عبارة Low Oil Pressure " ضغط الزيت منخفض " جمس 2003 وش الحل ؟

[Fmejrad]

السلام عليكم ورحمه الله وبركاته

اخواني الكرام عندي جمس 2003 مكينته 6.0 لتر ..

المهم من فترهـ لاحظت تطلع لي عبارة LOW OIL PRESSURE ومعناها ضغط الزيت منخفض .

بعض الاحيان تطلع اذا دعست كل الدعسه وانا ماشي وبعض الاحيان وانا ماشي على خفيف تطلع ..

مع العلم اني ماعندي صوت " تك تك تك تك " بس ببدايه التشغيل يطلع هالصوت ويختفي وسالت عنه وقالوا بالجموس عادي ..

امس كنت ماسك خط الرياض - حريملاء .. وتبهذلت بالطريق ماشي 130 يمكن ومثبت على هالدعسه وكل شوي تطلع لي هالعباره .. تطلع وتختفي وتطلع وتختفي وتبهذلت والله ومع العلم اني قبلها بيوم مغير الزيت وحاط زيت 30-10 ومع العلم ببداية الطريق كان كل شي تمام لكن بعدها بنص ساعه تقريباً بدت تطلع لي هالعبارهـ

ناس قالوا الطرمبة وانا مو مقتنع بهالشي .. لان الطرمبة خرابها يطلع صوت مستمر " تك تك تك " وانا مو موجود عندي هالشي وعزم السيارهـ ممتاز ولله الحمد ..

وانا عندي امبير ضغط الزيت خربان .. هل تتوقعون هو السبب ؟ هل اذا كان الامبير خربان تطلع لي هالرساله ؟

لاني الان محتار بين 3 اشياء على كلام اصحاب الورش :-

1- امبير ضغط الزيت
2-حساس ضغط الزيت
3-طرمبة الزيت " مع اني استبعد هالشي"

ممكن تفيدوني بارك الله فيكم بالحل ؟ وكيف اتاكد ان الخراب مو من الطرمبه ؟

وجزاكم الله كل خير

[_دربيل_999]

اخوي
تأكد من طرمبة الزيت...هي اللي تسوي كذا..

وفقك الله

الروقي

[stranger]

السلام عليكم
اخوي انا معي جمس صالون 99 ونفس المشكلة عندي امبير ضغط الزيت منخفض على الخط الأمر وأحيانا تحته ولكن ما عندي مشكلة مع المكينة صوتها حلو ولا فيها اصوات واعتقد المشكلة في الحساس او الامبير
اتمنى الي مرت عليه المشكلة يفيدنا

[قمة افرست]

الافضل صلح الامبير عشان تتاكد ان الطرمبة تعمل صح
قبل تعطل الطرمبة او تاثر على المكينة
الامبير تصليحة 200 ريال

[ابونوف الشهري]

افصل البطاريه ورجعها بعد خمس دقايق لعيد الكمبيوتر برمجته
ان شاء الله يزبط معك

[ميكا مكشات]

اخوي




تأكد من طرمبة الزيت...هي اللي تسوي كذا..



وفقك الله




الروقي







http://vip-chart.freeiz.com/1/17.gif





تبي نصيحتي غير طرمبة زيت المكينة قبل ما تخبط المكينة




http://vip-chart.freeiz.com/2/44.gif

[عبادي 2009]

أمبير ضغط الزيت يعلب ؟؟

[عبادي 2009]

غير الآتي :

1- وجه كارتير أصلي.
2- سيفون أصلي.
3- صوفة طرمبة أصلي
4- زيت كاسترول الخفيـــف وليس الثقيــل
5- وجه مبرد أو برادة الزيت

وعلمنا بالنتيجة الطيبة

[سوبر VTC]

دام المكينة مابه صوت فالطرمبة تمام
و اذا كان انبير الزيت طايح ممكن يسبب لك
ظهور اشارة الزيت قليل
و غالب مشاكل الجمس
تهريب ماصورة الزيت اللي راكبه على الطرمبة
تهريب الوجه او السيلة او الربلة
ادخل الرابط التالي تحصل ردي



يا جماعة , خربت طرمبة الزيت للجمس , وقالولي توضيب مكينة :( رأيكم ... (http://www.mekshat.com/vb/showthread.php?t=270257)





لو كان عندك مشكلة كان خبط موترك على طول :good:
و راح تطلع اصوات طقطقة و تدور السبايك
لكن غالب المشكلة و الله اعلم عطل كهربائي
من الانبير نفسه
و قيمته مع التصليح من 150 الى 200

انصحك تمر ورشة مشعل العتيبي ابو عبدالله :good:

هذي ورش من الاخ ماجلان

للجموس





اقتباس:
اقتباس:

اقتباس: اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء

موفق


+++

هذا احد الاعضاء يمدح الورشة من ناحية تحديد العطل :good:


رح للجميح اللي على خريص
معرض السيارات الجديدة على يسارك والمستعمل على يمينك ووجهك جنوب
امش 400 متر تقريبا جنوب
ستجد باب اسود كبير على يسارك تابع لسور طويل
بعد العصر (فقط )يفتح الورشة
طبعا الورشة لعبدالرحمن الجميح (قريب لصاحب الوكالة )
وهو كان اول من قام بفحص السيارات الامريكية داخل الورش المختلفة بواسطة الكمبيوتر النقال (عام 1419هـ) وكان يطلب بالحجز المسبق
الورشة اللي وصفتها ملك له والعمال من الوكالة
ويشتغلون بورشته بعد دوامهم الرسمي
ميزتهم خبرة الوكالة وسعر مقبول مقارنة بكفاءتهم
يفتحون العصر فقط وصباح الخميس


موفق

[لن أمل من العطاء]

حبيبي
هناك اشياء تؤثر في بعضها البعض
واخرى تأثر في اشياء اخرى قد لا تهتم لها
ناخذ موضوعك بشيء من التقصي

اولا هناك
طرمبة
ساعة قياس ضغط
امبير ضغط الزيت
العبارة على الشاشة

اذا كانت الطرمبة قليلة الكفاءة
فساعة الضغط ستعطي قراءة صحيحة بان الطرمية لا تعمل بكل كفائتها بالتالي شاشة المعلومات ستأخذ المعلومة من امبير ضغط الزيت وتخرج لك العبارة التي ذكرت

وان كانت الطرمبة تعمل بشكل صحيح ولكن الساعة لا تعطيك قراءة صحيحة فينخفض مؤشر ضغط الزيت وتظهر العبارة

اولا هل ظهور العبارة كان متزامن مع العبارة ام من مدة طويله والمؤشر عطلان
ثانيا هل المؤشر فجأة لم يعمل ام تدرج في العطل


النصائح
ابدا بالاخف وقتا ومالا
اولا افحص بالكمبيوتر انظر ماذا ترى (بالفحص الدقيق يظهر ان كانت الساعة عطلانه او لا تصلها الكهرباء تحتاج شخص ماهر جدا) ويظهر ايضا ضغط طرمبة البنزين بالارقام واهم من ذلك يظهر لك ان مؤشر الزيت عطلان
بناء على الفحص غير فرضا ساعة الضغغط وجرب بعدها ابدأ بالساعة لان الشاشة تأخذ منها معلومات

ان لم ينفع
الله يعينك على الطرمبة
ممكن لا تكون عطلانه فمن الممكن تكون الربله الموصله ومعروفه مشكلتها

ارجو ان لا اكون اثقلت عليك

[حبو 1]

اخوي اذا كان يطفى اتوقع من الطرمبة نفسها

لأنة لو الحساس ماطفى

فية ورشة يعجبونك اذا بغيت كلمني


ابوسعود
0555118966

[saad.saud]

السلام عليكم
اذا طلع صوت الصرصرة مع بداية التشغيل بعض المرات وخاصة في الجو البارد فهذا بداية خراب الطرمبة
طبعا هي تعمل ولكنها ستتعطل بعيد او قريب
نصيحة صلحها قبل ما تتعطل نهائيا وتخبط المكينة
شغل يد 500 ريال
قطع من 700 - 800 ريال
بالتوفيق

[Fmejrad]

اخوي
تأكد من طرمبة الزيت...هي اللي تسوي كذا..

وفقك الله

الروقي

يعطيك العافيه اخوي وبتاكد من الطرمبة ..


الافضل صلح الامبير عشان تتاكد ان الطرمبة تعمل صح
قبل تعطل الطرمبة او تاثر على المكينة
الامبير تصليحة 200 ريال

انا افضل كذا .. اصلح الامبير واشوف الى وين يوصل عداد ضغط الزيت ..

شاكر لك يالغالي


افصل البطاريه ورجعها بعد خمس دقايق لعيد الكمبيوتر برمجته
ان شاء الله يزبط معك

للاسف مالها علاقه ولا ضبطت وماقصرت يالغالي




http://vip-chart.freeiz.com/1/17.gif






تبي نصيحتي غير طرمبة زيت المكينة قبل ما تخبط المكينة





http://vip-chart.freeiz.com/2/44.gif


شاكر لك يالغالي على ردك


أمبير ضغط الزيت يعلب ؟؟

امبير ضغط الزيت خربان مايتحرك ابد


غير الآتي :

1- وجه كارتير أصلي.
2- سيفون أصلي.
3- صوفة طرمبة أصلي
4- زيت كاسترول الخفيـــف وليس الثقيــل
5- وجه مبرد أو برادة الزيت

وعلمنا بالنتيجة الطيبة

الف شكر يالغالي وسويتها قبل ولا نفعت


اخوي اذا كان يطفى اتوقع من الطرمبة نفسها

لأنة لو الحساس ماطفى

فية ورشة يعجبونك اذا بغيت كلمني


ابوسعود
0555118966

لا الحمدلله مايطفي نهائياً والعزم تمام ..

الف شكر لك


السلام عليكم
اذا طلع صوت الصرصرة مع بداية التشغيل بعض المرات وخاصة في الجو البارد فهذا بداية خراب الطرمبة
طبعا هي تعمل ولكنها ستتعطل بعيد او قريب
نصيحة صلحها قبل ما تتعطل نهائيا وتخبط المكينة
شغل يد 500 ريال
قطع من 700 - 800 ريال
بالتوفيق

صوت الصرصرهـ مافهمتها ياليت توضح يالغالي

[Fmejrad]

دام المكينة مابه صوت فالطرمبة تمام
و اذا كان انبير الزيت طايح ممكن يسبب لك
ظهور اشارة الزيت قليل
و غالب مشاكل الجمس
تهريب ماصورة الزيت اللي راكبه على الطرمبة
تهريب الوجه او السيلة او الربلة
ادخل الرابط التالي تحصل ردي




يا جماعة , خربت طرمبة الزيت للجمس , وقالولي توضيب مكينة :( رأيكم ... (http://www.mekshat.com/vb/showthread.php?t=270257)









لو كان عندك مشكلة كان خبط موترك على طول :good:

و راح تطلع اصوات طقطقة و تدور السبايك
لكن غالب المشكلة و الله اعلم عطل كهربائي
من الانبير نفسه
و قيمته مع التصليح من 150 الى 200


انصحك تمر ورشة مشعل العتيبي ابو عبدالله :good:


هذي ورش من الاخ ماجلان


للجموس







+++


هذا احد الاعضاء يمدح الورشة من ناحية تحديد العطل :good:





موفق









الله يعطيك العافيه ياسوبر فتك وطمنتني ..

لكن بالنسبه لتهريب ماصوره الزيت .. سيارتي مافيها تهريب يعني ماشوف تحتها اي اثار ودائما اذا جيت اغير الزيت احصله كامل يعني مو ناقص ولا شي فـ عشان كذا مستبعد سالفه التهريب ..

اتوقع مثل ماقلت انها من الامبير نفسه .. بصلحه وبشوف النتيجه .. واذا صلحت الامبير وماضبط .. اشيك على ايش بعد ؟ فيه ورشه قالي انا متاكد مليون بالمئه انها حساس الزيت وقيمته ب 350 ريال مادري وش رايكك يالغالي


حبيبي
هناك اشياء تؤثر في بعضها البعض
واخرى تأثر في اشياء اخرى قد لا تهتم لها
ناخذ موضوعك بشيء من التقصي

اولا هناك
طرمبة
ساعة قياس ضغط
امبير ضغط الزيت
العبارة على الشاشة

اذا كانت الطرمبة قليلة الكفاءة
فساعة الضغط ستعطي قراءة صحيحة بان الطرمية لا تعمل بكل كفائتها بالتالي شاشة المعلومات ستأخذ المعلومة من امبير ضغط الزيت وتخرج لك العبارة التي ذكرت

وان كانت الطرمبة تعمل بشكل صحيح ولكن الساعة لا تعطيك قراءة صحيحة فينخفض مؤشر ضغط الزيت وتظهر العبارة

اولا هل ظهور العبارة كان متزامن مع العبارة ام من مدة طويله والمؤشر عطلان
ثانيا هل المؤشر فجأة لم يعمل ام تدرج في العطل


النصائح
ابدا بالاخف وقتا ومالا
اولا افحص بالكمبيوتر انظر ماذا ترى (بالفحص الدقيق يظهر ان كانت الساعة عطلانه او لا تصلها الكهرباء تحتاج شخص ماهر جدا) ويظهر ايضا ضغط طرمبة البنزين بالارقام واهم من ذلك يظهر لك ان مؤشر الزيت عطلان
بناء على الفحص غير فرضا ساعة الضغغط وجرب بعدها ابدأ بالساعة لان الشاشة تأخذ منها معلومات

ان لم ينفع
الله يعينك على الطرمبة
ممكن لا تكون عطلانه فمن الممكن تكون الربله الموصله ومعروفه مشكلتها

ارجو ان لا اكون اثقلت عليك

الله يعطيك العافيه يالغالي على التوضيح .. لكن ساعه قياس الضغط هذي .. هل هي نفسها حساس الزيت الي قيمته ب 350 ريال او تختلف ؟

وامبير ضغط الزيت من زماان خربان عندي ..ولا كانت تظهر العباره .. الا من كم شهر بدت العباره تظهر وامبير ضغط الزيت للحين خربان ..

مثل ماذكرت فوق واحد من الورش قالي متاكد انها حساس الزيت وقيمته ب 350 ريال وش رايك يالغالي

[mtc_959]

الافضل صلح الامبير عشان تتاكد ان الطرمبة تعمل صح
قبل تعطل الطرمبة او تاثر على المكينة
الامبير تصليحة 200 ريال
هلا اخوي
معليش على المداخله ومن غير قصور في كلامك
لكن انا مصلحه 80 ريال القطعه بـ50 والتلحيم بـ30 والباقي انا اللي مسويه

السؤال 200 شغل يد كامل (مع فك الطبلون) ولا ....ارجو التوضيح

[saad.saud]

صوت الصرصرة يعني اذا شغلت السيارة يطلع صوت من المكينة مثل (صر... صر... صر) وهو يطلع لأن الزيت لا يصل للمكينة

[الهرم 2010]

اخوي مساء الخير
نالنسبه لظغط الزيت كان معي جيب نفس الطريقه غيرت الحساس وضبط

[عاشق تحدي]

الحل سهل يا أخوان لاتوهقون الرجال قايلن غير ايش ومدري الحل ياطويلين العمر شغل السويتش يعني لين تولع لمبات الطبلون بس وبعدين دبل على دعسة البنزين 10 مرات وراح يظبط بمشيئة الله وبالتوفيق اخوي

[Fmejrad]

صوت الصرصرة يعني اذا شغلت السيارة يطلع صوت من المكينة مثل (صر... صر... صر) وهو يطلع لأن الزيت لا يصل للمكينة

فيه صوت ببدايه التشغيل وهو زي كذا تقريبا " تك تك تك تك " اقل من 5 ثواني ويخفتي وسالت كثير وقالوا الصوت طبيعي ..


اخوي مساء الخير
نالنسبه لظغط الزيت كان معي جيب نفس الطريقه غيرت الحساس وضبط

نفس كلام ورشه انا اشتغل عندهم دائم .. بس ماقلت لي يالغالي بكم غيرته ووش نوع السياره فديت قلبك وياليت لو ماعليك امر تذكر لي المشكله الي كانت عندك بالضبط


الحل سهل يا أخوان لاتوهقون الرجال قايلن غير ايش ومدري الحل ياطويلين العمر شغل السويتش يعني لين تولع لمبات الطبلون بس وبعدين دبل على دعسة البنزين 10 مرات وراح يظبط بمشيئة الله وبالتوفيق اخوي

لاهنت يالغالي وبجربها ان شاءالله بكرا .. اذكر هذي طريقة اعاده البرمجه ..

مع اني ماعتقد ان المشكله بالبرمجه لكن مافيه مانع نسويها .. لكن ياليت لو تتاكد لي منها لاني ماذكر انها كانت 10 مرات

[afawaz32]

يا اخوان . ماهي القراأه الصحيحه الامبير ضغط الزيت. يعني كم المعدل الطبيعي ؟

(( وشاكر للجميع جهودهم ))

[قمة افرست]

هلا اخوي
معليش على المداخله ومن غير قصور في كلامك
لكن انا مصلحه 80 ريال القطعه بـ50 والتلحيم بـ30 والباقي انا اللي مسويه

السؤال 200 شغل يد كامل (مع فك الطبلون) ولا ....ارجو التوضيح

هلابك اخوي
ونا خوك هذي ترجع للورشة الي بتصلح بعضهم يقولك اذا كم امبير خربان لو اكثر من واحد يحسبها ب200 واحد يحسبونه 250 ريال وانت وشطارتك
ونادر ماتلقى باقل من 200 ريال ويتشرطون لان قليل الي يوفرون القطعه طبعا 200 مع فك وتركيب
طبعا انت مسويه بنفسك وشي جميل مع العلم فك الطبلون ماهو صعب ولاكن شنسوي الكل يستغل
نتمنى اذا لديك معلومات عن بيع هذه القطع اوتوفيرها تفيد الاخوان لان طبلونات اليوكنات تتاثر بالحرارة وكثير تتعطل
وخاصة اذا رخيصة زي ماذكرت

صورة لمجموعة امبيرات طبعا يركب واحد منها وتركب اغلب السيارات مثل الهمر واليوكون والتاهو

http://i18.ebayimg.com/06/i/000/88/76/fd28_1.JPG

[Fmejrad]

هلابك اخوي
ونا خوك هذي ترجع للورشة الي بتصلح بعضهم يقولك اذا كم امبير خربان لو اكثر من واحد يحسبها ب200 واحد يحسبونه 250 ريال وانت وشطارتك
ونادر ماتلقى باقل من 200 ريال ويتشرطون لان قليل الي يوفرون القطعه طبعا 200 مع فك وتركيب
طبعا انت مسويه بنفسك وشي جميل مع العلم فك الطبلون ماهو صعب ولاكن شنسوي الكل يستغل
نتمنى اذا لديك معلومات عن بيع هذه القطع اوتوفيرها تفيد الاخوان لان طبلونات اليوكنات تتاثر بالحرارة وكثير تتعطل
وخاصة اذا رخيصة زي ماذكرت

صورة لمجموعة امبيرات طبعا يركب واحد منها وتركب اغلب السيارات مثل الهمر واليوكون والتاهو

http://i18.ebayimg.com/06/i/000/88/76/fd28_1.JPG

هلا اخوي .. انا اعرف ورشه واتعامل معه عنده كميه كبيرة ..

يصلحها بحدود ال 150 ريال مع شغل اليد وكل شي وهذا ارخص سعر حصلته ..

لكن تركيبها سهل او صعب ؟

اذا تركيبها سهل .. نطلب لنا كمية كبيرة من موقع e-BAY ونصلحها احنا بانفسنا

ممكن تفيدني باسمها بالانقليزي حتى ابحث عنها

[سوبر VTC]

الله يعطيك العافيه ياسوبر فتك وطمنتني ..

لكن بالنسبه لتهريب ماصوره الزيت .. سيارتي مافيها تهريب يعني ماشوف تحتها اي اثار ودائما اذا جيت اغير الزيت احصله كامل يعني مو ناقص ولا شي فـ عشان كذا مستبعد سالفه التهريب ..

اتوقع مثل ماقلت انها من الامبير نفسه .. بصلحه وبشوف النتيجه .. واذا صلحت الامبير وماضبط .. اشيك على ايش بعد ؟ فيه ورشه قالي انا متاكد مليون بالمئه انها حساس الزيت وقيمته ب 350 ريال مادري وش رايكك يالغالي


لاهنت
افهمن جيدا :D لازم اجيب قلم و سبورة عشان تفهم :D
قصدي ماصورة الكرتير اللي تركب على الطرمبة
ادخل الرابط السابق عشان تتضح الصورة
شاهد الصورة

هذي ماصورة الطرمبة ماصور الشفاط و لاحظ السيلة او الوجه هو اللي يخرب

http://www.mekshat.com/vb/../pix/upload03/images134/mk53291_vsvsv1.jpg

http://www.mekshat.com/vb/../pix/upload03/images134/mk53291_dbbf11.jpg

http://www.mekshat.com/vb/../pix/upload03/images134/mk53291_gnng2.jpg

لاحظ السيلة او الوجه احيانا من الحرارة تلين و تهرب زيت و يرجع الى الكرتير


http://www.mekshat.com/vb/../pix/upload03/images134/mk53291_dbdf3.jpg


**************

راعي الورشة اذا كان بيضمن ان المشكلة ماترجع صلحه عنده
بشرط اذا رجعت المشكلة يعطيك قيمة الحساس
اذا كان ماراح يضمن او يعطيك قيمة الحساس
فلا تلمس شي
فيه كم عضو يقولون المشكلة من السيلة
حل اخر
جرب توقف الموتر الظهر تقريبا نص ساعة او كثر
لو ظهرت لمبة الطرمبة => سوف يطلع صوت للمكينة طقطقة
مثل مشكلتي بالرابط السابق
لو ولعت اللمبة و لم يظهر اصوات للمكينة واضحة
فاغفل نهائيا و لا تسوي شيئا اطلاقا

[Fmejrad]

لاهنت
افهمن جيدا :D لازم اجيب قلم و سبورة عشان تفهم :D
قصدي ماصورة الكرتير اللي تركب على الطرمبة
ادخل الرابط السابق عشان تتضح الصورة
شاهد الصورة

هذي ماصورة الطرمبة ماصور الشفاط و لاحظ السيلة او الوجه هو اللي يخرب

http://www.mekshat.com/vb/../pix/upload03/images134/mk53291_vsvsv1.jpg

http://www.mekshat.com/vb/../pix/upload03/images134/mk53291_dbbf11.jpg

http://www.mekshat.com/vb/../pix/upload03/images134/mk53291_gnng2.jpg

لاحظ السيلة او الوجه احيانا من الحرارة تلين و تهرب زيت و يرجع الى الكرتير


http://www.mekshat.com/vb/../pix/upload03/images134/mk53291_dbdf3.jpg


**************

راعي الورشة اذا كان بيضمن ان المشكلة ماترجع صلحه عنده
بشرط اذا رجعت المشكلة يعطيك قيمة الحساس
اذا كان ماراح يضمن او يعطيك قيمة الحساس
فلا تلمس شي
فيه كم عضو يقولون المشكلة من السيلة
حل اخر
جرب توقف الموتر الظهر تقريبا نص ساعة او كثر
لو ظهرت لمبة الطرمبة => سوف يطلع صوت للمكينة طقطقة
مثل مشكلتي بالرابط السابق
لو ولعت اللمبة و لم يظهر اصوات للمكينة واضحة
فاغفل نهائيا و لا تسوي شيئا اطلاقا

هههههههههههههههه لاتعصب علينا طيب :D ..

انا فاهمك بس انت شكلك مافهمت سؤالي .. الحين الزيت حق المكينه اذا هرب ورجع للكارتير مو المفروض انه ينقص زيت المكينه او معلومتي خطا ؟ لان انا كل الزيوت تمام مافيها اي نقص ..

وبخصوص الحل الي قلت لي اجربه .. انا لو اوقف الموتر 5 ساعات ماعنده اي مشكله وحتى وانا واقف لو ادعس للاخير مايظهر لي اي تنبيه .. لكن بعض الاحيان وانا ماشي لو ادعس دعسه خفيفه تطلع لي

[سوبر VTC]

هههههههههههههههه لاتعصب علينا طيب :D ..
ههههههه طيب :D
انا فاهمك بس انت شكلك مافهمت سؤالي .. الحين الزيت حق المكينه اذا هرب ورجع للكارتير مو المفروض انه ينقص زيت المكينه او معلومتي خطا ؟ لان انا كل الزيوت تمام مافيها اي نقص ..

انا فاهم
الزيت ماينقص يرجع للكرتير
اذا هرب الزيت و رجع لبطن :p او حوض الكرتير في نفس الكرتير
يكون الزيت مايغطي المكينة بالشكل الكافي
و في هذه الحالة تطقطق المكينة بسبب نقص الزيت في وسط المكينة
اقرب مثال
دينمو الماء حق البيت اذا كنت فاتح اللي على شجر او نخل البيت
و حصل ان اللي انشق او نقطع من عند المنتصف
ما الذي يحدث ؟
سوف يقل الماء عن الشجر
اذن :D اللي => ماصورة الكرتير
و الشجر => المكينة

وبخصوص الحل الي قلت لي اجربه .. انا لو اوقف الموتر 5 ساعات ماعنده اي مشكله وحتى وانا واقف لو ادعس للاخير مايظهر لي اي تنبيه .. لكن بعض الاحيان وانا ماشي لو ادعس دعسه خفيفه تطلع لي


اجل ان شاء الله ماعندك مشكلة طنش تنتعش :)

[مغلي]

انا عندي بداية مشكله
.
.
هاليومين ... صار امبير ضغط الزيت يهتز والسياره تشتغل واقفه
ولما امشي يعقل الامبير ويصير رجال

هل تعتقدون ان الطرمبه بدت تخرب او حساس او الزيت قديم او ايش المشكله
....يوكن 2002 ...

[مغلي]

هلا اخوي .. انا اعرف ورشه واتعامل معه عنده كميه كبيرة ..

يصلحها بحدود ال 150 ريال مع شغل اليد وكل شي وهذا ارخص سعر حصلته ..

لكن تركيبها سهل او صعب ؟

اذا تركيبها سهل .. نطلب لنا كمية كبيرة من موقع e-BAY ونصلحها احنا بانفسنا

ممكن تفيدني باسمها بالانقليزي حتى ابحث عنها


اذا الورشه بالرياض

ارجو تحديد مكانها واسمها ورقم هاتف للفني او الورشه

[1231]

ياليت تفيدنا وش صار معك..لآن الجمس عندي نفس المشكله..رساله ضغط الزيت منخفض. والامبير حق الزيت ع الربع اقل من النص . مع اني مغير زيت وسيفون ومبرمج .

[مركز حراره]

غير الطرمبه ضروري

[Fmejrad]

هلا ياخوان ..

ابشركم غيرت الطرمبة وركبت جديدة ولا استفدت شي ..

لكن يوم غيرت الصوفة " السيله حقت الكارتير " ضبط الوضع ولله الحمد

[احمد ياسين]

السلام عليكم < اخوي لما تغير زيت الماكينه لازم تسوي تصفير لعداد زيت الماكينه وبعدين تطفي السويتش ولما تشغل السيارة يعطيك ضغط الزيت 100 بالميه .. وهذي لابد تعملها عشان الكمبيوتر ما يتعطل

[شامخ z71]

كان الله في عونك

[حوض 2003]

عندي نفس المشكلة جمس حوض 2003
يكون الضغط عند ال80 في البداية و إذا دعست عليه يصير و تطلع كلمة (لو أويل )
والمشكلة عندي من سنة وسحب عليها ولا فيه مشاكل الظاهر والله أعلم مشكلة في حساس ضغط الزيت داخل المكينة
ونصيحة لا تصلحه لأنه مجرد حساس
وشكرا