مواقف وقصص تختص بالغوص والسنوركل والصيد البحري...

[اكس فاير]

بسم الله الرحمن الرحيم




السلام عليكم ورحمة الله وبركاته

أحببت أن أجعل هذه الصفحة لنا جميعاً كلاً يدلي فيها بدلوه فأهل الصيد بالجلب يعطونا من مواقفهم .... وأهل الغوص واهل السنوركل كذالك ..... وأهل الشاطئ أيضاً معنا ........ فيكون فيها من الفائدة لنا جميعاً ...... والعبرة أيضاً ..... والإبتسامة .. فنجمع فيها كل خير ..

[sea lover]

يعطيك العافيه أخوي اكس فاير علىا لموضوع الشيق بس ياريت لو أعطيتنا موقف صار لك كبدايه للموضوع يعني :D ..

ولا يهمك.. هذا ياطويل العمر موقف صار لي مع شاقه كبيره ..كنا في نزلة سنوركل ليل في مركز صروم وشغالين صيد ماشاء الله شوي الا ينشب السيخ بعد ضربه لحريده نايمه بين الشعب واسحب لا تسحب مافي فايده شوي الا خويتنا الشاقه طالعه مع ريحة الدم وعسكرت جمب السيخ لا هي قادره توصل للسمكه لأنها محشوره بين الشعاب ولا هي راضيه تروح وتفقد الأمل ..وننتضر وننتضر
مافي أمل تتحرك ..في الأخير جاتنا فكره ;) وأفك الهوك الي معي وكان مليان سمك :good2:
وأحطه قريب منها وهي تجي عليه وأقوم أشيله وأبعده شوي كمان وهي تلحقه
وعلى كذا الين بعدتها مسافه طيبه وأرجع أمخمخ على السيخ وخويي ينور لي
وخويتنا تتعشى من سمكنا>>> يالله بالعافيه>>مو من قلبي :D
وفي الآخر انفك السيخ ورحت أخذت هوك السمك حقي وقطعت على الشاقه أحلى وجبه :p ..وكملنا صيدنا والحمدلله,,,

[accentkool]

..... وأهل الشاطئ أيضاً معنا ......
كنت انا واحد من الشباب نصيد بمحاذاه الكسارة وهو مشغول بالصيد قمت واخذت عصا وحطيتها على رجولة من ورا من غير مايدري ويفز ومن الروعة ويفلت ويترك القصبة والطعم وبرا على الشاطي من الخوف على بالة انة قرش ولا شي ثاني ضحكت علية ضحك ..............

[اكس فاير]

وين الاعضاء

[وارث المراجل]

وأهل الشاطئ أيضاً معنا ::

هلاوالله اخوي شاكر لك تفاعلك في المنتدى
هذه قصتي لمن كنت صغير تعلمت على القصبه ورحت البحر والناس
تناضر واجيك وارمي القصبه وإلى السناره ناشبه في الفلينه والناس تضحك هههه
ومره في السقاله الكوريه جيت وازبط الطعم وكل شيء جاهز ووخرت
الناس ومتحمس واتجهز للرمي وجيت ارمي القصبه ونسيت افتح الساعه
وإلى الخيط يدور ويدور وجا في واحد من الشباب وكاي على حسي
هههههه
إن شاء الله اعجبتك
دعابه دعابه هههههههههههه

[DIVE STAR]

موجودين

مره كنا طالعين في بوت حق صاحبنا ابو احمد وهو شقيق ملك 2

وكنا اربعه اشخاص انا وابو احمد وولده احمد وملك 2

المهك كنا في كشران ووصلنا المجلب المطلوب وكنا مسرحين يعني مشغولين باللعف وترتيب الجلبان الخ

وابو احمد يزعق لولده احمد ارمي البروسي يا ولد

والله ويرمي البروسي وحنا قاعدين نستنى البوت يقابل

ويا ولد البوت معترض على الموجه وقاعد يمشي ويسحب؟

قام ابو احمد وزعق مره ثانيه : يا احمد شوف الحبل شادد والا رابخ

ابو حميد قام لراس البوت وقعد يضحك

قال ( يا ابويا انا رميت البروسي الاحتياط حق الطينه ومافيه حبل )

ههههههههههه بصراحه ما تحملت وقعدت اضحك وكل ما تذكرت الموقف ضحكت

وهذا اللي صار معي والمواقف كثيره بس هذا اطرفها

تحياتي لك وشكرا على الموضوع

اخوك

هادر

[اكس فاير]

هههههههههههههههههههههه
تعيش وتاكل غيرها ياربينهو

[ناجل سمار]

وعليكم السلام -شكرا لهذا الموضوع -على الاقل كل واحد فينا يسترد ذكرياته بالبحر وخاصة الطريفه -والبحر يكثر فيه المواقف الطريفه منها- قبل سنوات قررنا البحر وكنا اربعة . ولكن مدمنين بحر وقررنا الذهاب الي منطقه بعيده . جهزنا اغراضنا -واحد فينا كان مرتب جدا ويحب الترتيب والنظافه .غسل البوت نزل كل الاغراض ورتب عزالنا . تسهلنا ومسكنا الطريق الي المكان المقصود- يبعد حوالي 55 كيلو داخل البحر وصلنا رمينا الفد كل واحد جهز مكانه وقام واحد ولع على الشاهي - واللي لبس الجونتيات واللي قطع الحبار
طلعنا اللعف - دور شنطة الجلبان والله غير موجوده . صاحبنا الرجل الانيق النظيف ساعة ماغسل البوت نسيها على بوت من ابوات الحواتين عندما نزل الاغراض نسيها على البوت -بالله وش رايكم بأناقة ونظافة صاحبنا
لو غرقناه مايكفينا حرقتنا على الصيد 0 قلبناها معلبات وسواليف وطبخنا رز ابيض بالبصل . والقهر الجو كان حوال . ولاصياد يمنا والنحاسه ولاصياد حولنا . ثاني يوم رجعنا- وحكمنا عليه عند وصولنا البر هو اللي ينزل الاغراض ويحطها بالسياره ويربط البوت ويغسل البوت -صاحبنا استسلم لهذا الحكم رغم ان الحكم لايشفي قهرتنا ولكن هذا قدرنا ويمكن خيره لنا

[اكس فاير]

يعطيك العافيه
ياناجل سمار
ونستنى باقي الاعضاء ومنهم العمده ولا يهوونون باقي الاعضاء