سؤال ونقاش عن انفجار الغاز

[بوادر الخير]

السلام عليكم ورحمة الله وبركاته
أخباركم يالربع ،،،،

والله موضوعي عبارة عن سؤال ونقاش عن الغاز

اللحين البنزين لو كان في عبوة وطالع منها لي نطلَع منه بنزين وشبينا فيه وش بيصير بيكون انفجار لا سمح الله

طيب الغاز كيف ما ينفجر خصوصا أن الغاز بيكون مستمر من العبوة حتى القز

والسلام عليكم

[فاقدخوي]

لان دفع الغاز قوي جدا يدفع اللهب للخارج

[ارتست]

أول شي أنا أصحح فكرتك عن البنزين فهو ماراح ينفجر دام طالع من برميل مفتوح يعني بيشب اللي ثم يوصل فتحة البرميل وبيشب على قدر الفوهه وهكذا...
حتى دبة الغاز ماتنفجر لو هربت من جهه من جهاتها...


لاكن متى يكون إنفجار... في حال كانت العبوة مرميه داخل النار سواء بنزين أو غاز لأنها بتنضغط لحد الإنفجار مع الحراره ... هذه وجهة نظري وتجربتي

[راعي الصطحه]

الله يكفينا الشر

[ابو سمسم]

الله يكفينا شر هالغاز

قبل شهر كنت بالمخيم وانحرقة خيمة المطبخ وكان فيها اربع دوافير وكلهن معباة غاز بس الحمد الله مانفجر منهم شي

هل منها خوف لاسمح الله انها تنفجر رغم ان النار ماطولت

وش تنصحوني هل ارميها او انها مايضرها ان شاء الله ابي مشورتك الين اليوم وانا خايف منها

[البريدي]

اخوي الغاز في القسام الي فوقه اذا غيرة الدبة الغاز يفكه من القديمه ويرمبه في الجديده هو الي يمنع باذن الله
انا سمعت من احد الزملاء ان هناك شباب خرب القسام وشالوه وركبو اللي على الدبة من دون قسام وانفجرت الدبه
ماتو من شدة الانفجار رحمة الله عليهم
انتبه الغاز قنبله

متمتي للجميع السلامه

[رفيع المقآم]

الله يستر ما ودك تلعب مع الشري اللي زي الغاز شري هههههههههههههه

[لاتكب البيالة]

السلام عليكم البنزين لن ينفجر كما ذكرت وانا مجرب جركل بنزين شبيت بفمه ومادخلت النار داخل لان الداخل ما فيه اكسجين والغاز اتوقع نفس النظرية

[الستانس]

اللي اعرفه ان قسام الغز فيه رداد

وجواب اخوي لاتكب البياله مقنع

[النوبل]

السلام عليكم ورحمة الله وبركاته



بالنسبه للعبوه اذا وصلها حراره زايده وهي مقفله اكيد بتنفجر

واذا كان الغاز او البنزين له مخرج من العبوه إحتمال الأنفجار بيكون ضئيل

اسطوانة الغاز الـ 25 تتحمل وسط النار وهي مقفله مايقارب الساعتين

واذا لم تنفجرت وهي كانت في وسط الحريق الضرر بيكون في الصمام وأحتمال ف الدبه
ظهور بروز من اثر إنضغاط الغاز


المعلومات أخذتها من الدفاع المدني بعد حريق حصل في مطبخ أحد الأخوان