تخرب الدينمو3مرات بالسنة------------------------------------------>هل الأمر طبيعي

[آلله معاي]

السلام عيكم
كيف حالكم جميع
نخش بالموضوع على طول لأني ما أحب المقدمات

عندي كابرس 96LTZ خلال سنة وحدة خربت علي دينمو الكهربا 3مرات
أول مره ركبت تجاري ثاني مره ركبت أصلي الحين رجعت وخربت للمرة الثالثة
أنا أحس فيها إذا قربت تخرب , كيف؟
عداد البطارية ينزل
يطلع صوت من الدينمو أول ما يطلع الصوت هذا أعرف أن الخراب قرب
وإذا دزيت للسيارة على خط تطلع في الطبلون كلمة:
CHECK GAGE وأشوف عداد البطارية ينزل والنور يضعف،
وإذا عشقت القير كذلك يضعف النور
وإذا دعست لها بنزين وهي واقفه ينزل عداد البطارية أكثر
وديته لورشه وقالو لي دام السيارة تشتغل ما نقدر نشوف وين العطل
الأن هي واقفه معاد أشتغلت

ألآن الي أبي أعرفه:

س1 هل هذا الأمر طبيعي أن تغير الدينمو3 مرات بالسنة

س2 ما هي أسباب خرابها

س3 الحل

س4 حد يخبر لي ورشة بالخبر أو الدمام عندهم خبرة في الخرابات الي زي كذا

الي عنده أي معلومة لا يبخل علي
آلله لا يهينه.
وأي أستفسار أنا موجود

[وسيع البنايد]

شوف بارك الله فيك
من ناحية الورش اخبر لي كهربائي سوري فاهم شغله في صناعية الثقبه الي مقابل المقبره
وانت جاي من طريق البحرين خش يمين على شارع الصناعيه بعد ما تعدى محطة الكهرب الي يمين ثاني شارع بعدها لف معه يمين الورشه بتكون تقريبا سادس ورشه على اليسار وهي ورشه مرسيدس وبي ام ويشتغل امريكي
زبط لي دينمو حق دودج كان مرويني نجوم الظهر
ولف له دينمو مرسدس وغدا مثل الساعه
الكهربائي اسمه بدر والمكنيكي عبدوه وخبري فيهم من سنتين والله يوفقك

[آلله معاي]

آلله لا يهينك يا الغالي الورشة وسجلنا الوصف وبنمر عليها
لكن نشوف
عل وعسى أحد يفيدنا
بالأسباب ، الحلول
أي معلومه عابره ...إلخ...

[الفيصل2009]

; ;كان الله في عونك أخوي
وأن شاء الله الشباب مايقصرون وأنت تستفيد وحنا بعد نستفيد من تجارب بعض
أنا أعرف كهربائي فلبيني شاطر في ها الشغلات أن شاء الله يفيدك وهذا رقمة 0566459156 صناعية الدمام
وهذا مايمنع اننا نسمع أهل الخبرة من أعضاء مكشات في الحلول لتعم الفائدة

[آلله معاي]

آلله يعطيك العافية أخوي/ الفيصل
سجلت رقمه يمكن أحتاجه
ومثل ما قلت خلنا نشوف الأخون

[ALRAGY]

حياك اخوي


والله موتري بليزر موديل 91 مركب عليه دينموا حق تويوتا علشان يطول معي والحمد لله ما اشتكيت منها

اللي نصحني بها الطريقة كهربائي يقول دينموا الامريكي دايم تخرب البيرنقات

ركب لك يا باني احسن

[شامخ ألهيلا]

السلام عليكم

اخوي اسباب اعطال الدينمو المستمرة
منها طريقة تركيب الدينمو
ميلان في تركيبه ومع حركة السير مع الوقت يبدا يطلع صوت ثم يتوقف + البكرات +
تعرضة لسوائل من خرطوش الاديتر


http://www.mekshat.com/vb/showthread.php?t=158020

[ميكا مكشات]

وعليكم السلام

الله يعينك ويوفقك بكهربائي ممتاز وأمين

أول شي إذا كان الدينمو ميكانيكيا شغال ممتاز يعني يدور وبدون أصوات أصبحت المشكلة كهربائية صرفه
المشاكل الكهربائية متعدده مثل الكتاوت ( الريلاي ) والبويبينه (المكثف ) والفحمات الكربونية والأجزاء الملفوفة بالنحاس (القلب) وكذلك البطارية يمكن أن تتسبب بعطب الدينمو جميع هذه النقاط يجب التأكد من سلامتها ....
أما بالنسبة لسؤالك هل يعقل أن يتعطل الدينمو مرتين في السنة ؟ الجواب نعم على حسب استخدامك للسيارة لاحظ أن غسيل المكينة بالماء أو الديزل يدمر الدينمو وكذلك الأمطار إذا تسربت إلى داخل الدينمو فهي كفيلة على تخريب أجزاء الدينمو......... وتأكد أخي أن ما أصابك ليس صدفه ولكنه مكتوب عليك فاصبر واحتسب ..


تحياتي...

[رفيع المقآم]

الله يعينك ويصبرك

[abo abd allh]

الله يعينك

انا عندي نفس المشكله وهي ان لمبه البطاريه تولع وتطفي وانا امشي مع نزول انبير البطاريه

ولمبه CHECK GAGE تولع عندي وتطفي

وياليت احد يعلمنا وش معناها
السياره ونيت فورد رنجر 98


تحياتي

[ميكا مكشات]

الله يعينك

انا عندي نفس المشكله وهي ان لمبه البطاريه تولع وتطفي وانا امشي مع نزول انبير البطاريه

ولمبه CHECK GAGE تولع عندي وتطفي

وياليت احد يعلمنا وش معناها
السياره ونيت فورد رنجر 98


تحياتي


أنت مشكلتك فحمات الدينمو غيرها وتروح المشكلة بإذن الله

تحياتي..........

[mtc_959]

شوف عزيزي الدينمو انساى تاخذه جديد لأن الاصلي لو تقراعلى الكرتون معاد تصنيعه والتجاري رايح فيها فالافضل تروح كهربائي متخصص توضيب دينمو او لف ويضبطك واحسن من الوكاله

[بروق الخريف]

المشكلة يمكن يكون عندك التماس احد الاسلاك اذا عندك خبرة فالكهرباء تأكد من الاسلاك وإلا اذهب الى كهربائي معروف

[ابونايف الروقي]

السلام عليكم
الله العالم ان عندك تسرب كهرب (( تفويت )) ..


اخوك
ابونايف الروقي