T-Tamimi
03/03/2010, 12:02 PM
السلام عليكم ’’
اسعد الله اوقاتكم "اهل مكشات عموما" و " ملاك (الوحش) خصوصا" طبعا الوحش اقصد به الاكسبلور ماشالله
شهرين احوس بالمعارض ادور اكسبلور اخو الجديد
ويكون لونه مقبول وممشاه ما يتعدى العشرين الف كيلم
والحمد لله وفقني الله قبل شهرين تقريبا في موتر 2009 لؤلؤي داخلي بيج
جلد وفتحه و قفل ديجتل و المرتبه الثالثه كهرب وديفي دي من الوكالة"شاشة سقف"
وتظليله خفيفه من الغاليات والله مدري وش اسمها
ومسجل 6 اسطوانات mb3
ممشاه 11.000
وسعر المشترى 95 الف << يمكني مغلوب شوي بس ان شالله يستاهل
السياره عليها ضمان ممتد 5 سنوات او 200.000 كلم
بقول لكم انطباعي عن السياره عموما بكل صدق وآمانه علشان يستفيد من تجربتي من يرغب :-
السياره جيده ,, وعزمها مقبول جدا في المدينه او الخط او البر
مايرده شي ماشالله ,, والله لاتحقرونه مقارنه بالتيوتا والنيسان.
فخامه ,, راحه ,, ومناسب جدا يكون سياره خاصه (يعني مهوب للسفر او البر وبس)
ارتفاعه عن الارض ممتاز جدا ,, لاهو رفيع مره ولاهو طامن
الملاحظه الوحيده الي تضيق الصدر فيه هو ان غمارته مهيب معزوله بشكل محكم
يعني تسمع صوت المكينه والكفرات.
وبعد مافيه مركى في المرتبه الوسطية"الثانية"
والمساحه خلف المرتبه الثالثه "الشنطه" صغيره مررره":(
- - - - - - - - - - -
الحين عندي كم سؤال للخبراء :)
1- بعد تشييك 16.000 طلع معي صوت قرقعه في خلفيه السياره
الصوت يطلع مع عيون القطط واذا ضغط على الفرامل يختفي الصوت
يعني اتوقع الصوت من الفحمات الخلفيه
بس اسال ابي اعرف لو احد مرت عليه ذالمشكلة ابي اسويها بنفسي<<راعي حورفه:)
2- شاشه السقف مفقود منها الريموت وسماعات الراس
وين اقدر القاهن فيه ؟؟؟
وايضا كذا مره اشتري سيديات للعيال وما يشتغلن
واذا رحت لراعي المحل يشغلهن عنده بدون مشاكل
اتوقع المشكله في نوع ملفات الفديو
بس كيف اعرف وش نوع الملفات الي يشغلهن DVD حق الاكسبلور ؟
3- نبي نبذه بسيطه عن اسعار قطع الغيار الاستهلاكيه مثل الفحمات والسيور والبواجي والفلاتر وغيرها ( طبعا الاصلي وكاله).
4- البوصله احس انها مخرفة!!
اوقف بتجاه القبله ومايعطيني غرب 100% يدخل معها شمال غربي او جنوب غربي!!
هي لها وزنيه البوصله؟؟ ولا هي صاحيه ونا المخرف؟ هههههه
5- ابي اعرف كيف افصل نظام الحمايه من الانزلاق"الزر الاوسط الي فيه كفرات تفحط"؟؟
لاني اذا دخلت نفود مابيه يشتغل لانه يضعف عزم المكينه اتماتيك لو قام الكفر يفحط
سويت ضغطه على الزر وما لاحظت شي
وكنت اسيف بالدهنا وطلع لي انذار بالشاشه روعني يقول "افحص مانع الانزلاقRSC"<<شي زي كذا ..
وجربت علقت على الزر خمس ثواني لين صار يأشر واشتغلت لمبته
ونفس الشي !!
بالعربي لو ابي افحط وشلوون ؟!!!
لان ذالنظام في الطعوس ما يصلح وودك تقفله بس مدري كيف يتقفل!!
سويت تجارب
وقفت على مزفلت مكبوب عليه تراب"الله يكرمكم"
ابي الكفر يفحط وعجزت
جربت كل شي مع زر مانع الانزلاق وما ضبط معي!!!
احس اني بخرب ذالنظام من هبالي بالتطعيس علشان كذا ودي اقفله
لان الكفر اذا قام يحوص محله تشتغل انظمه فرامل وانظمه تقلل عزم المكينه ومدري وشو بعد
وانا ابي طريقه الغي فيها ذالنظام لو حصل
اتمنى فزعتكم يالاخوان
ونا مانيب صابر وبروح انزل ذالمشاركه في موضوع رابطه الاكس بلور ههههههههه
اخوكم ابو محمد
اسعد الله اوقاتكم "اهل مكشات عموما" و " ملاك (الوحش) خصوصا" طبعا الوحش اقصد به الاكسبلور ماشالله
شهرين احوس بالمعارض ادور اكسبلور اخو الجديد
ويكون لونه مقبول وممشاه ما يتعدى العشرين الف كيلم
والحمد لله وفقني الله قبل شهرين تقريبا في موتر 2009 لؤلؤي داخلي بيج
جلد وفتحه و قفل ديجتل و المرتبه الثالثه كهرب وديفي دي من الوكالة"شاشة سقف"
وتظليله خفيفه من الغاليات والله مدري وش اسمها
ومسجل 6 اسطوانات mb3
ممشاه 11.000
وسعر المشترى 95 الف << يمكني مغلوب شوي بس ان شالله يستاهل
السياره عليها ضمان ممتد 5 سنوات او 200.000 كلم
بقول لكم انطباعي عن السياره عموما بكل صدق وآمانه علشان يستفيد من تجربتي من يرغب :-
السياره جيده ,, وعزمها مقبول جدا في المدينه او الخط او البر
مايرده شي ماشالله ,, والله لاتحقرونه مقارنه بالتيوتا والنيسان.
فخامه ,, راحه ,, ومناسب جدا يكون سياره خاصه (يعني مهوب للسفر او البر وبس)
ارتفاعه عن الارض ممتاز جدا ,, لاهو رفيع مره ولاهو طامن
الملاحظه الوحيده الي تضيق الصدر فيه هو ان غمارته مهيب معزوله بشكل محكم
يعني تسمع صوت المكينه والكفرات.
وبعد مافيه مركى في المرتبه الوسطية"الثانية"
والمساحه خلف المرتبه الثالثه "الشنطه" صغيره مررره":(
- - - - - - - - - - -
الحين عندي كم سؤال للخبراء :)
1- بعد تشييك 16.000 طلع معي صوت قرقعه في خلفيه السياره
الصوت يطلع مع عيون القطط واذا ضغط على الفرامل يختفي الصوت
يعني اتوقع الصوت من الفحمات الخلفيه
بس اسال ابي اعرف لو احد مرت عليه ذالمشكلة ابي اسويها بنفسي<<راعي حورفه:)
2- شاشه السقف مفقود منها الريموت وسماعات الراس
وين اقدر القاهن فيه ؟؟؟
وايضا كذا مره اشتري سيديات للعيال وما يشتغلن
واذا رحت لراعي المحل يشغلهن عنده بدون مشاكل
اتوقع المشكله في نوع ملفات الفديو
بس كيف اعرف وش نوع الملفات الي يشغلهن DVD حق الاكسبلور ؟
3- نبي نبذه بسيطه عن اسعار قطع الغيار الاستهلاكيه مثل الفحمات والسيور والبواجي والفلاتر وغيرها ( طبعا الاصلي وكاله).
4- البوصله احس انها مخرفة!!
اوقف بتجاه القبله ومايعطيني غرب 100% يدخل معها شمال غربي او جنوب غربي!!
هي لها وزنيه البوصله؟؟ ولا هي صاحيه ونا المخرف؟ هههههه
5- ابي اعرف كيف افصل نظام الحمايه من الانزلاق"الزر الاوسط الي فيه كفرات تفحط"؟؟
لاني اذا دخلت نفود مابيه يشتغل لانه يضعف عزم المكينه اتماتيك لو قام الكفر يفحط
سويت ضغطه على الزر وما لاحظت شي
وكنت اسيف بالدهنا وطلع لي انذار بالشاشه روعني يقول "افحص مانع الانزلاقRSC"<<شي زي كذا ..
وجربت علقت على الزر خمس ثواني لين صار يأشر واشتغلت لمبته
ونفس الشي !!
بالعربي لو ابي افحط وشلوون ؟!!!
لان ذالنظام في الطعوس ما يصلح وودك تقفله بس مدري كيف يتقفل!!
سويت تجارب
وقفت على مزفلت مكبوب عليه تراب"الله يكرمكم"
ابي الكفر يفحط وعجزت
جربت كل شي مع زر مانع الانزلاق وما ضبط معي!!!
احس اني بخرب ذالنظام من هبالي بالتطعيس علشان كذا ودي اقفله
لان الكفر اذا قام يحوص محله تشتغل انظمه فرامل وانظمه تقلل عزم المكينه ومدري وشو بعد
وانا ابي طريقه الغي فيها ذالنظام لو حصل
اتمنى فزعتكم يالاخوان
ونا مانيب صابر وبروح انزل ذالمشاركه في موضوع رابطه الاكس بلور ههههههههه
اخوكم ابو محمد