خبراء الجارمن تكفون سؤال سهل افيدوني

[mdd123]

سلام عليكم ياجماعه الخير

عندي نوفي 780 ومنزل فيه خرائط اوروبا 2010 والشرق الاوسط

وعند اختيار خرائط اوربا من الجهاز ووضع احداثيه في انترلاكن السويسريه مثلا

الجهاز يقول لا يمكن احتساب المسافه من نقطه البدايه او شيء من هالقبيل

وعند وضع خيار نقاط مهمه او مواقع مهمه اللي فيها البنوك والمطاعم والخ

مايضر شيء ابد يقول تهجىء الاسم (( المدينه ))

ولا كتبت انترلاكن بالانجلش يقول لاتوجد هالعلومات

سؤالي هل الوضع طبيعي لاني بعيد عن اورربا فلا يمكن احتساب المسافه بسبب البحار والمسافه ولا يمكن اظهار المطاعم والمحطات والبنوك والخ ؟؟؟

(( تراي في الرياض:d ))

او هل الوضع فيه مشكله خطا ؟؟


لاني اول ماشريت الجهاز سويت فورمات لذاكره الجهاز بالغلط

لكن سويت تحديث من الموقع حق جارمن ورجع بعض الملفات واعتقد اللي هي المهمه

نوروني بنوركم الله يوفقكم وشكرا

[mdd123]

ياجماعه يرحم والديكم ردو علي تكفوووون

[mdd123]

يرحم والديكم افيدوني والله الحاله طارئه

وصدقوني اللي عنده الجهاز خبررره ويعرف عنها

تكفوون طلبتكم لاتطنشون

[الشفلحي]

جرب بالمحاكاة وإن شاء راح تضبط معك

[mdd123]

اخوي المحاكاه ضبط معي وكل شيء واضح

بس هل هذا معناه لو سافرت لاوربا راح يشتغل كل شيء سليم بدون محاكاه ؟؟

[mdd123]

ياجماعه الخير تكفوون ردو علي بسااافر بعد يومين وماجاني رد

قولو لي وش الدبره تكفوووون

[sameer_1798]

شوف ياخوي أنا ماعندي خلفيه باجهزة النوفي إلا بموديل 205 وهذه المشكله أبد ماهي موجوده فيه ويبحث لك في أي مكان .
ولكن كني قريت عن حل لتلك المشكله التي بالاجهزة الحديثه من النوفي بهذا الكتالوج لنوفي 1200 يمكن ينفع معك
أقرا الصفحة 59 (كيف يمكنني ايجاد مطاعم قريبه من الفندق الذي سأسكن في مستقبلاً ؟ )
هذا الكتالوج : http://www.desertmaps.com/download.php?id=56


اخوي المحاكاه ضبط معي وكل شيء واضح

بس هل هذا معناه لو سافرت لاوربا راح يشتغل كل شيء سليم بدون محاكاه ؟؟
بإذن الله تشتغل معك .... لأنك الآن بعيد عنها .

[mdd123]

والله ياخوي مدري

بس بيض الله وجهك على ردك

والله يوفقك ويستر عليك

بالود احد الاخوان او الاخ الجوعي يفيدني ضرووري ياغالين

[mdd123]

للرفع .... الله يرفع قدركم

[ana550]

اخوي هذا طبيعي لان خريطة اوربا مستقلة عن خريطة الشرق الاوسط
والطرق بينهم غير متصله وبكذا يعطيك خطاء بحساب المسار

[عبدالله الجوعي]

لابد من وجود طريق من مكانك إلى المكان الذي تريد ( متواصل )

أما البحث عن المطاعم وغيرها فبعض الأجهزة لايبحث عن شئ أبعد من 1000 كيلو عن مكانك

[mdd123]

بيض الله وجيهكم

اذن معناه الوضع طبيعي

ولما ابحث عن طريق المحاكي يعطيني كل حاجه

هل ها معناه ان خريطه اوروبا كوويسه بس لازم اكون متواجد فيها ؟؟؟

[mdd123]

للرفع وهذي اخر مره

تحملوني الله يجزاكم خير

[عبدالله الجوعي]

هل ها معناه ان خريطه اوروبا كوويسه بس لازم اكون متواجد فيها ؟؟؟

نعم كل دولة لازم تكون متواجد فيها ولكن يبقى التأكد من أن الخريطة توجيهية أم لا

وخريطتك توجيهية إذا كنت منزل الرسمية المتداولة بالنت

[mdd123]

اخ عبدالله الخريطه اللي عندي بالجهاز

Garmin_City_Nav_NT_Europe_2010.2_unlocked


هل هذي اللي تقصدها


علما اني عند وضع المحاكي ووضع الاحداثيات بالمحاكي يظهر كل شيء سليم ومئه بالمئه

مدن ومطاعم وكل شيء سليييييم وتمام التمام


وش قولك يااعبدالله

[العابر]

اولا / زي ما قالوا الاخوان لازم يكون فيه طريق متصل عشان يحسب لك الطريق

ثانيا / عشان تتأكد اول ما تحط خيار البحث شوف اسفل الشاشة تلقى زر مكتوب عليه ( موقعك الحالي) والثاني
(قريب من ) حط اي مدينة في اوربا او في الدولة اللي انت تبغاها وخلاص كذا يحسب لك واذا ما حسب يكون

فيه مشكلة

تحياتي

[mdd123]

بيض الله وجيهكم

ابشركم حسب وكل شيء زي الفل

شكرا لكم جميعا والله يوفقكم ويرحم والدينا ووالديكم