مشكله في مكينة الجمس 454

[شعيب الحزيمي]

عندي جمس 350


مركب عليه مكينه 454


طلع صوت في المكينه وعند الذهاب للمكانيكي قال ان ذرع البستم منطلق لان السيارة تمشي


ونصحني ان اغير المكينه لان قطع الغيار غاليه


السؤال 1 )- كم اسعار المكاين 454 مع الرجيع واذا كان فيه ورشه متخصصه ياليت تدلوني عليها

2 ) - هل المكينه 350 ارخص وهل استطيع تركيب مكينت كابرس

3 )- هل المكنيكي صادق في كلامه حيث انه لم يفتح المكينه وكلامه من مجرد سماع الصوت وهل هو اوفر لي امي انه يريد ان لا يتعب نفسه




جزاكم الله خير

[نفود بريدة]

وين موقعك اخوي ؟

[تميمي كول]

اخوي شعيب الحزيمي
مو شرط يكون ذراع البستم يمكن سبيكه طاقة تأكد قبل ما تشتغل
اتمنى اني افدتك

[nayf01]

السبيكة تعمل طقه مستمرة

واذا تطيع شوري
غير المحرك الى 350 وقيمته مجدد في الرياض تقريباً 2000 ريال مع الرجيع

[must302]

ال454 قطع غياره رخيصه
راس مالها 1000 ريال من التشليح كامله ببكراتها

[رفيع المقآم]

خله على 454 طع شوري ترا اقوى من 350

[شعيب الحزيمي]

وين موقعك اخوي ؟
بين الرياض و القصيم والقصيم اقربلي

[شعيب الحزيمي]

اخوي شعيب الحزيمي
مو شرط يكون ذراع البستم يمكن سبيكه طاقة تأكد قبل ما تشتغل
اتمنى اني افدتك

الله يجزاك خير على التنبيه

[شعيب الحزيمي]

السبيكة تعمل طقه مستمرة

واذا تطيع شوري
غير المحرك الى 350 وقيمته مجدد في الرياض تقريباً 2000 ريال مع الرجيع

هذي النيه

واذا تعرف ورشه لا هنت عطني رقمها

[(وطن1 )]

عندي جمس 350


مركب عليه مكينه 454


طلع صوت في المكينه وعند الذهاب للمكانيكي قال ان ذرع البستم منطلق لان السيارة تمشي


ونصحني ان اغير المكينه لان قطع الغيار غاليه


السؤال 1 )- كم اسعار المكاين 454 مع الرجيع واذا كان فيه ورشه متخصصه ياليت تدلوني عليها

2 ) - هل المكينه 350 ارخص وهل استطيع تركيب مكينت كابرس

3 )- هل المكنيكي صادق في كلامه حيث انه لم يفتح المكينه وكلامه من مجرد سماع الصوت وهل هو اوفر لي امي انه يريد ان لا يتعب نفسه




جزاكم الله خير


مراحب اخونا,,
ومساك الله بالخير,,,
طال عمرك انا كان عندي وانيت رفرف مكينته350 وغيرتها من التشليح بوحده ثانيه نفس الشي 350 موديل 85 (طبعاً في الدمام)مع الرجيع والتركيب طلعت علي بحدود 2100ريال,,,


طبعاً كنت ناوي اني اغيرها للــ 454 لكن تغاليت السعر لأني لقيتها بحدود تتراوح مابين 3500 إلى 4500ريال مع الرجيع وتعتمد في السعر على حسب النظافة,,,
وانت وانا اخوك قبل لاتشتري المكينة اسحب معيار الزيت وشيك على لونه ورائحته لا يكون اسود وفيه رائحة شنبر,,,
مع اني حاس ان بعضهم يغشون ويغيرون زيت جديد علشان هالشي,,, لكن انت اشرط عليهم الضمان وافحصها بعد التركيب,,,
وبالنسبة لسؤالك هل مكينة الكابرس تركب؟؟
فأنا أقولك انها تركب ولكن الاختلاف يكون بس في مقاس البستم والبلوف يعني الكابرس تكون أصغر شوي


وعالعموم انت قارن في الاسعار مابين التوضيب أو التغيير وتوكل على الله عز وجل,,,


تحياتي لك وللجميع,,,

[_دربيل_999]

أخوي..
الــ350 مكينة سيارتك الحقيقية يعني تتناسب مع القير والدفرنس..مالك ومال المكينة اللي كلها أعطال الــ454
وبتحصلها رخيصة..
وفقك الله..

الروقي

[شعيب الحزيمي]

موست 302 ومنوتي الشاص و المدير العام والروقي


مشكورين على المرور و الافادة


وجزاكم الله خير

[ابو الجموس]

لا لا لا لاتغير المكينة الى 350 ترها ضعيفة شوي ال454 قطعها رخيصة وانا متفق مع اللي ماقالوا خله على 454 تراها اقوى واحسن

[عدووس]

فك المكينه وشوف واذا كان السلندر مافيه شفه وعمود الكرنك تمام مايحتاج خرط ماراح تكلفك

[أبوالعز2]

الله يوفقك واتمنى تجد الحل اللي يناسب لك شخصيا بالنسبه للمكينه 454 او 350 اول شي شف استخدامك مشاوريك يوميه خذ 350 بدون تفكير لن 454 مع الاستخدام اليومي صدقني بعد صلاه العصر بتروح للصناعيه والتعب وخساره الدراهم اولا شف استخدامك بعدين قرر تركيب المكينه 454 او 350

[أبو فهد بليزر]

ادري ان الموضوع قديم ولكن للفائده بخصوص صوت الطقطقه فالمكينه موتري 350 طلع فالمكينه صوت طقطقه قويه وكل ورشه تقول كلام بخصوص المكينه لدرجة ان بعضهم قال توضيب طبعا المكينه توها مجدده قطع اصليه في رمضان اللي فات ومامشيت عليها ولا 50 كيلو توها لاني غيرتها وبديت اجدد الموتر من بويه و تنجيد و كهرب و خذت وقت وهي واقفه المهم اخر ورشه مريت عليه كهربائي وليس ميكانيكي جاب سماعه وجلس يتسمع الصوت من وين جاي ثم نزل من فوق المكينه وقال مشكلتك بسيطه الصوت من الديلكو و بالفعل غيرت الديلكو عنده قدام عيوني وشغلنا الموتر و اختفى الصوت نهائيا قلت وش مشكلة القديم قال فوق الترس حق الديلكو فيه زي الصوفه حديد متكسره وشفتها بعيني وماكلفتني الشغله 200 ريال وخذيت الديلكو القديم معي كامل والحمد لله هالكلام امس
المقصد من هالسالفه في أي مشكله تواجهك احرص على اللي عنده خبره وفاهم موب اللي يخمن من راسه وشكرا