للمرة الثانية تخبط مكينة سيارتي الباثفندر يرحم والديكم دلوني على ورشة ممتازة(عاجلا).. [الأرشيف]

أبومنصور512

19/02/2010, 11:26 AM

السلام عليكم ورحمة الله وبركاته

كما هو موضح في العنوان للمرة الثانية تخبط سيارتي الباثفندر2004 المرة الأولى صلحتها بحدود 8 آلاف

ومشى معي تمام سنة ونصف ولا كرفته ولا شئ مدلعة آخر تدليع ومع ذلك خبط الآن مرة ثانية

بالله عليكم دلوني على ورشة ممتازة في التوظيب ومتخصصة في الباثفندر في الرياض ولافي القصيم

قالوا لي فيه ورش متخصصة وممتازة في القصيم وأبي فزعتكم يالربع في أقرب وقت

لأن السيارة ألحين موقفه ولاودي أمشي عليها لأنه يتضاعف الخراب كما حصل لي المرة الأولى

وإن حصل أرقام ناس سبق ووظبوا عند الورشة عشان أشوف بعد التوظيب كيف السيارة

لأنه الظاهر من الورشة إلى المعارض وإن عدنا فإنا ظالمون

في أقرب وقت الله لايهينكم

mr.hanx

19/02/2010, 01:38 PM

اخوي ابومنصور
عندك ورشتين في الزلفي تخصص تويوتا و خاصة الجيوب
ورشة سعود العضيب و الدويش و اسأل عنهم للتأكيد
موفق يالغالي

سوبر VTC

19/02/2010, 09:22 PM

الله ييسر امرك ابو منصور

لك رسالة على الخاص

موفق

nayf01

19/02/2010, 11:18 PM

ياخي وديه للحراج وبعه وانفك

واشتر هيلوكس دفرنسن افضل منه

قدر مكتوب

19/02/2010, 11:23 PM

ودية ورشة الشيباني ببريدة (صاحب الورشة فاهم بالحيل ماشاء الله تبارك الله)
او شوف
بندر الرشيد بعنيزه
المسند والسويل بعنيزة

ولكن كنصيحة ركب مكينة جديدة وبع اللي معك على التشليح وريح بالك

عاشق الرفاليو

19/02/2010, 11:33 PM

الله ييسر امرك اليوم انا في المعرض ابحث عن باثفندر وحصلت اثنين كلهم يقولون موظبين مواترهم وعقب ما قرات موضوعك شكلي رح اصرف النظر عن الباث وابحث عن يوكن او بليزر

سوبر VTC

20/02/2010, 12:51 AM

المواتر توافيق بعد الله

ميزة الباثفندر
مواصفات و نشاط و مركب مريح :good:
ممتاز جدا للعائلة الصغيرة
البديل و الافضل منه فتك :good2:

رفيع المقآم

20/02/2010, 02:10 AM

هلا بك احسن شي انك تستبدل المكينه وارتح يا خي

بندر بريدة

20/02/2010, 03:49 AM

شكل مسامير الثلاجه عند تنحل وطيح وسط المكينه هذا الي أتوقع يخليه يخبط لكن تعال لورشة الصمعاني ببريدة با التشاليح ترا شغله زين والله يعينك

أبومنصور512

20/02/2010, 10:00 AM

مشكورين وماقصرتوا

بالنسبة للي يقول الثلاجة لاطاحت المسامير ولا شئ والمرة الأولى يوم تخبط لحمت المسامير ..

واللي ناوي يشتري باثفندر أنا أقول أنحش أنا أعرف خمسة وأنا سادسهم كلهم خبطت عليكم المكينة بل واحد منهم ثلاث مرات وأنا ثنتين ألا أن كانك بتشتري قير تماتيك لأن التمايك عزمه أضعف من العايدي وأعرف ناس ماشي معهم مظبوط ولا خبط ولا شء رغم أنهم كارفينه..

طيب اللي دلوني على ورش (مشرفنا سوبر وقدر مكتوب) تعرفون أحد سبق وصلح سيارته الباثفندر عندهم ..

لأن المرة الأولى محد استقبلني يوم تخبط كلهم يقولون مانصلح الباثفندر معقد وصعب ما استقبلني الا ورشتين واللي صلحته عنده يوم طلعت سيارتي قال توبه أصلح باثفندر مرة ثانية
وفعلا يوم راح له خويي بسيارته الباثفندر قاله ظف وجهك ..

وحاليا في الرياض ما أعرف الا ورشة وحدة بتصلح سيارتي والمشكلة أنه محتكر الشغلة وذال الناس وشغله وسط مهب ممتاز..

طبعا أنا في الرياض ودي والله بورشة في الرياض ممتازة لكن لو ماحصل ماعندي مشكلة أروح للقصيم ..

بانتظار أهل الرياض يفيدوني بالورش الممتازة في تصليح الباثفندر ؟؟!!

وبانتظار أهل القصيم يردون لي هل سبق أن الورش اللي ذكرتوها صلحت باثفندر ؟؟!!

ومشكورين مرة ثانية على التعاون وصدقوني الدال على الخير كفاعلة

سليمان20041

20/02/2010, 11:13 AM

المشهور بالتوضيب وتخصص باثفندر واذا دخلت الورشه حقته بتلاقي حول عشره واكثر باثفندرات توضيب ويشرط لك بالتوضيب
والمهم في الموضوع
انا ما جربته ولكن انا ما اعرفه ولا جربت اوضب لاني بعت السيارة بدون توضيب (باثفندر)

الورشة الجربوع
الموقع صناعية السليم خلف اسواق الزينه
اذا بغيت رقم صاحب الورشه عطن خبر ارسلة لك بالخاص
بالتوفيق

سوبر مكشات

20/02/2010, 11:24 AM

يبن الحلال مكينه جديده وريح راسك

دور بالتشاليح وتلقا شيء نظيف
وحط فيها قيمة التوضيب وزياده شوي

لو انا مكانك كان الوكاله او مكينه من التشاليح
الورش لك عليهم
والزين منهم غاااااااااااالي

وكل الورش تسقط مكاين

والمواتر توافييييييييييييق
اعرف واحد معه باتفندر كارف والديه مراقى وصيد وسرعه(ماشاء الله بارك الله)
والموتر سلام سلام معه
بس انه حريص عالزيت والسيفون والفلتر باستمرار يغيرهن

موفق

Bader-M

20/02/2010, 11:34 AM

اه هذا مشكلة الباثفاندر

قليل ما يتجاوز 300 الف كم دون توضيب والمشكلة انه عمود الكرنك لا يخرط و كذالك الشنبر لا يخرط لا خرطه اولى و قطع غيارة مكلف و صعب التوضيب
للذالك سعر ماكينة في التشليح غالي جدا من 12- 15 الف ريال (نفس سعر ماكينة الاندكروز 8 سلندر)
اذا تبي نصيحتي اشتر لك ماكنية من التشليح افضل لك
تحياتي اليك

محترف

20/02/2010, 07:00 PM

السلام عليكم
فيه تشليح في صناعية ام الحمام عندها مكاين اسأل عنها في الصناعية .
فيه ورشة ابو ابراهيم في صناعية الدائري ( ورشة الثنيان ) تخصص باثفندر والرجال فاهم وأخلاق .
لو تقول لنا وش سبب التخبيط ؟؟ هي حراره ولا مسمار ولا الزيت ينقص ولا بدون سابق انذار ؟؟
والله ييسر أمرك .

أبومنصور512

20/02/2010, 11:51 PM

حيالله الجميع كلن باسمه

السيارة انا متابعها ومحافظ عليها لكن قدر الله وماشاء فعل بس كلام مشرفنا قد يكون صحيح فقد تكون النصف مكينة اللي ركبته مش مزبوط ..

والظاهر أني باشتري مكينة كاملة لكن وين أحصلها فيها ومشكلة التشليح ماتظمن المكينة نظيفة ولا لا

يعني يمكن اركبها وتقعد أربع شهور ثمن تخبط مرة ثانية ..

ومازلنا بانتظار معلومات اكثر عن الورش والمكاين وعسى الله ييسر ويكتب اللي فيه الخير ..

الله يجزى كل من رد وأفادنا بمعلومة كل خير وله مني دعوات في ظهر الغيب ..

واذكر ان الموضوع هذا لن استفيد منه أنا فقط بل سيبقى ويستفيد منه كل ضحايا الباثفندر

أبومنصور512

21/02/2010, 02:22 PM

هاه ياجماعة مافيه ورش في الرياض ممتازة ..

دلوني الله يجزاكم خير

ولدعبدالعزيز

21/02/2010, 03:44 PM

السلام عليكم ورحمه الله وبركاته
حياك الله اخوي وأعانك على مصيبتك
اخوي هناك ورشه ممتازه في حي الملك فهد شارع المغيره بن شعبه الورشه في محطه بنزين اسمها وقود السعوديه وفيها صراف الاهلي فيه مهندس ممتاز اسمه محمد السوداني هو المسئول عنها وشغله مزبوط مجرب وهذا رقم الورشه بعد اذن الاداره
مقابل الورشه محل اسمه اصداف الانترنت

سوبر VTC

22/02/2010, 01:28 AM

مر على ورشة الثنيان ابو ابراهيم تخصص باثفندر
بالصناعية الجنوبية
او مر على ورشة يوسف السلمي شغل ثقة مايحتاج

مع ولد العم باثفندر فل كامل قير عادي م2005
ماشي 180الف و باعه
و الموتر لاحتمى و لاخبط
المواتر توافيق

التماتيك اشد حرارة خصوصا وقت الزحمات و بالنفود
لان مبرد القير بنفس الادتير
فيحتمي على طول

أبومنصور512

22/02/2010, 02:27 AM

والله مشرفنا وأخونا سوبر ما أدري كيف أشكرك ..

عز الله أنك سنايدي وبس ولايهونون الشباب كلهم ما قصروا ..

أبوابراهيم مايحتاج معروف وماقصر معي يوم التخبيطة الأولى فز فزعة طيبة ..

أنا بأحاول أدور ورشة بالرياض وإن ماحصل بشوف ورشة السليمي والجربوع لكن وش أفضل السليمي ولا الجربوع ؟!

وهل فيه ورش بالقصيم غرها ؟!

وهل فيه مخارط أوتشاليح تبيع مكاين كاملة لأنه يقولون أفضل تركب مكينة كاملة وبس لكن عاد وين المكاين الزينة ياليت تدلونا ؟!! ..

تخبر ما ودي أضرب مشوار للقصيم ألا على سنع وعلى شئ يسوى مهب نفس الرياض ..

وأكرر شكري للأعضاء اللي تفاعلو معي وبالأخص مشرفنا سوبر ومالكم مني ألا الدعاء بإذن الله ..

ويلومني

22/02/2010, 09:29 PM

السلام عليكم الله يخلف عليك وييسر أمرك أولا المواتر توافيق ثانيا فيه ورشه ببريده معروفه ميكانيكي أسمه إبراهيم هندي بس شهادة لله أنه جيد بالحيل وما يعلمك التكاليف الا إذا فك المكينة وشاف الخراب وشو أنا مجربه خمس سنوات مالاحظت عليه شيء والولد له أكثر من عشر سنوات وهو يتعامل معه وما يشتغل الا عنده وهذا رقمه من بعد إذن أخوتي بالمنتدى

ابوحماد

22/02/2010, 11:58 PM

اذا بتشتري مكينه وهو الافضل لك قبل كل شي

يجب ان تكون المكينه من موديل 2005 هو الافضل

تأكد من جلب البلوف قبل التركيب اذا هي يابسه مع الوقت راح تسبب لك دخان مع كل مشوار وهو دخان ابيض ومزعج وقت التشغيل

انا قبلك معاني من هذا الشي موضب نصف المكينه لجيب 2002 م انفنتي أخو الباثفندر 3900 ريال وبعد مرور 3 سنوات خبطة المكينه مع القير واشتري مكينه 10 الاف ريال مع القير 5000 ريال مع شغل اليد 2500 ريال

شهرين وبعدها طلع الدخان بسبب جلب البلوف

طع شوري بيع الموتر وفك نفسك

سوبر VTC

23/02/2010, 01:36 AM

جزاك الله خير ابو منصور

طيب مامريت على ورشة ابو صالح التركي
تخصص نيسان
بالصناعية القديمة بجانب مركز ترايستار
ان بغيت رقمه علمن
هو تخصص باترول بالدرجة الاولى و اكيد
عنده علم عن الباثفندر

الافضل لك يوسف السلمي و قديم بالورش
و شهرته من زمان
اما الجربوع صارت مشكلة لاحد الاعضاء
على هذا الرابط

الباثفيندر ذبحني ياناس (http://www.mekshat.com/vb/showthread.php?t=266060)

من وجهة نظري توضب عند ورشة و على ضمانته
افضل
من مكاين التشاليح
لانه ماتدري عنهم
خصوصا انهن حساسات جدا
و اخاف يصير جايهن حرارة
على سبيل المثال
الباترول الفتك راسه المنيوم
و غالبا حتى لو ماحتمى الموتر ينشعر الراس
من عند البلف غالبا او مع الراس
و الباثفندر راس المنيوم

لذلك اوضب مكينة افضل لي و تصير اخت الجديدة :good:

انت استخر

اذا بغيت تشاور على التوضيب
كلم على ابو عبدالله الصمعاني + ابو خالد الخضير + السلمي
يدلونك على الحل الامثل
باذن الله ثقات

موفق

أبومنصور512

23/02/2010, 03:39 PM

أخوي سوبر عز الله انك ماقصرت

طيب السلمي معي رقمه طيب الخضير والصمعاني لو تعطيني أرقامهم أكون لك من الشاكرين

الله لايهينك وابشر بالدعاء مني

فارس شمال

23/02/2010, 05:06 PM

في محل بصناعية الدائري وصاحبها شخص سعودي ماشاء الله عليه موضع ثقه

وكل ماجيته لقيت عنده الباث فاندر يشتغل فيهن .... مدري اذا تروحله وتاخذ شوره

تراه مايشور الا بالزين

اسمه ابو ابراهيم الثنيان

أبومنصور512

23/02/2010, 08:52 PM

فارس الشمال ماقصرت يالغالي ..

مايحتاج أبوابرهيم معروف وماقصر معي المرة الاولى يوم يخبط وأنا ناوي أمرة بكرة في الورشة

سبحان الله ترتاح له من أول ماتشوفه راعي سواليف وفله ونصوح وأمين ولا عنده لف ولادوران ماشاء الله عليه ..

انتظرك مشرفنا الغالي سوبر تعطيني رقم الخضير والصمعاني الله لايهينك ..

وعز الله أنكم رجال وسنايدة وماقصرتوا كلن باسمه ..

ويلومني

23/02/2010, 09:09 PM

السلام عليكم أخوي أبو منصور وش سويت بالموترعساه تيسرت أمورك وأبسألك بشأن مسامير الثلاجة لأني إلغيت مسامير الثلاجة وبعده إلغيت دبة التلوث وصار عزم موتري موب مثل أول ماشريته
والله يخلف عليك ويسر أمرك

مخاوي خوياه

23/02/2010, 09:38 PM

حياك الله اخوي ابومنصور
الله يخلف عليك ويعوضك خييير
انا ياطويل العمر وظبت مكينة الباث 2003
بورشه بجنب ورشة الجربوع ببريده والحمدلله الموتر
زي الفل بعد التوضيب اسم الورشه (( الخضر))
على نفس الشارع الي فيه ورشة الجربوع بصناعية السليم
وعندك ورشة الجربوع مشهود له بالخير والسيارات الي عنده كلها باثفندر وباترول..

تحياااااتي

أبومنصور512

24/02/2010, 08:44 AM

أخوي ويلوموني حياك الله السيارة إلى الآن موقفه محتار بين الورش لكن بإذن الله خلال هاليومين لازم أدخلها ..

أخوي مخاوي خوياه حياك الله بالنسبة للورشة اللي وظبت عندها الخضر ولا الخضير ؟!

وعسى الله يكتب اللي فيه الخير ..

وأكرر شكري للأعضاء اللي تفاعلوا جزاكم الله خير وماقصرتوا ..

أبومنصور512

25/02/2010, 05:01 PM

وش رايكم في ورشة رشيد ؟!

سوبر VTC

25/02/2010, 05:21 PM

العذر و السموحة على التاخر في الرد
لك رسالة على الخاص
موفق

أبومنصور512

26/02/2010, 03:25 PM

أخي سوبر والله ما أعرف كيف أرد لك الجميل !

لك مني دعوات بظهر الغيب وعسى الله يكتب اللي فيه الخير

بإذن الله بتواصل معهم

أكرر شكري لك يالغالي

NavMan

27/02/2010, 11:23 AM

توكل على الله
ورشة الجربوع ببريدة
صناعة السليم - شارع الأربعين

:good2:

المؤمن كالغيث

27/02/2010, 11:32 AM

((مجرد رأي))

السلام عليكم ورحمة الله وبركاته
شوف وانا أخوك
السيارة ليا قعدت تخبط وكل شوي يطلع بها عيب وتبي تصليح وسحب جيوب هذا غير اللف والدوران
من ورشه ليا ورشه كلن يقولك الخراب من الحاجه الفلانيه
الافضل توضبها وتعرضها للبيع لعل الله يعوضك بخير منها
حتى تلاحظ انها بدت تسترجع قيمة شراءها..
. الله يوفقك لما فيه الخير لك وييسر امورك كلها .

مخاوي خوياه

28/02/2010, 03:17 PM

الورشه اسمه الخضر
وليست الخضير
كان اسمه ((الجريد ))
عنده فلبيني الصراحه فنااااااان
والله يكتب لك الي فيه الخير

تحياااااااااتي

أبومنصور512

28/02/2010, 09:14 PM

الله يعطيكم ألف عافية وماقصرتوا ..

وأنشهد أنكم رجال وفزوعين وماراح أنساها لكم ..

بعد مشاورة واتصال على أكثر من واحد من أصحاب الورش المذكورة كلهم رفضوا فكرة التوضيب

لأن الصوت في المكينة قوي وطق طقه يعني عمود الكرنك خرب وهذا قيمته جديد حدود 4آلاف

ويحتاج معه قطع بألفين وشغل اليد بياخذ ألفين يعني التوظيب راح يكلف من 8آلاف وأنت طالع يعني أحتمال

يوصل العشرة فقالوا دور لك مكينة في التشليح نظيفة أحسن وأريح وأسرع وطبعا السلمي قال عندنا

بالقصيم المكاين على 7آلاف 8آلاف وفي الرياض لقيتها ب10آلاف لكن أبوابراهيم الثنيان جزاه الله خير

دلني على مخرطة في الرياض ممتازة تجيب مكاين باثفندر من أمريكا نظيفة ورخيصة ويقول أنه سبق ودل

أكثر من 10أشخاص عليها وركبوا مكاين عندهم وماشية معهم مضبوط ..

وقيمتها حليوة ب6500 راكبه مع ضمان شهر وتطلع السيارة خلال ثلاث أيام ..

فستخرت والظاهر أنه أنسب حل خصوصا أن أبوابراهيم رجال ونعم ونصوح وشوره طيب ومجرب

فالسيارة بكره الصباح عندهم إن شاء الله ..

والله أشكر جميع اللي تفاعلوا معي في الموضوع وأخص منهم مشرفنا سوبر ولايهونون البقية ..

فلكم من الدعاء بإذن الله ..

ابوقاسم

30/07/2010, 08:53 AM

ماشي الحال 3

30/07/2010, 01:35 PM

السلام عليكم ..

يا أبو منصور أعلم أن الشباب كفوا ووفوا ,وأدري أن ردي إني متأخر, لكن توي أشوف موضوعك.
تجربة
قبل سنة ونصف تقريبا خبط موتر أخوي فندر 2004وحتار هل يوضب ولا يغير مكينة؟؟
توليت الأمر أنا ,لانه مشغول ويقول لك با الورشات والتشاليح,شاورت لكن أرتحت لتغيير المكينة خاصة أنه أتدخله الصبح والعصر جاهزة,بدون غرابيل قطع ومخرطة...الخ,وايضا يظمنه شهرين,ولقيت المكينة في موتر 2005 توه جاي للتشليح حجزت المكينة ,من تشليح العجلان ببريدة,وبعد تكسير الراس طلعت ب11000 ريال بالكثير.
والحين ماشاء الله بعد اكثر من سنة ونصف.

.

4800VTC

30/07/2010, 04:01 PM

وش نظيف من العلوم
الشباب كعادتهم كفوا وفوا

عصاقيل الدخله

30/07/2010, 04:08 PM

عندك ورشة الثنيان بالصناعيه على الدائري مخرج 18 ابو ابراهيم
فاهم بالشغله وتخصصه باثفندرات ورجال امين وكفو

N أبورغد N

05/08/2010, 10:30 PM

ياشباب الله يعطيكم العافيه وين المخرطه الي تجيب المكاين ب 6500
لاني ما حصلتها عطونا اسمها وموقعها او رقمها اي شي يوصلنا لها
والله يجزاكم خير

من كبار تجار

06/08/2010, 05:26 PM

احسن موتر الباثفاندر انتبة لزيت كل اللفين كيلوا عب نص علبه ولا عليك ان مجربه افضل جيب سقته

الكيان

13/08/2010, 02:39 AM

و الله لو صار اللي معي لا ابيعه تشليح

عبدالرحمن السالم

14/08/2010, 02:38 PM

ياخي غريبه وش إلى خلاه تخبط ، يا انك مركب سيفون تجاري ، او انك مهمل الزيت ولا تغيره
والا تطق بس كذا صعبه شوي ، ياليت تقول لنا وش سبب طق المكينه ،
عندك رشيد الباكستاني يوظب برضو هذا رقمه للاستفاده

تومان

14/08/2010, 02:46 PM

نصيحه لله خذ مكينه تشليح بدل التوضيب
انا جربت توضيب المكينه وكانت عندي مشكلة ارتفاع الحراره
وخذيت مكينه تشليح ولله الحمد مشت معي اكثر من 100000 والسياره لنق ومرتاح معها
بس لازم تكون المكينه على التجريب والضمان

بترووول

15/08/2010, 11:29 AM

لاعاد توضبها نصيحه من كثر التوضيب ينكسر السرندل
اخذ مكينه من التشليح واذا تبغا مكينه نضيفه ادلك علا واحد دايم اخذ منه مكاين متخصص نيسان
مكاينه ماشالله بس
اذا تبغا ارسلي رساله علا الخاص

mashal

16/08/2010, 11:40 PM

فيه التشليح الياباني ممتاز جدا
قد شرينا منه مكينه لا تفرقها ابدا
عن الوكاله
9000 ريال

بـــ نجد ـــرق

17/08/2010, 12:34 AM

ابو منصور

الله يجبرك في مصيبك ويخلفك خيرا منها

فيه واحد من الربع معه باثفندر 96 امريكي 6 سلندر يقول انه راح يشتري مكينه وحصل المكينه بقيرها بدبلها اضاهر انه قاللي بـ2000 ريال وعلى كلام صاحب التشليح ان المكينه جايها من اليابان ومثل مكينة الباث فايندر موديل 2000

وطبعا مثل ما انت عارف الباث فايندر من موديل 2000 الى 2002 قوة مكينته 280 حصان

و2003 وفوق 350 حصان على ما اعتقد

فأنت شف ان كانت المكينه هذي تركب على سيارتك وانت رجال بتستخدم فأشوف سعرها مناسب جدا

عموما رح لتشليح المكائن اللي في الصناعية القديمه اللي قريب من مسجد العويضه

والله يوفقك

thinker

13/07/2011, 11:18 AM

يا شباب انا ما اقدر ارسل ع الخاص..
وهذي ثالث مره تحبط المكينة..
والمرتين الماضيات كلها اركب عند الوفا ورشه بالصناعية القديمة..
يعني بس في ستة شهور ٣مكاين!!!
وش الحل ابي ارقام

thinker

13/07/2011, 11:19 AM

يا شباب انا ما اقدر ارسل ع الخاص..
وهذي ثالث مره تحبط المكينة..
والمرتين الماضيات كلها اركب عند الوفا ورشه بالصناعية القديمة..
يعني بس في ستة شهور 3مكاين!!!
وش الحل ابي ارقام

الباثفندر 3.5

13/07/2011, 07:39 PM

يا شباب انا ما اقدر ارسل ع الخاص..
وهذي ثالث مره تحبط المكينة..
والمرتين الماضيات كلها اركب عند الوفا ورشه بالصناعية القديمة..
يعني بس في ستة شهور 3مكاين!!!
وش الحل ابي ارقام

ايش السبب؟؟؟
حراره ام زيت؟؟
انصحك تمر على رابطة ملاك الباثفندر و بأذن الله راح يفيدونك

سوبر VTC

14/07/2011, 04:21 AM

عادة ضمان المكينة 10ايام
يضمن لك عدم نقص الزيت و عدم حرارة
بشرط ان الاديتر يكون نظيف مهب موسخ
المشكلة ان بعض التشاليح يشدون مكينة وحده من ثلاث مكاين رجيع
بمعنى كل 3 او مكينتين يطلعون منه مكينة وحده
اي يشلحون من مكينتين و يركبون بالثالثة
و هذه الثالثة لم تفك ابد و هذا غش
و الكلام برضه ينطبق على الدفرنسات خصوصا الامريكي
و يقول لك المكينة نظيف و هي اساسا ملفقة قص و لزق
ارجو انك عرفت مقصودي

قايد تميم 1

14/07/2011, 03:16 PM

تبي تصلح فيه الين بكره وبتوضبه كم مره
نصيح مجرب لا خبير غير المكينه ودور وحده نظيفه وارتاح

magoode

17/11/2011, 08:14 PM

شباب انا عندي البلوف يبغا لها تغيير

وش رآيكم اغير مكينه ولا اصلحها

مع العلم المكينه تنقص زيت واجد

Topstars

17/11/2011, 09:23 PM

ركب مكينة التيما ٦ سلندر هي نفسها مكينة الباث ٣.٥

أرخص يمكن ب ٣٠٠٠ ريال

PATHFINDER 4

18/11/2011, 01:05 PM

^^
يالطيب ماتقدر تركب مكينة (دفع امامي) على موتر (دفع خلفي) !!
والعكس ايضا صحيح

-------------

صاحب الموضوع الله يكون بعونك والباث واجد عذاريبه خصوصا مكينة 2005

وابل1

18/11/2011, 04:15 PM

و انا اخوك مر ورشة الوفاء في الصناعية القديمة قسم المكاين ( و هم ستوردون مكاين مستعملة من سوق دبي العالمي ) و تنق لك مكينة و ركبها و ريح راسك .
لانه نادر اللي وظب مكينة باث ضبطت معه
لازم ميكانيك محترف جدا و قطع اصليه و عساها تضبط .
ملاحظة غذا حبيت تاخذ من التشليح انتبه تاخذ مكينه موظبة
و المكينة شد البلد يميزها اصحاب الخبرة

أبوسعيدان

18/11/2011, 05:56 PM

أبوسعيدان

18/11/2011, 05:58 PM

^^^^^

بس العزم بيكون جدا ضعيف

أبوسعيدان

18/11/2011, 05:59 PM

يا شباب انا ما اقدر ارسل ع الخاص..
وهذي ثالث مره تحبط المكينة..
والمرتين الماضيات كلها اركب عند الوفا ورشه بالصناعية القديمة..
يعني بس في ستة شهور ٣مكاين!!!
وش الحل ابي ارقام

لاتركب مكينة من الوفا (خاصه الباث لان عليه طلب)

لانهم اغلب المكاين يوضبونها

أبوسعيدان

18/11/2011, 06:02 PM

شباب انا عندي البلوف يبغا لها تغيير

وش رآيكم اغير مكينه ولا اصلحها

مع العلم المكينه تنقص زيت واجد

مكينة مستعملة ونظيييفه افضل لك من توظيب احتمال تضمنه واحتمال ماتضمنه

والاسعار حول بعض

أبوسعيدان

18/11/2011, 06:05 PM

ركب مكينة التيما ٦ سلندر هي نفسها مكينة الباث ٣.٥

أرخص يمكن ب ٣٠٠٠ ريال

ايه نعم تركب بس سعرها تقريبا 5الاف

وتفرق عن مكينة الباثفندر في الحذاف والصدر الامامي والخلفي للمكينة

اسهيل

18/11/2011, 06:16 PM

خذ مكينه مستعمله افضل ابحث

أبوسعيدان

18/11/2011, 06:22 PM

^^

يالطيب ماتقدر تركب مكينة (دفع امامي) على موتر (دفع خلفي) !!
والعكس ايضا صحيح

-------------

صاحب الموضوع الله يكون بعونك والباث واجد عذاريبه خصوصا مكينة 2005

تصحيح معلومه مكاين 3500 سي سي من2003الا2005 في الباث

ونفس المكاين والمشاكل في الالتيما 6سلندر والمورانو

ياطير أرسل

18/11/2011, 11:33 PM

والله يابعدي مالك الا ورشة ابوفهد في صناعية الشفاء واحد دارس وفاهم يشتغل بيدة

أوتارالقلب

19/11/2011, 09:33 AM

صباح الخيرات
فية ورشة العلاج بالرس ممتاز وعندة قطيع غيار أصلي ورخيص

البرواز1711

19/11/2011, 09:59 AM

السلام عليكم ورحمة الله وبركاته

نفس المشكله حصلت لي ؟؟؟

مره واحده وضبتها وكانت على الضمان وبعد تقريبا اقل من 3 شهور بدء الزيت ينقص ورجعة لصاحب الورشه وركب قمصان ( نفس توضيب الديزل )

# انا مابعرف بالميكانيكا بس توفيق من العزيز الحكيم ,,,,
الان معي السيارة وماشيه فوق 400.000ك ولله الحمد

سالم الطليحي

31/03/2012, 03:11 PM

ودها لورشه ابو فهد في صناعيه اللشفاء شغله زين بالحيل

سالم الطليحي

31/03/2012, 03:11 PM

ويعلمك وش بيسوي مب يغبنك

سالم الطليحي

31/03/2012, 03:12 PM

بس بيكلفك بس شغله تمام على تمام
;););)

azoo00z

31/03/2012, 03:53 PM

السلام عليكم ورحمه الله وبركاته

فيه ورشة الجربوع بالقصيم بصناعه السليم ممتاز جدا
وضبنا عنده باثفندر 2004 وجيب لاند كروزر 2004 وما شاء الله تمام شغله:good:
وللمعلوميه صاحب المحل هو الي يشتغل بيده ومعاوه عماله :good2:
بس ما شاء الله عليه
ارجو اني افدتك وشكرا..

htham

12/12/2013, 09:55 AM

السلام عليكم ورحمة الله وبركاته اخواني و أحبابي في الله
أخواني الباثفندرين كيف حالكم طيبين
متوري باث فندر 2004 قبل 3 سنوات وضبته وفكيت راسة بـ 1700ريال + قطع غيار 1800ريال بورشة بأم الحمام بالرياض واليو م هو يوضب بورشة ببريدة و المشكلة عدم توفر قطع الغيار
ومن كثر الدوران والبحث و الاتصالات حتى وصلنا دبي و الكل يضارب بالاسعار
ولكن 90% من ورشة بريدة لا تستقبلة حتى المشهور منها و الأسباب كثيره منها :
1- الموتر يبي يتم 10 سنوات موديله
2- قطع غيارة غالية.
3- المكانيكي المحترف المخلص الامين قليل .
4- صاحب الموتر وعناية للموتر .
5- أصحاب المشاحم وتغيرهم للزيت أصلي و إلا مغشوش.

" يعني الشغلة تحتاج توفيق وأعانة من الله والكل عرضة للخطأ "

الورشة اللي تعرفت عليها خلال الايام هذي و الناس تمدحها

1- الخضير (خضيرا)
2- الجربوع ( صناعية السليم )
3- العتيق ( صناعية الرواف )

" الخلاصة شوري عليك اذا بغيت تسوي شئ صل ركعتين خاصة بالهالشئ " وابشر بخير
ودمتم بحفضه