المساعد الشخصي الرقمي

مشاهدة النسخة كاملة : الفزعة ياهل المنتدى بافضل عزبة واصغر حجم


al7beeeb
28/02/2010, 09:04 PM
تكفون ياهل هذا المنتدى الطيب ارغب في عزبة كشتات صغيرة حجم لصغر شنطة السيارة و لوجود اغراض

اخرى مثل المفارش ودبات المياه ارجو المساعدة ياهل الكشتات
:D :D
عاشق السيل
28/02/2010, 09:58 PM
العزبة وأنا اخوك حسب احتياجك وحسب عدد الأشخاص اللي يطلعون معك ،،

يعني ممكن تسوي عزبة للشاهي فقط وعددكم مايتجاوز ثلاثة أشخاص وبكذا تكون العزبة جدا صغيرة حتى إنك تستطيع تحطها بين القير والمسجل !!

وممكن تقول أنا راعي قهوة وشاهي وزنجبيل وأحيانا حليب وممكن يطلعون معي ست أشخاص ،، أقولك لازم تكون شنطة العزبة كبيرة وأغراضها تبي تصير كثيرة ،، وعلى ذلك فقس !!

عموما وعلشان أفيدك وما أطول عليك أنصحك تروح للسنيدي وتختار الشنطة اللي تناسب احتياجك وعدد الأشخاص وإن شاء الله تبي تلقى طلبك ،، وإذا كنت بالرياض مستعد أروح معك ونتشاور باللي يرضيك بإذن الله ....

موفقك لكل خير يالغالي ......
al7beeeb
28/02/2010, 10:05 PM
مشكور اخوي عاشق السيل على مرورك وانا بعيد عن الرياض
العاذر
01/03/2010, 01:26 AM
ما قصر أخوي عاشق السيل كفى ووفى
ومثل ما قال حدد العدد ثم اشتر الأواني ومستلزماتها بعدين اشتر الشنطة ومقاس بما معك من اغراض او تفصلها
ولا تكثر وانصحك بشنطة صغير للمعاميل مريحة جدا
تحياتي
arrow
01/03/2010, 01:41 AM
مشكور اخوي عاشق السيل على مرورك وانا بعيد عن الرياض


اذا انت بالشرقية نقوم مقام عاشق السيل

وفقك الله ...
راعي الصطحه
01/03/2010, 05:38 AM
ماقصر اخوي عااشق اعطاااق المعلوومه
al7beeeb
01/03/2010, 01:25 PM
اشكركم على مروركم المتواضع على هذا الموضوع و على اللمحة الطيبة الراغبة في المساعدة
بالنسبة لموقعي فانا في المنطقة الجنوبية بابها وتقل محلات تجهيزات الرحلات في هذه المنطقة مما سبب لها احتكار في بعض المحلات وجشع في الاسعار وقلة في الخيارات
شمالات نجد
01/03/2010, 02:51 PM
أولاً: أفصل عزبة الشاهي لحالها والطبخ لحالها

ثانياً: خير الأمور الوسط يعني حاول في جميع أغراضك للطبخ والشاهي ما تاخذ الا الحجم الوسط مثل القدر والبراد ونحوه..

ثالثاً: هناك أغراض لا تحتاجها إلا نادراً مثل فراش النوم (فقط إذا كنت بتنام) أو (مظله) أو (خيمه) فأجعلها خارج السيارة لحين الحاجة.

رابعاً: عزبة الشاهي صغيرة وتستطيع جعلها داخل غمارة السيارة.

خامساً: إذا كانت سواقتك هاديه وسيارتك تتحمل السحب.. هل فكرة بشراء أو تفصيل قلص صغير (كرفان) يحمل جميع أغراضك بالإضافة إلى خزان ماء ومكان للغاز وماطور الهواء والعدة وغيرها الكثير..؟؟


وفقك الله لما فيه الخير

سلام
عاشق السيل
01/03/2010, 05:33 PM
اشكركم على مروركم المتواضع على هذا الموضوع و على اللمحة الطيبة الراغبة في المساعدة
بالنسبة لموقعي فانا في المنطقة الجنوبية بابها وتقل محلات تجهيزات الرحلات في هذه المنطقة مما سبب لها احتكار في بعض المحلات وجشع في الاسعار وقلة في الخيارات

ياخوي وش دعوى ؟؟

قلي طلباتك بالضبط وأنا أشتريها وأرسلها لك وين ماكنت !!