المساعد الشخصي الرقمي

مشاهدة النسخة كاملة : راعيى القنص يتفضل ويشوف.؟؟


بــرق الشمال
30/01/2005, 11:52 PM
السلام عليكم ورحمه الله وبركاته...
حبيت انت اضيف لكم هذه الصور وعسى ان تعجبكم..
الصوره من الداخل
http://www.mekshat.com/pix/upload/images6/mk5619_1.JPG
ومن الخارج
http://www.mekshat.com/pix/upload/images6/mk5619_2.JPG
ومن جهه أخرى
http://www.mekshat.com/pix/upload/images6/mk5619_3.JPG
وآآآآمل ان تحوز على اعجاب الجميع..
( برى بحرى)
31/01/2005, 12:29 AM
شغلك مرتب والله وفكره جميله
مشكور على الصور
عليان الليل
31/01/2005, 12:50 AM
اي والله شغل مرتب
ماشاء الله عليك ..
والله ما خلو شي..
وانا اعتقد ان الفشق اذا طلع من كرتونه ومن رصته
بالكرتون يخرب ..
والا انت وش رايك.
تحياتي..
بــرق الشمال
31/01/2005, 04:49 PM
الأخ بري وبحري شكرالك على مرورك وتعليقك.
الأخ عليان الليل:انا معك اخوي عليان اذا طلع الكرتون من الفشق ماش شوي بس.طريقه هذه الشنطه رائعه لراعين
الضغوط يعني اذا كانك طالع تقنص ومره ترمي ضغط36ومره40 ومره 50 تلزمك شوي للتفرقه بين الفشق
وبعدين اذا كنت طالع ومعك نص صندوق او اكثر تبي تآخذه بكراتينه صعبه شوي؟؟هذي الشنطه تشيل تقريبا نص صندوق او اكثر لان فيها مخابي خارجيه.هذا من وجهه نظري.
والشكر لك كل الشكر اخوي عليان على مرورك وملحوظتك.
ذيب الجبال
31/01/2005, 09:40 PM
اخوي برق الشمال
انا ماقول الا ((( الله لا يجيبك حول مقناصي))) على رصت هالفشق؟؟!!!!!! مانيتي يبقى صيد :D
اخوي الله يعطيك خيرها ويكفيك شرها
وتحياتي لك وللاخوان
بــرق الشمال
01/02/2005, 01:58 AM
ياهلابك اخوي ذيب الجبااااال..((( الله لا يجيبك حول مقناصي))) اجل لو اوريك الباقي وش تسوي اخاف تدعي علي. :) شكرا لك على مرورك والله يعطيك العافيه
كايد
02/02/2005, 11:40 PM
لاهنت
ومشكور لكن عروق الشمال ما يوجد الا بالقصيم
اي هل له فروع بالرياض
؟؟اين اجده
ومشكور
الضاري
03/02/2005, 04:21 AM
يازين الشغل النظيف والحلو

مشكوررر على هالفكرة الرائعة


تحياتي للجميع
بــرق الشمال
03/02/2005, 07:27 AM
الأخ:كايد بالنسبه لعروق الشمال مايوجد الى بالقصيم ولاله فروع لابالرياض ولاغيره(على حد علمي)
بس وانا اخوك كانك ملزم تبغاها اطبع الصوره وشف لك اقرب محل بالرياض ويسويلك نفس الطريقه او افضل بعد
وانا انصحك اذا بغيت تسويها بالرياض انك تروح لمحل البريه(وانت بطريق الابراج حي الروابي-الريان ووجهك شمال يعني وجهك لطريق خريص يجيك قبل طريق خريص على اليسار).
والمحل الثاني هو السنيدي(تلقاه بالغرابي)وانا انصحك بهاالمحلين لأن عندهم خياطين ممتازين.
الأخ:الضاري حياااك الله اخوي ومشكووور على مرورك.
ملك البراري
03/02/2005, 08:22 AM
:good2: :heart: وفقك الله شغل مرتب و نظيف :good2: :heart:
رفيع الشان
03/02/2005, 12:10 PM
أخوي برق الشمال ... انبسط ياعم ... وانا من يوم شبيت ومااشوف الا البولندي رقم سته وواحد :)
شنطه حلوه وجميله بس هل صحيح كلام عليان الليل اذا طلع من الكرتون يخرب ولالا ... مع اني قبل اسبوع رامي برصاص من احدعش :) (11 سنه ) وهو مرمي في صندوق حديد تنوء بحمله العصبه من الرجال مما فيه من البلاوي

فمان الله
أبو تركي القطامي
03/02/2005, 12:33 PM
أخوي الغالي برق الشمال
بعد التحيه والسلام
هذه الفكره مصممها عند عروق الشمال قبل أربع شهور
علشان تأخذ نص صندوق بسهوله ودون زحمه داخل السياره
ولكن ماتصلح لتخزين الفشق لوقت طويل ورغم ذلك رجعت للخيشه
كايد
04/02/2005, 01:56 PM
لاهنت يا برق الشمال
والظاهر ما لنا غناة عن الخيشة على قولت اب هنا :good2:
الجهني
04/02/2005, 03:17 PM
السلام عليك
برق الشمال
شغل عدل وشيء جديد ونظيف
عساك على القوة
ابوفزعه
04/02/2005, 03:34 PM
مشكور اخوي برق الشمال على الصور والشنطه عمليه بس وين الصيد :D
فـ(الجـوف)ـتى
04/02/2005, 03:50 PM
بالفعل شغل مرتب

الله يعطيك العافيه0
بــرق الشمال
04/02/2005, 09:15 PM
الأخ: ملك البراري..وياك اخوي شكرا لك.
الأخ:رفيع الشان اول شي شكرا لك على مرورك وتعليقك الرائع..
ثانيا:على حد علمي ان الفشق(الذخيره)باغلب انواعها تؤثر عليها(الرطوبه-والحراره-وعدم الحفظ بشكل جيد)والماء..الخ وبالنسبه للشئ هذا مو من فراغ انا دارسه وعندي مايثبت ذلك بالكتب ولكن لايعني ان تكووون هذه الشنطه سيئه(فالختلاف في الرأئ لايفسد في الود قضيه)واذا بغيت الطريقه الصحيحه لحمل اوتخزين الذخيرة لابخيشه ولا بشنطه مثل اللي اضفتها انا الطريقه المثلى هي صندوق من الحديد او خشب ومعزووول بعد..
الأخ:ابو هناالقطامي ياهلابك اخوي وشكر لك على مرورك وتعليقك ولكن السؤال لماذا لاتنفع.لانه الشنطه ماطولت عندي كثير وابي استفسر عنها..
الأخ:كايد حياك الله اخوي ومشكور.
الأخ:الجهني ياميت اهليييين وسهلين اخوي حياك الله ومشكور على مرورك..
الأخ:ابوفزعه ياهلاوالله وغلا..بالنسبه للصيد..؟؟ العين بصيره واليد قصيره.!! وانت خابر الوضع وانااخوك. :no2:
الأخ:فتى الجوف وياك اخوي والشكر لك على مرورك..

ملحوظه:سبق اني ذكرت هذه الملحوظه..؟؟وانا بصراحه اثني على الأخوة عليان الليل وابوهناالقطامي وكايد..
(ولايهونون الباقين)ليه لأن مجرد اني اضيف فكره اومعلومه...الخ لانريد الثناء والمدح بل كل شخص يبدي رأيه
سواء بالمدح او الأنتقاد(ويكون الأنتقاد بسلوب جيد ومحترم) لتعم الفائده على الجميع فقد تكون الفكره جيده ولكن بتعديل احد الاعضاء او المشرفين تكون رائعه..
هذا ماحبيت ان اوضحه واتمنى ان يؤخذ بعين الاعتبار وشكر لكم مره أخرى..
ابو ابراهيم2
04/02/2005, 10:24 PM
شغلك عدل وشكرا على ها الموضوع
أحسن نتخلص من الخيشه :D تراها تجعل الفشق يعض أحوج ما تكون إليه لأن الخيشه تجمع الغبار
بــرق الشمال
05/02/2005, 12:56 AM
ياهلا والله وغلا .بسميي ابوابراهيم..الشكر لك كل الشكر على مرورك وتعليقك
كايد
09/02/2005, 04:48 PM
اخوي برق الشمال مشكور
ورايك بيضاء واخواني الكشاته
و تراي والله ليس تقليل من شان مشاركتك لاوالله وانما من باب المناقشه
وصدقني ان شاء الله بافصل 2وحده صغيره مثل ذي وثانيه كبيره للفشق كامل .........
ارجو الا تكون قد اخذت بخاطرك
بــرق الشمال
11/02/2005, 01:17 AM
من دون مؤاخذه اخوي كايد اضحكتني كثيرا عندما قرأت ردك الأخير.لانه لايوجد هناك سبب يدعو للغضب او الزعل..؟؟ فردك على طبيعي وسؤالك عن محل عروق الشمال طبيعي ايضا. لانه وبالفعل انا حصلت عليها من عروق الشمال في القصيم(بريده)ومجود طبعه المحل عليها في مشاركتي....؟؟
فما سبب اعتذارك علما باتني وكما ذكرت سابقا .. لم تزعلني مشاكتك..الخ
انما انت اخو عزيز كبقيه الاعضاء والمشرفين..؟؟
اكرر شكري لك مره اخرى اخوي كايد.