ادخل وعلمني وش اسوي مع ذا الطير

[المقناص!]

السلام عليكم ورحمة الله وبركاته

عندي شيهانه بحربه فرخ وحش معلمها على حمام تكون معنا في المجلس ولا تخاف بس انها (( تكافخ واجد ))

وهي دايمن على يدي.

ياليت من الأخوان أن يعطوني حل مع ذا الشيهانه ان تكون راكده


وشكراً

[$عاشق الحرة$]

السلام عليكم ورحمة الله وبركاته

الله يصبحك بالخير اخوي المقناص

الحل وانا اخوك بسيط

خل عينك على الشيهانه إذا جت تبي تكفخ على طول برقعها قبل لاتكفخ

وخلها مبرقعه لين تركد وفك البرقع عنها

وخلك معها على هالحاله كل ماجت تبي تكفخ برقعها

إلين تركد إنشاء الله

وفالك الحبارى وانا اخوك

تقبل فائق إحترامي

اخوك

عـــاشـــق الحرة ((( أبــو فــيــصــل )))

[اعقاب]

;) انا مع اخوي عاشق الحره
وعندي لك اظافه بل اظافتين
ـ دايما اذا بتفرعها على يدك خل عندك باقي علف مثل جناح اورجل حمامه وكلما شفت الشاهين يتلفت يبي يكفخ وره العلف وخله يلتهي يدور العلف ولا يكفخ باذن الله
ـ اذا فرعته وكفخ برقعه و جزاءا له وردع لامثاله سبحه او رش جنحانه منداخل وبرا بالبخاخ لين يتبلل جناحه ويثقل ويتعب من الكفخ
والطريقتين مجربه وفعاله

[المقناص!]

مشكورين وما قصرتم وجزاكم الله خير

وان شاء الله إني بأدب ذا الطير لين يعقل .


وشكراً