ابي مشورتكم بخصوص تصميم مجلس بديكورات شعبيه

[ابو زكي]

السلام عليكم ورحمه الله وبركاته
كيف الحال ان شاء الله انكم بصحه وعافيه
ياجماعه الخير حاب انكم تشيرون علي وش افضل ديكور شعبي اقدر اسويه للمجلس يعني كأفكار من الوان وديكورات وتصميم
لانه شد انتباهي موضوع وانا اتصفح للمنتدى كالعاده موضوع مقارنه للافضليه بين البيت الشعر او الطين وهالموضوع شد انتباهي لانه بالوقت الحالي قاعد اسوي ترميم كامل للشقه من بويات وديكورات وكنت افكر اسويلي بيت شعر بالحوش اذا زاد شي من الميزانيه وجتني فكره ليه مااسوي بدل بيت الشعر المجلس بديكور شعبي
قبل ماابدء من بويات وجبس وهالامور فيه واخلي الكلفه مره وحده الله يجزاكم خير من اراء ومشورات اعضاء وصاحب الموضوع اللي حط هالفكره براسي

يعني ابي اللي يدخل المجلس كأنه داخل بيت طين>>من ناحيه الديكورات والتاصميم الداخلي يعني تصميم شعبي وياليت لو فيه صور يكون احسن علشان اقدر اخذ الفكره
اتمنى انه وصلتكم الفكره وهل انكم تأيدوني على هالشي او لا

تقبلو مروري ولكم جزيل الشكر

[سلمان88]

ليت الإخوان أصحاب الخبرة يفيدونا لأني


عندي نفس فكرة


الأخ أبو زكي


وفي أنتظار مشاركة أعضاء مكشات


الأعزاء

وتقبل مروري يا أبو زكي

[ابورايف]

فيه عدة مواضيع في المنتدى عن بيوت الطين لعلي اجدها وارودك بالرابط لها
وتقبل مروري

[هاواي التاهو]

أخوي تسمحلي ابدي بعض الملاحظات البسيطة حسب ما شفت من بيوت شعر أو مجالس شعبية
بيت الشعر ينفع بس مكلف و من ناحية الأمن و السلامة أو الحريق خطر جداً خصوصاً مع وجود اطفال
المجلس الشعبي أفضل بس متعب في توفير احتياجاته؟؟؟؟؟؟؟؟؟؟؟؟؟؟؟؟
توضيحي::::
=== بيت الشعر مثله مثل خيام القاضي و غيرها لازم قاعدة أرضية و أعمدة حديدية ثم تفصيل بيت الشعر الذي يناسب المقاس ثم تفصيل المشب إذا ما حصلت المقاس المناسب في السوق ثم التمديدات الكهربائية
في رائي فصل خيمة أفضلك إذا شفت الكلفة قريبة خصوصاً أن الخيام عليها ضمان
=== المجلس الشعبي إذا كان في الحوش ما راح يكلفك إلا مواد البناء ( بلك و أسمنت وحديد وشغل اليد)
باقي المواد يمكنك أن تحصل عليها من مزرعة من المزارع المتوفرة في المنطقة مثل جذوع الأشجار التي توضع بشكل عرضي و سعف النخيل الذي يوضع بشكل طولي فوق الجذوع

أما إذا كنت تبي تعدل مجلس الشقة بحيث يكون شعبي خذ بعض مما شفت::
1- تبي تحط مشب هات نجار خشب و خله يسحب من صدر المجلس مسافة تكفي لقناة شفط الدخان و افتح في الجدار الجانبي فتحة و ركب عليه شفاط أو مروحة شفط.
( يمكنك استبدال كل هذا الشغل باحضار موقدكهربائي أو موقد عادي لعمل القهوة و الشاي في مجلسك).
2- نوافذ المجلس يمكنك أن تضع اطار من الجبس حولها و تزينة بالألوان الزاهية.
3- جدار المجلس يمكنك أن تستخدم بوية طينية موجودة لدى محلات الجزيرة للبويات و يتم خلط القش و يمكنك أن تزيد عليها نشارة الخشب الخشنة.
4- فرش المجلس تجد في الحراج كل ما تريده من الفرشات القديمة ذات الطابع التراثي .
5- سنادات المجلس و المتاكي أيضا تجدها في الحراج و جديدة ( نظام السدو ).

تقبل مروري

[ابو عبدالله 911]

موافق خير ابو زكي

[فيصل الرحيمي]

الصراحة عندي نفس الفكرة
بس الحمد لله فيه محل بعنيزة عندنا متخصص بلامور هذي
(الديكورات الشعبية من السقف إلى الدرايش والابواب والوجار)
طبعا ً انا جيته وتفاهمت معه على الاسعار وقالي تكلفة الديكورات من طين وجبص وسقف من الاثل والسعف
ورفوف جبصية ودريش تكلف 5000 ريال والمساحة 3x5 من غير الباب وقيمته 2500 ريال والوجار من الطوب الاحمر 3000 ريال
يمكن تكون اسعاره غالية بس شغلهم تمام

[BATH 2003]

من ناحية افكار فيه محلات متخصصة في تصميم المجالس الشعبية

مثل مؤسسة بوابة التراث في الرياض مخرج 10 باتجاه الشرق كنك رايح لأنكاس بيجيك على اليمين
قبل بنك الجزيرة او بعده ناسي و الله

و إذا تبي اثاث شعبي او قديم من مساند و مراكي و خرج و و زل و اشياء كثيره و أسعارها زينه ارسلي رقمك على الخاص

[فراس التميمي]

كود الاخوان يفيدونك

لاكن الي اشور عليك عليك هو

جاول انك تختار الالوان المشهبه

يعني البني

ولا تكثر من قطع السدو في الغرفه

لأنها تجيبلك الحر والكتمه بالغرفه

والمشب حطله مروحه فوق المدخنه تطل على الشارع

عشان تسحب الدخنه

وحطك مغسله صغيره جنب المشب لغسل البيالات والفناجيل ولا شي تحتاجها

هذا الي عندي الحين

وتمنى اني اكون افدتك

وعذرنا على القصور

[كادر]

اذا الامر تبيه جلسة وسعة صدر وتوسع في المحل حط غرفة عايديه فيها مشب ومغسلة ومساند ومراكي من هالاشكال وبوية طينية وانا عندي انه كافي
http://www.mekshat.com/pix/upload04/images154/mk28037_dsc01466%20[]%20[].jpg

وان كان حاط في راسك كيف وشغل قديم دور لك احد المختصين والله يعينك على التكاليف

[هوايتي مكشات]

انصحك تشوف بيوت كثيرة

[غليص 506]

عندك محل(درة التراث)بطريق التخصصي
سويت مجلس4×6
طين ومشب من والى كلفني(15000)
شغل عدل وجزل وشي يواجه للضيوف
والسقف عسيب النخل او العسف ومرابيع اثل
وشرف ودرايش وبيبان خشبيه..:f:f

[غليص 506]

http://www8.0zz0.com/2010/03/27/10/469790227.jpg

[حنيني]

شف هالمواضيع واقراها لعلها تفيدك
http://www.mekshat.com/vb/showthread.php?t=52569
http://www.mekshat.com/vb/showthread.php?t=262925
http://www.mekshat.com/vb/showthread.php?t=119100

[راعي الصطحه]

بالتوفيق والله يبااارك لك

[sharp]

أخوي غليص 506

ال 15 الف للديكور فقط أو أنها شاملة بناء المشب كامل؟


شكرا لك

[الطريق السريع]

فيه مطعم بمخرج 10 بأتجاه الغرب حول الممشى عنده افكار حلوه اتمنى أنك تزوره
وتستفييد من ألأفكار المنفذه

:s الطريق السريع:s

[BATH 2003]

فيه مطعم بمخرج 10 بأتجاه الغرب حول الممشى عنده افكار حلوه اتمنى أنك تزوره
وتستفييد من ألأفكار المنفذه

:s الطريق السريع:s


للتوضيح

المطعم اسمه القرية النجدية و وصفه و انت على طريق الملك عبدالله و جاك التقاطع مع طريق ابو بكر تروح جنوب كأنك رايح لكلية التقنية و مجمع الامير سلطان التعليمي و بيجيك على اليسار

و له فرع ثاني بنفس التصميم على شارع التخصصي .

[قناص666666]

الله يوفقك

[سرهيد]

السلام عليكم

الامر سهل

هناك طريقتان اما استخدام بوية مخصصة للامر وتأثث اثاث قديم او انك تضع ديكور طيني تلبسه الديكور اللي عندك ...

بس تراه يكلف يعني يمكن تاصل الى 7 الى 7 آلاف

اذا تبي ديكور طيني فهو متاح واذا تبي بوية وفيها تب - في وجه العدو - متاح وقريب من الطين

ولعلي اعرض لك لاحقا صورة للديكور الطيني اللي على شكل بوية وهذ صورة للطين الملبس لدي في الاستراحة وفي البيت

لكنه من امتع الاماكن اللي اجلس فيها

هذي صورة بيت الطين في الاستراحة

http://www.mekshat.com/pix/upload02/images67/mk40450_bet.jpg

http://www.mekshat.com/pix/upload02/images67/mk40450_bet2.jpg

تقبل احترامي