زيت القير الأتماتيك للباترول

[الأجودي11]

السلام عليكم

مساء الخير للجميع

ياشباب أنا موتري باترول فتك ممشاه 120 ألف من الوكاله معاي . السؤال / هل أقوم بتغيير زيت القير الأتماتيك . ام انتظر لين يمشي 200000 ألف .

وشكرا .....

[رفيع المقآم]

لا لا غيره الحين ولا لاتغيره ابد زده الحين قبل لا يمشي اكثر طع شوري غيره الحين مع الصفايه

[الأجودي11]

يعطيك العافية أخي ( منوتي الشاص )

ونتظر الرد من بقية الزملاء

[قناص خلاوي]

أخوي انا موتري ماشي 170 ولا غيرته
ووديته لرجال سعودي راعي ورشة باترول ناصح وفاهم
وشيك على زيت القير وقال تمام ولا تسوي فيه شي
وللعلم زيت القير ماله مصفي ( صفاية) (فلتر)
اذا انت بالرياض عطني خبر ارسل لك رقم الرجال وتمره وتشيك على موترك

[الأجودي11]

يعطيك العافية قناص خلاوي
بيض الله وجهك وأنا من الشمال

[باترول2008]

بالنسبه لي دخلت موتري وكالة نيسان فرع طريق المدينه بجده

طبعا كان موتري ماشي 110 ألف وقالولي لازم نغير زيت القير

وطبعا غيروه وكلف علي
4 لتر اللتر بـ80 وعليك الحسبه

ومن نصيحتي غير الزيت لا تقعد تجازف بقيرك عشان 360 ريال


دمت بود

[sumbook]

اخي الكريم
معظم السيارات تغير زيت الجير على ال 40 الف او ال 80 الف
120 الف كيلو متر كثيرة
الافضل تقرا الكتيب حق السيارة وهو يقول لك متى تحتاج تغير الزيوت ...

[قرم العيال]

عيار الزيت اولا وشف وضعه
وعندك المشرف سوبر فتك يدلك على الورش الزينه ما يقصر ذيبان

[مغلي]

^
^
^
الفتك ماله عيار لزيت القير .....!!!!
يعني يمشي ومايدري عن القير زيته ناقص او محروق ... كلها في علم الغيب

[أبو رزان 97]

عني انا رحت للشركه والسياره ماشيه 150

قالوا مفروض غيرت على 60 الف كيلو قلت المهم غيروه

جابولي ورقه قالوا وقع اخلاء مسئوليه لنا

ليش قالوا لانك اتاخرت وممكن مع هالتأخير يجيم الجربوكس ويبيله توضيب كامل

قلت هونت مابي اغير

ومريت على ورشة الهبيش في بريده وعاير زيت القير بعيار خاص عنده طوله يجي متر وشوي

قال مايبيله زياده ماهو ناقص وسلامتكم ....

[م و ق]

السلام عليكم ورحمة الله ..
اخوي ما ابي اطول عليك ..
انا مو من عادتي ارد على اي مو ضوع لكن موضوعك مهم فحبيت اشارك فيه ..
انا معاي باترول فتك ورحت لاكثر من ورشة واكثر من فرع للوكالة في الرياض والقصيم ، ولدي زملاء كثيرون لديهم نفس السيارة .... يعني خبره بالاصح ... فاقول:
* زيت القير للباترول لا يغير ابدً ابدا ابداً وانما يزاد لانه لا يحترق وانما قد ينقص كل 150 الف كيلوا لكن اذا تبغى تشيك فالامر لك .
* اذا كنت تحس بمشكلة في القير كعدم تغيير الى النمر الاخرى بسهوله او انه يعلق على الثالث على الاغلب فلك ان تفصل البطارية لمدة 15 دقيقة ثم تعيدها - لكي تعيد برمجة الكنبيوتر -فان صلح ولو لمده بسيطة فالخلل في الكتاوت وهي سريعة الخراب ومكان الكتاوت اللي تبعه بجانب فلتر الهواء واحده من الثلاث الزرق الكبيرة ، واذا اردت فحصة بالكنبيوتر دون فصل البطارية فلك ذلك الى ان الكنبيوتر يخطأ في كثير من الاحيان .

تقبل مروري واتمنى اكون أفدتك وزملائنا في المنتدى .

[الأجودي11]

الله يبارك فيكم الجميع ويعطيكم العافية