عطوني حل لرائحة الثلاجة !!!! [الأرشيف]

مشاهدة النسخة كاملة : عطوني حل لرائحة الثلاجة !!!!

يازين البر

21/02/2010, 05:50 PM

بسم الله الرحمن الرحيم

يا اخوان أنا عندي ثلاجة الرماية 45 لتر وشغالة 100 %

لكن المشكلة الوحيدة هي أنه في أحد الطلعات انفصل السلك بدون ما نعلم عنه وطفت وذاب اللحم

ودخل الدم جوا وطلعت له رائحة كريهة نظفتها لين تعبت

وحطيت فيها كيس فحم وتركتها اسبوعين ما فيه فايدة !! المشكلة انها ما تنفك علشان تنظف من جوا لأن الدم داخل ويابس جوا !

تكفون عطوني حلللللللللل لا هنتم

رومنسيه منسيه

21/02/2010, 07:01 PM

يحب البر

21/02/2010, 07:06 PM

يازين البر

21/02/2010, 08:56 PM

السلام عليكم

شوف أخوي أنا أعرف أنو كربونات الصوديم
رائعه لشفط الرائحه الكريهه
ممكن تغسل الثلاجه با لصابون وفي مرحلة الشطف النهائي
أضف للماء كميه وافره من الكربونات
وبعدها جفف الثلاجه وضع داخلها علبة كربونات مفتوحه لتمتص الرائحه إنشاء الله أكون أفدتك .

بارك الله فيك ... أشاروا علي الأهل فيها وكل ما رحت لمحل قلت له عندك بيكربونات الصوديوم ؟ طلع ثلاث علامات استفهام فوق راس الهندي ؟؟؟ :)

لكن راح أبحث عنها وأجرب الطريقة إن شاء الله .. أشكرك على مساعدتي

اسهيل

21/02/2010, 09:54 PM

وش كربونات لصوديم وشلون شكلها نبي نعرف نستفيد ممكن

يازين البر

21/02/2010, 10:26 PM

وش كربونات لصوديم وشلون شكلها نبي نعرف نستفيد ممكن

إلا ممكن ونص :) سم

http://www.mekshat.com/pix/upload03/images149/mk32953_vdfggv.jpg

راعي الجنوب

21/02/2010, 10:28 PM

تجدها عند العثيم في ركن الاشياء التي تحط مع الكيك مثل الفنيلا

راعي الجنوب

21/02/2010, 10:29 PM

قد تجي كرتون صغير مثل الجلي

ابودعسان

22/02/2010, 12:30 AM

نظفها بهيدروجين بروكسايد
نستعمله بالمستشفى لتنظيف الدم المتجمد على الجلد والثياب

المستحيل 2

22/02/2010, 12:37 AM

بارك الله فيك ... أشاروا علي الأهل فيها وكل ما رحت لمحل قلت له عندك بيكربونات الصوديوم ؟ طلع ثلاث علامات استفهام فوق راس الهندي ؟؟؟ :)

لكن راح أبحث عنها وأجرب الطريقة إن شاء الله .. أشكرك على مساعدتي

ابحث عنها في محلات العطارة فهي موجودة عندهم

الستانس

22/02/2010, 01:05 AM

يمكن بيكربونات الصوديوم هي نفسها اللي عند الصيدليات

عندهم زي البودرة بروايح الورد والخ....

تكبها على الفرش وتكنسها وتروح الريحة

صقرحايل

22/02/2010, 02:00 AM

الله يعينك ان شاءالله
والله ان شغلتها شغله الله يعينك

wafian

22/02/2010, 03:16 AM

ممكن اخوي العزيز تجرب الفحم الاسود

حط لك كمية فحم اسود في صحن صغير داخل الثلاجة

ان شاء الله تسحب الروائح الكريهه

تحياتي

aaez

22/02/2010, 03:17 AM

أخي العزيز أنا جلست أبحث عن بيكربونات الصوديوم إلين إحولت عيوني ودرت في كل مكان وآخر شي لقيتها عند بنده إللي في المروج (الجديده) اللي فتحت في سوق الشمال محل المخازن الكبرى يوم شفتها بغيت أصيح من الفرح لأني كنت محتاجها مره
وإذا تبيني أشتريها لك أبشر

فارس مكة

22/02/2010, 03:51 AM

طيب يالحبيب جربت البخار ... كيف

جيب لي (ماصوة ) صغيرة اصغر من حقت الانبوبة تبعت الغاز وضع راسها في فتحة ابريق الشاي وسخن موية ولو حطيت معها حبة ليمون بن زهير او اي ليمون ... تلاحض ان البخار يطلع من الراس الثاني .. يعني غسيل بالبخار ..

محبكم

أبي عبدالله

22/02/2010, 03:53 AM

تبي الحل الأكيد اللي ماوراه شئ

جب لك قطعة فحم كبيرة وحطها في الثلاجه وسكر عليها

فترة يوم أو يومين غيرها أن لزم الأمر وبعدين شف النتيجه

مع الشكر للأحبه كل أبوهم

أبي عبدالله

22/02/2010, 03:56 AM

ينبع حياتي

22/02/2010, 03:57 AM

الحل بسيط جدا
ودوء العله بالتي كانت هي الداؤء
حط مويه فالثلاجه وخلها مفتوحه بالشمس لمدة يومين وحاول تدخل المويه بنفس المكا ن الي تتوقع دخل معه الدم ...وبكذا تكون حطيت شي بدل شي وراح تتخلص من الروئح بكل سهوله ويسر
تحيتي

ابوماجد400

22/02/2010, 08:59 AM

الحقيقة أنا حصل معي نفس الشي , وصار الحل انك تحط معسل شيشة (ابو هيثم بالتفاح ) وتراني ما امزح من جد , اترك الكيس مفتوح , رائحة المعسل تعلق بالثلاجة اكثر من رائحة اللحم الفاسد . تقبل مروري .

سرهيد

22/02/2010, 09:57 AM

بغيت أصيح من الفرح لأني كنت محتاجها مره

هههههههه

الله يا ساتر كل هذا

بس عساه قصت اللزوم

فعلا بعض الاشياء من دبلة ( تسبدك ) والملل يضيق خاطرك واذا شفتها ودك ( تخم ) المحل كله وتشتريها

ما تنلام والله

متابع للموضوع للاستفادة من خبرة الجميع

تقبلوا احترامي

محب الرمنغتون

22/02/2010, 10:42 AM

المشكلة هذي مالها حل ابدا الله يخلف عليك

اشتر جديدة

faris alfaris

22/02/2010, 10:49 AM

السلام عليكم ورحمة الله وبركاتة

فية فلتر لتنقية رائحة الثلاجة عند ساكو عن تجربة ممتاز

تحطة في الثلاجة وبعد ثلاث ايام تقريبا يسحب الروئح بشكل تام

شكل الفلتر دئري ويحتوي على مؤشر يتغير لونة اذا سحب الروائح

اسمة fridge fresh
امريكي الصنع

تحياتي للجميع

يازين البر

22/02/2010, 11:42 AM

نظفها بهيدروجين بروكسايد
نستعمله بالمستشفى لتنظيف الدم المتجمد على الجلد والثياب

يا ابن الحلال يالله لقينا بيكربونات الصوديوم عاد وشلون بنلقا ذا هههههه :) لكن لا تخاف حفظت اسمه .. جزاك الله خير على هالمعلومة الجديدة :good:

ابحث عنها في محلات العطارة فهي موجودة عندهم

أنا لست من أهل الرياض ولكن أبشرك لقيتها البارح عند السوبر ماركت

ممكن اخوي العزيز تجرب الفحم الاسود

حط لك كمية فحم اسود في صحن صغير داخل الثلاجة

ان شاء الله تسحب الروائح الكريهه

تحياتي

كبيت فيها كيس فحم كامل وتركته أكثر من اسبوعين .. في البداية اختفت الرائحة ولكن عادت من جديد

أخي العزيز أنا جلست أبحث عن بيكربونات الصوديوم إلين إحولت عيوني ودرت في كل مكان وآخر شي لقيتها عند بنده إللي في المروج (الجديده) اللي فتحت في سوق الشمال محل المخازن الكبرى يوم شفتها بغيت أصيح من الفرح لأني كنت محتاجها مره
وإذا تبيني أشتريها لك أبشر

الله يجزاك الجنة لقيتها البارح طبعا ما سألت العامل لا .. علطول رحت لم الباكينج بودر ولقيتها جنبه :)

طيب يالحبيب جربت البخار ... كيف

جيب لي (ماصوة ) صغيرة اصغر من حقت الانبوبة تبعت الغاز وضع راسها في فتحة ابريق الشاي وسخن موية ولو حطيت معها حبة ليمون بن زهير او اي ليمون ... تلاحض ان البخار يطلع من الراس الثاني .. يعني غسيل بالبخار ..

محبكم

عاد تدري وش سويت بعد ما أعيتني الحيل ؟ جبت موية مغلية وصبيتها فيها وذريت عليها بيكربونات الصوديوم وطبقتها لها الآن نص يوم وقبل شوي غيرت الموية بعد وننتظر النتيجة .. الله يجزاك خير ووالديك

تبي الحل الأكيد اللي ماوراه شئ

جب لك قطعة فحم كبيرة وحطها في الثلاجه وسكر عليها

فترة يوم أو يومين غيرها أن لزم الأمر وبعدين شف النتيجه

مع الشكر للأحبه كل أبوهم

والله يا أبو عبد الله إن بغيت الصدز الفحم أثبت فشله عقب الكيس اللي راح هههههه مع العلم أن حجم الثلاجة 45 لتر يعني صغيرة بالنسبة لثلاجة البيت

ولكن المشكلة يقول الفني ان الدم وصل للفلين الداخي وتشبع فيه مالك إلا تطلع الفلين وتنظفه وهذا مستحيل لأن الثلاجة مختومة ما تقدر تطلع الفلين !!

بارك الله فيك أبو عبد الله ورحم الله شيبانك

الحقيقة أنا حصل معي نفس الشي , وصار الحل انك تحط معسل شيشة (ابو هيثم بالتفاح ) وتراني ما امزح من جد , اترك الكيس مفتوح , رائحة المعسل تعلق بالثلاجة اكثر من رائحة اللحم الفاسد . تقبل مروري .

ههههههه أبو ماجد الله يجزاك خير تبي ثلاجتي تطلع محل شيشة ؟ طيب والمعسل إذا علق وشلون نفتك منه ؟ :)

المشكلة هذي مالها حل ابدا الله يخلف عليك

اشتر جديدة

تراك منت بعيد من صواب لكن نحاول .. لا يأس مع الحياة :)

السلام عليكم ورحمة الله وبركاتة

فية فلتر لتنقية رائحة الثلاجة عند ساكو عن تجربة ممتاز

تحطة في الثلاجة وبعد ثلاث ايام تقريبا يسحب الروئح بشكل تام

شكل الفلتر دئري ويحتوي على مؤشر يتغير لونة اذا سحب الروائح

اسمة fridge fresh
امريكي الصنع

تحياتي للجميع

نصيحة طيبة ومعلومة جديدة أخوي فارس الفارس الله يجزاك الجنة ووالديك والمسلمين

abhs

22/02/2010, 11:53 AM

الله ييسر امرك وان شاء الله تحل المشكله

يازين البر

22/02/2010, 12:16 PM

هههههههه

الله يا ساتر كل هذا

بس عساه قصت اللزوم

فعلا بعض الاشياء من دبلة ( تسبدك ) والملل يضيق خاطرك واذا شفتها ودك ( تخم ) المحل كله وتشتريها

ما تنلام والله

متابع للموضوع للاستفادة من خبرة الجميع

تقبلوا احترامي

ياهلا بأبو عبد الله .. ترا ما نسمح لك لازم تشوف لنا اختراع لرائحة الثلاجة :good2:

شرفت الموضوع

رفيع المقآم

22/02/2010, 12:42 PM

الله يعينك وان شاء الله تطلع لكن حطيت ملح مع ليمون مع تكسير الفحم في الثلاجه مع الماء المغلي وشف النتيجه

اصيل نجد

22/02/2010, 01:14 PM

برضه ممكن تغسلها بالصابون والكلوركس وتضيف نسبه بصيته من الفلاش وسوف تري النتيجه تحياتي للجميع .. اخوكم ابو محمد التميمي.....

قناص عسير

22/02/2010, 01:28 PM

اقووووووول فكها افرك ام امها من الداخل لين تروح كل الاؤساخ وانتهى الامر

مراسل الخير

22/02/2010, 01:37 PM

غسلها مزبوط وشطفها بخل وحط فيها شوي فحم في صحن أو في احد الادراج وسوف تدعي لي.

ابورشيد

22/02/2010, 01:48 PM

اغسلها بماء حاااار وكثر قيه الديتول وراح تدعيلي
انا جربتها مع موية السمك انكب على فرشة السياره وعلي طول راحت
بعده كب فيها شوي ديتول مركز وخله يدخل في الشقوق

عاشق الدهنا

22/02/2010, 02:04 PM

الفحم حق الشوي ممتاز .مجرب

ز

يازين البر

22/02/2010, 02:17 PM

http://www.mekshat.com/pix/upload03/images148/mk32953_dfsr.jpg

عبرود طويق

22/02/2010, 02:50 PM

اقترح انك تبيعها..........

لأن الريحة بتشمها حتى لو راحت..........

بالعربي..بيكون عندك رد فعل نفسي....

ههههههههههههه

،،،،نسوووووووووووووووم،،،،،

تقبل تحياتي...

يازين البر

22/02/2010, 08:27 PM

اقترح انك تبيعها..........

لأن الريحة بتشمها حتى لو راحت..........

بالعربي..بيكون عندك رد فعل نفسي....

ههههههههههههه

،،،،نسوووووووووووووووم،،،،،

تقبل تحياتي...

1500 غير قابلة للتفاوض ههههههههههه <<<< يصلح شريطي :p

تصدق عاد اني أحب الشي اللي يخرب ويزين أكثر من الجديد

عاشق النحم

22/02/2010, 09:30 PM

طيب هالحين الريحة راحت ولا لا

يازين البر

22/02/2010, 10:52 PM

طيب هالحين الريحة راحت ولا لا

تصدق عاد ان أبو ريشتين كذا :good: <<<<<< يحوووووول أبلشنا ذا :D ههههههه

بس الله يهديك إبهامي يبس بسبتك :(

مير سان دابج <<<< لا أحد يقول وش معناها رجاء :)

يازين البر

22/02/2010, 10:57 PM

اقووووووول فكها افرك ام امها من الداخل لين تروح كل الاؤساخ وانتهى الامر

م ا ت ن ف ك م خ ت و م ة :)

asddsa

23/02/2010, 12:22 AM

أستخدم الفحم في الثلاجة وبتروح الريحة حظة لمدة ظويلة حتى لوكانت الثلاجة شغالة

يازين البر

25/02/2010, 10:36 PM

أستخدم الفحم في الثلاجة وبتروح الريحة حظة لمدة ظويلة حتى لوكانت الثلاجة شغالة

جزاك الله خير وما قصرت

ابوصالح77

28/02/2010, 11:09 PM

جرب شغلها وحط فيها قهوة وفحم واتركها يوم أو أكثر لين تروح الريحة
وبالتوفيق

راعي الصطحه

01/03/2010, 05:44 AM

بالتوفيق اللأخواااان افادوووك والى بعها واشتر ثااني

الخمري666

01/03/2010, 06:55 AM

بيكربونات الصوديوم

موجود بكل بقاله وسوبر ماركت بركن الكيك والباكنج باورد والفانيلا

no fear 78

01/03/2010, 11:19 AM

القوة يا خوي في حل في شي عند الحواج( الطبيب الشعبي) ايسمونه ياوي + علك البان خام يحطونه على الفحم ايبخرون فيه الثلاجات عندنه حق انتخلص من رائحه الكريه جربه و ما تندم بالتوفقيق

يازين البر

01/03/2010, 01:11 PM

بالتوفيق اللأخواااان افادوووك والى بعها واشتر ثااني

أبيعها وأشتري ثانية ؟ من كثر الدراهم :)

عبدالله الضويان

27/05/2010, 04:21 AM

اخوي بشر عسى الريحه اختفت عقب المده هذي كلها

sultan911

27/05/2010, 08:14 AM

saas-des

27/05/2010, 11:16 AM

اغسلها بماء شمسها ثلاث مرات وبخرها بجاوي او لابان وانشاء الله امورك تضبط
بالتوفيق يغالي

تلعة جمران

27/05/2010, 05:50 PM

السلام عليكم
اخوي انا عندي طريقة بدائية نوعا ما وتجعل ريحة الثلاجة جميلة جدا .
الثلاجة طبعا فيها شبك تأتي بكاس شاهي من ورق وليس بلاستك وتلف عليه شطرطون من فوق لفتين وبعدين تقوم بتلصيقه على الشبك وذالك بلفه لفه اخيرة على احد أصياخ الشبك من الأعلى ثم تضع فيه هيل مطحون ثلث الكاس تقريبا وبعدين انتضر النتيجة انا سويته ونسيت روائح الثلاجة تقبل مروري.

جردون

28/05/2010, 03:08 AM

غسلها بكوركس ثم ضعها تنشف ثم ببنزين ثم بكلوكس ثم بماء وصابون

t3ebt

28/05/2010, 07:28 PM

حط فحم يقال ان الفحم يمتص الروائح

بن هدهود

29/05/2010, 12:22 AM

حط فحم وبإذن الله تروح

سرهيد

29/05/2010, 11:00 AM

السلام عليكم

اعرف رفيق لي راعي مقناص وعنده الثلاجة الجنوب افريقية ، يقول فيها رحية لحم ، واني ما بقى شيء ما سويتة ... حتى يقول انه قرأ الموضوع وطبق جميع الطرق التي طرحت وما نفع ..

لكن لمن قال الفحم ، هذا انا مجربة وخاصة للروائح الخفيفة ،

وبجرب طريقة اخونا الكريم تلعة جمران ونشوف

شكرا للجميع

يازين البر

29/05/2010, 11:47 PM

اخوي يازين البر راحت الريحه دوبي اشوف المشاركه بعد مارفعها ابو مها واذا ماراحت تراني شراي لاتقول يصيد في الماء العكر انا ابي افكك منها يعني مساعده فقط وتقبل مروري العطر الله يستر من الرد

أبشرررررك راحت الريحة بنسبة 90 % وأخذتها معي للبر في المقناص ولا لها أي أثر ولله الحمد بس برضو تراها للبيع :)

والسبب ضايقني كبر حجمها وجربنا الويكو حقت الطمرة صارت أفضل منها ولو انها غالية بس الشكوى لله

وتراك ما تصيد بالماء العكر وأنا أخوك أبد ما عندي إلا حلالك

بس نجي للمهم وهو كيف راحت الريحة عندي غلاية ماء عبيتها وخليتها لين فاحت وصبيتها في الثلاجة

وصليت الثلاجة يعني (ميلتها) مثل ماهو واضح بالصورة وسكرتها وخليت الماء ناقع كم ساعة يوم فتحتها شوفوا وش النتيجة

http://www.mekshat.com/pix/upload04/images168/mk32953_kkjhgfdsj.jpg

لا حظوا الدم طلع من الجهة اليسر وأعدت الطريقة كم مرة وبعدها عبيتها فل ماء وصابون تايد وتركتها يوم ثم غسلتها والحمد لله من يوم أشغلها ما أشم أي ريحة

وعلى فكرة أنا شفت بعض الثلاجات ما فيها فتحات يدخل معها الدم وهذي ميزة حيث ان الواحد يمديه ينظفها لو جاها دم وما يروح الدم جوا

ونصيحة :إذا بغيت تطفي الثلاجه لمدة طويلة فنظفها زين من البقايا واتركها مفتوحة فترة حتى ما تنكتم فيها الريحة ثم سكرها

ابوخالد2004

30/05/2010, 10:56 PM

ضع سلقون على الجوانب الي دخل معها الدم
انا عندي ثلجه وصار مثل الي صارمعك وحطيت سلقون والحمد لله راحت الريح وللمعلوميه السلقون تستفيد منه انه يمنع دخول اي سائل.والمفروض انك اول ماشريتها حطيت سلقون

أمير الصيد

31/05/2010, 12:29 AM

ابورايف

31/05/2010, 01:47 AM

جرب افتح باب الثلاجة وغسلها بالفيري

يازين البر

31/05/2010, 03:48 AM

الغريبة انك تقول ماتنفك ؟؟
واللي اعرف أن مافيه شي ماينفك ؟؟
احيانا بعض الاشياء ما تلقى لها مسامير بس تكون مكبوسه كبس أو غراء خاص بالقطعه نفسها .
انا اقول جرب تنفك وتنضفها من الداخل بمعقمات وترتاح نفسياً .
وان شاء الله تلقى حل .
وبالتوفيق .

الله يبيض وجهك .. أبشرك أنا ارتحت نفسيا لأن الريحة خلاص راحت والثلاجة أببيعها لأني شريت الأفضل :) <<<< ماعنده وقت صح ؟

ALNADR

31/05/2010, 10:37 AM

نقطه يغفل عنها الكثير حط كرتون او مناديل بكميه لابأس بها اسفل الثلاجه قبل ما تحط اغراضك لان جميع الثلاجات التبريد مع الجنب فقط وليس من تحت

المركاز

31/05/2010, 10:49 AM

اخوي شفلك فحم قطعة كبيرة وخلها بالصندوق مدة طويلة وشف بعدها

أمير الصيد

31/05/2010, 02:14 PM

الله يبيض وجهك .. أبشرك أنا ارتحت نفسيا لأن الريحة خلاص راحت والثلاجة أببيعها لأني شريت الأفضل :) <<<< ماعنده وقت صح ؟

تصدق حتى انا ارتحت نفسياً معك ؟؟؟ لأني من النوع اللي يشيل هم أي احد حتى لو ما اعرفه ؟؟؟
بالتوفيق ان شاء الله ومبروك الجديدة وانتبه لها ؟؟؟؟؟
تحياتي وتقديري .

sultan911

31/05/2010, 09:24 PM

الف مبروك والحمد لله على حل المشكله
ولكن المشكله بتكون اكبر اذا الماء واي سائل يدخل داخل الثلاجه بيسبب صداء في المسامير والاسلاك داخل الثلاجه غير الرائحه ولو تاخذ بنصيحه اخوي خالد بوضع سلكون او اي ماده تمنع تسرب اي سائل داخل الثلاجه اشوف هو افضل
او نسيت الف مبروك على الثلاجه الجديده وربي يعطيك خيرها ويكفيك شرها ونبي نصيحتك وتجربتك في الثلاجات وانا اشوفك تمدح الطمره (( اكيد بتقول هذا ماينعطى وجه ههههههه))

عاشق مكشات

23/08/2011, 08:50 AM

وانا بعد فيه ريحة كنها ريحة فطيس غسلتها بالفيري ولا فاد

Rain-exam

23/08/2011, 09:00 AM

تبخير الثلاجه بالمستكه . . وتقدر تحط فحم يمتص الرائحه . .
بالنسبه للمستكه مجربه ولكن حاول تسكر الثلاجه وانت تبخرها . . عشان تنكمت المستكه داخلها
وبالتوفيق

أطلال نجد

23/08/2011, 09:37 AM

السلام عليكم
جرب إضافة الملح لطريقتك الأخيرة مع ترك الملح يغلي جيداً في الماء ’ أعتقد أنه سيعطي نتيجة أفضل مقارنة بالماء فقط

بالتوفيق

بوجندل

23/08/2011, 11:13 AM

أوّل حاجه حاول ازالة الدم المتجمّد

وبعدين استخدم الطرق اللي ذكروها الربع

تستطيع ازالة الدم المتجمد بواسطة الجل اللي اسمه العملاق

اللي تنظّف به الاواني

أو في بخّاخ اسمه SIMAC

لونه أصفر زي حق تلميع الزجاج

بس تلاقي عليه رسمة فرن

ماعليك ترى من أفضل الانواع اللي استخدمتها

حتى جنوط السيارة يخلّيها تبرق

سيف الظفير

23/08/2011, 12:13 PM

هيل + عويدي

تراه زين يالغالي للثلاجات + قدور الضغط بعد الطبخ والحفظ

هيتاشي

24/08/2011, 07:03 AM

الله يعينك