صور جديدة لشعيب الترباعة اليوم الأثنين 14 ذو الحجة 1425 هـ

[ذيب بن هدلان]

السلام عليكم ..
حياكم الله يا جماعة الخير ..

جايب لكم صور جديدة لشعيب الترباعة .. واللي يعد من أكبر الشعبان التي تفيض على روضة التنهات ..

( إحداثيات شعيب الترباعة :
N : 25 54 480
E : 046 14 210 )

وهذي الصور مأخوذة صباح اليوم الأثنين 14 ذو الحجة 1425 هـ في الجهة الشرقية للشعيب ..

ويلاحظ أن الأرض رويانة من الماء عقب الديمة اللى صبت علينا قبل أمس ..

وألحين .. أخليكم مع الصور ...

( لمشاهدة الصورة بحجمها الطبيعي .. أضغط على الصورة لا هنت )

http://koasr.jeeran.com/t_img/image18.jpg

http://koasr.jeeran.com/t_img/image19.jpg

http://koasr.jeeran.com/t_img/image21.jpg

http://koasr.jeeran.com/t_img/image23.jpg

http://koasr.jeeran.com/t_img/image24.jpg

http://koasr.jeeran.com/t_img/image25.jpg

http://koasr.jeeran.com/t_img/image33.jpg

http://koasr.jeeran.com/t_img/image34.jpg

وسلامتكم ...

[أبو فراس]

السلام عليكم ورحمة الله وبركاته

بشركم الله بالخير

ولكن هل هناك زحمة في هذه الاجازة

يعني هل تستحق العنوة للترباعة من القصيم هذي الايام ؟

[بُرج السفرة]

ذيب بن هدلان
شكر لك على هذا الموضوع
وعلى العرض الجميل للصور
والسلام عليكم ورحمة الله وبركاته

[احب البر]

مشكور على هذي الصور الجميله .. ولي سؤال :

احداثية الترباعة واضحة جدا لكن ماافضل طريق للوصول اليه هل عن طريق تمير ثم الشوكي او عن طريق حفر العتش ووين مدخله بالضبط .. لان تلك المناطق فيها عوائق ضلوع وطرق وعرة لما توصل للي تبي . واكون لك شاكر .

[أبوأحمد98]

الله لا يهينك اخوي ((ذيب بن هدلان)) ابي وصف الشعيب وانا خارج من الرياض الله لا يهينك باقرب فرصه ,,

ومشكور يالذيب على الصور الجميله ....

[ذيب بن هدلان]

السلام عليكم ..
حياكم الله يا جماعة الخير ..

الأخوة الكرام : أبو فراس - برج السفرة - أحب البر - أبو أحمد 98
مشكورين على الدخول والمشاركة ..

وبالنسبة لشعيب الترباعة .. فالأيام هذي لا يوجد زحام يذكر .. لسببين :
1. طول إمتداد وإتساع الشعيب .
2. توزع الكشاته على أكثر من شعيب وروضة مع هالأجواء الرهيبة .

أما عن أفضل طريق للوصول للشعيب .. فمن وجهة نظري مع تمير ثم الشعب .. وبعد مفرق الشوكي على اليمين إلى هجرة أم رجوم كلها طرق جيدة ( وأفضلها من عند هجرة أم رجوم ، فهو في غاية السهولة ) ..

وهذي إحداثيات لأحد أفضل المواقع داخل شعيب الترباعة :

N : 25 58 847
E : 046 17 677

وسلامتكم ...

[محبوب الجميع]

مشكور اخوي ذيب بن هدلان على هذي الصور الجميله

[احب البر]

اخوي ذيب ومعليش على الازعاج ..


الوصول عن طريق حفر العتش ماهو اقرب او هو وعر ماادري نبي رايك وحتى يستفيد الجميع .

[رسلان]

ذيب بن هدلان
شكر لك على هذا الموضوع
وعلى العرض الجميل للصور
والسلام عليكم ورحمة الله وبركاته

مشكور أخوي وماقصرت

[احب البر]

الظاهر أن اخونا ذيب كاشت :D الله يرده بالسلامة .

وياليت من لديه علم يفيدنا في هذا السؤال .. وبورك في الجميع

هل الوصول إلى الترباعة عن طريق حفر العتش متيسر و أقرب من أن يكون من طريق تمير او هو وعر وبعيد .. وما الأفضل ..

لأننا ننوي بإذن الله المرور على شعيب المحارق ثم التوجه الى الترباعه .

[الاحداثي]

اخوي ذيب بيض الله وجهك .......
ما قصرت وجهد مشكور ونسأل الله أن يجعل هذه الأمطار أمطار خير وبركة ....
اخوي ابو فراس ... ما كل يحوف الانقليزي .........

[أبو فراس]

السلام عليكم ورحمة الله وبركاته

اخوي الاحداثي تقول

اخوي ابو فراس ... ما كل يحوف الانقليزي

ان كنت تقصد الاسم فانا اقول امر الله شق القربة

اسم ابو فراس بالعربي سبقونا به الرجاجيل وانا احب الاسم

[دكتور مكشات]

أنا أقول إذا تبغى طريق سيدا رح من جهة العتش لأنه أقرب من أم رجوم ب2كيلو تقريبا

واسهل

أما إذا بغيت تمشى فادخل مع الشوكي إلين تطب في الشعيب

او مع شعيب ضاحك إن كانك فاضي ..ومروق

وإذا جيت من أم رجوم لا تنس تمر شعيب الودي تراه مهوب شين .

والسلاااااااااااااااااااام

[ربيق]

جزاك الله خير أخوي
.