بيجي59
28/01/2005, 02:09 AM
اخواني توني صايد لكم هالطريقه مدري هي ارنب من هاك الشايب ولا صحيح والمعذره لاني صدتها وجبتها لكم بدمها ما رحت اشوف هي صحيح ولا لا ...
وهو يقول انه في سنتن من السنين ومرتن من المراريييير على وزن اسرد السالفه يا حنفي .... يقول انه كان مسافر مع البر وعلى الموارسدس ((يعني مرسيدس لوري تانكرشا حنه كبثيرة الحجم )) وكانت العزبه معه الا الغاز مع ربعه قالوا له رح قدامنا وحنا بنلحقك
يقول خذتني الشهامه والمرجله ونسيت الغاز معهم ما نزلته يوم وصلت المكان اللي اتفقنا عليه
وانزل الفرشه والعزبه وادور على الغاز الى والله انه مابه غاز يا ويش الدبرة اه ... المهم واقوم واخذ ثوب عندي قديم واغطه في تانكي الديزل واشق ذاك المشقوق في الخد (( يعني الحدبه - الارض )) وادفن الثوب وهو يرجس بالديزل (( ويرجس يعني غزير بالديزل على وزن قل السالفه يا حنفي ))
يقول واخذ شوي تراب (( في وجه العدو ... بس تراه ما قال هالكلمه انا قلتها لانه مطنشنا يالشباب اللي عنده )) ...المهم يقول دفنته بشوي تراب تكرمون يقول يوم نش (( نش يعني ضهر على وجه الارض وطفح وفي قاموس حنفي يعني اسرد السالفه يا حنفي )) يقول يوم نش الديزل شوي على الارض يقول واخذ لي سستتين (( سست الموتر اللي ترفعه من الارض )) يقول واوز يعني اشب في الارض يقول ويشب المكان اللي انا حاطه (( طبعا بتقولون والسستتين _ جايكم بالخبر عنها )) يقول حطيت السستتين وحطيت البريق عليها يقول وصلحت القهوه والشاهي واركب عليها ذاك القدر فيه نص تيس يقول واذري عليها من جهه (( العتب على الراوي )) يقول واطبخهه يقول يوم جاوني ربعي الى والله ان كل شي جاهز ....
طبعا هو خلص من السالفه وانا على طول ضحكت وقلت وينكم يا مكشات .. فوالله انه ما خلص من السالفه الا وانا متذكركم ليه انا مدري ..
المهم ارجوا ان كان احد جرب هالطريق او بيجربها يقول لنا عشان هالارنب نفكها ولا نذبحها ...
تقبلوا وافر التحايا واعطرها
وهو يقول انه في سنتن من السنين ومرتن من المراريييير على وزن اسرد السالفه يا حنفي .... يقول انه كان مسافر مع البر وعلى الموارسدس ((يعني مرسيدس لوري تانكرشا حنه كبثيرة الحجم )) وكانت العزبه معه الا الغاز مع ربعه قالوا له رح قدامنا وحنا بنلحقك
يقول خذتني الشهامه والمرجله ونسيت الغاز معهم ما نزلته يوم وصلت المكان اللي اتفقنا عليه
وانزل الفرشه والعزبه وادور على الغاز الى والله انه مابه غاز يا ويش الدبرة اه ... المهم واقوم واخذ ثوب عندي قديم واغطه في تانكي الديزل واشق ذاك المشقوق في الخد (( يعني الحدبه - الارض )) وادفن الثوب وهو يرجس بالديزل (( ويرجس يعني غزير بالديزل على وزن قل السالفه يا حنفي ))
يقول واخذ شوي تراب (( في وجه العدو ... بس تراه ما قال هالكلمه انا قلتها لانه مطنشنا يالشباب اللي عنده )) ...المهم يقول دفنته بشوي تراب تكرمون يقول يوم نش (( نش يعني ضهر على وجه الارض وطفح وفي قاموس حنفي يعني اسرد السالفه يا حنفي )) يقول يوم نش الديزل شوي على الارض يقول واخذ لي سستتين (( سست الموتر اللي ترفعه من الارض )) يقول واوز يعني اشب في الارض يقول ويشب المكان اللي انا حاطه (( طبعا بتقولون والسستتين _ جايكم بالخبر عنها )) يقول حطيت السستتين وحطيت البريق عليها يقول وصلحت القهوه والشاهي واركب عليها ذاك القدر فيه نص تيس يقول واذري عليها من جهه (( العتب على الراوي )) يقول واطبخهه يقول يوم جاوني ربعي الى والله ان كل شي جاهز ....
طبعا هو خلص من السالفه وانا على طول ضحكت وقلت وينكم يا مكشات .. فوالله انه ما خلص من السالفه الا وانا متذكركم ليه انا مدري ..
المهم ارجوا ان كان احد جرب هالطريق او بيجربها يقول لنا عشان هالارنب نفكها ولا نذبحها ...
تقبلوا وافر التحايا واعطرها