المشورة منكم يا اخوان و خصوصا اصحاب القوارب

[jeddahauto]

السلام عليكم
صبحكم الله بالنور والسرور

في واحد من الاخوان في قطر عارض علي قاربه للبيع فحبيت استفسر منكم ايش هي اجراءات نقل الملكيه و الدفع و الشحن للقارب من قطر للسعوديه؟؟؟

علما بان القارب حجمه30 قدم و بدون عربانه و موجود بالبحر ... وانا بصراحه مالي علم بتاتا بهذي الامور

و ان شاء الله يجزا الجميع كل خير و يجعلها في ميزان حسناتكم لكل الاخوان اللي قدرو يوضحو لي الترتيبات و حتى اللي ما كان عنده علم بذي الامور

شاكر و مقدر لكم يا اخوان

[فش-أندرتيكر]

الله يعطيك خيره ويكفيك شره أن شاء الله...تمنيت أفيدك ولو بمعلومه بسيطه..بس أن شاء الله الأخوان ما يقصروا و يفيدوك..تقبل مروري..تحياتي لك...

[بحري 99]

الله يبارك لك فيه
يفيدوك الشباب ان شاء الله
تقبل مروري

[( ابو تركي )]

حياك الله
1 تتأكد من أوراق البوت كاملاً
2 تفصيل عربه ثلاث عجلات على الأقل
3 نقل ملكية أو مبايعه تتم عند شيخ الصيادين أو وزارة النقل
4 عدة إجراءات بسيطة في وزارة النقل منها شطب القارب من الدفاتر
5 مراجعة حرس الحدود
كل الاجراءات راح تعرفها إذا راجعت وزارة النقل بقطر
هذا حسب علمي وبالتوفيق

[wafi5665]

السلام عليكم
احسن واحد ممكن تستشيره "العمده555" ومخبور اجودي ومايقصر...وبالتوفيق

[jeddahauto]

شكري و تقديري للاخوان فش اندتيكر و بحري 99
و بدايه خير من الاخ منيفه و ان شاء الله يجزاه الله كل خير
و الاخ وافي5665 ... و عليكم السلام .. و ان شاء الله يدخل العمده555 و يقدر يفتيني مما عنده من علم

وجعلها الله في ميزان حسناتكم

[A B D U L L A H]

يالله حي اوتو جدهـ ( مصطفى )

آقلك اهم شي وقبل كل شي ( لاتستعجل )

وربنا يرزقك بطرآد عليه الكلام :)

وانت تستاهل والله كل خير اخوي مصطفى

وعندك الآخ آبو يآسر آستفسر منه وإن شاء الله يشوف موضوعك

وعندك آخوان كثير هنا خبره بالقوآرب ... محآآآآر وغيره من الآخوان

[jasim7]

ياهلا فيك اخوي

وجهة نظر
اتصل ع صاحبك قوله يرسل لك صور من اوراق الطراد
وتوجه بها الى وزارة النقل + حرس الحدود


بالنسبه للعربه اذا ماكنت تحتاجه الا لنقل من قطر الى السعوديه

انا اشوف انك تتفق مع شركة نقل احسن لك

وبالتوفيق ;)

[قناص الهمله]

والله يا خوي انا ماعندي علم لكن الاخوان بيفيدونك

[jeddahauto]

الاخ عبد الله ... لازم ندردش لاني ناوي اطلع بوت قريب جدا و حبيت آخذ منك تفاصيل طلعتك .. و ما شاء الله تبارك الله ... هاموره بالعافيه عليكم

الاخ جاسم ... مشكور يالغلا لكن صراحه ما استوعبت ايش اعمل لو ارسل لي اوراق البوت ... اروح لوزاره النقل او سلاح الحدود ايش اعمل عندهم ؟؟ :)

وانا حابب اعرف ايش الافضل ؟ اني انقله على سطحه تريلا ولا اشتري عربانه ولا شوو ؟؟

الاخ قناص الهمله ... مشكور يالغلا على مرورك و تعطيرك

[jeddahauto]

سبحان الله و بحمده

[محآآآآآآآآآآر]

أول شي أحب أباركلك على البوت
والله يعطيك خيره ويصرف عنك شره
وخير من يعطيك العلم الاكيد هم وزارة النقل
وللمعلومية الأنظمة في بعض الأحيان تتغير
وإنت روح للإخوان في فرع الوزارة وإن شاء الله ما يقصروا معك
وخذ منهم كامل الإجراءات والأوراق المطلوبة بالتفصيل الممل وياليت تكتبها في ورقه وتحتفظ بيها
وإذا لا سمح الله حصل تعقيد أو شي من هذا القبيل عطني علم
وأنا إن شاء الله أقدر أفيدك في ينبع البحر أغلب الموجودين حبايبنا ومايقصروا معنا
ونقدر نخلصلك الأوراق بحوله وقوته
الله يوفقك ويكتبلك الخير
وييسرلك أمورك ويطعمك من خير اللنش
أخوك،،،،،،،،،،،،،،
محآآآآآآآآآآآآآآآآآآآآآر

[DIVE STAR]

السلام عليكم

عزيزي شركات النقل المتخصصه راح تريحك على الاخر

اقول لك ليش

همهم قيمة النقل صح؟

راح يدلونك عشان تتم البيعه وينقلون القارب وياخذون حقهم

وهم بيريحونك خصوصا في الجمرك وهذي نقطه اغفلتها

واهم شي روح وزارة النقل والمواصلات في السعوديه واستفسر عن الاوراق المطلوبه للبوت المستورد من خارج المملكه عشان تسهل عليك المهمه

وانا اشوف هذي اهم النقاط وسلاح الحدود امرهم سهل اذا خلصت من المواصلات

لان كل اجراءات سلاح الحدود تعتمد على اوراق وزارة المواصلات

وان شا الله افتدك اخوي

تحياتي لك

هادر

[khathlan]

الأخ مصطفى : بالبركه ان شاء الله ، اذا تمت الصفقه.

بالنسبه للاجراءات لاحضاره من الخليج فلا علم لي بالموضوع ، لكن الزميل (أحمد مكاوي) سبق وأن كتب بعض المعلومات عن ذلك. أنقلها لك بالأسفل.

أبو عبدالله


منقول -----------------------------------------------

عند شراءك للقارب :
عند اختيارك للقارب المراد شراءه سواءً كانت جديدة أو مستعملة من أي دولة خليجية كان يجب عليك مراعاة الآتي:
1- آخذ إيصال بمبلغ الشراء من الشركة (( إذا كانت القارب جديدة )) .
2- أخذ إيصال بمبلغ الشراء من الغرف التجاربة أو من مكتب المبايعة تثبت انه تم الشراء (( إذا كانت القارب مستعملة )) .
3- أخذ ورقة إخلاء طرف من مركز سلاح الحدود بالدولة التي تم شراء القارب .

عند وصولك للجمارك :
1- تعبئة استمارة شراء واسطة بحرية مرفقة بجميع المستندات .
2- الجمارك تأخذ ضريبتها بواقع 5% إلى 10% من قيمة إيصال القارب .
3- تتم تفتيش القارب من قبل مصحلة الجمارك .
4- صدور أمر الموافقة بدخول القارب قد يحتاج من يوم إلى يومين

وبعد ذلك تتم مراجعة وزارة المواصلات وقيادة حرس الحدود لتسجيلها واستكمال بقية المعاملة ... إلخ

[jeddahauto]

بجد احرجتوني بتفاعلكم و ردودكم .. و فعلا استفدت الكثير منكم
و الحمد لله بدات تتسهل الامور و واحد من طرف الرجال مستعد يبيعني عربانه بسعر حلو .. حقت تمشيه حال :)

و الرجال طلع ماهو مسجل القارب في وزاره النقل ولا عنده رخصه ... من يوم جاب البوت ما نزل فيه البحر ؟؟؟؟ و عنده فاتوره الشراء و البطاقه الجمركيه للقارب و يقول على اساسها راح ينقل الملكيه .... كلامه صحيح ولا في نقطه اغفلنا عنها ؟

[SHA9]

مشكور أخووي..

لاهـنت.

[wl-wl]

ياعمي اول شي عليك بالبركه ..ثاني شي اظن الاخوان افادوك وياريت لو عندي شي اقدر اضيفه .....على العموم ان شاء الله تتيسر معاك تقبل مروري

[ناجل سمار]

وعليكم السلام-مبررك يعطيك خيره ويكفيك شره-الظاهر الاخوان افادوك

[jeddahauto]

تسلم اخوي شاص
و مشكور اخ ول ول .. و ان شاء الله يبارك بعمرك
و الاخ ناجل ... تسلم يالغلا و ما نستغني

[ابو نوف 200029]

الحمد لله انشالله الشباب فادوك تقبل مروري

[sniper-007]

الله يعطيك خيرة ويكفيك شرة وبيارك لك فية ربي
تقبل مروري
اخوك sniper-007

[jeddahauto]

تسلم اخوي ابو نوف ... ما نستغني

[accentkool]

ماعندي معلومات عن القوارب بس الشباب فيهم الخير والبركة ماقصرو

[ksaraver]

تراجع وزارة المواصلات اولا بالاوراق
اما بخصوص النقل انا نقلت البوت من فرسان الي جده عن طريق شركه البسامي ب 500 ريال
وبعدين تسوي امر انزال للبوت عن طريق سلاح الحدود

[jeddahauto]

الاخوان سنايبر
و الاشينتكول
و نهر السعوديه

... ان شاء الله يجزاكم كل خير
و بديت استوعب الموضوع ههههههههه .. اليوم رايح وزاره النقل و حسئل عن الاجراءات في شعبه النقل البحري ... و بديت ابحث عن شركه تخليص جمركي ...اذا كانت حتسهل علي الاجراءات

و اكرر شكري لجميع الاخوان اللي ادلو بدلوهم من النصائح و المعلومات والدعوات الحلوه:)