مقيس الهواء للبالون

[ابواحمد 777]

السلام عليكم ورحمه الله وبركاتة
هلابكم اعضاء مكشات
انا مركب بوالين مكسس 16-900 وكم وزن الهواء المناسب له ناس قالولي بالديرة افضل شئ 35 وبالسفر 45 وناس قالو افضل شئ تعبية 40 وحاليا انا معبيه 40
وارجو من لدية خبرة عن الهواء المناسب يفيدنا
وشكرا

[النايف999]

انا مركبها 17-900 بوالين ماكسس

وامسك عليها خطوط وبر ومخليها على 35 وبعض الاوقات تزود وارجع انقصها

وانصحك تغيير هواء الكفرات وتحط فيها نيتروجين ممتاز جدا وبتتغير عليك السياره والطاره بتخف عليك

وقميته 20 ريال - عبيته من ميزان اليرموك

[fj44]

انا من ناحيتي مخليه 30
ومن ناحيت النيتروجين
ماله داعي خرابيط تواير طياره
لانك بتنسمه و تزيده ورح دور هوا نيتروجين
يازينك يالهواء العادي
ولا تزعلي علي يالنايف 999

[التعـ King ـديل]

انا اخليها بر وديره وسفر دايم 40

[جهام القصيم]

دخل الديرة وفي الخطوط السريعة من 30 الى 35 أما في البر فلا بد من تخفيض الهواء من 18 الى 20 تجربة بالون أكثر من 7 سنوات

[سيف الظفير]

40 يالغالي علشان تطول مدة الاستخدام

[ابوحمد666]

بالسفر 35
وداخل البلد 25
وفي البر لك من 10 الى 18
تحياتي لك

[مشاريg]

اصقعها 60 في الديرة وتدعيلي .. والبر 10 وتحياتي

[معلم قرميد]

من المعلوم ان البالون ينسحل ويتآكل بسرعة اكثر من غيره من الكفرات ...
فاذا خليت ظغطه فوق الثلاثين بينسحل مع الوسط واذا خليته اقل من العشرين بينسحل مع الاطراف(هذا في الديرة)
المناسب تخليه 25في الديرة 30 في السفر اما البر ماعندك مشكله تخليه تحت العشرين.<وجهة نظر قابلة للصواب والخطأ>

[الثويرات]

وش الي 40 وش الي 60 شكل بعض الاعضاء مركبة على قلابي ويحمل رمل عليه.

بالديره والسفر 28 والبر 18 ياخي حرام علايكم تكسرون سياراتكم الكفر عضل ياعالم

[راعي ندقان]

وش الي 40 وش الي 60 شكل بعض الاعضاء مركبة على قلابي ويحمل رمل عليه.

بالديره والسفر 28 والبر 18 ياخي حرام علايكم تكسرون سياراتكم الكفر عضل ياعالم
وين تبي تلعب في موترالرجال علا شان يتفكك

[راعي ندقان]

ههههههههههههههههههههههههههههههههههههههههههههههههه تني قريت صح

[المتزن]

20 بر وبلد وسفر

[aljthab]

يا اخوان
معروف البالون بارز من الوسط
الي يبي يملاه هواء راح يسحل مع الوسط بعد فترة
وبعدين فايدة البالون يمتص ارتداد الموتر من مطب ولا بطناج ولا حفرة
يعني وش الفايدة تملاء الكفر هواء
افضل شي بالديرة مايتجاوز 25 الى عشرين وبالبر تحت العشرين 18 مثلا
وبالسفر والخط حسب الموتر من 30 الى 35