للمره الثانيه غيرت زيت وفلتر القير ومات عزم السياره والمهندس يقول لازم توظيب للقير

[ابوهيون]

الفزعه لاهل الخبره بالقيرالاتماتيك سوبربان2000دبل حجم1500(للمره الثانيه اذا غيرت فلتر القير يخرب القير) جيت للورشه السياره مافيها الا العافيه بس عشانها مشت40000كم قلت بغير زيت القير مع فلتره لان المهندس يقول فيه ريحة زيت محروق وبعدها تمشي السياره ورا مافيه شي متغير بس اذا مشيت قدام مافيها اي عزم وكشفوا عليها وقال لازم توظيب معقوله ياناس اغير زيت وفلتر القير يخرب القير
اتوقع فيه شي كهربائي وبرمجه هي اللي خلته يضعف العزم امل من الله ثم منكمافادتي ماهي العله او ارسالي لمهنس قيرات محترف واذا لزم الامر ابي لي قير من التشليح اذا احد يفيدني بالموضوع

[بخيت الدوسري]

أولاً / يالغالي موترك متى تم تصنيعه يعني الموديل؟
ثانياً / أنت جربت تفحص الحساسات الموجوده داخل القير ممكن اللي ركب الفلتر والزيت حركها وماركبت صح معك ترى هالسالفه سبق وحصلت مع واحد من الشباب أنت جرب وماراح تخسر
على فكرة الموتر عندك تحس فيه رجة إذا صار يبغى يغير الدعسه من الترس الاول للثاني وهكذا.

أتمنى تلقى الحل هذا ماعندي

[ابوهيون]

الله يجزاك خير يالدوسري الموترسوبربان2000 دبل وابي ذا اللي صارت معه وفي اي ورشه عشان اصلحها والسللام وابي جوالك للمفاهمه عاجلا للاهميه

[بخيت الدوسري]

وياك يالغالي وأتمنى تراجع الخاص فيك عشان راح أرسلك الإيميل حقي للمفاهمه

[بخيت الدوسري]

بعد أذن الإدارة والمشرفين حاولت أرسل رساله خاصه للأخ ابة هيون لكن يشترط عدد المشاركات 50 لذلك سوف أضع الإيميل هنا
( bakheet666@hotmail.com )

وانت تحصل معك الرجه الي ذكرتها لك عند تغيير النمر أم لا
وبالنسبة للورشة اللي صلح فيها موتره فهي في صناعية خميس مشيط هي أقرب صناعيه لصاحبي لأنه من سكان وادي الدواسر

[كاشت...]

والله شي غريب
وش اللي يوضب ما يصير !!!!
اذا تبي ورشة شي تشالنجر ورشه جيده في الصناعية القديمه
اذا تعديت اشارة السالم بيجيك الكوبري لا ترقا من تحت ادخل مع الاشاره يمين
ثم تجيك اشاره رح سيده الاشاره الثانيه اطلع يمين تلقى الورشه ع يمينك
والله يسهل الامر . . .

[فلان بن عفتان]

السلام عليكم

اخوي ابوهيون .

الذي فهمت من كلامك أن نقل الحركة أصبح ضعيف بعد تغيير الزيت .

أريد منك أن تجري الإختبار التالي وتخبرني بالنتيجة :

1-أوقف السيارة
2 -ضع التعشيق على n
3-إضغط على الفرامل بقوة بالرجل اليسرى
4-ضع التعشيق على d
5-إضغط البنزين على آخر شي وأنت مستمر ضاغط الفرامل بالرجل اليسرى
6- راقب ضغط المكينة
يجب أن يستمر هذا الإختبار بسرعة لثواني معدودة
ما أريد هو إلى أي مدى وصل ضغط المحرك عند تطبيق الخطوة رقم 5

[ابوهيون]

الحمدلله صار راعي الورشه(السعودي كثر الله من امثاله ونفع بهم) رجل بما تعنيه الكلمه وذهب بنفسه وفحص السياره وقالي تفضل ترى موترك جاهز ووالله اني ماصدقت ان فيه ناس يخافون الله بالشكل هذا لان المشكله هذي صارت لي قبل سنه ووضبت القير كامل والله على ما اقول شهيد

[ميكا مكشات]

يعني وش صارت المشكلة على شان نستقيد

تحياتي........

[بخيت الدوسري]

نعم أخوي أبو هيون ممكن تعطينا المشكلة اللي كانت عندك وطريقة إصلاحها ليستفيد الجميع
والحمد لله إن الأمور صارت تمام

[رفيع المقآم]

الحمد لله بس ياليت علمتنا المشكله

[humod]

وليتك بعد تعلمني وين وصف الورشه
لأن عندي اليوكن يقلب لون الزيت إلى اصفر وما عرفت وش المشكله

[بر الوالدين]

الحمدلله صار راعي الورشه(السعودي كثر الله من امثاله ونفع بهم) رجل بما تعنيه الكلمه وذهب بنفسه وفحص السياره وقالي تفضل ترى موترك جاهز ووالله اني ماصدقت ان فيه ناس يخافون الله بالشكل هذا لان المشكله هذي صارت لي قبل سنه ووضبت القير كامل والله على ما اقول شهيد

ابو هيون تكفى ( عطنا وصف للورشة ) و الله يالسعودي ندورهـ دوارهـ

و بقوله مرسلني لك ابو هيون من خلال موضوع له بالمنتدى

** قير موتري بدء يخنبق ( ما عاد يغير للنمره الثالثه يحن بقوهـ )

مريت على الفلبيني ( زبون عندهـ من زمان ) طع وجربنا الموتر

قال توضيب ( على طول بدون تفاهم ) يبن الحلال ؟؟ قال : خلاص توضيب الزيت محروق

قلت طيب و امشي

و اليوم شفت موضوعك قلت ما له داعي اكتب موضوع ثاني

لذا لابد و أن توصف الورشه و رقم جوال السعودي و الخاص عندك في إنتظارك

[بخيت الدوسري]

ابو هيون وش ذا التغلي يالغالي رد على الشباب

[ابوهيون]

اولا اعتذر من الله ثم منكم على التأخير ومن الاداره على وضع رقم جوال السعودي واعرف انه مخالف بس للمصلحه العامه يشهد الله على ذلك وهذا رقم راعي الورشه وعلموه السالفه وترى عمالته جيدين واسعاره معقوله عبدالله0504436665 وأمانه تقولون هذا راعي الجمس اللي غيرتوا زيت القير له والموقع بالقرب من المعهد العلمي في السويدي شمال المستوصف الخليجي لطب الاسنا ن داخل محطة البنزين

[بر الوالدين]

اولا اعتذر من الله ثم منكم على التأخير ومن الاداره على وضع رقم جوال السعودي واعرف انه مخالف بس للمصلحه العامه يشهد الله على ذلك وهذا رقم راعي الورشه وعلموه السالفه وترى عمالته جيدين واسعاره معقوله عبدالله0504436665 وأمانه تقولون هذا راعي الجمس اللي غيرتوا زيت القير له والموقع بالقرب من المعهد العلمي في السويدي شمال المستوصف الخليجي لطب الاسنا ن داخل محطة البنزين



جعلك تسلم و الله يبو هيون





أما وصفك و الله ما عرفته زين ( يعني لو توصف من على الدايري الغربي رقم مخرج توس كذا ثم كذا ..... )


بالنسبة لي بتصل إن شاء الله عليه على جواله و اعلمه بما ذكرت


موتري فورد ( 98 الظاهر القير كما سمعت فيه إلكتروني توقع يعرفله يعني ؟ )


وهل شفت عنده فوردات ؟


و الله يجزاك خير

[ابوهيون]

مخرج عائشه مع الدايري الغربي تجيك اول اشاره وهي اشارة شارع سدير تروح يسار اول اشاره تشوف المحطه امامك هي فيها ورشة العياف اذا ماخاب ظني

[الموسيقار6]

ياليت تذكر لنا حل المشكله لأن عندي نفس المشكله ,,

[ابوهيون]

المشكله انا شخصيا ماأعرفها بس بامكانك سؤال صاحب الورشه يفيدك

[_دربيل_999]

يمكن التركيب خطأ او القطعة تجارية..
تحيتي

[ابوهيون]

القطع اصليه والزيت اصلي