جهاز قارمن

[خطــاب]

السلام عليكم
الله لا يهينكم ياشباب انا ناوي اشتري جهاز قارمن 276 الجديد ولكن..
1- وش افضل مكان لتركيب القارمن 276 في جيب لاندكروزر GX-R؟
2- وش الاشياء اللي تجي معه(اكسسوارات)؟
3- هل هناك جراب خاص للقارمن 276؟
4- هل التعامل مع الجهز سهل ام صعب؟
5- صاحب المحل قال لي ان الاريل(الانتل) داخلي يعني تقدر تنزل وتاخذ الجهاز معك وتمشي في الشعيب.. وقال مايحتاج اريل خارجي.. هل هذا صحيح؟؟
6- انا طلبت ذاكرة 16 ميقا ومخزن فيها خرائط الصحراء وقال لي صاحب المحل الحساب كله2500 مع التركيب.. هل السعر كويس؟ وهل اختياري في الجهاز كويس؟

جزاكم الله خير
اخوكم خطاب

[ابو_حمد]

السلام عليكم ورحمة وبركاتة بخصوص قارمن 276 حقيقة ممتاز جدأ وشكلة جميل والتعامل معة سهل هل السعر 2500 معة شريحة الصحراء راجع دار موجة يمكن الفرق بحدود 100 ومكانة في السيارة هو معروف فوق الطبلون المقوي للجهاز يكون ثابت علي سطح السيارة ارجو منالله ان يسهل مورك علي استعمال الجرمان وشكرأ :good: :good: ;)

[aziz2727]

اخوي حطاب

السلام عليكم
الجهاز ما فيه كلام :good: جيد ومفيد جدا" سواء" في البر او في المدينة .. مكان الجهاز فوق الطبلون بس لا تخرق او توضع لا صق على الطبلون لان مع حراراة الشمس يمكن يتشقق عليه .. بس فيه قاعدة للجهاز يتم لاصقها على القزاز الامامي وشيلها متا ما بغيت .. الحقيقه دورت عليه وقالولي انك ما راح تحصلها لانها مقطوعه من السوق وسعرها بحدود 100 ريال اذا حصلتها عطني خبر على البريد الخاص ولا عليك امر .
ام عن سعر الجهاز 2500 مع الشريحه .. هذا هو سعره يفرق من محل الى محل حدود 10 ريال تقريبا" مع ضمان دار موجه .
يجي مع الجهاز شاحن بيت وشاحن سياره وقاعده للجهاز وتوصيلت كمبيوتر .. اما الشريحه تشتريها زياده على الجهاز .والاريل داخل ما يحتاج اريل خارجي ...
التعامل مع الجهاز ما فيه ذيك الصعوبه وسهل اذا انت تعرف انجليزي لان الجهاز ما عرب بس يعتبر سهل نوع ما ومع كثر التعامل معه يكون اسهل .. لاكن الجهاز ممتاز .

بس الي ابغا اسئل عنه ان راعي المحل قالك 2500 ريال مع التركيب ؟؟؟ وشو تركيبه

[خطــاب]

السلام عليكم
ابو حمد…. يعطيك العافيه على تجاوبك السريع معي والله يجعله في ميزان حسناتك


Aziz2727
عز الله ماقصرت كفيت ووفيت والله يجزاك خير
بالنسبه للقاعده اذا حصلتها ابشر بعزك
لكن فيه جراب تكلم عنه احد الشباب وهو حق كاميرا بس مناسب ومقيوس على القارمن 276 وبتحصله على الرابط هذا
ارعص هناااااااااااااااااااااااااااااا (http://www.mekshat.com/vb/showthread.php?t=27348)
اما بالنسبه للتركيب فانا ناوي اشري معه ايكوم 8000 مع التركيب وقال صاحب المحل كلهن 3500 مع التركيب فانا توقعت ان القارمن يحتاج تركيب والظاهر انه يقصد تركيب الايكوم

من كلامك افهم ان القارمن مايحتاج له تمديدات..صح؟

جزاكم الله خير
اخوكم خطاب

[محبوب الجميع]

الاخ الكريم خطــاب مثل ما قال الاخوان الجهاز ممتاز وسعره في حدود 2500 مع الشريحة . لكن أود اوضح امر لك وهو ما ذكر الاخ الفاضل ابو_حمد (السعر 2500 معة شريحة الصحراء راجع دار موجة ) ان دار موجة ليس لديها الخرائط الخاصة بنا وهي خرائط الصحراء الاصدار الثالث عشر وانما لديها خرائطهم الخاصة بهم ويمكنك معرفة الفرق من خلال الرابط التالي
http://www.mekshat.com/vb/showthread.php?t=26555

كذلك احرص على اخذ ذاكرة 16 ميغا او اكثر وكلما كانت السعة اكبر افضل مثل 32 لان حجم الخرائط في الاصدار الرابع عشر سيكون اكثر من 8 ميغا

[ابو_حمد]

القاعدة موجودة عند البائع لان الجارمن يكون معة قاعدة تثبت علي الطبلون علي خبري مادري تغير اسلوب البيع الحين وشكرا

[خطــاب]

محبوب الجميع
جزاك الله الف خير على الايضاح بالنسبه للخرائط.. لكن الحين وش اسوي مااشتري خرائط الصحراء حقت دار موجه اللي من المحل (المحل هو العامه جنب دار موجه)؟
واذا ماشريت فمن وين احصل خرائط الصحراء اللي فيها كل شي (اللي موجوده في الرابط)؟

حصلت عند العامه خرائط المدن.. وش هاذي؟؟




ابو حمد
بالنسبه للقاعدة اللي يتكلم عنها اخوي aziz7272 هي القاعده اللي تلصق في الزجاج الامامي حق السيارة... لاننا مانبي نخرم في الطبلون واللصق مع الحرارة يميع ويعدم الطبلون

[محبوب الجميع]

الاخ الكريم خطــاب الخرائط موجودة عند اكثر من محل مثل شمالات و العامة ودار البوصلة وايضا موجوده لدي لكن تأكد ان عليها ختم خرائط الصحراء وهوعلى شكل الجزيرة العربية ومكتوب خرائط الصحراء ورقم جوالي كذلك رقم الاصدار في اعلى الختم

[هايلكس_408]

السلام عليكم
المكان: فوق الطبلون احسن للاستقبال وانصن للgxr
الاكسسوارات:الولاعه-القاعده-cd-كيبلusb
الجراب:لاماله له شنطه للجهاز لحفظه لكن ماتشوف الشاشه وانا شايه عند محلات القارمن
الاستخدام:مايبي شي انت روق وتفهم
الاستقبال:هو صاتس بدون انتينه
السعر:زين قوه
الاختيار:والله انك ذيب عرفت وش تختار

واعذرونا على الاطاله<<<<<<مسوي مؤدب


والسلام