المساعد الشخصي الرقمي

مشاهدة النسخة كاملة : مشكلة في الباث فايندر تبي شوركم


روافد
02/03/2010, 08:43 AM
مرحبا
حياكم الله ياجماعه
انا معي باث فايندر موديل 2005م عندي مشكلة في المكينة ان احد البساتم واقف
مريت كم واحد يشوفه الي قام يبي توظيب للمكينة والي قال البلوف ما تقفل بشكل كامل
علشان كذا ابي الحل وش القصه ورشحوا لي ورشة اروح لها وانا مرتاح
الله يعطيكم العافية
شكرا لكم جميعا
روافد
02/03/2010, 12:55 PM
up up up up up up
عصاقيل الدخله
02/03/2010, 01:03 PM
هلا بك اخوي اذا انت من سكان الرياض فيه ورشة الثنيان على الدائري عند مخرج 18 فيها ابو ابراهيم وهو رجال خبره وامين وشغله نظيف
ابونواف نيسان
02/03/2010, 01:07 PM
مساء الخير اخوي اتصل على هذا الرقم وراح يفيدك ان شاء الله ؟؟؟؟؟؟؟؟؟ يوسف

الرقم على الخاص فقط
المشرف سوبر فتك
روافد
02/03/2010, 01:49 PM
الله يعطيكم العافيه ويخليكم
اخوي ابو نواف كلمت يوسف وباخذ سيارتي له وربك يعين
شكرا لكم
سوبر VTC
02/03/2010, 02:45 PM
يوسف السلمي مايحتاج :good:
ذمة و خبرة باذن الله
طيب سؤال ؟
الصوت متى يظهر عندك ؟
هل هو مستمر ؟ عند التشغيل ؟ على سرعة معينة ؟
هل ولعت لمبة طرمبة الزيت ؟
روافد
02/03/2010, 03:05 PM
هلا وغلا اخوي سوبر
السياره تقطع وممشاها مهوب زين
اما صوت ميعين فماسمعت
طبعا السياره تنقص زيت بشكل كبير يوصل الى علبه كل الف كلم
طبعا انا راعي خطوط وبر وبصراحه ما اداري كثير عليها
اما يوسف انا اتصلت عليه وما قصر وناوي ان شاء الله اسوي له زياره قريبه جدا
الله يعطيك العافية
شكرا لكم
سوبر VTC
02/03/2010, 03:19 PM
اجل بستم واقف :mad: وش هالكلام !!!
انا كان ظني ان عندك طقطقة بالمكينة
عموما
هل الموتر تماتيك ؟
تاكد من الزيت لا يكون ناقص !
تاكد من فلتر الهواء و صفاي البنزين لازم تغيره له دخل بالعزم
تاكد من ضغط طرمبة البنزين
تاكد من البواجي احتمال تعبانات
اي موتر تسرع عليه يصرف زيت
مع ولد العم م2005باث ماشي الان فوق 200الف
كل 1500 و فوق ياكل علبة
الباث من م2002 الى م2005 يصرف زيت
بعضهم يقول عيب مصنعي
و البعض الاخر يقول نقص الزيت ابرد للمكينة
بمعنى انه يبرد شنابر البستم
انا اقول غالب مشكلتك كهرب
و المكينة عندك سليمة
اذا كان عزم المكينة قوي لكن الموتر مشيه ضعيف
فالمشكلة ضعف كلتشات القير او نقص زيته
اذا كان يوجد بالموتر تفتفه
فهو انسداد صفاي البنزين او ضعف طرمبة البنزين او تنسيم ببلوف المكينة
اذا كانت المكينة عزمه ميت
فعندك انسداد صفاي البنزين او بواجي او كويلات او ضعف طرمبة البنزين
او خراب منظم الهواء
روافد
02/03/2010, 03:22 PM
الله يعطيك العافية
وانا بعد اتوقع مشكلة كهرباء
شكرا لكم
سوبر VTC
02/03/2010, 03:24 PM
وين موقعك ؟
روافد
02/03/2010, 03:34 PM
انا بالرياض

ومستعد اروح لأي مكان

شكرا لإهتمامك
سوبر VTC
02/03/2010, 03:49 PM
حياك
عندك ورشة ابو ابراهيم الثنيان بصناعية الدائري الجنوبي
او ورشة التركي ابوصالح بالصناعية القديمة
بجانب مركز ترايستار
لك رسالة على الخاص
موفق
روافد
03/03/2010, 01:47 PM
تم قراءة الرساله

الله يعطيك العافية

شكرا لكم