المساعد الشخصي الرقمي

مشاهدة النسخة كاملة : دفرنس الجمس وجيم؟؟وش السوات


راعي الاكورد
22/02/2010, 03:14 PM
السلام عليكم ورحمة الله وبركاته

اخواني الوالد معه جمس 2001 سوبربان امريكي

وخرب الدفرنس وبداية الخراب انه إذا لفيت يمين او يسار يطق طقه تقول القير بيطيح

والطقه كلما لها وتزود ووقف الموتر في الصناعيه ولله الحمد:D

وقالولنا الكرونة خربانه وغيرناها(الكارونةلحالها)ب2000ريال

ومشينا عليه 100 كيلو تقريبا وبعدها طلع صوت الكرونة وانطلق الصليب

وزينا الصليب ومازال صوت الكارونة موجود تسنه بزر يصيح :D

حتى ان الصوت يبدا من سرعة 40 إلى مالا نهاية:D

وسعر الدفرنس كامل في حدود 6000ريال:eek:

فشوركم ونصايحكم ياالربع ماتستغني عنها

وإن كان في ورش في الرياض تظبط الكارونة ياليت تدولنا عليها

وما لكم إلا الدعاء

السلام عليكم
_دربيل_999
22/02/2010, 03:26 PM
هلا فيك إخوك..
أولاً ليش تعطيهم 2000ريال في كارونا خربانة..الناس تغير الكارونا اللي تون من ونينها..المزعج..
إخوي..
الحل ترجع الكارونا على أهلها..وخلهم يعطونك كارونا صاحية صامته..وهذا الحل وبعدين مالك ومال الدفرنس الكامل والخسائر..
تحيتي لك..

الروقي...
بدوي جنوبي
22/02/2010, 07:01 PM
اعتقد تتكلم عن الدفرنس الامامى

عموما اقرأ هذا الموضوع وتخيل التكلفه من 3000 الى 140 ريال فقط

°° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302)

بالتوفيق
م.عمر
27/02/2010, 10:14 PM
السلام عليكم ..
انا صارت لي نفس المشكلة بالضبط وجيت من الدمام الى تشاليح الرياض ولا لقيت نفس رقم الكرونه النادر 10 41 .. بس الحمدلله سخر لي الله واحد بالتشليح دلني على واحد صلحها لي وشغل وكااله ماشاالله ويعطيك ضمان شهرين .. الورشة ورشة سبيد في الصناعية القديمة الظاهر وهذا رقمه 0505402034 اسمه باسل .. ابوعبدالكريم ..

وبشرنا وش اللي صاار لك ولا تنسانا من الدعااء ..
ابو ععع
27/02/2010, 10:58 PM
اهتم بتغير زيت الدفرنس مهما كان نوع السيارة تتبع كتلوج السيارة ونوعية الزيت الجيد
الانكاوي مسرق
28/02/2010, 04:01 PM
اخوي سوال الدفرنس 8 مسامير والا 6 مسامير للكفر
عندك ورشة في الصناعية تركب كارونه ب2000 ويضمنها لك شهر وعنده بعد دفرنسات يضمنها لك وسعرها ب 3000 بس نصيحة ركب كارونه الا اذا كان في الدفرنس كسر غيره وفيه محل في الشرقية يجيب كارونه تعديل رياضية من امريكا احتمال تلقى عنده واسعاره حلوه تاخذها تقريبا 1500 من شركة ريشموند وغالب ماتون الكارونه الا من السرعة الزايدة والا التحميل الزايد او من التفحيط بيحث يدور كفر وكفر لا وانت مديور يعني وتدوس مطب او حفر احتمال ان الدفرنس تحرك
او انك مغير الزيت هذا خراب الكارونه هذا اللي اعرفه وتبي ارقام المحلات ارسلي رسالة على الخاص وابشر بعزك المحل اللي في الدمام اسمه ssلتزويد السيارات لصاحبه صلاح البدين وشكرا