كيف يتم تنظيف الزيوت من على المكينة

[ابو عزوز]

غيرت زيت عند بنشري يمني شكله ما عمرة غير للسوبر 454 و بعد فترة لاحظت زيوت على غطاء البلوف و مع هالغبرات صار شكل المكينة سئ و ابي اعرف كيف يتم تنظيف الزيوت من على المكينة و هل احتاج الى تغيير الوجيه ام اكتفي بالتنظيف فقط

[لبرتي]

راح للتلميع الساطع

عندهم مواد خاصة لتنظيف المكينة ويغسلونها يدوي لك

وأنتبه لا تروح للمغاسل ويفك ( لي ) الغسيل على المكينة ولا يقربها بستم

الله يوفقك

[ابو عزوز]

جزاك الله كل خير

[شيخ العزوبية]

اغسلها عند النشر بالقاز ينظف المكينه ولا يضر السياره

[تخبرلي وظيفة]

يخوي المثل يقول اسأل مجرب ولا تسأل طيب
تعرف ملمع الكفر خذه من عند الزينة قيمة العلبة الصغيرة 10ريال والكبيرة الي يقال له مع رغوة ب15ريال والبعض يبيعه ب20 والمكان الي تبي تنظفة رش عليه بالبخاخ ويكون معك خرقة الله يكرمك ويكرم المشاهدين وتمسح فيها الموقع وانتهت المشكله الا اذا كان عندك تهريب ((فالله يعينك عاد))
تقبل ودي وردي

[المهااجر]

يروح بديزل و ببانزين

بس بخق المحطه الي ينفخ

[ابومشخص]

الله يوفقك

[شبح الصحراء]

الأخوان اللي ينصحون بالديزل او القاز او البنزين ما انصح بها ابد فهي تسبب تيبس الربل وربما اسلاك الكهرباء .
جرب الصابون والماء مع الدعك بالليفة وإن شاء الله يروح الزيت او الذهاب لورش التلميع يمكن تحصل عندهم المطلوب .

[لاتكب البيالة]

السلام عليكم
انا من تجربتي من افضل وارخص واريح المنظفات الببسي بالنسبة للزيوت والشحوم كبه وخله شوي وامسح بماء وانا عندي البطارية كله ملح وغبار وبالببسي بدون دعك طلعت جديدة حتى اصبع البطاريه اللي لو تقعد تبرده وتصنفره ربع ساعة الببسي علاجه

[$سهام الليل$]

الشباب ماقصروا بس اهم شيئ لا تغسل المكينة بديزل

[ممدوح 2010]

صحيح اخوي ترى الديزل ايبس الربل والأسلاك وبعدين تنكسر

[حسين السبيعي]

القاز ممتاز ومجرب ويوقف التهريب البسيط اذ غسلت مكان التهريب وهو حار