مشكله بالثلاجه ارجو التفاعل وين الخبراء =====تكفووون تراها تهز الرياجيل

[رفيع المقآم]

بسم الله الرحمن الرحيم
السلام عليكم ورحمه الله وبركاته
يالله تحيي المكشاتيين كلن باسمه
يالربع السالفه وما فيها انا عند اخوي فورد م 97 فكتوريا الحراره هي المشكله عندي كلتش المروحه تمام:good2: والمروحه دفعها للهواء تمام :good2: وانا مركب غطاء قربه الرديتر جديد وممتازوما ينسم:good2: وانا شايل البلف ويالربع بالقيض اذا انا مشغل المكيف الحراره قبل الاتش بشوي:eek: :eek: وبدون مكيف على الثلاث ترباع :eek: :eek: وش السواه تكفون يالربع وبعدين يوم رحت قالولي عندك الثلاجه حقت التبريد للموتر كامل منفقعه:eek: :eek: وقيمتها جديده1000 :eek: :eek: وقيمه التركيب200:eek: :eek: وانا والله قلت ما ني مركبها الين اسال المكشاتيين:f وان شاء الله ما اطلع من عندكم خايب ولا عندي جواب ولا حل للمشكله تكفون يالربع ترى تكفى تهز الرياجيل والله نبي نبيع الموتر عشان هالسالفه تكفون اللي يعرف لهالمشكله والله لادعيله واللي قد صارتله نبيه يعلمنا ولكم مني جزيل الشكر والتقدير
اخوووووكم منوتي الشاص تقيلو تحياااتي

[رفيع المقآم]

8 اللي مرو على الموضوع ولا واحد رد عيب والله ما توقعتهامنكم 8 سلمو بس سلام اذا ما تعرف

[موادع الشرقيه]

حاول انك تمر اكثر من ورشة

[نايف الكشات]

مره من المرات كانت معي سياره هوندا ونفس الحكاية اذا شغلت المكيف فللت الحراره
وجميع المهندسين اللي مريت عليهم قرروا عليها راس المكينه
قلنا خلاص مافيه غير راس المكينه كل شيء سويناه وغيرناه مانفع
وهو يفكه مهندسن سوداني ونخرط الراس ونركب الراس ونشغل السياره والمكيف لمير المشكله هي المشكله والشغله كلها خساره بخساره
بالاخير طلعت المشكلة من الرديتر علما انني مركب رديتر جديد تخيل رديتر جديد خربان يعني كل شي سويته مع تركيب رديتر جديد طلع المشكلة من الرديتر الجديد
فإنتبه للرديتر حتى لو كان جيد
اكرر رديتر رديتر رديتر

[رفيع المقآم]

مشكوووووور نا يف المكشااات ما قصرت وما يجي منك قصوووووووور
ننتظر بقيه الردود

[سديراوي 13]

انا انصحك انك تصيخ الرديتر وترجع البلف وان شاء الله تنحل مشكلتك

[رفيع المقآم]

المشكله البلف اذا كان موجود الحراره اتش على طووووووووول

[ناجل سمار]

وعليكم السلام استشير مختص ازيلك

[سسته]

رسالة على الخاص .....

[معيضوو]

اخوي فيه مروحه كهرباء بين الرديتر والمروحه اللي بالمكينه شيك عليها

صارت لي المشكله هاذي بفورد 96 والسبب من المروحه الكهرباء

[رفيع المقآم]

المروحه الكهرب طال عمرك ما تشتغل الا مع المكيف يعني اذا شغلت المكيف تشتغل بس فقط

[قمة افرست]

شوف اخوي
مشكلة ثلاجة الفورد ماهي موضوع جديد دايم تنسم وماهو غريب
اذا انت متاكد ان المشكلة بالثلاجة حلها سهل بيكلف فك وتركيب بس 200 ريال وقيمة عصار يباع بساكو
طبعا الثلاجة اذا الثلاجة بلاستيك
روح لساكو وقوله ابغى المادة الي تلصق البلاستيك وتتحمل حرارة ووضح له انك بتلحم فيها ثلاجة فورد مادة
ومجربه
وخل المهندس
يفك الثلاجة ويوريك الشعر يفكها وينتبه لايزيد المشكلة
بعد كذا خذها معك البيت والي بساكو بيشرحون لك الطريقة والوقت لضمان ان الغراء يثبت
وطبعا هذا حل مؤقت
او انك تغيرها بثلاجة مسامير القاعده المنيوم


من اشارات تنسيم الثلاجة
نقص الماء
ارتفاع الحرارة
والاشياء الاخرى معروفة كالمراوح وو الخ ونت فحصتها وتقول تمام


وان شاء الله تنحل المشكلة

ملاحظة اذا مافيه نقص ماء بالاديتر
راجع كلتش المراوح واداءها
شيك على الاديتر احتمال يحتاج تسييخ

[رفيع المقآم]

هلا بك اخوي قمه افرست انا قد سويت العصار ذا وطريقته واخذ مني 350 مع العصار شريته 20 المهم راحت فتره ورجعت انا ابي اغيرها طال عمرك ولا يهونون الباقين لكن وش الثلاجه اللي مسامير قاعدتها المونيوم انا عازم على التغيير بس وضحلي شلون ومنين اشتريها وايهم افضل حقت الوكاله او ام مساميرالمونيوم ارجو منك التوضييييح وشكرا

[ابوسعود2010]

اولا اشكرك يا منوه الشاص على اهتمامك بموتر اخوك وانا ما اقدر اخدمك إلا بالدعاء لك ولاخوك (ولجميع المتضررين)ليفرج الله همكما وهمهم اللهم يا الله يا منان يا مستجيب الداعي اذا دعااااك يارب يا رب انك تفرج ما هم عليه وتسهلها عليهم ( وعلى جميع المتضررين) انك سميع الدعاء والله اعلم ولك التوفيق والسداد انت واخوك وجميع المتضررين تقبلوو تحياتي





:D :) ابوسعوووود الصحراوي:f

[قمة افرست]

الصورة لثلاجة فورد هذه الانواع الجديده تم تفادي الاخططاء السابقة بجعل قاعدة المسامير من الالمنيوم
والاماكن الي ممكن تتعرض للتاكل
لورحت لقطع الغيار ان شاء الله بتلقى عندهم المطلوب
واعتقد هي حقة البلد للموديلات الجديثة
الصورة
http://www.autopartswarehouse.com/images/product_images/images/dorman/RB615178.jpg

[رفيع المقآم]

الله يوفقك يا ابو سعود 2010 وكفو ومشكور وما قصرت اما انت يا قمه افرست يعجز الكلام عن شكرك لكن عندي اشتفشارين الاول طال عمرك ومن يقرا هل تركب على موديل سياره اخوي والثاني الله لا يهينك اذا تعرف كم قيمتها وكاله ومشكور وهذي حبه على خشمك