ارجو الافادة بشان طرمة تاهو 2001 ماهي راضية تزبط معاي تكفون

[al7beeeb]

إلى اعضاء هذا المنتدى المحترم قمت بتصليح طرمبة تاهو موديل 2001 قبل شهرين واتفاجاء بعد هذه الفترة بظهور صوت مثل الحنة في التانكي ومن ثم يختفي الصوت بعد حين وانا ارغب في السفر على الموتر آخر الشهر الحالي بالعائلة واخاف من اللطعة على الخط مع العلم انني مركب طرمبة اصلية وكالة لم ارغب في البديل عنها لحساسية القطعة

تكفون تكفون المشورة الطيبة في هذا النكبة حتى اني فكرة ابيع السيارة والسيارة نظيفة بالمرة من المحركات البدي والمواصفات ما أبغى افرط في السيارة علشان هذه الطرمبة

[al7beeeb]

تعقيبا على الموضوع زادت معاي صرفية السيارة عن السابق ويش الصرفية اللاي هي معقولة للتاهو 2001 مكينة (1500) فورتيك وايش افضل بنزين للموتور مع اني غيرت للاحمر من اجل الحفاظ على الكمية لكن دون جدوى فأرغب من اهل الخبرة يقول لي صرفية التاهو وكم يمشي بالكيلو

وتسلموا لي ياهل هذا النتدى الحبيب على قلبي

[قمة افرست]

السلام عليكم ورحمة الله وبركاته

شوف ياخوي ان شاء الله الطرمبة ماتحتاج تغيرها
اول شي تقوم فيه تغير صفاية البنزين ممكن بالمرة السابقه ماغيرتها واحتمال خلال الشهرين هذه مشيت كثير بالموتر
الصفاية المفروض تتغير كل 40 الف كيلو للحفاظ على البخاخ والطرمبة
واحتمال الصفاية لان اذا كان فيها وسخ تسخن بالطرمبة ويطلع الصوت
غيرها وان شاء الله تزبط السيارة
ثانيا ولاتخلي السيارة تنقص عن الربع بنزين العله من محطات البنزين
ثالث شي الصوت ماهو معناه خراب الطرمبة الصوت يطلع وتمشي بك فوق سنة لاتخاف
دام مافيه تقطيع ولاتفتفه
وطرمبة الجمس قبل تخرب تعطيك انذارات قبلها بشهر في اغلب الاوقات تطفي اذا سخنت بس تبرد السيارة تمشي فوق 200 كيلو

بالنسبة للبنزين يمشي من 600 الى 700 حسب دعستك اذا 120 ثابت يمشي 700

موفق ان شاء الله

[al7beeeb]

مشكور اخوي قمة افرست على مرورك الصفاية مغيرها مع الطرمة في نفس الوقت باصلية وبالنسبة لإستهلاك الوقود باللي انت قلته كاين يمشي معي قبل تغيير الطرمبة من 600 إلى حدود 700 لكن الان يدوب كمل معي 400 كيلو

حتى اني فكرت اولف الطرمبة بس ماوجدة الورشة اللي عليها الكلام في المنطقة الجنوبية في ابها بس خايف من زيادة الصرفية

هل تنصحوني بتنظيف البخاخات مع اني كنت استخدم بنزين اخضر وبعدين قلبت احمر على كلام المهندس لكن دون جدوى او الحساسات تحتاج تنظيف

او تغيير

ارجو الفزعة قبل ما يعبثون المهندسين بي

[سوبر VTC]

الصوت طبيعي في الطرمبة
خصوصا اذا كان البنزين اقل من الربع
اذا كان البنزين فل او على النص يقل الصوت
لان الطرمبة مغمورة بالبنزين فيختفي الصوت
الباترول و الشيروكي تسمع صوت الطرمبة من بعيد
حتى و التانكي فل و اذا كان بالتانكي الثلث او الربع يظهر الصوت واضح
لذلك الصوت طبيعي جدا
اذا كان عزم الموتر ضعيف
تاكد من ضغط طرمبة البنزين لازم تعطي 50 و طالع
ادخل موضوعي بالتوقيع عن جميع الاعطال بالصور
و ان شاء الله تستفيد
البخاخات تنظف في حالة ان الموتر عزم ضعيف او
كان هناك تفتفة
لكن المسؤل عن الصرفية
منظم الهواء و الكويلات و البواجي و حساس اخر على نفس اللهاة

[al7beeeb]

اشكرك اخوي سوبر فتك على مرورك والافادة بالمعلومات القيمة وتشريفك لموضوعي او مشكلتي بالمعنى الاصح وانا باعمل بنصحيتك من ناحية التشييك على الامور اللي قلتها

ومشكور مرة اخرى

[ابو انس2006]

ركب لك طرمبة Vxr 8 سلنتدر موديل 2003 وريحل بالك من مشاكل
الطرمبة للأبد

[al7beeeb]

مشكور اخوي ابو انس على المعلومة

ومشكور على مرورك

[مغلي]

الصوت طبيعي في الطرمبة
خصوصا اذا كان البنزين اقل من الربع
اذا كان البنزين فل او على النص يقل الصوت
لان الطرمبة مغمورة بالبنزين فيختفي الصوت
الباترول و الشيروكي تسمع صوت الطرمبة من بعيد
حتى و التانكي فل و اذا كان بالتانكي الثلث او الربع يظهر الصوت واضح
لذلك الصوت طبيعي جدا
اذا كان عزم الموتر ضعيف
تاكد من ضغط طرمبة البنزين لازم تعطي 50 و طالع
ادخل موضوعي بالتوقيع عن جميع الاعطال بالصور
و ان شاء الله تستفيد
البخاخات تنظف في حالة ان الموتر عزم ضعيف او
كان هناك تفتفة
لكن المسؤل عن الصرفية
منظم الهواء و الكويلات و البواجي و حساس اخر على نفس اللهاة

اذا ممكن
تضع صور لكل من
منظم الهواء
الكويلات
حساس على نفس اللهاة
لكي نعرفها بدقه متناهيه
في التاهو واليوكن
2000 - 2002