كلتش الباترول

[محمد النيساني]

السلام عليكم ورحمة الله
مساء الخير اخواني جميعا

عندنا باترول موديل 2003 قير عادي فيه ثقل بسيط في الكلتش
ولكن اذا تركت الموتر شغال اكثر من 5 دقايق وهو واقف يحجر الكلتش ومع الممشى يرتخي
ياليت الي مر عليه مثل المشكله هذي يفيدنا


المشكله الثانيه:
الدركسون ثقيل وفيه فضاوه على الرغم اني صلحة علبة الأصلاح ووضبة الدوده ولكن ماكني سويت شي خساير على الفاضي والي يعرف ورشه متخخصه ياليت يعلمنا

تحياتي لكم جميعا

[_دربيل_999]

أخوي..
فيه الله يسلمك هوز للهواء.. يدخل في علبة الكلتش يجي من الكربوريتر هو اللي يسهل الدعسة ويخليها خفيفة
أما هناك تهتك لهذا الهوز ويهرب هواء..أو منفصل ويبي اعادة تركيب,,
افحص هذا الهوز الهوائي الصغير..

وفقك الله..
الروقي

[د ك م 586]

أخوي..
فيه الله يسلمك هوز للهواء.. يدخل في علبة الكلتش يجي من الكربوريتر هو اللي يسهل الدعسة ويخليها خفيفة
أما هناك تهتك لهذا الهوز ويهرب هواء..أو منفصل ويبي اعادة تركيب,,
افحص هذا الهوز الهوائي الصغير..

وفقك الله..
الروقي
وازيد على كلامك احتمال ان الباكم (باكم الكلتش) منفجر او فيه تنسيم يعني يبيله اصلاح باكم

[المجمعة وبس]

عندنا باترول موديل 2003 قير عادي فيه ثقل بسيط في الكلتش
ولكن اذا تركت الموتر شغال اكثر من 5 دقايق وهو واقف يحجر الكلتش ومع الممشى يرتخي
ياليت الي مر عليه مثل المشكله هذي يفيدنا

عندي نفس المشكلة في جيب باترول 2006 ووديتها لمكانيكي وقال مافيها شي ؟؟!!!!
يالليت ان طلع معك حل تفيدنا به

[راعي الشاص 10]

يمدحون ورشة بالصناعية القديمة يالرياض
اسمه باترول

[رفيع المقآم]

الله يعينكم طيب رح وافحص الباكم والهوز

[ابو مكازي2002]

انا نفس المشكة فتك 2002 لو اوقف شوي ويحمى الموتر شوي او اطفي الموتر وشغله يثقل الكلتش
يقولون الميكانيكيه دزق وصحن وفحمات ؟؟؟ بس انا لي سنتين ما سويت به شي يثقل بس طناش:p
اتمنى الي مرة عليه المشكله ينورنا
تحياتي

[سواق الباترول]

هلابك اخوي غير اصلاح تحت وانشالله يضبط وسارت معي وفي تنسيم تحت وتحياتي للجميع

[BAH]

انا كانت عندي مشكلة في موتري نيسان موديل 2004 ربع وكان الكلتش ثقيل والعزم ميت وغيرت الصحن ودسك وفحمات وخرط الحذاف وصارت مثل الصاروخ والكلتش صار زي الهواء خفيف واذا بغيت تسوي مثل سواتي لا تفك الجربكس فك المكينه وغير الي قلتلك وخرط الحذاف لاتنساه تراه مهم يطول في عمر الكلتش سبب فك المكينه لان جربوكس النيسان مره ثقيل محد يقدر يشيله واذا شاله المكانيكي ما يقدر يوزن خابور القير الي يدخل في المكينه بعدين ينعوج واذا انعوج تصير في السيارة رجه وشكرا

[م/الحمود]

اخي الكريم
ثقل الكلتش والفرامل في الباترل لها اسباب عديدة لانهما مرتبطان مع بعض في ليات الهواء التي تساعد على خفة الدعسة واذا تعطل احدهم اثر على الاخر وقد يكون السبب في ليات الهواء القادم من المكينة او في احد بلوف التوزيع كما حصل معي في الباترول المشكلة قد يكون حلها سهل او مكلف حسب نوع القطعة المتعطلة
اهم شي هو تشخيص العطل بدقة


شاهد رابط موضوعي قد يفدك عن مشكلة تحجير الفرامل وثقل الكلتش
http://www.mekshat.com/vb/showthread.php?t=274215 (http://www.mekshat.com/vb/showthread.php?t=274215)



تقبل تحيات اخوك
ابو محمد

[ابو مكازي2002]

بيض الله وجهك ابو محمد
تحياتي

[محمد النيساني]

بيض الله وجيهكم جميعا