اللاسلكي يصلح بالولاعه ؟؟؟

[cayenne]

السلام عليكم ورحمة الله وبركاته .. :)

انا ضيف جديد عليكم بالمنتدى واتمنى اني اكون خفيف عليكم .. :)

عندي استفتسار وياليت تفيدوني فيه ..

هل يصلح اني اشغل جهاز اللاسلكي عن طريق مقبس الولاعه ؟ والا يسبب مشكله ؟؟

وهل المشكله تضر الجهاز والا السياره ؟؟

لاني صراحه اواجه صعوبه في شبكه عن طريق البطاريه لان السياره اللي معاي بطاريتها تحت مقعد السائق ..
( بورش كاين ) ..

فياليت اللي عنده معلومات او نصايح انه يفيدنا ..

وشكرا لكم واسفين على ازعاجكم ..

تحياتي .. :)

[نمر بن حثلين]

عليكم السلام ورحمة الله

حياك الله اخوي ومرحبن بك

هو ما يضر الجهاز ولكن ممكن يضر السياره

والسيارات تختلف
فيه سيارات سلك الولاعة يكون كبير ويتحمل الجهاز 15 امبير
وبعضها مصمم لحاجة الولاعة بس واذا بديت تراسل احتمت الاسلاك وسببت لك مشاكل مثل ما صار بسيارتي

لذلك انصحك تحاول قدر الاستطاعة تشبك من البطارية
وان ما قدرت الشكوى لله اشبك من الولاعة بس احرص تراسل على low او med عشان ما تحتمي الاسلاك

وخلي عينك على نور الشاشه وانت تراسل اذا شفته يضعف مع كبس الريشه اعرف ان السلك ما عاد يتحمل

وعموما لازم تعطينا دورة بالكاين نطاعس فيه عشان نقدر نحكم السلك يتحمل ولا لا :D

[الخبير]

السلام عليكم
الكثير ممن يستخدمون الجهاز عبر الولاعة احترق عندهم الآيسي حق الجهاز.

لكن تبي شوري فيه عضو في هذي الخيمة يقال له القناص معه نفس سيارتك وموصل لاسلكي اسألة لعل عنده الجواب.

[cayenne]

نمر بن حثلين

يعطيك العافيه اخوي ومشكور على ردك ..

وشكلي بخليه على LOW او Med الين القالي حل له ..

ويفداك الموتر وصاحب الموتر .. :)


الخبير

مشكور اخوي على ردك .. :)

والله يعين الجهاز ..

ننتظر القناص لعله يفيدنا .. يعطيكم العافيه .. :)

[القناص]

هلا والله براعي الكايين
عساك قريت الرد طال عمرك وعمر الخبير واعمار الاعضاء كلهم

http://www.mekshat.com/vb/showthread.php?t=26798