مطلوب طريقة تركيب كتاوت طرمبة البانزين للباترول

[عم الجميع]

السلام عليكم ورحمة الله وبركاته
صبحكم / مساكم الله بالخير
عندي ربع 2008 خربت طرمبة البانزين وسمعت إنه سهل تركيب كتاوت له
ياليت إذا الشباب ماعليهم كلافة يعطونن طريقة التركيب بالتفصيل لأن اخوكم غشيم بهالمور
وكم سعر الكتاوت ؟
ومن وين اشتريه يعني لازم وكالة ؟
والله يعطيكم العافيه مقدما

[سالم11]

http://www.mekshat.com/vb/showthread.php?t=127140


http://www.mekshat.com/vb/showthread.php?t=222706

[عم الجميع]

الله يعطيك العافية اخوي سالم على الرد السريع
ببنتظر إلى بكرا علشان امر الوكلة وآخذ القطعة واركبها لأن اليوم جمعة
وبعلمكم وش صار معي إن شاء الله

[عم الجميع]

السلام عليكم
مريت الوكالة اليوم وشريت كتاوت طرمبة البانزين بسعر 56 ريال
الكتاوت الي كان راكب بالسيارة كان لونه ازرق والكتاوت الجديد لونه اخضر
وتم تركيب الكتاوت لاكن للأسف المشكلة لازالت موجودة يعني السيارة مااشتغلت وجبت كهربائي وشاف السيارة وقال شكلها طرمبة البانزين هي الخربانة
علشان كذا بكرا إن شاء الله بجيب السطحة والله يعين بروح اتهاوش مع الحمراني
دعواتكم لي بالتوفيق

[سوبر VTC]

صارت المشكلة لاحد الربع باترول ربع على وقته م2006
في بريدة
الموتر عيا يشتغل و الطرمبة تمام له صوت
بدليل اذا فتح السويتش يسمع صوته
صارت المشكلة من المفتاح سوا له اعادة برمجة عند راعي
محل يقص المفاتيح و اشتغل الموتر
على فكرة يوجد بتشاليح بريدة يوسف الخضير
يلغي السيكيوريتي حق الباترول مثل م2001 او م99
يفك الكمبيوتر و يلغي قطعة الشريحة ب200ريال
و يصير يشغل الموتر المفتاح العادي

اذا انت بالرياض عندك ورشة التركي بالصناعية القديمة
تخصص نيسان

موفق

[رفيع المقآم]

الله يعينك وييسر امورك

[naef_442]

اخوانى بخصوص كتاوطه طرنبه البانزين
هل الفتك نيسان 2009 نفس المشكله فيه او عدلت الشركه المشكله لانى اشوف الكتاوت تغير لونه بموديل 2009 اصبح اخضر

[دقسن]

الكتاوت فوق علبة الفيوزات
علبة الفيوزات يجي لة غطى تشوفوة من فوق عدد الكتاواتات الموجودة خمسة
واحد منهن سعروة تقريبن خمس وثلاثين ريال
تسحب ذا وتحط ذاالوسطي منهن

[صباح القايله]

اخوي ان كان لمبه السكورتي شغاله دايم يعني يبي برمجه المفتاح

[أبو ثياب]

يعطيكم العافيه
بخصوص برمجة المفتاح وين افضل مكان في جده

موفقين خير

[ابو العطاء]

الووو
وش صار عليك يا عم الجميع

رد علينا عندي نفس المشكله

[sgl2002]

الووو
وش صار عليك يا عم الجميع

رد علينا عندي نفس المشكله

اذا عندك نفس المشكلة

دق سلف واذا سمعت الطرمبة صوتها من عند التانكي ززززززززززز فمعناه الطرمبة شغالة والكتاوت تمام

اما اذا ما سمعت شي فهو يامن الكتاوت او الطرمبة

فك الديكور اللي تحت الدركسون وشف كتاوت الطرمبة فوق يمين
فكه وحط واحد من الكتاوت الموجوده بجنبه
اذا اشتغل فغير الكتاوت بجديد
واذا لا ولا طلع صوت الطرمبة فهذي الطرمبة خربانه

واذا تسمع صوت الطرمبة ويدور المحرك بس مايشتغل كان مافيه بنزين فهذا من المفتاح

[ابو العطاء]

حطيت شوي بنزين في التروتل واشتغل ثواني وطفا

و بالنسبه للمفتاح كيف ضاعت البرمجه الاولي ؟؟
مع العلم اني جربت الاسبير ولم يشتغل

هل افصل البطاريه بعد تركيب الكتاوت

ممكن تفيدنا وش غيرت