يالربع الفزعه جلده العكس طلع شحمها ( لاندكروزر) [الأرشيف]

مشاهدة النسخة كاملة : يالربع الفزعه جلده العكس طلع شحمها ( لاندكروزر)

تركي الضرغام

22/02/2010, 08:19 AM

السلام عليكم ورحمه الله وبركاته
صبحكم الله بالخير أو مساكم الله بالخير
أمس وأنا أغير زيت الموتر أنتبهت للعكس أنه فيه شحم وأتأكد منه زين وبالفعل وجت أن العكس مهرب شحم وضاق صدري الله يستر لا يخرب الرمان للي داخله قلت مالي إلا أخوني بمكشات هم هل الفزعات
ودي أعرف وش الحل ؟ ؟ ؟ ؟ لازم أغير العكس كامل بالجلد ولا فيه شي يتغير بسيط يوقف تهرب الشحم مع العلم أن التهريب من عند القفيز
وهل تنصحون بورشه زينه يبخص العكوس ومشاكلها ( يازين الدفرنس )
وأستفسار وفائده للمستقبل لو ركبت فرارات هل تريح العكس من التهريب بالمستقبل

الربذي

22/02/2010, 08:31 AM

أبو أسامة

22/02/2010, 09:26 AM

وعليكم السلام ورحمة الله وبركاته

الله يجزاك خير أخوي الربذي كفيت ووفيت .....

ابوسفرجل

22/02/2010, 11:15 AM

اخوي اذا انت من سكان الرياض عليك بالذهاب لورشة العضيب الي في الصناعيه القديمه دوار الخرج واحرص خل الفلبيني هو الي يصلح السياره

ابورايف

22/02/2010, 11:52 AM

اخوي المسئلة بسيطة جدآ
راح اي ورشه وتصلحها
وتقبل مروري

رفيع المقآم

22/02/2010, 12:03 PM

كما قالو الاخوان غير الجلب والله ييسر امورك

تركي الضرغام

22/02/2010, 02:42 PM

الله يجزاكم خير
الله يريحكم مثل ما ريحتوني

نمر977

23/02/2010, 12:59 PM

وعليكم السلام
امر عادي جدا انا سوى معي اكثر من مره شف لك محل وخذ منه جلبه عكس وركبها انت اذا حريف ولا باي ورشه
وزين انك انتبهت قبل لايروح الرمان..الفرارات مفيده جدا للعكس والدبل وعمود الدبل لانها تريح العكوس وعمود الدبل وتخف عند الرجه والصوت وخصوصا اذا السياره ماشيه واجد ..

عني اي سياره جيب اشتريها اركب لها فرارات او تحضيرة

الحل فقط جلبه قيمتها على مااعتقد ب85 ريال اصلي وتركيبها ب50 ريال
السلام عليكم يالغالي وربنا يتقبل ولدك ويعوضك عنه كما عوضني ربي عن بنيتي توتي تقبلها الله في رحمته ،
وممكن تفيدني عن الفرارات وكيفية تركيبها وفين احسن ورشه لذلك ولاتنصحني بالعضيب (لأن مشرف الورشه لديهم بغى يجيب العيد لي لأنه كشف على السياره من الأسفل وقال عندك العمود خربان والدبل والخ والمشكله كلها حلت بفضل الله على يد ميكانيكي مصري بأن شحمت ذراع الدبل وغيرت رومان وفحمات خلفيه وقماشات وجلد ......... والله أنا ودي اتحسب عليه لأنه كان ممكن يخسرني ويجرجرني الى مالا نهايه ولكن الله لطيف بعباده ويعلم خائنة الأعين وماتخفي الصدور)

شاص 4500

23/02/2010, 02:02 PM

اخوي اذا انت من الرياض رح لصناعية الـــقـديمة شف في وراش الي في شارع الجمعية
اسال قال وين حقين والعكوس يدلونك واشتر الجلبة وانت واقف يركبها لك
وترى الامر بسيط
والله يستر عليك،،

عزيز نجد

23/02/2010, 02:12 PM

انا صارت معي كم مره حتى انني صرت اوسوس منها

كل ما اشوف جيب اويق تحته واللي اشوفه ان الكثير من الجيوب يهرب تهريب بسيط

انا عني ما ارتحت لين جبت قفزان الماني وحطيتها فوق القفزان الشد بلد الخايبه وبعدها نسيت التهريب
التركيب انا ركبتها بنفسي لها الان اكثر من 6 اشهر وهي تمام

تركي الضرغام

23/02/2010, 03:11 PM

يمال العافية على هالتفاعل
أستفت وأستفاد غير من المشاركه
لا خلا ولا عدم من كل أفاد
أخوي عزيز نجد القفيز الألماني ضنك يجيب فايد لو ركبته الحين أجرب قبل التغيير

عزيز نجد

23/02/2010, 08:13 PM

انا مركبة بعد تسريب بسيط وصرت كل يوم اشيك عليه والحمد لله ما عاد فيه تسريب من مده طويلة

طبعا انا نظفته تنظيف شديد(بالليفه الخشنه) الى ان صار مافيه اثر اي زيت وبعدين صرت اشيك عليه

شف اذا التهريب بسيط ما عندك مشكله ركبه وشده بقوه ، اما اذا التهريب كان شديد ويمكن ما عاد باقي فيه شحم اصفر معناها لازم تغير اللجلبه والقفيز حقها لانه راح يأثر على العكس لكن انت ظمده بقفيز اللماني

انا مره هرب شحم وغيرت الجلبه عند الليرموك وبع اسبوعين هرب ثانيه وكنت في الشرقيه بعدين رحت ورشه ثانيه ونفس المشكله ورجعت لهم بدون فايده

واخرتها رحت به للوكاله و للاسف غيرت العكس كله بسبب تواكل العكس

ا

السد الغزير

26/02/2010, 02:40 AM

غير قفيز الماني انت بنفسك واذا ماتقدر .

رح لورشة الوفا في الصناعية القديمة <<تخصص عكوس فقط(هندي جيد) . محله حول محلات العكوس قدام تشليح عضيب اللي في زاوية .. مدري عاد الحين مانيب متاكد هو تشليح ولا لا .

خله يركب لك القفيز الالماني . رخيص ترى .

والله يوفقك

ابن سعيدان

26/02/2010, 06:49 PM

فيه ميكانيكي اسمه باشا

مهبوووول

راسلني على الخاص اوصفه لك !!!