اريد حلا

[abu majid]

اخواني هذي اول مشاركة لي و مشكلتي صارلي سنتين اصيد وكله سمك صغير او وسط ونفسي اصيد سمك كبير المهم الماكينة باتكس والخيط 60 والطعم سلس والمكان شاطي تالا والزمان الخميس القادم والمطلوب دعواتكم و نصايحكم قبل ما اروح. ;)

[الجاوي 911]

اهلا وسهلا فيك يا ابو ماجد
الاخوان بيفيدونك ان شاء الله
واتمنى من الله انه يوفقك في الصيد

أخوك / الجاوي

[X P]

شوف ردي تحت هذا طلع بالغلط

[صياد07]

انا انصحك اخوي انك تكبر الميدار شوي وهذا ييقلل من اكل اسمك الصغير لطعم والميدار او غير المنطقة الي انت فيها وعلى شرط تكون الرميه بعيدة
ميدار=خطاف

[X P]

السلام عليكم

ان شاء الله اني بروح شاطئ تالا من كثر مااسمع عنه

بس ابي الوصف الدقيق بالضبط

وبالنسبة لسؤالك السلس من افضل الطعم الي جربته بس بقلك شي اقطع الطعم على حسب حجم الميدار بالضبط ودايم استخدم مقاس 8 واحط عليه طعم حجم زين وفالك السبيطي ان شاء الله

وفيه طعم ثاني يضرب عليه السبيطي واسماك اخرى وجربته اسمه ( جواف ) هذي ياطويل العمر تاخذ مقاس اصغر من الكف بشوي وتشك السمكه كاملة يعني قوم بإدخال الخيط ويفضل تحط سيم من منظقة الذيل وتطلعه من فم السمكه وحط ميدار 7 او 8 وان شاء الله يطلع معاك شي يحبه قلبك ... واهم شي خلي الخيط مو مشدود خليه نازل في البحر ولاتنسى تخلي المكينه مفتوحه لاتقفلها عشان لايقص عليك الخيط واول ماتضرب سايسها شوي وبعدها حط القفل واسحبها بالراحه . . . . أتمنى لك التوفيق

[@السيف@]

اخوي اول شي ادعي في سجودك ان الله يرزق اللي فيه البركه واختار الوقت المناسب بعد الفجر وبعد العصر والبحر مليان اي مد خذ علبه تونه وخرمها من الجهتين واربطها في خيط وارميها في المكان اللي تبي تصيد فيه ولا تنسي تخذها معاك بعد الصيد لانها تضر البحر اللي انت تعشقه وتقبل مروري

[egy lion]

اولا حاول تقلل حجم الخيط شويه
يعني لو خمسين يبقي ممتاز طبعا علشان يرمي معاك ابعد لان كل ما كان الخيط خفيف كلما رمي معاك ابعد

ثانيا غير المكان اللي انت بتصطاد فيه
وجرب انواع مختلفه من اللعف

وحاول تكتسب خبرات من اي حد بيصطاد جنبك

[White_Shark]

حياك الله أبو ماجد في الخيمة !

كلنا مررنا بهذه المرحلة في بداية تعلقنا بهواية الصيد .. ويجب أن تتعلم أشياء كثيرة في بداية مشوارك .. وأنصحك بمرافقة من هم أخبر منك في أمور البحر لوهلة ثم سترى نفسك تبدع .. فأنا وأعوذ بالله من كلمة أنا كنت أهوى صيد ( السبيطي ) من كثر ماسمعت عنه .. واصطدت سبيطي لأول مرة بعد اربع سنوات من ممارستي للهواية .. فالبحر يعلم الصبر .

لك تحياتي .

[abu majid]

والله يا اخوان كلكم ما قصرتو و ان شاء الله اخذ بنصايحكم

[ابو نوف 200029]

الله يرزقك من اوسع ابوابة

[مشاغب السقالة]

اللهم ارزق جميع الحواتين قولوا اميييين
اميييييييييييييييين

[صياد الجزوي]

يارب تسحبك سمكة تشد وتسحب معاك ساعة كاملة ويرزقك بالي في خاطرك

[ارهابي حنون]

خذ معاك جلب قوي اسمه الاستغفار .
اسمع يا بو الحبيب وتر 100 تراني ماصيد الا به لان تضحك على نفسك لو تقول السمك يشوف الوتر هوا 50 هوا 60 هههههههه . بس اهم شي كبر اللعفه واذا مرره انصحك عشان تفك عنك النحس روح صيد طريقه صقل في عمق 120 متر . دور على الفارس والصرع

[wl-wl]

الله يوفقنا وياك ان شاء الله الاخوان ماقصروا

[ناجل سمار]

عليكم السلام-الله يوفقك في ماتحبه وترضاه استعن بالله -