صالون مرة يشتغل ومرة لا !!!

[عبدالله2009]

السلام عليكم ...

يا اخوان انا عندي جيب 97 صالون في اكس ار خليجي بخاخ !!!


اذا جيت اشغله في البرد ... الله يعين لازم اعلق على السلف يمكن 10 ثواني وهو يدور عشان يشتغل

واخاف اكون طالع مكان ويسويها فيني .... ينحرق سلف والا يحرق بطارية


وفي الصيف الجو حار ... يشتغل من اول نقرة !!!


ما خليت شي ما سويته فيه ... (( الصراحة ما بقي الا طرمبة البنزين )) بس يقولون مالها دخل !!


تكفون الي يعرف لي دبرة ... لا يخليني !!!

[عميد سامودة]

هذي والله العالم من الدينمو يسويها
يمكن من الفحمات حقت الدينمو كثير تحصل
غير الفحمات رخيصه بثمانين ريال ويسلك معك ان شاء الله

[رفيع المقآم]

والله ماادري لكن يمكن ان عندك الدينمو

[سوبر VTC]

هل قصدك
تدق سلف لكن يتاخر في التشغيل ؟
طيب
افتح السويتش لكن بدون تشغيل الموتر 3مرات
في كل مرة خل السويتش مفتوح
لمدة 3ثواني حتى تطفى الطرمبة
بعدين طف و افتح السويتش و هكذا
في المرة الرابعة
افتح السويتش لمدة 3ثواني حتى تطفى الطرمبة
بعدين شغل الموتر
اذا اشتغل الموتر باول نقرة

فالمشكلة من الطرمبة
خراب راجع الطرمبة الريقوريتر بلف بوسطه رمان و ياي
لانه يخلي الراجع يرجع للتانكي بعد اطفاء الموتر
و هذا هو السبب
راجع موضوعي بالتوقيع عن جميع اعطال الطرمبة بالصور

اذا مانفعت الطريقة السابقة

فالمشكلة صفاي بنزين او حساس منظم الهواء بنفس الثلاجة
و قد تكون المشكلة من الديلكو
اذا كان الموتر مهب صافي
تاكد من اسلاك البواجي و البواجي
تاكد من اصابع البطارية لازم تكون مشدودة و نظيفة

[escape_man]

يبيله على قولة الشيبان تحضير للبنزين ..

ذكرني الادواج القديمة :)

دينموه مافيه الا العافية

لكن مثل ماقالك مشرفنا .. خل الطرمبة تحضر مرتين او ثلاث وبيشتغل ان شاء الله

[Nasser-ahah]

نفس المشكلة اللي عندي

جمس 2001 سييرا

أفتح السوتش 3 مرات والمرة الثالثة أدق سلف تشتغل

غيرت فلتر البنزين وفلتر الهوا ونظفت حساس الهوا والمشكلة لا زالات موجودة

[أبوحمييد]

يمكن من السلف لان كان عندي لاند كروز موديل 93 اذا طقيت السلف بعصا اشتغل ...
او نفس طريقة الرجال اعلق عليه شوي ويشتغل لاكن في الصيف يشتغل على طول...

[asdali]

شوف اخوي الصبح في البراد قبل لا تشغل الموتر صب شوية بنزين في الحلق الخانق وشغل ان اشتغل على طول فهو من الطرمبة واذا ما اشتغل نظف الثروتل الخانق وغير فلتر الهواء والبواجي واسلاك البواجي.

[قمة افرست]

طرمبة بنزين

[عبدالله2009]

يا هلا بكم جميع ... ومشكورين على المرور وابداء الأراء


اخوي سوبر فتك ... مشرفنا القدير ....

انا احس ان حلك للمشكلة هو الصحيح ... ولكن يا اخوك ما فهمت ذاك الفهم


قصدك اغير الطرمبة ؟؟؟؟

يعني قلي غير كذا وكذا ...

وبيض الله وجهك




هل قصدك
تدق سلف لكن يتاخر في التشغيل ؟
طيب
افتح السويتش لكن بدون تشغيل الموتر 3مرات
في كل مرة خل السويتش مفتوح
لمدة 3ثواني حتى تطفى الطرمبة
بعدين طف و افتح السويتش و هكذا
في المرة الرابعة
افتح السويتش لمدة 3ثواني حتى تطفى الطرمبة
بعدين شغل الموتر
اذا اشتغل الموتر باول نقرة


فالمشكلة من الطرمبة
خراب راجع الطرمبة الريقوريتر بلف بوسطه رمان و ياي
لانه يخلي الراجع يرجع للتانكي بعد اطفاء الموتر
و هذا هو السبب
راجع موضوعي بالتوقيع عن جميع اعطال الطرمبة بالصور


اذا مانفعت الطريقة السابقة


فالمشكلة صفاي بنزين او حساس منظم الهواء بنفس الثلاجة
و قد تكون المشكلة من الديلكو
اذا كان الموتر مهب صافي
تاكد من اسلاك البواجي و البواجي
تاكد من اصابع البطارية لازم تكون مشدودة و نظيفة

[أبوحمييد]

طيب جرب تدعس دعسه خفيفه على البنزين قبل التشغيل...

[بدوي جنوبي]

ينقل لقسم الاعطال

[Nasser-ahah]

أخي الكريم أنا اليوم رحت لم كهربائي وقاس لي ضغط الطرمبة طلع 70

إذا أنت كان 60 وفوق ترى الطرمبة سليمة

الخراب عندك في ربلة أو السستة تمنع رجوع البزين للتانكي

انا نفس الشي أبغيرها

[عبدالله2009]

انا جربت الطريقة الي قال عليها اخوي سوبر Vtc

وشغلت الويتش ثلاث مرات والمرة الرابعة شغلت السيارة

ما في فايدة لازم اعلق على السويتش حوالي 10 ثواني


تكفون يا عيال ... قسم بالله اني قد خسرت عليه واجد ولا فيه فايدة !!!


الي عنده الحل الله يوفقه يقلي عليه

[سوبر VTC]

يعني هل طبقت التالي بالتمام
فتحت السويتش على on لكن بدون ماتشغل ؟
3مرات ؟ لازم كل مرة 3ثواني فاكثر
يعني اهم شي تولع لمبات الطبلون
عشان يجي بنزين الى البخاخات
طيب عزمه ممتاز ؟؟؟

[عبدالله2009]

ايه سويت الي قلت عليه ... وخليتها في كل مرة 6 ثواني يمكن

وعزمه روعة ما شاء الله

وفوق هذا وذاك الله يوفقك يا سوبر فتك وين ما رحت

[Rajah]

انا من رائي والراي رايك ان تخلي الوضع على ماهو وهو لو اثر ماياثر الى على البطاريه فقط ولكي تتفادى احتراق السلف اذا جيت تشغل دق سلف وشغل اربع ثواني ثم وقف انتظر ثانيه حتى يبرد السلف ثم شغل ثلاث ثواني ثم وقف ليبرد السلف والاخيره بيشتغل معك السياره كل المعتاد ولو تحسب الخساير الي خسرتها على تصليح العطل بتحصلها اكثر من تغير كل فتره البطاريه

[عبدالله2009]

Rajah (http://mekshat.com/vb/member.php?u=127472)

كلامك والله عين العقل ... وفيه احيانا الواحد يمشي اشياء دامها ماشية ولا تأثر


ولكن يالغالي اوقات اطلع البر ما يكون عندي الا الله ثم سيارتي

ولا ودي تخونني وقتها

[فكاك العقد]

غير بلف الحراره تزين امورك حصل معي نفس مشكلتك بالتمام ورحت لميكانيكي بالصناعيه وقال غير بلف الحراره وسويت اللي قاله ويارب لك الحمد نقرة سلف وتشتغل =اتمنى اني ساعدتك ........تحياتي

[سوبر VTC]

ايه سويت الي قلت عليه ... وخليتها في كل مرة 6 ثواني يمكن

وعزمه روعة ما شاء الله

وفوق هذا وذاك الله يوفقك يا سوبر فتك وين ما رحت



ما شاء الله
طيب اشتغل الموتر على طول ؟؟؟
الله يجزاك خير و يوفقك و كل مسلم

[عبدالله2009]

سوبر ...


لا والله ما ضبطت يالغالي ...


والحالة زي ماهي بالضبط

[سوبر VTC]

طيب اخر حل و الله اعلم

(((للفائده)))

احد الربع معه شيروكي و جلس شهرين ما يشتغل موتره يدق سلف ثم يطفى
فيقوم بالدوس على البنص حتى يحتمي ثم يتفتف بس مايطفى :no2:
يعني ما يطفى الا اذ كان بارد
مر على ورش متخصصه بالشيروكي و كلهم عجزوا عن ايجاد المشكله :no::no:
لقى المشكله بنفسه بعد توفيق الله من حساس الهوا (الار بي ام البنص ) راكب عليه فيش 4اسلاك
فصل الفيش و لقى واحد منهن متوسع ضيقه بمفك صغير راس مدبب
ثم اشتغل من اول دقه سلف :good:
اشياء ما تطري على البال مثل هالافياش

هذه صورة الحساس
مكانه راكب على اللهاة شفه تحت ماصورة البخاخات ((طالع منه سلك اصفر)) من تحته فيش 4اسلاك
من وظائفه ايضا
اذا وصلت الاشارة (يوازن) بين سرعه المكينه و بين الهوا الداخل الى المكينه
عشان ما يطفى الموتر
تاكد من الفيش و اكبسه
احيانا يصير احد الاسلاك منقص فانتبه => :good::good:

http://www.mekshat.com/vb/../pix/upload01/prof004/mk53291_amb111.jpg



انت تاكد هل يوجد للجيب حساس للابنص ام لا ؟
+
تاكد من جميع الافياش + تضيق روس الافياش بمفك

***

قد تكون المشكلة من الريقيوريتر بلف راكب على البخاخات

http://www.mekshat.com/vb/../pix/upload02/images76/mk53291_ntbbn3.jpg