المساعد الشخصي الرقمي

مشاهدة النسخة كاملة : عزبه


خطــاب
30/01/2005, 02:28 PM
:confused: السلام عليكم
دخلت سوق الغرابي الخميس الماضي علشان اشتري عزبه ولقيت نوعيات مختلفه ومن الانواع حصلت نوع يجي قماش تنزاني ومن الداخل مبطن باسفنج على ما اعتقد وفوقه مخيط بلاستيك شفاف علشان يسهل تنظيف العزبه من الداخل... وش رايكم بالنوع هذا؟
السؤال الثاني هو وش الحجم المناسب لعزبه الشاي وايش الحجم المناسب لعزبة الطبخ؟؟ لاني حصلت عدة احجام فيه صغير زي الشنطه الدوبلماسيه وفيه وسط كبر كرتون البرتقال وفيه بعضهن يجي عريض مره وفيه احجام ثانيه
السؤال الثالث كم السعر المفترض للعزبه مع العلم ان القماش تنزاني؟ وهل هناك محل معروف بجودة تفصيله للعزبه في الغرابي؟
ارجوا ان تفيدونا وجزاكم الله خير

اخوكم
خطاب
ابو دحيم
31/01/2005, 01:14 AM
هلاا اخوووي خطاااب

بالنسبه للعزبه اذا كنت تبي الافضل خذ لك عزبه للطبخ لحالها و عزبة الشاي والقهوه لحالها

اريح لك اذا كنت ناوي تطلع مرره طلعة عصريه وشاهي تكوون العزبه جاهزه

وبالنسبه للحجم والقماش افضل شي و اغلى شي هي اللي تكووون مبطنه من جواا وقماشها تنزاني وما اذكرر

سعرها بالضبط .

وبالنسبه لعزبة الشاي فيه عندك وحده حجمها معقووول مرره وتشيل جميع الاغراض وسعرهاا اظني في

حدود 30 - 45 ريال ..

ارجووو اني اكووون افدتك

وشكرا......
ابودنان
31/01/2005, 02:09 AM
عزبة للشاهي .. وعزبة للطبخ ...
على وزن
فستان لليل .. وفستان للنهار ..هههههههههههههههههه
ماشاء الله عليكم ...الأفكار كل يوم تتغير .. الى الأحسن ..
ومنكم نستفيد .
يامال العافية .
ذيب الجبال
31/01/2005, 02:32 AM
اولا: :butt3: ((مافيه مجال للضحك)) :butt3:
ثانيا: والله ياطويل العمر انا ايام كشتات الثنوي كنت استخدم (كراتين) ان لم تخونني الذاكره كان كرتون
البرتقال او اللي بحجمه استخدمه لعزبة الشاهي والقهوه اما ادوات الطبخ فكان اكبر كرتون احصله ويالله يكفيه!!
,,, في النهايه لا تواخذونا ياشباب على كلمة ( كراتين) :no2:
ارجو اني قدمت افاده (( ولو اني ماشفت في اللي قلت افاده ))
تقبلوا تحياتي اخوكم ذيب الجبال
خطــاب
31/01/2005, 08:11 AM
السلام عليكم
اخوي دندونه ماقصرت على المعلومات القيمه والله يجعلها في ميزان حسناتك
بعدين تعال ليش مسمي نفسك دندونه؟؟؟؟؟؟ لانه اسم مؤنث وانا ماقد شفت بنت تهتم في المكشات والبر والعزب وغيرها!!!!!!!!!!!


اخوي ابو دنان
حلوه فستان لليل .. وفستان للنهار ..هههههههههههههههههه
والافكار الحلوه تتطور بمجهود الشباب جزاهم الله خير



ذيب الجبال
وش فيك معصب ياخوي؟
اضحك ووسع صدرك جعل ايامك كلها فرح وسعاده يارب
وبالنسبه للعزبه فانا احس ان اللي كبر كرتون البرتقال كويس للشاهي والكبير للطبخ



بس ماقلتوا لي ياشباب بعد ما ابطنها من الداخل هل الافضل تلبيسها ببلاستيك شفاف( يخيطه بعد التبطين)؟
المطلق
31/01/2005, 04:14 PM
أدخل وشف

العزبة المثالية (http://www.mekshat.com/vb/showthread.php?t=27451)