مشاهدة النسخة كاملة : مشكلة بالباثفندر
حاتم البدراني
02/03/2010, 01:02 PM
سلام عليكم ورحمة الله وبركاته
انا معي باثفندر 2005
ماشالله خفيف وعزم بالبر قليل اشغل الدبل لاطلعت للبر
ولي اسبوع الاحضه متغير عزمه وثقلان الموتر يالله يالله يمشي بالدبل
رحت وسويت فحص كمبيوتر للكهرب والبواجي كلاها مضبوطه
وش تنصحوني اغيربه او وش مشكلته
مع العلم اني ماركبت فيه لا هدرز ولا غيره ولااني مركب بعد.
ابغا اشوف وش تنصحوني اسوي عشان يرجع لعزمه الاول (طير شلوى)
ولكم الشكر...http://www.t7dy.net/vb/images/smilies/sefi/sm15.gif
عصاقيل الدخله
02/03/2010, 01:16 PM
هلا بك اذا على كلامك ان الفحص ما بين شي بالبواجي والكهرب جرب تغير صفاية البنزين ،،، وانشاء الله بضبط
حاتم البدراني
02/03/2010, 02:02 PM
الصفايه تنغير لاصار فيه تقطيع والموتر صافي
وبعدين الصفايه مغيرها اصليه قبل شهر
اشكر مرووووورك العطر
سوبر VTC
02/03/2010, 02:55 PM
بالدرجة الاولى
تاكد من ضغط طرمبة البنزين
+ فلتر الهواء
تاكد من عدم نقص زيت القير اذا كان تماتيك
اذا دست بنزين و كان عزم المكينة قوي لكن الموتر مشيه ضعيف
فالمشكلة احتمال من القير ضعف كلتشات
و قد تكون
المشكلة خراب حساسات اللهاة مثل
منظم الهواء او حساس الدعسة
ابو صقعبي
03/03/2010, 12:25 AM
اذا كان تماتيك انصحك تشيك على فلتر القير وزيت القير وفلتر الهواء
حاتم البدراني
04/03/2010, 06:08 PM
اشكر الاخوووووون الي تفاعلو مع الموضووع
وعلى رائسهم مشرفنى الغالي..
والقير عادي والصفايه جديده
كلشي شيكت عليه الا حاجه وحده هي طرمبت البنزين وبشيك عليها قريب انشالله
واذا احد عنده معلووووووووومات زياده ينورنا الله ينور قبره
مودع الخلان
05/03/2010, 01:56 PM
شف يالذيب الباثفندر مكينته حساسه شوي وتبي بنزين 95
انا معي واحد يوم عبيت 91 بدا يقطع و95 ماشفت منه شي وممتاز
وشف تماتيك المروحه الي علا الرديتر يمكن فيه حتكاك من داخر سولها تشحيم عشان تريح المكينه
وتعطيك اداء افضل
حاتم البدراني
05/03/2010, 10:50 PM
مودع الخلان...............اسمك يفتح علي جروووحن قديمه...ههههه...
مشكوووووور عى الافاده.....بس وش الي الي اشحمهى بالضبط؟؟
سوبر VTC
05/03/2010, 10:57 PM
مودع الخلان...............اسمك يفتح علي جروووحن قديمه...ههههه...
مشكوووووور عى الافاده.....بس وش الي الي اشحمهى بالضبط؟؟
كلتش المروحة مايشحم اطلاقا
حرك المروحة بيدك
اذا ثقيلة نوعا ما فهي ممتازة
اذا هي ثقيلة مرة فهي مجيمة عاضة و تسبب ثقل عزم
اذا كانت خفيفة مرة تحصل الكلتش مهرب زيت
رفيع المقآم
06/03/2010, 01:34 AM
الله يعينك طيب هل عندك الديلكو الكتروني ولا يوزن
حاتم البدراني
07/03/2010, 12:09 AM
الله يعينك طيب هل عندك الديلكو الكتروني ولا يوزن
والله اني مدري .... تراي مامن خبره.........الديلكو ذى من مبطي اسمعبه ولاحصلي اتعرف عليه......
هههههههههههه
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir