نصيحة للي يبي جارمن نوفي

[الغريب 2000]

اخواني اعضاء وزوار مكشات السلام عليكم ورحمة الله وبركاتة لقد شريت الجارمن من احد الاخوة في المنتدى جديد وليس عليه ضمان بالف ريال استخدمته فترة وبعته وشريت جارمن من العامه مخرج12 1000 ريال وهوجهاز نوفي 1300 وعندما عطل الجهاز بعد اسبوع من استخدامه رحت يمهم وبدلوه بواحد جديد 1310 وعلية ضمان ساري المفعول لمدة سنتين فأن انصح كل شخص راغب بشراء النوفي ان يذهب لهم ويشري الجهاز بالضمان ويريح راسة من دوخة الاجهزة اللي بدون ضمان والله العلى القدير كتب هذا الموضوع للفائدة وليس وراه اي مصالح لائي شخص كان علمآ بأني اول مرة اروح للعامة بنصيحة احد الاخوان بالمنتدى ولكم مني جزيل الشكر

[مطحن]

السلام عليكم ورحمة الله

ما وضحت لنا يالغالي الجهاز الاول كم رقمه؟ حتى نقدر نقارن

اخوك عبدالرحمن

[Garmin555]

شكرا لك اخي علي النصيحه لكن من تجارب كثيره ... الوكلاء حراميه نمره واستماره

جهازك النوفي 1300 تدري كم سعره برا 450 ريال .. من غير الشحن وسعر مفرد وليس جمله

يعني لما ياخذ له 1000 جهاز ... شف كم سعره

لامانع من الربح لكن الي حاصل مهوب ربح الا مص دم .. وكلن يحط سعر علي كيفه ..

انت حظك زين وغيروه بيقولون له سوء استخدام ..

لو المستهلك رفض الجشع وخل بضاعتهم تقعد في حلوقهم كان رضخوا ونزلوا اسعارهم ..

الله المستعان

[العابر]

مع كامل احترامي لك واضح انها دعاية رخيصة

ياخوي مانبغى التشويش على الناس وتخويفهم من شي في صالحهم عشان شركاتكم تكسب

ما صدقنا على الله اننا نعرف هالدرب تجي انت حتى لو كان بحسن نية وتخرب على الناس بمثل هالكلام

والله ثم والله ان المشترى عن طريق النت انه اوثق من شركات العفن اللي قاعد تسوي لهم دعاية

اذا تبغون تكسبون ثقة الناس حسنوا معاملتهم واربحوا الربح المعقول واحنا نجيكم نركض اما غير كذا خلاص راحت عليكم

[MNH]

الله يهديك بس

الاخوان في المنتدى كسروا الاسعار الخياليه للمحلات وجزاهم الله خير

اشتر اثنين من الاخوان من المنتدى بدل الواحد اللي انت شاريه وخل الضمان لهم

[عزيز نجد]

انصحهم الله يجزاك خير انهم يبيعون الاجهزه بسعر معقول طبعا كل الوكلاء هنا

الامارات ارخص منهم بكثير

شريت جهاز نوفي 1410 من الامارات بفارق 600 ريال هل هذا معقول ياخي اشري لي جهازين ولا اخذ من اللي يستغلون العالم (دار موجه والعامه وغيرهم)

شوفو الاسعار على الرابط التالي في الامارت للمقارنه
http://www.garminme.com/vb/

[sasooo315]

ليش هى رجعت على 600 ريال فقط
احنا شعب مغلوب على امره من جميع النواحى :(

[rolze]

الله يعطيك الف عافية

[zedan2001]

أخي الغالي بارك الله في حرصك ونصحك

ولكن للأسف الذي أجبر الناس على الشراء من الخارج ومن غير ضمان محلي هو الوكيل نفسه

فالمسألة أبعد من قضية ضمان

هي ببساطة إجبار الوكيل على تخفيض أسعاره حينما يرى الانخفاض الشديد في مبيعاته.

تخيل أنه يبيع جهاز بسعر جهازين أو أكثر

لا يضره أن يستبدل بعض الأجهزة لبعض العملاء وهذه أسعاره الباهضة


والقصة المشهورة في الأثر عن غلاء الأسعار حينما قيل لإبراهيم بن أدهم إن اللحم غلا قال فارخصوه أي لا تشتروه.


وقد وجدت هذه الصورة المعبرة عن حالنا مع التجار وموجة غلاء الأسعار


عسى الله أن يصلح أحوال المسلمين



http://www.mqataa.com/vb/uploaded/7174_01199729387.jpg

http://www.mqataa.com/vb/uploaded/715_01252188508.jpg
----------

[سلمان المرزوقي]

أشوف الإخوان مندفعين شوي في ردودهم على الأخ الغريب 2000 وفقه الله
الرجال ياجماعة الخير قاعد يقارن بين سعر جهاز معين عند محل العامة (بضمانه) وبمثيله عند من يبيعونه بدون ضمان والفرق أنا شفته 100 ريال فقط لاغير فبالنسبة لي أنا مستعد أدفع الفرق هذا وآخذ لي جهاز مضمون ولي قبيل أرجع له إذا حصل خلل معين لكن اللي يبيعون بدون ضمان إذا حصل في جهازك شيء لاقدر الله إقعد طقق بأصابعك وغنِ ياليل ما أطولك !!!!
وهذا ماحصل لقريب لي اشترى جهاز بدون ضمان وبعد فترة بسيطة طلع الجهاز فيه خلل مصنعي وهالحين يقشر بصل مثل مايقولون مايدري وش يسوي فيه لوبغى يبيعه ماجاب ولا ريال ....

[نفود الطوقي]

ياخي من اللي قال لك أن الجهاز اللي يجي من برا ماعليه ضمان
بعض الأجهزة اللي يجي من برا عليه ضمان دولي لمدة سنة
أنا مريت دار موجه قال لي : نضمنه لك سينة كاملة

[سلمان المرزوقي]

ياخي من اللي قال لك أن الجهاز اللي يجي من برا ماعليه ضمان
بعض الأجهزة اللي يجي من برا عليه ضمان دولي لمدة سنة
أنا مريت دار موجه قال لي : نضمنه لك سينة كاملة
إذا كان الوكيل دار موجه يعترف بالضمان الدولي فهذا جيد وراح أكون بصف كلامك فنحن نبحث عن الأفضل ولا نجامل أحد .

[برق الشتاء]

اخي العزيز اقدر حرصك وانا واثق كل الثقة ان كلامك لأجل المصلحة وليس دعاية

ولكن

انا اشتريت جهاز من احد الزملاء في مكشات بـ 950 ريال
ووجدته عند ساكو بـ 1700 ريال
وعند جرير 1550 ريال

ولذلك ماعندي مشكله لو خرب الجهاز اني اشتري من زميلنا في مكشات مرة اخرى لأنه تقريبا سعر جهاز بضمان يجيبلي جهازين بدون ضمان يعني استخدام الضمان عندنا قليل جدا والشركات قليلا ما تلتزم بالضمانات . وياكثر مادفعانا من جيبونا لتصليح اجهزتنا التي عليها الضمان مثل الجولات نشتري ضمان مشهور بزيادة في السعر ولانستفيد من هذا الضمان لأن الشركات تجيب لك مية سبب عشان مايبدلون الجهاز لك . وترا الدعوى 950 ريال ماهي مليون ريال عشان ادور ضمان .

لن اترك اهل الجعش يستغلونني ما استطعت

شاكرا لك على حرصك اخي الكريم وهذه وجهة نظر

دمت بخير

[سلمان المرزوقي]

هلا بك أخوي برق الشتاء
أنا قاعد أتكلم عن محل صدى العامة فقط اللي في مخرج 12 بالرياض وما أدري عن أسعار غيره ولاودي أتكلم في أحد أو أسب أحد لكن في مرة من المرات قعدت أقارن في عرض في المنتدى لجهاز 205w بسعر 700 ريال معه ضمان دولي سنة كاملة من شركة قارمن وما أدري هل يقبله الوكيل عندنا أم لا ؟ والعامة عندهم نفس الجهاز ب800 ريال ومضمون من عندهم حتى الإستبدال كما أشار الأخ الغريب في مشاركتة فبالتالي أرى إن الجهاز المضمون أفضل ولو زاد علي ب100 ريال ماهي مشكلة .
تبقى وجهة نظر شخصية

[برق الشتاء]

هلا بك أخوي برق الشتاء
أنا قاعد أتكلم عن محل صدى العامة فقط اللي في مخرج 12 بالرياض وما أدري عن أسعار غيره ولاودي أتكلم في أحد أو أسب أحد لكن في مرة من المرات قعدت أقارن في عرض في المنتدى لجهاز 205w بسعر 700 ريال معه ضمان دولي سنة كاملة من شركة قارمن وما أدري هل يقبله الوكيل عندنا أم لا ؟ والعامة عندهم نفس الجهاز ب800 ريال ومضمون من عندهم حتى الإستبدال كما أشار الأخ الغريب في مشاركتة فبالتالي أرى إن الجهاز المضمون أفضل ولو زاد علي ب100 ريال ماهي مشكلة .
تبقى وجهة نظر شخصية


اخوي الريفاليو : حتى لاتعتب علي .. تعقيبي السابق كان على موضوع اخونا الغريب 2000 وليس على ردك . عموما أخي العزيز لو كان الفرق 100 ريال ماهي مشكلة ولكنني وجدت الفرق 750 ريال وهذا غير معقول وجشع من الوكلاء وهذا ماجعلني افضل جهاز بسعر معقول حتى ولو بدون ضمان . دمت بخير اخي الكريم بارك الله فيك

[الغريب 2000]

اشكر كل من رد على الموضوع وافيدكم بأني لست مسوق لائي شخص والله على مااقول شهيد والنصحية كانت عندما كلمت الاخ الريفاليو ووصف لي المحل وهو العامة مخرج 12 والله على مااقول شهيد

[۩ أبو سعود ۩]

لا أدري عن محل العامة ،،،

و لكن دار موجة سألته عن جهاز قال يوجد مقارب له بــ 1600 ريال ، و اشتريته من الخارج بــ 763 ريال .

اعتقد أنه لا يوجد فرق يستدعي مقاطعة الوكيل !!!!!!!!!

[الغريب 2000]

اخواني اعضاء مندتيات مكشات السلام عليكم ورحمة الله وبركاتة بعد الاتهمات من الاخوان لي بخصوص هذا الموضوع افيدكم بأني شريت جهاز من الاخوه داخل المنتدى وهو نوفي 205 وسقط بالماء طبعآ بدون ضمان فتعوضت الله به وطلبت من الاخوه بعنوان عاجل مطلوب نوفي 205 او 260 شاشه كبيرة وكلمني اخوي الريفاليو ونصحني ان اروح لصدى العامه مخرج 12 وعملت بنصيحتة ورحت لهم وشريت نوفي 1300 ب850ريال بضمان سنتين وبعد اسبوع قام الجهاز يعلق اثناء الملاحة لمدة ثواني والحقيقه كرهته فرحت لهم حسب الضمان وقلت لسوداني هذا الجهاز يعلق قال انا اشوف ان الجهاز مافية شئ شغال رح لين يعلق وجيبة فصريت علية بعد المجادلة لاني قلت ماادري مته يعلق لازم تغيرة فخيرني بجهازنفس النوعيه او اني ابدلة بجهاز ثاني وزود الفرق فخترت نوفي 1310 ملاحة وبلوتوث فقط وزدته 170 ريال هذا لكم احبتي توضيح فقط ولست مجبور على هذا الكلام ولاكن اتوقع من رد على موضوعي بأسلوب غير لائق فهو مسوق جهاز داخل المنتدى ولايبي يخسر الزبائن على قولتهم كلن يبي يحوش النار صوب قرصة 0لكم مني اجمل التحيا اخوكم الغريب 2000

[عبدالله الجوعي]

تبقى وجهات نظر

فيه ناس ترغب شراء المستعمل حتى لو كان الفرق بينه وبين الجديد 100 ريال

وفيه ناس ترغب شراء الجديد حتى لو كان الفرق بينه وبين المستعمل 300 ريال

سوق المستعمل موجود ولا بد منه سواء في أجهزة القارمن أو الجوال أو المحمول أو أي أجهزة أخرى

أما بالنسبة للضمان فمن وجهة نظري إذا لم يكن فيه عيب مصنعي من البداية فهذا يعني تجاوز المشاكل بإذن الله إلا من سوء الإستخدام أو التحديثات

[نعناع الجبل]

الحقيقة اجهزة الملاحة لايضرها ان كان مستعمل لانها استفبال وليس ارسال مثل الاجهزة اللاسلكية فاجهزة الاستقبال غالبا لايضرها شي اذا كان اريل الاستقبال سليم ولم يتعرض للكسر والخ،،،،،،فالمستعمل يطيح به مبلغ وهو والجديد واحد واسئل مجرب وراي اخوي عبدالله الجوعي نفس الصواب،

[الغريب 2000]

اشكر مروركم الكريم اخوي/ عبد الله الجوعي ونعناع الجبل وكل شخص يدور السلعة اللي سعرة اقل واذا كانت تؤدي القرض فهذا شي طيب سوا مستعمل اوجديد ولاكن حبيت اوضح للاخوان فقط لكم اجمل التحيا

[مشاغب السقالة]

بالله عليكم ايش اخذنا من الضمان الا وجع الراس
اعتبره جوال رخيص وخرب عليك ارميه واشترى غيره

[فهد33]

والله ياخي ضعنا بالطوشة لو خرب مافيه أحد يصلحه ؟

[sultan911]

الف الف شكر اخي العزيز على التوضيح ولكن ترى مقاطعه التجار عندنا هي الوحيد لكسر روسهم حتى ينزلون في الاسعار التي طالت كل شي والمصيبه مافيه مراقبه من جهه حمايه المستهلك وشكلهم سكرو مدري نقلوهم للبر لان تجارنا ممتازين ولا يحتاجون مراقبه الله المستعان وفعلك شي جميل وهو التوضيح لتجار الذين اسعارهم مناسبه وحتى ولو كانت مثل ماقالو الاخوه انها دعايه لا مانع من اشراء منه وتشجيعه حتى يعرفون البقيه وينزلون من اسعارهم ويكون هناك تنافس في الاسعار والله الموفق