وش اشتري خرازه ولا شوزن ام حبه

[abrahim]

السلام عليكم
كيف حالكم
انا حبيت استفسر وش اشري خرازه ولا شوزن ام حبه
وعلى فكره الصيد شوي يعني اقطقط ضبان وشوي طيور:D زينه الخرازه لبعض الطيور
مثل البط وطيور الماء والضبان اهم شي:D
وجزاكم الله خير مقدماً:good2:

[رأس الزعامه]

انصحك بشوزن لكل شي للضبان والطيور
لكن الخرازه أحسن للضبان

[قناص نجد]

بالنسسبه لي
شوزن (شوزل)

لانها وجه وارم :d

الخرازه تبي لها ركاده وتهستربك في وزنيتها (تختلف الوزنيه كثير)

ودام الصيد شوي الشوزن ما مثلها

وشكرا
والرأي لك

[راعي الطلعات]

وعليكم السلام والرحمه

انا بفيدك لائن حصل معي نفس موقفك من الحيره بين شوزن ام حبه ولا خرازه برونو 94

فا نصحوني الشباب بالشوزن ام حبه والسبب اول شي من ناحية اقتصاديه في الفشق فهي اقتصاديه في الفشق وصويبه من ناحية الطيار وتسوق صح واوصيك بالـ30 انش واذا حصلة فيبر فا ما فيه احلى منها تبي ضبان تبي بط قماري الخ

الخرازه زينتها في الضبان بس وتخوف من ناحية الرمي انه مايكون فيه ناس ما تشوفهم وتعرف رصاصها يروح بعيد ولا تدري وين من يكون قدامها هذا لي تخوفت منها وفي الاخير وقف الاختيار على شوزن ام حبه :)

وانت استخر الله وبالتوفيق

[محب العقاب]

السلام عليكم ورحمة الله وبركاته/.
أخوي الشوزن سلاح صيد ونيس /.
وأنت إن كانك ما تهمك الفلوس خذ شوزن /.
لأن فشق الشوزن أغلى بكثير والخرازة أوفر/.
والله يوفقك واستخر ثم استشر وربك يوفقك/.
ولا تستعجل وتقبل تحياتي /.
والسلام عليكم ورحمة الله وبركاته /.

[شايب الراس]

اخوووي الغالي خذ خرازة الصيد حلوة يوم تخطي وتطرد وتصيد


اما الشوزن رمي المبتدا
وحلوتها في الاجوال غير كذا لا

[عاشق الفتك 20]

شووزن ولا تشااور

[شروركي 111]

لا بالله شوزن افضل هذاني ادور ام حبه وببيع ام خمس شوزن..

[abrahim]

جزاكم الله خير وفيتو وكفيتو

[برق الشتاء]

الشوزن يسمونها بندق العميااااااان

تقش الطيب والخيب

ان كان صيدك طيور فبندقها بندق العميان
وان كان صيدك وبران او ضبان فعليك بالخرااااازة

هذا اللي عندي وموفق خير

[اخوتركي]

ياولد لاتحتار المتصيد "اللي مامعه خرازه مامعه سلاح"
* الخرازه زينه وخفيفه
* تصيد بها القريب والبعيد وانت طال عمرك تبي تقنص مو ترمي .
*والوزنيه ماتخرب كل شوي زي مايقول البعض لاتركب دربيل وارم عالنيشان انت شباب مو شايب.
وسلامتك

[برنو1990]

إذا تبي تسير قناص حقيقي خذ خرازة
اما الشوزر كلن يرميبه بندق العميان

[ولد الخضاريه]

عليك بلخرازه وخل عنك الشوزن الرصاصه 5 ريال

[صاعقة 1]

الشوزن تجمع اكثر من صيدة في وقت واحد

[عقاب 01]

يارجال الشوزن مافيه مثلهاا

ومثل ماقال اخونا صاعقه

الفشقه داخلها حبات كثيره

اذا رميت تنتشر

ويمديك تصيد كم وحده


اتكل على الله وخذ لك شوزن

[abrahim]

الله يوفق لما فيه الخير

[عتيبة]

الشوزن تطربك تجيب ثلاث ثنتين اما الخرازه اذا ما جت
تعبي ثانيه تعشق والله يا انت فاضي وتروح الطريده ولا وانت باسياره
وتمشي بها تويقع حطها بالطير والرم ووقف وانزل وخذه
ولا اذا كان شي موذيك بالخرازه من بعيد وبدربيل
وتقبل تحياتي

[شعب الحلاه]

ارررحب يالغالي

كلها طرب وأنا أخوك تحياتي

[ابو سمسم]

اسمع من اخوك غير الخرازه لاتاخذ الرصاص متوفر ورخيص وبندق لك ولزمن واذ جيت تبيعها سعرها فيها ( عليك بالبرنو )
الخرازة وارفع يدك

[مرهف]

السلام عليكم
لاتفكر ولاتحتار خذ الشوزل وريح رأسك
تقبل مروري

[f 16]

بى شغل الدعدع بالمنتدى وهذا اللي حاس علينا الصيد فقر وقحط وفلس
الله يرحم حال كل من اخذ الصيد مفخرة ودعدعة