المساعد الشخصي الرقمي

مشاهدة النسخة كاملة : عندي سؤالين لو سمحتوا


محمد العتيبي
29/01/2005, 02:55 PM
السلام عليكم

كيف اعرف الجير الحر من المهاجر

2 كم بيضه يبيضها الصقر في السنه

وشكرا
سرهيد1
30/01/2005, 01:57 AM
السلام عليكم السؤال الاول مافهمته !!!!

السؤال الثاني على الاغلب ثلاث بيضات مرة واحده فى السنة ولكن بعض الانواع قد تضع اربع كالشياهين على سبيل المثال
محمد العتيبي
30/01/2005, 08:27 AM
انا قصدي كيف افرق بين الحر الصلي والحر المهجن

عندي استفسار في السؤال الثاني
وش معنى الكلمات التاليه

نادر مثلوث محقور تبع وكري

بالعربي : ابي تفصيل عن كم بيضه للصقر وما اسمائها ومتى يبيضها الخ

ولاهنت يالغالي
$عاشق الحرة$
04/02/2005, 05:44 AM
أبـــشـــر ياولد عمي :)

عسى الله يطول بعمرك

بالنسبه للطير الحر

يبيض 3 او 4 بيضات

البيضه 1 - يسمون الطير اللي يفقس منها حر كامل

2- يسمون الطير اللي يفقس منها فيه ناس يقولون نص وفيه ناس يقولون لزيز

3- يسمون الطير اللي يفقس منها مثلوث

4- إن وجدت يسمون الطير اللي يفقس منها تبع وبعض الناس يسمونه كوبج

أما الشاهين

1- يسمون الطير اللي يفقس منها نادر

2- يسمون الطير اللي يفقس منها لزيز

3- يسمون الطير اللي يفقس منها محقورة

4 - يسمون الطير اللي يفقس منها تبع

اما الوكري والله وانا اخوك مالي به علم

اما بالنسبه للتزاوج فالطيور في موسم هجرتها الاول تتزاوج فيه وتضع الطيور

تقريبا سنويا ً ثلاث إلا اربع بيضات

وقبل لا أنسى الوكري نوع من انواع الصقور ماهو اسم لبيضه من البيوض

هذا ماعندي والله الموفق

وحنا فالخدمه

تقبل فائق إحترامي

أخوك

عاشق الحره ((( أبــو فــيــصــل )))