بلا بطارية ثانية بلاهم - بديل بأرخص الاسعار / / فهد العاصمي

[فهد بن مشبب العاصمي]

السلام عليكم ورحمة الله وبركاته


كيف حالكم يارجال


حيالله كلن باسمه


هذه اول تجربه لي مع انها بسيطه لكن القادم افضل واقوى بإذن الله


طبعا بداية الفكرة - اني فكرت في تركيب بطارية ثانيه وتوصيلات الكهرب كامله .. ويوم شفت الاسعار ترددت لأن الميزانية ماتساعد والوقت ضيق حيث اني خلصت الاختبارات الثلاثاء مع الطلاب والاربعاء متواعد مع رجال شرواكم بنكشت لمدة اسبوع



شفت الاشياء اللي احتاجها ويبيلها كهرب لقيتها بسيطة ماتحتاج لبطارية ثانيه .. لمبات - شحن بطاريات كميرا وفلاشات . . شحن جولات اشياء بسيطه ..


موتري بين المرتبتين الامامية فيه تكاية فتك كبيره والموتر ربع فصاير فيه مساحة تحت فاضيه اللي هي بالاساس تكون تكاية الفتك الاسياسية ولا منها اي فايده فقررت استفيد منها بهالطريقة ..


الادوات : 1 / لوح خشبي سميك .. مايكلف 20 ريال


http://farm3.static.flickr.com/2757/4367049675_02482a5172_o.jpg


كنت ناوي تلبيس اللوح جلد يناسب لون التكاية والمراتب لكن لضيق الوقت ماقدرت .. وبسبب اني بعيد تصميمه من جديد لضبط المقاسات بشكل اقوى بسبب غلطه بسيطة وهي قص سانتي واحد من الجهه العلوية وهو بالاساس من الاسفل بحيث تكون طابقة صح




2 / محول كهرب 220 ياباني ب 95 ..

3 / توصيله ب 35 مجربه تتحمل

4 / وصله تحول من طفاية السياره لثلاث فتحات طفاية ب 15 بحيث يشبك المحول في احدها وشاحن الجوال في الثاني والثالث للأحتياط . . أو لأي شي آخر ..


http://farm5.static.flickr.com/4034/4367049679_67e8aa395d_o.jpg



طريقة العمل :

* تم قياس المكان اللي ابي اسقط فيه اللوح ويكون هو القاعدة الاسياسية

* قص اللوح على الشكل اللي ابيه

* تثبيت المحول باربع مسامير صغيره باطرافه لكي اضمن عدم التحرك . .

* تثبيت لوح خشبي صغير لضمان عدم تحرك التوصيله


http://farm5.static.flickr.com/4044/4367049681_f7c19d7caa_o.jpg


.. طبعا التوصيله تعمدت اخذت هالنوع لأن سلكها طويل وسميك وعشان لو بغيت انزلها من السياره اقدر والشيء الثاني تتحمل وتمنع الاحتكاك بين التوصيله والمحول كما في الصورة الأخيره


النتيجه وهي راكبه على السياره بعد الكشته ..طبعا بعيدها على رواقه وبقيسها صح وبلبسها جلد زي لون التكاية وبضيف اشياء اخرى ان شاء الله ..


http://farm5.static.flickr.com/4025/4367049683_4845036bd3_o.jpg


الإيجابيات : شغل سهل وبسيط وغير مكلف وعملي حيث ان اغلب الوقت كنا نشحن بطاريات الكميرا والجوالات .. وماشاء الله ماتحركت


السلبيات : انه من الافضل ان المحول يكون من البطارية على طول بحيث انك تضمن انه لاقدر الله احترقت فيوز أو نفس الطفاية مايتعطل شغل ..

طبعا التكلفه : 20+95+15+35 = 165 ريال


.. جزاكم الله خير على المرور وأي سؤال او اضافه نستفيد منكم

أخوكم : فهد العاصمي

[حسين ابو فيصل]

ما شاء الله شغل عدل

[مروي الظامي]

ماشاء الله تبارك الله
فكره رائعه وبسيطه
جزاك الله خير

[عاشق السيل]

ماشاء الله تبارك الله على الشغل السنع والمرتب والمميز وفي فوائد كثيرة وبأقل الأسعار ،،

بارك الله في جهودك أخوي بس ياليت توضح وين مكانه بالضبط لأني عجزت أبرمج الصورة وليتك تصور المكان من زاوية أبعد علشان أفهم بس !!

بيض الله وجهك كفيت ووفيت وتقبل مروري الغالي ....

[نباك]

طيب وش دخل البطاريه الثانيه في الموضوع

[السبع2]

فكره زينه جزاك الله خير
ولكن لي ملاحظه على عنوان الموضوع

[فهد بن مشبب العاصمي]

ما شاء الله شغل عدل


جزاك الله خير وتسلم على المرور

[فهد بن مشبب العاصمي]

ماشاء الله تبارك الله
فكره رائعه وبسيطه
جزاك الله خير

مرحبا بك ياهلا .. الاروع تواجدك ولاهنت


ماشاء الله تبارك الله على الشغل السنع والمرتب والمميز وفي فوائد كثيرة وبأقل الأسعار ،،

بارك الله في جهودك أخوي بس ياليت توضح وين مكانه بالضبط لأني عجزت أبرمج الصورة وليتك تصور المكان من زاوية أبعد علشان أفهم بس !!

بيض الله وجهك كفيت ووفيت وتقبل مروري الغالي ....

جزاك الله خير ياخوي ويشرفني ان الفكرة اعجبتك ..

سم تفضل هذي الصورة توضح

والتكاية مسكره

http://farm5.static.flickr.com/4031/4367316895_9aa7dfe568_o.jpg

والتكاية مفتوحه وأظن المكان واضح

http://farm5.static.flickr.com/4025/4367316903_5a7186c8ea_o.jpg

واذا ماوضح قلي وأنا اخوك ولاهنت على المرور


...........................................

حياك الله

طيب وش دخل البطاريه الثانيه في الموضوع

اولا السلام عليكم

بالنسبه للبطارية الثانية اغلب الشباب يركب بطارية ثانيه عشان هالامور مثل لمبات وغيرها طبعا باستثناء اللي بيركب ثلاجة واشياء تحتاج كمية كهرب كبيره ..

وحياك الله


فكره زينه جزاك الله خير
ولكن لي ملاحظه على عنوان الموضوع

الله يزين ايامك ويجزاك خير .. تسلم واشكرك على ابداء رأيك وانا اخوك

تحياتي للجميع

[رفيع المقآم]

مشكوووور على الفكره الجميله والرائعه كفوووو

[~ V T A C ~]

فكره رائعه وبسيطه

[غربي هواوي]

فكرة حلوة

بارك الله فيك

[فيض العطاء]

فكره رائعه وبسيطه تشكر عليها

[طير شلوا]

مشكور اخوى على الفكره الطيبه ولا قصرت

[aooa]

بس اللي سويته ما له علاقه في البطاريه الثانيه ... لان الهدف من البطاريه الثانيه تشغيل المحول اللي معك على البطاريه الثانيه ولا تتاثر البطاريه الاساسيه في السياره وانت في منطقه بعيده لا وجود للمساعده او اتصال ...

[سالم11]

بس لازم تدق سلف او شابكها على طول من البطاريه

[راع الاوله1]

فكره رائعه وبسيطه تشكر عليها

[جلوبلستار]

شكرا لك اخوي فهد ... فكرة جيدة وتصميم متقن .

[فهد بن مشبب العاصمي]

فكره رائعه وبسيطه


مرحبا بك .. الاروع تواجدك ياذيبان


مشكوووور على الفكره الجميله والرائعه كفوووو

تسلم لي على الطلة وجزيت خيرا


فكرة حلوة

بارك الله فيك

حياك الله وبارك فيك ..




فكره رائعه وبسيطه تشكر عليها


هلابك الاروع تواجدك


مشكور اخوى على الفكره الطيبه ولا قصرت

مرحبا بك والله يطيب ايامك

[فهد بن مشبب العاصمي]

بس اللي سويته ما له علاقه في البطاريه الثانيه ... لان الهدف من البطاريه الثانيه تشغيل المحول اللي معك على البطاريه الثانيه ولا تتاثر البطاريه الاساسيه في السياره وانت في منطقه بعيده لا وجود للمساعده او اتصال ...

أولا : حياك الله في موضوعي وماقصرت على المشاركة

ثانيا : اقرأ ماكتبت بالبداية

ثالثا : انا اعرف ان الهدف من البطارية الثانية تشغيل المحول ولا تتأثر الاصليه .. لكن ذكرت فوق انه للي مايستخدمها لأشياء دائمه وتاخذ كهرب واجد .. وهذي ميزتها متى مابغيت تفصلها من الطفاية .. تفصلها

عموما شاكر لك مشاركتك واي ملاحظات نستفيد منك

[فهد بن مشبب العاصمي]

بس لازم تدق سلف او شابكها على طول من البطاريه


مرحبا بك .. اكيد لازم تدق سلف وانا ذكرت انه من الافضل تمديدها على البطارية على طول عشان لو لا قدر الله تخرب الطفاية ماتتعطل

ولاهنت على المرور

فكره رائعه وبسيطه تشكر عليها

حياك الله والاروع تواجد


شكرا لك اخوي فهد ... فكرة جيدة وتصميم متقن .

عفوا .. وتسلم على الطلة

[أبومنصور]

بارك الله فيك يابو مشبب ...
يعجبني راعي الترتيب والتفنن
وموضوع البطاريه الثانيه فعلاً لمن يحتاجها فقط
مثلاً ثلاجه او حاجات اخرى
اما من يريد شحن بطاريه او اي شي خفيف فلا داعي للتكلف
اشكرك يالغالي


اخوك: أبو منصور

[nayf01]

ياخوان

انا جربت الطريقة قبل موضوعكم

وشغلت الاب توب وضعفت المبة الموجوده في المحول

من ما اضطرنا تشغيل السيارة

وبعد التشغيل شبكت المحول وكل شي على مايرام

وانصحكم في حال استخدام اترانس فارمر لازم يكون موصل بلبطارية
ويكون في وسط سلك التوصيل فيوز حماية .

ثم في حال تشغيل السيارة انصحكم بتطفية اترانس فارمر حتى لايحترق

ودمتم

[عاشق السيل]

جزاك الله خير ياخوي ويشرفني ان الفكرة اعجبتك ..

سم تفضل هذي الصورة توضح

والتكاية مسكره

والتكاية مفتوحه وأظن المكان واضح

واذا ماوضح قلي وأنا اخوك ولاهنت على المرور



واضحة جدا بيض الله وجهك وعساك ووالديك بالجنة .....

[شاطر شاطر]

السلام عليكم
تشكر على الفكره ولكن حسب رأيي ان هناك عيب ميكانيكي وهو ان المحول سوف يحتر في مكان مغلق والافضل ان تعمل فتحات جانبيه ممكن تكون صغيره لتبرد على المحول ولك جزيل الشكر

[خشم الذيب]

فكره ممتازه و سبق اني سويت نفس الفكره تقريبا مع اختلاف المكان

لكن انتبه للمحول حق الولاعه الي يحول من واحد لثلاثه تراه يخرب لكـ الولاعه و المحول

الولاعه انا مغير فيوزاته و المحول صلحته بـ 40 ريال

وفصلت التحويله

[خشم الذيب]

فكره ممتازه و سبق اني سويت نفس الفكره تقريبا مع اختلاف المكان

لكن انتبه للمحول حق الولاعه الي يحول من واحد لثلاثه تراه يخرب لكـ الولاعه و المحول

الولاعه انا مغير فيوزاته و المحول صلحته بـ 40 ريال

وفصلت التحويله وحتى الآن استخدم نفس الطريقه بس بدون تحويله الولاعه من 1 ل3

[abo-lma]

بيض الله وجهك على هالشغل العدل

وخوش فكرة ( على قول أخوانا الكويتين )

وجهد تشكر عليه بارك الله فيك

موفق خير

[فهد بن مشبب العاصمي]

بارك الله فيك يابو مشبب ...
يعجبني راعي الترتيب والتفنن
وموضوع البطاريه الثانيه فعلاً لمن يحتاجها فقط
مثلاً ثلاجه او حاجات اخرى
اما من يريد شحن بطاريه او اي شي خفيف فلا داعي للتكلف
اشكرك يالغالي



اخوك: أبو منصور



مرحبا ومسهلا .. والله يجزاك خير يابو منصور .. انا من المتابعين لمواضيعك باستمرار

وانت راع الترتيب كله ومنك نستفيد ..

لاهنت على المرور وبيض الله وجهك

[خالد بن حمد]

فكرة حلوه
بالتوفيق

[فهد بن مشبب العاصمي]

ياخوان

انا جربت الطريقة قبل موضوعكم

وشغلت الاب توب وضعفت المبة الموجوده في المحول

من ما اضطرنا تشغيل السيارة

وبعد التشغيل شبكت المحول وكل شي على مايرام

وانصحكم في حال استخدام اترانس فارمر لازم يكون موصل بلبطارية
ويكون في وسط سلك التوصيل فيوز حماية .

ثم في حال تشغيل السيارة انصحكم بتطفية اترانس فارمر حتى لايحترق

ودمتم

مرحبا بالذيب ..

ماشاء الله منك نستفيد .. وبخصوص ضعف اللمبه والحمد لله ماشكيت منها ابد والمحول على أزين حال ..

وذكرت انه من الافضل توصيله على البطارية على طول ..

لاهنت على المشاركة


واضحة جدا بيض الله وجهك وعساك ووالديك بالجنة .....

حياك الله ووجهك ابيض ومن يقول ومن يقرا


السلام عليكم
تشكر على الفكره ولكن حسب رأيي ان هناك عيب ميكانيكي وهو ان المحول سوف يحتر في مكان مغلق والافضل ان تعمل فتحات جانبيه ممكن تكون صغيره لتبرد على المحول ولك جزيل الشكر

وعليكم السلام ورحمة الله وبركاته

جزاك الله خير .. وبخصوص ماذكرت فالتكاية فيها فتحتين وحده من الامام والخلف وكلها ليست بالصغيره وطبعا باقي مسافه بين التكاية والمحول تقريبا 30 سم .. وانا مااخفيك حاط ببالي هالشيء ويوم شفت المكان وسيع وفيه تهوية ماشلت هم ..

جزاك الله خير على المشاركة والمرور


فكره ممتازه و سبق اني سويت نفس الفكره تقريبا مع اختلاف المكان

لكن انتبه للمحول حق الولاعه الي يحول من واحد لثلاثه تراه يخرب لكـ الولاعه و المحول

الولاعه انا مغير فيوزاته و المحول صلحته بـ 40 ريال

وفصلت التحويله



فكره ممتازه و سبق اني سويت نفس الفكره تقريبا مع اختلاف المكان

لكن انتبه للمحول حق الولاعه الي يحول من واحد لثلاثه تراه يخرب لكـ الولاعه و المحول

الولاعه انا مغير فيوزاته و المحول صلحته بـ 40 ريال

وفصلت التحويله وحتى الآن استخدم نفس الطريقه بس بدون تحويله الولاعه من 1 ل3

هلا بك والله .. انا ذكرت ان الترتيب كان سريع وانه من الافضل انه يكون على البطارية على طول لأنه لاقدر الله تتلف الطفاية ووتورط ولكن بإذن الله بزينها ازين من كذا .. والمحول اللي يحول لثلاثة الوقت مااأسعفني اني انقي شيء زين مرة او اشوف فكرة اقوى من ذي لكن بنطور الفكره وعسى الله يسهل

ولاهنت على المشاركة والتفاعل وافادتنا بتجربتك



بيض الله وجهك على هالشغل العدل

وخوش فكرة ( على قول أخوانا الكويتين )

وجهد تشكر عليه بارك الله فيك

موفق خير

وجهك أبيض وتسلم على المرور والمشاركة .. جزيت خيرا

[هاوي موتري96]

ياعيني على الناس الذوووووق
ما شا الله والله انك جبتها والحين بقوم بسوي مثلك
انا عندي حوسه واجده واحتاج عقل مدبر مثل عقلك ما شا الله تبارك الله

شكرآآآآآآآآآآآآآآآآآآ

[عمي ياجمال]

ياسيدي سلك التوصيلة الملفوف خطير قد يؤدي لحريق لاسمح الله وكان المفروض أن يكون قصير على قدر الإحتياج بالضبط وكذلك يؤدي الى إستهلاك كبير للبطارية بالإضافة الى التهوية يجب أن تكون جيدة والفتحات اللي تقول عنها أرى أنها غير كافية .
حفظك الله ووفقك ودمت بخير.

[Ahmed Mundi]

ماشاء الله فكرة طيبه وتصميم طيب ..

تسلم عالفكرة ياخوي ..

بارك

الله

فيك .

[ابو مشعل2]

فكرة طيبة

مشكور

[فهد بن مشبب العاصمي]

ياعيني على الناس الذوووووق

ما شا الله والله انك جبتها والحين بقوم بسوي مثلك
انا عندي حوسه واجده واحتاج عقل مدبر مثل عقلك ما شا الله تبارك الله



شكرآآآآآآآآآآآآآآآآآآ



مرحبا بك ومسهلا . . يشرفني اني افيد أخواني بشيء لو بسيط

وحياك الباري

ياسيدي سلك التوصيلة الملفوف خطير قد يؤدي لحريق لاسمح الله وكان المفروض أن يكون قصير على قدر الإحتياج بالضبط وكذلك يؤدي الى إستهلاك كبير للبطارية بالإضافة الى التهوية يجب أن تكون جيدة والفتحات اللي تقول عنها أرى أنها غير كافية .
حفظك الله ووفقك ودمت بخير.

اول شيء سلم . . وممكن تفيدنا وش سببها في الحريق وان طوله يؤدي الى استهلاك كبير وفتحات التهوية اشوفها كافيه قبل ان اكتب الموضوع

وجزاك الله خير على المشاركة اتمنى مايكون اسلوبك هجومي وشكرا


ماشاء الله فكرة طيبه وتصميم طيب ..

تسلم عالفكرة ياخوي ..

بارك

الله

فيك .

هلا ومرحبا .. ومن قال سالم وبارك فيك


فكرة طيبة

مشكور


الاطيب تواجدك لاعدمناك

[مخاوي الليل1]

السلام عليكم
فكره رائعه
بس ايش دخل البطاريه الاظافيه في الفكره

[فهد بن مشبب العاصمي]

السلام عليكم
فكره رائعه
بس ايش دخل البطاريه الاظافيه في الفكره

وعليكم السلام

حياك الله

الاروع تواجدك

راجع الردود السابقة وشكرا لك

[راعي الطلعات]

ماشاءالله عليك شغل مضبوط بس حتى الان هذا العمل يحتاج إلى بطاريه إضافيه

بالتوفيق

[السفير14]

وعليكم السلام ورحمة الله وبركاته..


الله يحييك ويبقيك ,,


اولا قبل لا اي شي , اسجل اعجابي بك وبامثالك


لانه بصراحة يعجبني الشخص اللي يشغل عقله ويفكر ويطلع بافكار , ويبعد عن الاتكاليه ودفع المبالغ


اللي مالها داعي ,,



ومن باب الافادة والاستفادة عندي ملاحظتين اخوي فهد على الفكرة :_


1- مثل ما ذكر الاعضاء التهويه شي اساسي.
2- التكايه ما تكون في حالة الاغلاق الكامل عند توصيل اي سلك كهرب بالمحول , وهذا مع مرور الوقت ( يجرح ) الاسلاك ,, وغير كذا انت ما ترتاح اذا (تكيت) على التكاية.




(لو وضعت المحول تحت المرتبة يكون افضل )

[قناص عسير]

فكره حلوه بس هذا المجهود كان يبلغه محول 600 او 1000 واط علشان يشغل لك تلفزيون رسيفر لاب توب لمبات طحانه قهوه شاحن الجوال كل هذا في وقت واحد يعني تحمل اكثر وخدمه تمام التمام وسعره 250 ريال بس

[أبو براك]

ماشاءالله ,, ماشاءالله

الله يعطيك العافيه اخي الكريم

لما قدمته لنا في هذا الموضوع

وهدفك بالتاكيد تقديم الفائده للاخوه

والمعذره على التاخير بالرد

والدخول على هذا الموضوع المهم

وذلك لانشغالنا في هذه الاجازه

فلك كل الشكر اخي العزيز

وبانتظار المزيد من ابداعاتك

[عمي ياجمال]

السلام عليكم ورحمة الله وبركاته ياسيدي هذا أولا.

لم أهاجمك ياسيدي ولكني نبهتك لأن السلك الملفوف قد يسخن وذلك حسباً للأجهزة المستخدمة (أي قوة التحميل على التوصيلة)وهذا ثانياً.

أما التهوية ياسيدي فهي مهمة جداً لأن المحول تنتج عنه حرارة وقد يقع ما لا تحمد عقباه لاسمح الله.
الفكرة جميلة ياسيدي ولا شك وفقك الله وحفظك دمت في عناية الله وأعلم أنني أحبك في الله وسرتني فكرتك كثيراً.

[فهد بن مشبب العاصمي]

ماشاءالله عليك شغل مضبوط بس حتى الان هذا العمل يحتاج إلى بطاريه إضافيه

بالتوفيق

حياك الله وبياك ..

وجزيت خيرا

[فهد بن مشبب العاصمي]

وعليكم السلام ورحمة الله وبركاته..



الله يحييك ويبقيك ,,


اولا قبل لا اي شي , اسجل اعجابي بك وبامثالك


لانه بصراحة يعجبني الشخص اللي يشغل عقله ويفكر ويطلع بافكار , ويبعد عن الاتكاليه ودفع المبالغ


اللي مالها داعي ,,



ومن باب الافادة والاستفادة عندي ملاحظتين اخوي فهد على الفكرة :_


1- مثل ما ذكر الاعضاء التهويه شي اساسي.
2- التكايه ما تكون في حالة الاغلاق الكامل عند توصيل اي سلك كهرب بالمحول , وهذا مع مرور الوقت ( يجرح ) الاسلاك ,, وغير كذا انت ما ترتاح اذا (تكيت) على التكاية.




(لو وضعت المحول تحت المرتبة يكون افضل )




جزاك الله خير وبيض الله وجهك على النصايح وبإذن الله اني بنزينها

ويشرفني ان الموضوع والفكرة اعجبتك ومنك نستفيد .. لاهنت على المرور والمشاركه وسعيد بوجود هنا


فكره حلوه بس هذا المجهود كان يبلغه محول 600 او 1000 واط علشان يشغل لك تلفزيون رسيفر لاب توب لمبات طحانه قهوه شاحن الجوال كل هذا في وقت واحد يعني تحمل اكثر وخدمه تمام التمام وسعره 250 ريال بس

مرحبا بك .. بصراحة ممااخفيك شفت اني مااحتاج لكل هالاشياء لأن الاحتياج بسيط لها ولكن لو كنت احتاج اشياء يلزمها قوة كهرب عاليه كان حرصة على كثرة الواطاات

جزاك الله خير على النصيحه والتفاعل

[فيصل التميمي]

فكرة رائعة وخاصة في الاونه الاخيرة يوم كثرت المحولات اصبح الامر سهل

[عمدة الكشته]

مشكوووووور

[333]

ماشا الله تبارك الله صدق من قال ان الحاجه ام الأختراع
والله لا يهينك على الطريقه السهله والرخيصه
ننتظر جديدك المشوق
تقبل مروري
اخوك:333

[يدرالبدر]

بداية موفقه قابلة للتطوير شكرا لجهودك

[adel090]

صراحة وبدون مجاملة شغل عادي ويقدر اي واحد يسوي مثلك وازين

وغير اني ما ني شايف اي صلة بين العنوان ومحتوى الموضوع

عموما مشكور على جهدك وان شاء الله نشوفك بمواضيع وافكار افضل


ودي وتقديري,,,

[فهد بن مشبب العاصمي]

فكرة رائعة وخاصة في الاونه الاخيرة يوم كثرت المحولات اصبح الامر سهل

حياك الله ياغالي

صحيح كلامك في محله وممكن بعد بعد المحولات اللي تكون الواطات عاليه تكون الفائده اكبر

تحياتي


مشكوووووور


حياااااااك الله

[فهد بن مشبب العاصمي]

ماشا الله تبارك الله صدق من قال ان الحاجه ام الأختراع
والله لا يهينك على الطريقه السهله والرخيصه
ننتظر جديدك المشوق
تقبل مروري
اخوك:333

مرحبا بك .. ومن قال مايهون ويشرفني متابعتك




بداية موفقه قابلة للتطوير شكرا لجهودك

حياك الله .. الله يجزاك خير ومنكم نستفيد

[فهد بن مشبب العاصمي]

صراحة وبدون مجاملة شغل عادي ويقدر اي واحد يسوي مثلك وازين

وغير اني ما ني شايف اي صلة بين العنوان ومحتوى الموضوع

عموما مشكور على جهدك وان شاء الله نشوفك بمواضيع وافكار افضل


ودي وتقديري,,,

حياك الله .. أنا ماذكرت أنها شغله صعبه ومافيه الا انا سويته بالعكس سهله وكلن يقدر يسويه لكن الفكره انه استغلال المكان الفاضي بشيء مفيد وبسعر رخيص

ومن نستفيد دامك دام هالاشياء بسيطه اكيد عندك سمان

شكرا لك

[ابن الجهراء]

يسلمو على الفكرة ...... بصراحه حلوة بس تبي شوية ترتيب .... تسلم

[عاشق الفتك 20]

يعطيك الف عااافيه علا الطريقه
الحلوووووه

[mzmz]

هل يحتاج الى تشغيل السيارة كل نصف ساعه؟

[بدر ساري]

عطيك العافية على هل جهد الواضح
بس ( العنوان مالة اي صلة بشغلك الي قاعد تسوية )

[بدر ساري]

يعطيك العافية على هل جهد الواضح
بس ( العنوان مالة اي صلة بشغلك الي قاعد تسوية )

[بدر ساري]

معليش صار عندي مشكلة بالنت

[اصيل نجد]

فكره رائعه يعطيك الف عافيه وبالتوفيق اخوك ابو محمد التميمي

[ابورايف]

الله يجزاك خير
وتقبل مروري

[فهد بن مشبب العاصمي]

يسلمو على الفكرة ...... بصراحه حلوة بس تبي شوية ترتيب .... تسلم

مرحبا بك .. اكيد يبيلها شوي ترتيب وذكرت ان الوقت ضيق ولكن بأذن الله انها بتكون افضل من كذا بكثير

لاهنت وبيض الله وجهك ومنك نستفيد


يعطيك الف عااافيه علا الطريقه
الحلوووووه


الله يعافيك وانا اخوك وشكرا لك على المرور