اطباق بحرينيه وحلويات من اخت مبارك

[أخت مبارك]

السلام عليكم


اليوم التقرير منوع ان شاء الله من كل طبق صورة وطريقة إعداده


وكلها خليجيه ماعدا طبق واحد ايطالي وهو المفضل عندي من بين الاطباق الايطاليه واربع انواع من الحلويات


اثنين حلى شامي واثنين خليجي


نبتدي بسم الله


ماشاء الله وهذا طبق مشخول الربيان والسنه اللي طافت نزلت طبق مشخول الربيان بالرز الاسمر وكان ترتيب خليجي


كيلو ربيان منظف مقشر وبصلة مفرومه , ليمون اسود مكسر ’ طماطم مقطعه ’ كزبرة ’ فلفل اخضر


ثوم مطحونن حسب الرغبه والبهارات بعد الكميه حسب الرغبه ’ ملح كركم بزار فلفل احمر او اسود


بطاطس مقطعه مربعات كبيره فلفل رومي ’ مقطع مكعبات ’ زعفران وماء ورد حطوه في فنيال ينقع


الحين ندش على الطريقة


نحمس البصل والليمون الاسود في القدر مع ربع كوب ماء لين يذبل وينشف الماء نضيف الزيت


ونقلبه ونضيف باقي البهارات المذكورة ونضيف الربيان والبطاط وباقي الخضروات المذكورة


ونخليهم على النار مدة عشر دقايق وبعدين نسلق الرز مع اضافة البهارات الحب


نسلق الرز طبعا نص سلقة ونضيفه على الربيان ونغطي الجدر ونخليه ساعه الا ربع على النار هادية طبعا


http://www.mekshat.com/pix/upload03/images147/mk106353_maahebian2.jpg



الطبق صورته بشكل هذا اسمحولنا يعني ماهو ترتيب خليجي بس صديقاتي كانوا عندي يتغدون وسويت لهم هالشكل


مشخول الدجاج وهو يختلف اختلاف بسيط عن مشخول الربيان واللحم


مشخول الدجاج نفس مقادير مشخول الربيان والطريقة نقلي الدجاج في الزيت اولا وممكن اضافه بهارات على الدجاج نفس البهارات المذكوره


ونقليه ونخليه على جنب وبعدين نتبع نفس الخطوات المذكوره في مشخول الربيان اللي هي الكشنه ثم وضع الدجاج المقلي والرز الخ



http://www.mekshat.com/pix/upload03/images147/mk106353_mshkhool1.jpg


شيش طاووق دجاج على الطريقة الخليجيه


اربع صدور دجاج كبيره بدون جلد وعضم مقطعين مكعبات ’ علبة روب ’ ملعقة كبيره ليمون اسود مطحون او نص ملعقة براحتج


ملعقة شاي فلفل اسود ’ شوي كركم ’ ملح ملعقة شاي ’ ملعقة ونص كبيره ثوم وزنجبيل مطحونين


بصل مكعبات ’ فلفل اخضر بارد مكعبات ’ تخلط كل المقادير سوا وتخلينها 12 ساعه بعدين تشك في اسياخ وتقلى في زيت



http://www.mekshat.com/pix/upload03/images147/mk106353_sheesh.jpg


زبيدي وشيلاني


تراه سهل مايبيله شي الزبيدي ينضف ويغسل ويبهر بالبزار البحريني ثوم زنجبيل مطحونين عصرة ليمونه فلفل احمر وكركم وملح ونخليه ربع ساعه الى عشرين دقيقه ونقليه بالزيت


والشيلاني الكل يعرفه طبعا نسلق الرز في الماء والملح فقط ويشخل ويرش بالسمنه البلدي عند التقديم


وطريقة عمتي للشيلاني وايد عجيبه تحمس البصل في الزيت ممكن اضافة بعض البهارات المحبوبه عندكم ونضيف عليه الرز المسلوق مسبقا ونغطي القدر مدة عشر دقايق على نار هاديه ويطلع عندكم احلى شيلاني بالحمسه


http://www.mekshat.com/pix/upload03/images147/mk106353_zubaidi.jpg



والطبق الايطالي ريزوتو السبانخ مع دجاج بالكريمه طبق لذيذ وااااااااااااااايد انصحكم تجربونه لان ادمان


ناخذ رز اسمر او رز خاص للريزوتو اسمه اربوريو ينباع بالسوبر ماركت واذا ماحصلتوه استخدموا الرز الامريكي ابو بنت وربعه


ناخذ كوب من الرز ويسلق لين ينضج ويشخل ويوضع على جنب احين في مقلاة نحط ملعقة زبدة ونص ملعقة صغيرة بودرة الثوم او فص ثومه مدقوقه


وبعدين نحط نص كوب سبانخ مثلج مقطع لان السبانخ الطازج طعمه قوي شوي فيفضل المثلج ونقلبها خمس دقايق تذبل شوي


عقب ننزل الرز المسلوق عليه ونقلبه ونحط كوب كريمه المراعي ملعقتين جبن سائل او جبن موزاريلا حسب الرغبه ونقلبها


والدجاج ناخذ اربع صدور دياي نقطعهم قطع طوليه ونحط عليهم ملعقة صغيره ثوم وزنجبيل مطحونين وفلفل احمر وكركم


وعصير ليمونه او نص ليمونه خليهم يوم كامل بالثلاجه وبعدين عند الطبخ


http://www.mekshat.com/pix/upload03/images147/mk106353_43.jpg


والان ننتقل للحلويات


طبق المشهور جدا في البحرين وبعض دول الخليج طبعا هو الساقو


ناخذ كوب ساقو ننقعه مدة ساعه نحرق السكر تقريبا من 3 الى اربع 4 فنيال اكيد طبعا مانحركه وايد نسويه شوي مثل لون الكراميل


على نار وسط ونضيف عليه 3 كوب ماء لين يغلي ويذوب السكر المحروق نضيف ملعقة صغيره هيل مطحون


زعفران ماء ورد والساقو ونخليهم يغلو لين ينضج الساقو اذا الماء صار ناقص نزيد شوي ماء ساخن ونضيف عليه ملعقتين سمنه بلدي او زبده


شوي مكسرات ويقدم في طبق ويرش بالمكسرات



http://www.mekshat.com/pix/upload03/images147/mk106353_ssssssssss1.jpg


الجباب طبق اماراتي شهير جدا بالامارات ومحبوب عند الجميع


كاس دقيق فاخر ’ ملعقة صغيره خميره ’ فنيال سكر ’ كاس ماء دافي ’ رشة ملح ’ 3 ملاعق كبار حليب بودره زعفران وملعقة صغيره هيل ’ بيضه ’


تخلط كل هذه المقادير ونتركها تتخمر مدة ساعه اذا مستعجلين 40 دقيقه تكفي


الطريقة


مانسوي شي بس نصبها عالتاوه على هيئة دوائر في ناس تسويها بالزيت وناس بلا زيت ونا اسويها بالزيت


يعني احط ملعقة صغيره زيت بالتاوه واصب الخلطه بملعقة غزيره شوي المراد كنكم تسوون بان كيك وخلصنا


ويرش بالعسل الابيض او الاسود في ناس تحط دبس وانا افضل العسل الابيض


http://www.mekshat.com/pix/upload03/images147/mk106353_cbaaaaaaaaab.jpg



بقلاوة الفول السوداني والقرفه


البقلاوة اللي يحبونها وااااايد ومطلوبه مني دايما هي


مقاديرها كالاتي :


كوب فول سوداني بدون قشر يحمص عالنار وسط ويطحن خشن ملعقة صغيرة قرفة مطحونه عجينة بقلاوة الكرامه المثلجة ممكن استخدام اي ماركه ثانيه بكيفكم طبعا


كوب زبدة (( اللي فيه كلسترول يسكر الصفحه كامله))


الشيرة


كوب سكر +كوب ماء (( اللي فيه سكر يسكر اللابتوب ))


تغلى عالنار ربع ساعه الى 20 دقيقه


الطريقة


نخلط الفول السوداني مع القرفه المحمصه ناخذ اربع اوراق نحطهم فوق بعض ونحشيهم الحشوه


ونلفها مثل الشاورما نصفها بصينيه نقطعها وبعدين نصب عليهم الزبده السايحه بعد عشر دقايق ندخلها الفرن


ونخليها تقريبا 40 دقيقه عشرين تحت وعشرين فوق لازم وقت طويل شوي عشان تتحمص زين وتاخذ اللون الذهبي


نطلع البقلاوه الساخنه من الفرن ونصب عليها الشيره البارده اهم شي الشيره بارده بدرجة حرارة الغرفه وماتكون ساخنه



http://www.mekshat.com/pix/upload03/images147/mk106353_sagou.jpg



واخيرا وليس اخرا


الكنافة بالقشطه مابغت تضبط معي واخيرا نجحت فيها بعد صراع مرير صارت مقرمشه مثل مااحبها لاني مااداني الكنافه اللينه ابد


استخدمت كنافة السنبلة


كوب زبده ’ اهم شي تكون لينه شوي مب وايد اهم شي ماتكون سايحه


الحشوه


قشطة كي دي دي ’ ملعقة نشا كبيره ’ كوب حليب ’ كلهم عالنار لين تغلظ وترفع


الطريقة


ناخذ صينيتين بايركس بنفس الشكل والحجم ناخذ نص كمية الزبدة ونحطها في الصينيه والزبدة طبعا بتكون مثل كريمه


وفوقها نحط الكنافه اللي حنا مقطعينها بالمقص من قبل ونرصها فوق الزبده ونضغط عليها باليد لين تترتب نعمل مثل هالطريقه في الصينيتين وندخلهم الفرن


تتحمر من تحت بس مدة 40 دقيقه او نص ساعه على حسب فرنكم وحرارته اول مايصير لونها ذهبي خلاص نسكر الفرن


نخليها تبرد ونقلب الكنافه نحشيها القشطه ونسكرها بقطعة الكنافه الثانيه ونشربها بالشيره وهذا السر عشان تكون الكنافه مقرمشه ولذيذة



http://www.mekshat.com/pix/upload03/images147/mk106353_kenaaafa4.jpg



عليكم بالعافيه


ولاتنسونا بدعائكم

[ألأطلسي]

يعطيك عافيه وماقصرتي على الاطباق خاصه الكنافه
مشكورعلى الترتيب

[دوسريه كول]

ماشاءالله ..
كتبت لك كذا رد وعدلته بعد ظهور الصور
والله عيوني ذبلت من النوم ومن جمال الاطباق
مبدعه ومميزه ونبي طرق الاعداد لجميعها
صحتين وهنا على قليبك
ودمتي بود
,

[shaheen70]

مشاء الله تبارك الله
أطباق لذيه من المشاهده
وتنوعها زادها جمال
الله يعطيك العافية
في أمان الله

[المغيض]

الله يعطيك العافيه على هذي الاطباق الجميله وبارك الله فيك...
طيب واللي يبي مقادير الاطباق كلها...
تراي امزح....بارك الله فيك وجزاك الله خير....
تقبلي مروري

[صبراً صبراً]

وعليكم السلام ورحمة الله وبركاته
جزاكم الله خيراً

[زود الرياض]

اعجبني الطبق شيش طاووق دجاج على الطريقة الخليجيه


روعه روعه

[بنت قحطان]

انا الان بطلع للدوام والمعده قايمه من الجوووووووووع

الرززززز يخبل وانا مثل دوسريه كل الوصفات اسدحي طريقتهم وخصوص الرز والبقلاوه


عوافي

[عاشق السيل]

ماشاء الله تبارك الله الله يجعلها هني وعافية عليكم ،،،

كل طبق أحلى من الثاني ،، والطبق الأول بالدرجة الأولى !!!!!

عافاك الله وتقبلي مروري .......

[انا_والبر]

اخت مبارك...الله يعطيك العافيه
اطباق ولا احلي بس كان ناقصها الطريقه وخصوصا الايطالي

[MNH]

بصراحه نبيها كلها يا مبدعه

[العتين]

ماشاء الله تبارك الله
الله يعطيك العافية

[برق العطاء]

ماشاء الله لذيييييييييييييييييييييييييييييييييييييييييييييييي ييييذه جداً جداً لاهنتي اختي والله يسعدك يارب

[المتوهج91]

ياسلالالالالالالالالالالالالالالالالالالالالالالال الالالالالام

[عجاج السناف]

كل طبق ازين من الثاني
ونبي نطالبك
نبي كل طبق تسوينه وتفصلين لنا طريقة طبخه

تقبلي مروري وتعليقي

[_هب ريح _]

مشكووووووووووووووووووووورهـ اختى والله يعافيكي

[مقناص 20]

ماشاء الله على الفن والابداع في الاطباق
ماقصرتي على الجهد الواضح في الاعداد لها وشكلها جدا مووووت
كل طبق احسن من الثاني بارك الله فيك
الف شكر وجعله مداخيل العافيه عليكم

http://img404.imageshack.us/img404/1522/0f6b3361ebe.gif

http://img693.imageshack.us/img693/3104/sign3j.jpg

[saif-q6r]

ياليت طريق الشيش طاووق ,


ومشكورة على الأكلاات اللذيذة ..

[أخت مبارك]

شكرا للجميع منورين

[saif-q6r]

ياليت طريق الشيش طاووق ,


ومشكورة على الأكلاات اللذيذة ..


انتظرج ,


ضروري احتاجها لليوم ..

[الضي]

الله يعطيك العافيه على الاكلات الحلوه ولو سمحتي اش براحتج ممكن توضحيلي اكثر اخوك الضي

[المبتكر1]

ما شاء الله تبارك الله
أطباق روعة وتصوير رائع
صحة وعافية .

[عقد اللولو]

ماشاءالله تسلم الايادي ..

[دهران]

الأخت الكريمة / اخت مبارك


http://www.mekshat.com/pix/upload03/images149/mk17809_106.gif


تقرير رائع جداً ويستحق أعلى تقييم


http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif

[مخاوي الليل1]

السلام عليكم
ماشاءلله
وبالعافيه

[أخت البنات]

اختي الخلوقه اخت مبارك
تسمحين اخذ هالطبق;)


http://www.mekshat.com/pix/upload03/images147/mk106353_43.jpg
http://www.alfrasha.com/up/19326851032114515801.gif

[فهد33]

أخت مبارك والله والنعم بك وبمبارك شغل ولا أحلى .. منافسة قوية بينك وبين دوسرية كول ولا ننسى الأخت بنت ابوها بصراحة ابداع وفن والله يعين اللي يبي يسوي رجيم وهو قريب منكم .. لو سمحتوا لي فضلاً لا أمراً نبي منكم وجبات وطبخات خاصة بأصحاب الرجيم قليلة السعرات .. ودمتم بود .

[أخت مبارك]

يعطيك الف عافيه يامشرف دهران وربي يخلي لك عيالك تشوفهم كلهم دكاتره ياررررررررررب


بالعافيه عليج يا اختي ام البنات وهذا سؤال بعد تستاهلين احسن منه نور المنتدى برجوعج
والله فتقدناج
وتسلمون اخواني خواتي على مروركم الطيب

[أخت مبارك]

سيف قطر تسلم اخوي على تواصلك منور

تسلم اخوي الضي على ردك نورت

المبتكر ماقصرت على تواصلك الدائم منور

عقد اللولو تسلم اخوي ماقصرت منور

[رعد الصحراء]

ماشاء الله تبارك الله

اختي الكريمه اخت مبارك

الله يعطيك العافيه

أطباق متنوعه ولذيذه بارك الله فيك

موضوع يستحق أعلى تقييم

http://rthmc.net/vb/images/ranks/16.gifhttp://rthmc.net/vb/images/ranks/16.gifhttp://rthmc.net/vb/images/ranks/16.gifhttp://rthmc.net/vb/images/ranks/16.gifhttp://rthmc.net/vb/images/ranks/16.gif

بانتظار جديدك

[الذيب الشمالي]

اطباق شهية ولذيذة وشغل متعوب عليه
تسسسسسسسسسسسسسلمين

[فطوم باك]

يعطيك العافية

يسلمووووووووووووووو

لاعدمناك

[أخت مبارك]

تسلم اخوي رعد على تواصلك الدائم وتعليقك الطيب ماقصرت
تسلم اخوي الذيب الشمالي على تواصلك وردودك الحلوة ماقصرت
تسلمي اختي فوفو على تواصلك ال دائم منوره

[االمغترب]

اخت مبارك 0 الله يعطيك الف عافيه على الشغل والترتيب 100% صراحه خوش طبق انتي دائمه مبدعه فالكي التوفيق

[ابو عنقا]

تسلم هاليدين يا اخت مبارك

ولافيه أحلى من الأطباق البحرينية شي

مشكوورة

تحياتي

[مذخور]

الله يعطيك العافيه على هذي الاطباق الحلوة
والحقيقة دائمآ مبدعة
بارك اللة فيك وفي مجهودك
اختي اخت مبارك

[الجرح الحزين]

وعليكم السلام ورحمة الله وبركاته
اسعد الله اوقاتس بكل خير بالغاليه
تسلم يمناتس يالشيخه على هذا الطبخاته الزينه وجعلتس على القوة

[لحظة حب]

مشاء الله عليك قمة في الأبداع
ليش طيب ماصورتي السفرة كاملة افضل

بس مشاء لله جنان

الله يعطيك العافيه

[انا مسلمة]

ماشاء الله وش ذا الزين

كل طبق يقول الزود عندي

ربي يعطيك العافية

ويسلم ايدينك اختي

[سوالف]

اطباق راااااااااااااااائعه

والرزتور الايطالي غيررررررررر

والله يجزاك خيرررر

[أخت مبارك]

شكرا لكم جميعا على تواصلكم وردودكم الطيبه
منورين هلابكم

[ريوف9]

بارك الله فيك أخي الكريم