايحفظ مسار صراحه صدمه ..

هل جهاز 785 يحفظ ولا مثل خويه :) سوا عن تجربه او اي احد من الاخوان يفيدنا لان المسارات مهمه .. والله يوفق الجميع
واياك اخوي الغالي

وفعلا حفظ المسار ضروري جدا

وكلامي من خلال تجربتي للجهاز ووضعت تساؤل عن إمكانية حفظ المسار ولم أجد من يفيدني بذلك

لكن . . .

عندما تضع الجهاز على وضع إظهار المسار فإنه يرسمه لك ويبقى في الجهاز مسارك وأي طريق مشيته في حال تشغيل إظهار المسار , ولكنها مستقبلا تتداخل المسارات وتكون الشاشة كلها مسارات زرقاء متداخلة

وعند حذف المسار فإنه يحذفها جميعا ولا يوجد خيار حذف واحد منها <<< حسب ما أعرفه وتجربتي له

فإن كان هناك طريقة تحل هالإشكالية فهذا مانتمناه

أما 785 فلا علم لي به ولكن تأكد أنه يقبل الخرائط المكركة , لأني قرأت قبل فترة عن جهاز نسيت اسمه لايقبل الخرائط المكركة

وفقك الله بالجهاز الذي يرضي طموحك ويخدمك

[الشنه]

عموماً
اذا مقتنع ب 760 نوفي
اعرف واحد من الربع يشاور نفسه وده يبيعه
لعدم وجود البوصله وحفظ المسار

وجهازه اخو الجديد
ماله شهر معه
وفيه خرايط الصحرا والبراري ودول الخليج

وزي ما قلت لك الرجال يراوي
وده ولا وده

[naiffk]

لو تسأل الوكيل عن افضل موديل راح يقولك موديل 715
خذه ولاتندم لأنه شامل كل المواصفات وسعره 1500ريال

[المريعي]

ياجماعة راعي البر لا ياخذ الا 276 c

صراحة جربت النوفي و276

فرق السما والارض