وش السواة اذا نسيت الزيت؟؟؟؟؟؟

[ذيب الجبال]

طال عمرك وعمر الجميع
اذا نسيت الزيت تجيب القفره(يعني الدجاجه او الحجله او الحمام وغيرها علما باني لم اجربها بلحم الغنم)
وتسخن القدر ياسخن تحط القفره(سبق التعريف) وتحركها وتحركها....... حتى يصير عندك زيت بالقدر
وتطلع القفره وتضبط امورك :good:
ارجوا انكم تستفيدون من هذه المعلومه المتواضعه من اخوكم ذيب الجبال

[ابو عزووز]

مشكووووووووووور اخوي ذيب
الجبال على المعلومه الموفيده :good2:

[عروان]

أخوي ذيب الجبال


هالمشكلة هذي ما تمر علي ابد. تدري ليه؟؟





لأني ما أشيل الزيت معي ابد. ماشاء الله كل يدامنا دسم. أن قلت ذبيحة عندك شحمها أحمس به والدجاج بعد بعد فيه شحم يساعدك مثل ما تفضلت.




أطيب تحية

[المشرف]

تسلم على الموضوع المفيد لكن اذا نسيت الزيت عليك بالشوي :hot:

[ذيب الجبال]

ابو عزوز
المشرف
شكرا لكم على المرور وحياكم ربي.
اخوي عروان عزالله انك صدقت اذا كان معك ذبيحه ضبطت علومك
وتحياتي للكل

[ســيــف نجد]

الله يجزاك خير على المعلومه

بس اذا صار ضب وش اسوي ؟؟؟؟؟

[كشتة]

مشكور اخوي على المعلومة القيمه

وهي الصراحه افووود بكثير من الزيت الزائد

لانك تضيف زيت على زيت


تحياتي لكـ

[صقر عليه]

السلام عليكم

يا أخوان أنا في أعتقادي

إذا نسى الواحد الزيت

يكثر الماء على الأكل وبيتعوض خير

[المطلق]

يعطيكم ألف عافية على هذي الفوائد

ومشكور أخوي ذيب الجبال على طرح هذا الموضوع

[عاشق المكاشيت]

مشكور يا خوي على الفكره الجميلة ..

لكن إذا كان ضب ما تب لاقيبه شي .. !

[ذيب الجبال]

اخواني شكرا لكل من شارك في هذا الموضوع.........
سيف نجد:::: ضب :confused: والله البلشه :D انا اعلمك ياعزيزي,, اذا كان ضب خله شوي
(((( احرجتني :D :D لاتعود هالاسئله المحرجه اوكيه :burnout2: ))))
شرفتنا يالغالي واعذرني مالفيت جواب مناسب ;)
كشته:::: شكرا على المرور وياهلا بك
صقر عليه::: لكن اخاف اذا زودت الماء تنعمس الكبسه وتصير عصيده :D
شرفتنا يالغالي وياهلا بك
الرياعي::::الله لا يهينك ولا عدمناك
عاشق المكاشيت:::: والله سبق وان ذكرت ان هالسؤال محرج ماله جواب في موسوعت الطبخات :cool:
نورتنا يابعدهم ومرحبا فيك

[أبوروز]

شكراً للجميع على هذه المعلومات المفيدة . . .
ولكن :
أخوي سيف نجد
أخوي عاشق المكاشيت
وهم أخوي ذيب الجبال
لا تنحرجون ولا تحتارون اذا كان الصيد ضبان وتبغون زيت !!
هناك طريقة أنا مجربها وأصلا ما أخذ معي زيت اذا نويت أصيد ضبان
لأن الزيت في الضب موجود وأكثر من رائع .
يوجد الزيت في ( السلايق ) ولها أسم أخر لا يحضرني الأن وهي عبارة عن
قطعتين على جانبي الضب في بطنه ولونها من الخارج أسود براق ومن الداخل
اذا قطعتها أصفر تراها ملساء الملمس ورقيقة جداً تتمزق دائماً وهي غنية جداً جداً بالزيت .
الطريقة :
ضع هذه القطعتين أو قطعة واحدة في القدر ثم حركها مع البصل فستجد الزيت
ثم ضع الطماط وبعده اللحم . . . . . . الخ .
شاكراً لكم حسن الاستماع أقصد حسن القراءة لمداخلتي .


الله يخلي لي من أحب

[algali_100]

أخوي أبو روز الاسم الثاني لسلايق الضب هو : الثروب
وشكرا

[الطعس الذهبي]

جزاك الله خير لاكن شكلك مجرب ضبطة معك

[د.الكاشت]

لاتسوي طريقه ولا شي أرجع جبه

[أبوروز]

أخوي الغالي 100
شكراً . . .
فعلاً كنت ناسي هذا الاسم وشكراً على المداخلة .
أخوي الطعس الذهبي . . فعلاً أنا مجربه كثير وممتاز بس تراه دسم جداً .
وأخوي د.كاشت أما يرجع يجيب الزيت ما صارت طلعة بر . . . !!!!

والشكر موصول لصاحب الموضوع . . .

[II^العازمي^II]

اشـــــــكركـــــــــــ علــــــــىى المــعــلومــه لانـــ دايــمــم بالكــشــتـه ننــســى بــعــض الاغــراض
او بينـى او بيــنــك ونـاسه الـكـشـتـه انــك نــاســي شــي مـن اغــراضــك
:>:>:>:>:>:>:> اللــه يكـثر مـن امثـــــــــــــــــــــــــــــــــــــــــــــــ ـــــــــــــــــــــــــــــــــالــك
مـع تحـياتـىى : بـومـحـمـد الـعـازمـىى