تهريب بنزين ما الحل

[BATH 2003]

السلام عليكم و رحمة الله و بركاته

اخواني ابي فزعتكم لا هنتو ، عندي تهريب في تانكي البنزين من عند الطرمبه و باضبط مابين الطرمبه و التانكي

فكيت الطرمبه و نظفت المكان اللي بين الطرمبه و التانكي و رجعت اركبها و مافيه فايده .

فيه ربله دائريه صغيره راكبه مابين الطرمبه و التانكي و برضو نظفتها و مافيه فايده .

ارجو من لديه حل ان يسعفنا و جزاه الله الف خير

عندي عده حلول لاكن مادري تنجح او لا و بستشيركم فيها الله لايهينكم

الحل الاول :اني ارهم وجه يركب على مابين الطرمبه و التانكي

الحل الثاني : المعجون اللي يستخدم للأديترات اقفل به دار مادرا مابين الطرمبه و التانكي لاكن اخاف انه مايمسك او ينفك مع البنزين.

علما بأن السياره باترول ربع موديل 92

تكفوووووون فزعتكم يالنشــــــــاما

اذا أيست ابخلط سمنت و اصبه على التانكي
هههههههههههههههههههه

[سوبر VTC]

اجل اخلط اسمنت اصرف :D :p
ههههه

تحصل محلات تقص لك وجه مثل وجه
كوع الماء
تقريبا ب5ريال
تلبسه على نفس الغطاء
و تحت بين الغطاء و هالوجه سلقون احمر او جملكه
بعدين تركب الغطاء
مسامير الغطاء عبهن سلقون احتياط

موفق

[BATH 2003]

يعطيك العافية على سرعة تجاوبك اخوي سوبر VTC (http://www.mekshat.com/vb/member.php?u=53291)

المحلات اللي تقول و ين احصلها فيه انا في الرياض.


و السلقون الاحمر او الجملكه ماتنفك مع البنزين .

وشكرا على المساعدة

[سوبر VTC]

افهمني جيدا :d
السلقون يحط على نفس الغطاء
همن
تقوم و تلزق عليه الوجه
تنتظر دقايق عشان ينشف
بعدين تكبس الغطاء و تربطه
الرياض ما عندي علم
لكن
عندك ورشة ابو صالح التركي
تخصص نيسان
ورشته بجانب مركز ترايستار بالصناعية القديمة
عموما مر على الورش يدلونك
على اللي يقص وجيه
ان بغيت رقم التركي علمن

[ثعل البرد]

حصلت عندي مشكلة تهريب في موتري الباترول فوجدت أن السبب هو : قطع صغير جدا في لي تفريغ الهواء من التانكي وتجده موازي لماسورة تعبئة البنزين .

وإن كنت متأكد أن التهريب من نفس فتحة الطرمبة

فأنصحك بتغيير الربلة الدائرية ... خذ جديدة وأصلية من قطع غيار نيسان الأصلية

والله يوفقك لكل خير

[BATH 2003]

افهمني جيدا :d
السلقون يحط على نفس الغطاء
همن
تقوم و تلزق عليه الوجه
تنتظر دقايق عشان ينشف
بعدين تكبس الغطاء و تربطه
الرياض ما عندي علم
لكن
عندك ورشة ابو صالح التركي
تخصص نيسان
ورشته بجانب مركز ترايستار بالصناعية القديمة
عموما مر على الورش يدلونك
على اللي يقص وجيه
ان بغيت رقم التركي علمن






يعطيك الف عافية و بيض الله وجهك و ماقصرت عز الله انك كفيت و وفيت و الله يرزقك طول العمر و الصحة و العافية .

[BATH 2003]

حصلت عندي مشكلة تهريب في موتري الباترول فوجدت أن السبب هو : قطع صغير جدا في لي تفريغ الهواء من التانكي وتجده موازي لماسورة تعبئة البنزين .

وإن كنت متأكد أن التهريب من نفس فتحة الطرمبة

فأنصحك بتغيير الربلة الدائرية ... خذ جديدة وأصلية من قطع غيار نيسان الأصلية

والله يوفقك لكل خير


بيض الله وجهك و شكرا لك على النصيحه

نفس اللي اللي تقول عنه غيرته مع الليات حقت الطرمبه ما قفيزات اصليه لأنها كانت تهرب ، و بآخذ ربلة جديده و بجرب مع تركيب الوجه و السليقون ، و اتمنى من الله التوفيق لي و لك .

و شكرا لك مرة اخرى

[تنوم]

اخي الفاضل انا حصلت معي بالباترول 2003 وغيرت الربله الدائريه بين التانكي والطرمبه بدون سليقون لانه يخرب مع البانزين والامور ممتازة لله الحمد

[BATH 2003]

اخي الفاضل انا حصلت معي بالباترول 2003 وغيرت الربله الدائريه بين التانكي والطرمبه بدون سليقون لانه يخرب مع البانزين والامور ممتازة لله الحمد


أشكرك على نصحيتك و بجرب اغير الربله ، و اذا مانفع برهم الوجه و السليقون ،
و اذ مانفع ابدق ريوس على اقرب خلاطة سمنت ههههههههه

يعطيك العافية اخوي على نقل تجربتك و شكرا لك مرة اخرى

[رفيع المقآم]

طيب غير الربله تره الربله مهمه غيرها وشف

[BATH 2003]

طيب غير الربله تره الربله مهمه غيرها وشف


تم تغيير الربلة و وقف التهريب .

و للفائده الشغلة كلها ماكلفت عشرين ريال ، اللي هي قيمة الربله .

مع العلم اني قبل كم يوم مريت عدة ورش علشان اكشف على التهريب اللي قالي بأربع مية و اللي قالي بثلاث ميه ولازم ينفك التانكي .
و الشغله كلها مايبيلها فك تانكي ولا شي فكيت التلبيسه الارضية اللي في الخلف و حصلت تحته غطا تقريبا 15سم *15سم فكيته حصلت الطرمبه في وجهي فكيتها و نظفتها و بعد استشارة الأخوان جزاهم الله الف خير تم شراء الربلة بمبلغ 20 ريال فقط و غيرتها بنفسي و ماخذت مني اللى 20 دقيقة .

آسف على الإطاله لاكن حبيت اوضح الطريقة ليستفيد الغير، و الأخوة اللي ساعدوني ما أقول لهم اللى الله يجزاكم بالخير و يخليكم لعين ترجيكم .