Yukon Xl 2002 وش الحل

[قصيمي شمالي]

بسم الله الرحمن الرحيم

هذا يا طويل العمر قدر الله علي وشريت يوكون امريكي وما عليه جيد (بس) طلع فيه مشكله الي هي

شداد المكيف غيرته كم مره ولا صلح يطلع فيه صوت اذا مشيت بالسياره والمكيف شغال مع العلم ان

تبريد المكيف فوق الممتاز عاد جو الرياض ما يحتاج مكيف ابد

تكفون الي عنده حل يفيدنا وشكرا :good:

[بوعبدالعزيز84]

اخوي قصيمي شمالي انا عندي نفس المشكله وغيرت الشداد والسير ومانفع ورحت لأكثر من كهربائي واتفقو كلهم على ان الكمبروسر يحتاج لتغيير واللي قاهرني ان المكيف بارد بس مافيه حل الا تغيير الكمبروسر ولا بيجيم وبيقطع السير قيمة الكمبروسر في الشرقية للأصلي من 950الى1200وفيه نوع دنسو حصلته ب870

[Nasser-ahah]

يمكن رمان البكرة فقط

أدلك على ورشة كهربائي وفني تكييف سعودي أبن حلال في الرياض وذا تبي رقمه أرسل لي على الخاص

[_دربيل_999]

أخوي..
هل قمت بكبس الليات الموصولة يالمكيف,,,
إذا كانت الإجابة نعم..
الليات اللي في السوق لاتصلح مطلقاً للمكيف وخاصة للمجرى الحار..
حيث تقوم الحرارة الشديدة بتمزيقه من الداخل..وترسل القطع الممزقة الى الكمبريسور الجديد وتسده وتطللع فيه صوت ثم يجيم..

وفقك الله

الروقي

[قمة افرست]

مشكلة بكرة المكيف الي هي الشداد هذا عيب تصنيعي من اي سي دلكو ولو تاخذه جديد اذا زبط لفترة
عموما مامنه اي مشكلة اتركه كماهو الا اذا زاد الصوت غيرة

[قصيمي شمالي]

مشكلة بكرة المكيف الي هي الشداد هذا عيب تصنيعي من اي سي دلكو ولو تاخذه جديد اذا زبط لفترة
عموما مامنه اي مشكلة اتركه كماهو الا اذا زاد الصوت غيرة

المشكلة اني شريت كم واحد وكلهن نفس المشكله حتى اني شريت من الوكاله نفسه والقطعة من شركة (gm) وليست اي سي دلكو والعيب المصنعي هذا ماله حل وشكرا

[قصيمي شمالي]

اخوي قصيمي شمالي انا عندي نفس المشكله وغيرت الشداد والسير ومانفع ورحت لأكثر من كهربائي واتفقو كلهم على ان الكمبروسر يحتاج لتغيير واللي قاهرني ان المكيف بارد بس مافيه حل الا تغيير الكمبروسر ولا بيجيم وبيقطع السير قيمة الكمبروسر في الشرقية للأصلي من 950الى1200وفيه نوع دنسو حصلته ب870

ياخي اذا تغيير الكمبروسر هو الحل الشكوى لله نغير بس ياخي قهر المكيف بارددد

وهل انت غيرت وضبط معك ارجو انك تفيدنا الله لا يهينك

[بوعبدالعزيز84]

ياخي اذا تغيير الكمبروسر هو الحل الشكوى لله نغير بس ياخي قهر المكيف بارددد

وهل انت غيرت وضبط معك ارجو انك تفيدنا الله لا يهينك

انا الى الحين ماغيرته ياخي متحسف عليه بارد ماشاءالله عليه بس المشكله في الصوت

[قمة افرست]

المشكلة اني شريت كم واحد وكلهن نفس المشكله حتى اني شريت من الوكاله نفسه والقطعة من شركة (gm) وليست اي سي دلكو والعيب المصنعي هذا ماله حل وشكرا

اخوي حرام تغير كمبرسر فوق 1400 قيمته وهو مافيه شي والي بتغير بيضمنونه لك كم شهر ولازم تركبة عند الوكالة اوفني هم متفقين معه
وممكن يزبط وممكن يصير تبريده ماهو مزبوط وبيوصل التكلفه 2000
والمشكلة من الشداد
على كلام الهندي الي بقطع غيار التوكيلات انه عيب مصنعي وماله حل وانا عن نفسي قد جربته بموديل 2003
لين بعت الموتر وهو على ماهو علية مادام البكرة شغاله ماعليك منه

[رفيع المقآم]

يا الربع تحسبون تغيير الكمبروسر سهل والله ان عندنا جمس م99 غيرناه بحوال3000

[قصيمي شمالي]

اخوي حرام تغير كمبرسر فوق 1400 قيمته وهو مافيه شي والي بتغير بيضمنونه لك كم شهر ولازم تركبة عند الوكالة اوفني هم متفقين معه
وممكن يزبط وممكن يصير تبريده ماهو مزبوط وبيوصل التكلفه 2000
والمشكلة من الشداد
على كلام الهندي الي بقطع غيار التوكيلات انه عيب مصنعي وماله حل وانا عن نفسي قد جربته بموديل 2003
لين بعت الموتر وهو على ماهو علية مادام البكرة شغاله ماعليك منه

اجل على كلامك اخليه احسن بس ما فيه اي ضرر ممكن يفرط لانه فيه حديدة توقفه عند حد معين راح تنكسر مستقبلا من كثر الضغط همن يفرط

[ميكا مكشات]

فيه فرق بين صوت الكمبروسر وصوت الشداد أحسن شي افصخ السير وجرب تلف البكرات بيدك وشف وين الصوت خل عنك التخمين مادام إنك غيرت الشداد ولا نفع شف طرمبة الماء أو علبة الدركسون أو الدينمو كل هذي أصواتها متقاربة وبعدين هل الصوت إذا شغلت المكيف ولا لا إذا كان الجواب نعم خلاص المسألة محسومة ( كمبروسر )

تحياتي.......

[دائم الوفاء]

شباب مع خالص التحية والتقدير
قدر الله علي وشريت تاهو 2007 ال تي زد ما عليه بس ظهر لي صوت غرغرة حول البكرات بس مدري من وش تكفون دلوني يا أهل الخبرة

[سوبر VTC]

عندي الجمس م2001
له الان سنتين او اكثر اذا شغلت المكيف له صوت قرقرقرقرقر
عاد اخبر قبل اربع سنين او اكثر تبهذلت بالسير غيرت 3سيور للمكيف
حق بلده رخو
و اخذت سير اضيق من المحلات اللي تخصصه سيور + رمان بلي
اتصور ان الشداد يرتخي بعدين يسبب هالصوت
على فكرة سبق اني غيرت الشداد