اسعار الشعير ..... !!! متابعه يوميه تنتظر تحرك الجهات المسؤله .

[MNH]

السلام عليكم


كما تعلمون ان الشعير هو ابو الاعلاف فمع ارتفاعه ترتفع جميع الاعلاف واليوم 5
مارش 2010 الجمعه سعره في الدمام

اوربي 36 وغير متوفر
استرالي 37

[كساب الطيب]

الله يكوون بالعوون

وحسبي على من يتسبب لمسلمين ويكرهوا بحلالهم سوا تجار ولا مسؤلين......

[ابو مطاره]

الله يرحم حال أهل الحلال
والله مساكين وش بيديهم يسوون ويلاقونها من وين والا من وين والتجار الجشعين يرفعون على كيفهم بلاحسيب ولارقيب
الدوله ماقصرت تدعم ولكن مافيه فايد
يأخذون الدعم ويرفعون الأسعار
اقتراحي لمن بيده الحل أن الدوله تورد الشعيرمن بلد المنشأ مباشرة وبدون تدخل التجار ويكون فيه متعهدين ثقات
وتضع له سعر ثابت عن طريق امارات المناطق
واللي يبي من التجار الجشعين يعرف مكانهم
لكم ودي وتقديري

[برق بريده]

يا ناس والله حرام

الشعير والبرسيم بالشتاء اسعارهن ممتازه و

واسعار المعزاء والنعيمي نار * نار

يعني بعض حقين الغنم ما يخافون الله

اجل التيوس على 600 وين وين وهو ما يجي 10 كيلو

[kASER-999]

كل شي زاد سعرره وكل شي صار مبالغ في اسعااره والسبب ((الحرميه الكبار))

[محمد الظاهري]

لاحول ولا قوه الابالله

وين كبار المسؤولين
الله لا يبارك الي يلعبون في الاسعار
سوى كان مواد غذائيه
او اعلاف
او اي شي كان

[حامل مسك]

يا ناس والله حرام

الشعير والبرسيم بالشتاء اسعارهن ممتازه و

واسعار المعزاء والنعيمي نار * نار

يعني بعض حقين الغنم ما يخافون الله

اجل التيوس على 600 وين وين وهو ما يجي 10 كيلو
أخي
اتق الله
أصحاب الغنم ليس في أيديهم شيء من رفع أسعارها أو إنزالها
وإنما المتحكم في ذلك هو السوق والعرض والطلب

[قليط]

يليته ياصل 5000 خل راعين الحلال يعرفون انا الله حق

يخوي انا اعرف واحد تمم بحدود الثلاث الاف الطلي باتسع ميه

والاستراحه 500 والمطبخ ؟؟؟؟؟؟؟؟ هذا معقول هذا مو حرام

ليه مو الطلي الطيب 600 او 650 وش الكلام هذا خل حيلهم بينهم

نزالو الشعير 15 ريال ولا نزل الحلال كل لكم تخبرونه

[روووح]

الله يجعله قووولوا امييييييييين
جعله يوووصل الكيس خمسة الاف
اخذ الذبيحه اللي تجمل ماعاد تاخذها باقل من 1400
خلهم بكره يبيعون الهرافا على 600
ربك كريم

[مشعل_1001]

الله يرفع البلاء عن المسلمين
ولاكن موضوع ارتفاع اسعار الذبايح سبب الكثير من المشاكل لناس
تصدقون انا عام2006 اخذ خروف هرفي على كيفك ب400 ريال
وقبل شهر اخذ خروف هرفي ب1000 ريال من هجرة لينة
يعني زيادة 150% وراعي الغنم تكلمة مايرد عليك ياولد نزل شوي
الله يستر من راعين الدجاج لاتصير الدجاجة ب50 ريال

[عاشق الجهامه]

الله يجعله قووولوا امييييييييين
جعله يوووصل الكيس خمسة الاف
اخذ الذبيحه اللي تجمل ماعاد تاخذها باقل من 1400
خلهم بكره يبيعون الهرافا على 600
ربك كريم

ياخي وش بلاك انت فيه ناس عايشين على الله وعلى هالغنم حب لاخيك ماتحب لنفسك اهم شي انت وش لون تبون اسعار الشعير والغنم تنزل وفيه ناس تحسد ياخي انت وش اللي حادك تشتري ب1400 انا نازل السوق الاسبوع الللي راح تاخذ اطيب واحد 950 ياخي راع الغنم يشتري 900 كم تبيه يبيع لك 600

بلاك من الاجانب والتجار الللي مافيه احد مراقبهم والا السوداني لو يترك سوق الغنم والاببل السوق ضاع لاننا معتمدين عليهم وبعدين السعودي اصلا مايشتري الا من سوداني واذا شاف السعودي انحاش عنه ليه يقول هذا يغشني

حب لاخيك ماتحب لنفسك لو كل الناس مشت مع الحديث ذا الله اكبر شف كيف الارزاق والخير

كنت اتمنى من اخوي روووح مايقول الكلام ذا ويدعي انه اسعار الغنم ترخص واتمنى منه ايضا ان يتقبل ردي بكل روح


اسف على الاطاله

[راع الاوله1]

الله يرفع البلاء عن المسلمين
1- ارتفاع الشعير ليس من صالح المستهلك قبل المربي
لان المستهلك سوف يتعب في البحث عن الذبيحه السمين التي تجمله مع ضيفه ولو وجدها لان يشتريها الا بسعر عالي
كما حدث قبل عام ونصف تقريباً عندما وصل سعر الشعير 50 ريال ووصلت الضحايا الي 2000ريال
2- ارتفاع الشعير قد يكون عقاب من الله عز وجل بسبب ما نراه ونسمعه عن اسعار البهائم التي وصلت الي ارقام فلكيه واصبحت اسعارها اغلى من ديت الانسان
في الختام
نسأل الله ان يرفع البلاء ويهدي الجميع لما يحبه ويرضاه

[قلبي المدينة]

لا حول ولا قوة إلا بالله

سبحان الله قبل 4 سنوات تقريباً تشتريلك أحسن طلي 650 أو 700 ونقول غالي
أما الحين وينك وين هالسعر 700 ريال خيال صارت.

طليان البربر كانت 120 ريال والآن صارت 480 ما تجيلها 10 كيلو

والشيء المحير طلي أو فحل بعير أو زوج حمام يصل سعره 80000 أو مليون وش الخبال
فعلاً بني آدم إذا ما خاف من الله يبدأ يتلاعلب بالنعمة .

[راعي الوضح.]

يليته ياصل 5000 خل راعين الحلال يعرفون انا الله حق

يخوي انا اعرف واحد تمم بحدود الثلاث الاف الطلي باتسع ميه

والاستراحه 500 والمطبخ ؟؟؟؟؟؟؟؟ هذا معقول هذا مو حرام

ليه مو الطلي الطيب 600 او 650 وش الكلام هذا خل حيلهم بينهم

نزالو الشعير 15 ريال ولا نزل الحلال كل لكم تخبرونه


الله يجعله قووولوا امييييييييين
جعله يوووصل الكيس خمسة الاف
اخذ الذبيحه اللي تجمل ماعاد تاخذها باقل من 1400
خلهم بكره يبيعون الهرافا على 600
ربك كريم

وقسم انكم دلوخ

من الي فاضي يربي لكم والشعير غالي

صدقوني لو الشعير ياصل 100 ريال

والله ماهو من صالحكم ولا من صالح الدوله لن كلن بيترك حلاله حتى الموت

ثم ينقطع نهائياًً ثم دورو ذبايح .

............................

سبب الغلاء في سوق الماشيه

هو من ارتفاع الشعير سابقاً

لنه سبب قله في الحلال واكثره مات ثم الحين صار الطلب اكثر من العرض.

[راعي الوضح.]

نسيت اقول

الله يقطع رزق من ينوي يقطع رزق المسلمين اللهم امين.

[alqadi2002]

أسأل الله أن يرزقنا وإياكم الرزق الحلال ..
المشكلة تكمن في زيادة الأسعار بشكل عام ..
علف وشعير ، برسيم ..... :mad:
وكلها على المستهلك ..:eek:

إلى متى نبي حلول ,,, :looney: :confused:

[خوي الشاص]

اللهم انا نعوذ بك من الغلاء والزنا والزلازل والمحن
بصراحه لو على كيفي كان خليت الشعير بمية ريال للكيس الواحد علشان ناكل لحم ونذبح للضيف مثل اول
اجل من زود طمع اهل الحلال الطلي 1000ريال خل الشعير يرتفع ينزل السوق:f
والله الي عندي بدا يطلعهم ريش من اكل الدجاج

[ابوعيسى1]

انا اقول لو استمر ارتفاع الشعير لمدة سنة واحدة فقط (اراهن ) انا اسعار الاغنام سوف تنزل ... واللي يقول ان الشعير ارتفع سابقا ولم تنزل اسعار الغنم اقول ان الارتفاع لم يستمر طويلا بل اخذ شهر او شهرين ورجع السعر الى اسفل سافلين حيث وصل 13 ريال وارتفعت الغنم الى 1000 ريال و1200ريال

اللهم ارفع الاسعار نبي ناكل لحم

[Hch]

اليوم الشعير ب34 في القصيم نطالب المسؤالين يشفون حل ؟

الناس اللي تدعي انه يرتفع ماقولهم غير حسبي الله ونعم الوكيل .

[ابو نايف99]

الله يهدي الجميع ان شالله
والله ارتفاع الاسعار مهب من صالح الجميع

[فارس اجا]

الحين يوم جت على اهل الغنم المساكين وقفتو بحلوقهم
اشوف محد قال شي يوم ارتفعت اسعار الحديد والمواد الغذائيه
وبعدين انا الحين اجي للسوق واشوف الناس تبيع 1000 واروح وابيع 600 الي مايبي لا يشتري
وبعدين من يقول اسعار الابل غاليه والله طايحه بالارض
وحنا ما نبي الا الوسط
والله يرفع الباا عن المسلمين

[عارف الشمري]

ياربي لك الحمد اصلآ الدوله الله يعزها دعمت الشعير والاعلاف على شان يرخص الشعير ويرخص الحلال


لاكن الدوله ابخص بكم (( شافتكم ماتنعطون وجه )) يرخصون الشعير ونتم ترفعووون لا والمشكله الكبيره مايبيعون



نعجه هرمه اخر ولده بحياتها بعدها اغسل يدك يمر من عندها خاروف يقرعها بـ 1300 ريال؟


عنز معاها صخلين بـ 1200 ريال



والي يقول حب لاخيك ماتحب لنفسك (( ياخي انت حب لاخيك ماتحب لنفسك)) بيع علي جذعه طيبه 500 ريال اذا عندك حلال


بعض البشر عنده مزرع مواشي الووووووف مؤلفه ويصيح


انا اطالب الدوله بألاستمرار وزيادة المبلغ حتى ياصل الذبح الى مسوا المستهلك



والله لا يسامح كل شخص يدعي علي ونا اقول الصحيح اما ربي

[Hch]

فارس اجا لاتعب نفسك ناس مرض الله يرفع عنهم بس ولا وش مصلحتهم يدعون ان الشعير يرتفع ليه علشان تاكل لحم مثل ماقالو حسبي عليهم ..

[Hch]

اسمع ياخي ترا الحل ماهو برفع الشعير اذا ارتفع الشعير فعلن الناس بتبيع كل حلالها لنها ماتقدر تاكلها لانها خساره خمس مية ريال ماتجيب كيسين شعير مثلا انا بعت كل حلالي مع انه ماعندي غير ابل بس لكن اتكلم عن الباديه المعتمدين على الله ثم الغنم ماعندهم وضايف هي اللي تصرف عليهم وايتام ومساكين بعو ليش ماعندهم شي يكلونها منه ومااحد شاري كل واحد يبي وحده بس وبعديـــــــــــــن اسالك وش يسوي المسكين يفكه في الخلاء ويخليها مااظن يبي يبع لو بريل ماعد يقدر يصرف عليها وبعو كلهم واكلتو لحم وبعدين من وين بتشترون الناس باعت علشان غلئ الشعير تكلم بعقلك ماراح تلقاء لجاك ضيف بتقول مالقيت ذبايح اذبحله حاشي هذا اذا هم بعد مافكوها بس الابل ماعليها تروح تصبر ام الغنم ماتصبر راح يقل اهل الحلال مراح تشوفها الافي المشاريع الكبيره مصيطر عليها التجار الكبار ذاك الوقت افلقني اذا اخذة من عنده لو سخل 1000 هذا توزن ...فكرو بعقلك وراح تعرفون لاتروحون تدعون على هالمساكين اللي رزقهم عليها ..


أسف للطأله

[فارس اجا]

Hch يعطيك العافيه كلام معقول
والله يعز الدوله

[عاشق الجهامه]

ابو كدريه اذا نزل سعر الشعير تنزل اسعار الاغنام لكن فيه ناس يروحون لسوق ويروحون للسودانين وياخذون منه وهو ضاحك عليهم تعال يم الشبوك وتاخذ 850 واقل بعد لكن انتم ماتبون تروحون يم السعودي تحسبه يغشكم
انا اتمنى من الله ان المطر ينزل ويرخص الشعير ويصير بريال والتاجر يدور اللي يشتري بنص واللي يقول يارب ان الشعير يغلى عشان الغنم ترخص مايلقى اللي يبيعله لو 20000 عشان يعرف ان الله حق وبعدين انت لو تشتغل بالغنم ماتقول الكلام ذا المستفدي الاول والاخير السوداني وشكرا

[ابواديم]

الله يعطيك العااااافيه

[ana bassam]

غلا الشعير يعني بيع اهل الحلال لحلالهم يعني بيصير الطلي بـ 400 ويمكن اقل يعني الناس بتنبسط فتره بعدين يرجع سعر الشعير يرخص بعدين ترجع اسعار الاغنام نار لان العرض اقل من الطلب لان الناس باعت حلالها وبعدين نرجع لنفس الموضوع غلا اسعار الاغنام ويمكن اللي تاخذه اللحين بـ 1200 بكره ماتشده ولا بـ 2000 وانا اقول اصبروا خلوا الشعير يغلى زي ماقلتوا ونشوف بكره وش بيصير يعني اكبر متضرر هو الستهلك في حال غلا الشعير
الغنم بعد فتره بترجع لوضعها الطبيعي انشاء الله لان العرض بيكون اكثر من الطلب اذا استمر سعر الشعير رخيص

[سما وماء]

اللي مايدري ينام بدري انت واياة لو انكم راعين حلال بتكسر حلالك وتخسر خلو عنكم الفهامه مااقول الا الله يهديكم

[هواوي صيد]

طحتوا في بعض وكل واحد يتحسب على الثاني

لاحول ولا قوة الا بالله


يالله انك ترخص الشعير وترخص الحلال

[naifo]

غلا الشعير يعني بيع اهل الحلال لحلالهم يعني بيصير الطلي بـ 400 ويمكن اقل يعني الناس بتنبسط فتره بعدين يرجع سعر الشعير يرخص بعدين ترجع اسعار الاغنام نار لان العرض اقل من الطلب لان الناس باعت حلالها وبعدين نرجع لنفس الموضوع غلا اسعار الاغنام ويمكن اللي تاخذه اللحين بـ 1200 بكره ماتشده ولا بـ 2000 وانا اقول اصبروا خلوا الشعير يغلى زي ماقلتوا ونشوف بكره وش بيصير يعني اكبر متضرر هو الستهلك في حال غلا الشعير
الغنم بعد فتره بترجع لوضعها الطبيعي انشاء الله لان العرض بيكون اكثر من الطلب اذا استمر سعر الشعير رخيص

جزاك لله خير ياباسم

هولاء الناس قصيرين نظر

ارتفاع الشعير والاعلاف سينزل الاسعار..........................لكن ماذا يحدث بعد ذلك

راعي المواشي والبدو سيسارعو الي بيع اغنامهم وتنبسظ انت لفتره محدوده لان الاغنام بعد ذلك ستكون شحيحه وتستورد من الخارج باسعارهم وتكون معتمد عليهم

التجار اصحاب الحلال مايهم ارتفاع او نزول الاسعار.............................ليش

لانه حلاله في مزراعته وماهو محتاج يزرع البرسيم ويعلف وحاط رجل على رجل ينتظرك

وبعدين عيب الشماته بالاخرين استحو

[710]

اللهم انا نعوذ بك من الغلاء والزنا والزلازل والمحن
بصراحه لو على كيفي كان خليت الشعير بمية ريال للكيس الواحد علشان ناكل لحم ونذبح للضيف مثل اول
اجل من زود طمع اهل الحلال الطلي 1000ريال خل الشعير يرتفع ينزل السوق:f
والله الي عندي بدا يطلعهم ريش من اكل الدجاج


اخوي اذا صار سعر الكيس بـــ(100) ريال مثل ماتقول أول من يروح فيها أنا وأنت (المستهلك)



بترتفع أسعار الذبايح إلى أقيام خياليه


وبتنزل أسعار الغنم (المقنوي) إلى أقل الأسعار


لأن كل راح يبيع ويقلل من الغنم الي عنده


وبعدين الذبايح الطلب عليها كثير جداً


أرتفع الشعير أو نزل



وشكراً

[الصمصامه]

السبب تعارض المصالح فالربيعان الرئيس التنفيذي لشركة اراسكو الفاشلة رغم دعم الدولة في انشاء المصنع ودعم مدخلات التصنيع، وكل شيء في المصنع الذي يوظف الاجانب، اقول ان هذا الربيعان هو ايضا رئيس مجلس ادارة صندوق التنمية الزراعية الذي من اهدافه دعم المزارعين ومربي المواشي في البلد وطبعا دعم مشاريع اراسكو، الريعان مصر على بيع منتجات مصنعه تحديدا الوافي او المكعبات للمربين حتى لو تعاون مع وزير الزراعة لسن قوانيين تخدم المصالح الفردية علىحساب الوطن، فهو من طالب في 2008 على صفحات الجزيرة بوقف دعم المربين من خلال ايقاف دعم الدولة لموردي الشعير، كما اتهم الصوامع والغلال بالاغراق، علما ن الصوامع والغلال هي من يوفر لمصنعه الشعير وباقي المدخلات باسعار اقل من الاسعار التي كان يحصل عليها المربيين، تصور يطالب بفرض سعر السوق لمنتجاته المدعومه من الدولة في الوقت الذي يواجه فيه المربي الاغراق من خلال استيراد المواشي.. اما اسعار المواشي البلدية فهي مرتفعه بسبب المشكلة المذكوره ولان سعر التجزئه يتحكم في الاجنبي خصوصا الرشايده وعلى كل حال اللي يبي لحم رخيص البربري 400 ريال وفيه باكستاني وسوداني يعني خيارات مفتوحه لكن المربي حرام عليه الشعير واذا ما يشتري من اراسكو نبي نوريك فيه حتى لو نرتب تأخير دفع مستحقات موردي الشعير.. اقول اصبرو شوي الربيعان قرر يؤسس شركة مواشي باسم خصخصة صندوق التنمية الزراعي لانه مصر على تعليف مواشي السعودية منتجات اراسكو المصنعه مكعبات وغيره ،وطبعا عشان يسيطر على الاغنام ويمارس نفس الاساليب الملفوفه على المواشي كما يمارسها على الاعلاف ، المؤسف ان وزير الزراعه هو من دعمه من خلال اعطاء الاشارة لتجار الشعير قبل سنة برفع الاسعار، باسم التوفي على خزينة الدولة، لكن الهدف الحقيقي هو ان مكعبات اراسكو لم تستطع منافسة الشعير الطبيعي وليس المصنع ! عموما اي دراسة موضوعية ستثبت ان الاعتماد على الشعير المستورد اوفر على خزينة الدولة من الاعتماد على مصانع اعلاف مدعومه من الاف الى الياء وتوظف الاجانب وتحارب التجار الصغار من المواطنيين.

[راعي الحرشاء.]

ياربي لك الحمد اصلآ الدوله الله يعزها دعمت الشعير والاعلاف على شان يرخص الشعير ويرخص الحلال


لاكن الدوله ابخص بكم (( شافتكم ماتنعطون وجه )) يرخصون الشعير ونتم ترفعووون لا والمشكله الكبيره مايبيعون



نعجه هرمه اخر ولده بحياتها بعدها اغسل يدك يمر من عندها خاروف يقرعها بـ 1300 ريال؟


عنز معاها صخلين بـ 1200 ريال



والي يقول حب لاخيك ماتحب لنفسك (( ياخي انت حب لاخيك ماتحب لنفسك)) بيع علي جذعه طيبه 500 ريال اذا عندك حلال


بعض البشر عنده مزرع مواشي الووووووف مؤلفه ويصيح


انا اطالب الدوله بألاستمرار وزيادة المبلغ حتى ياصل الذبح الى مسوا المستهلك



والله لا يسامح كل شخص يدعي علي ونا اقول الصحيح اما ربي

والله منتم مستفيدين شي من غلاء الشعير

والله ياناس كان معي 500 نعيميه في وقت غلاء الشعير السابق
والحين ماعندي غير 100 بعضها مات وبعضها بعته جايه الموت وكله من سبب الغلاء
والحين اذا غلاء زياده يمكن مايبقى معي الا خمس شياه فكرو زين ياناس

تحسبون اذا غلى بشترون برخيص من الي بيربي لكم .
الناس وراها تعب واعلاف وكل يوم وهو مرضان من الغنم وريحتها وحسسيتها والاغبار
ويعالج ورايح جاي مع الخطوط.

والناس تصيف في الحر وهو مشقي نفسه عند حلاله وكله على شان يحتري هالموسم وهو معتمد على الله ثم عليه
ثم تتدعون علينا ببساطه استحو على وجيهكم لو مره .

[راعي الوضح.]

والله منتم مستفيدين شي من غلاء الشعير

والله ياناس كان معي 500 نعيميه في وقت غلاء الشعير السابق
والحين ماعندي غير 100 بعضها مات وبعضها بعته جايه الموت وكله من سبب الغلاء
والحين اذا غلاء زياده يمكن مايبقى معي الا خمس شياه فكرو زين ياناس

تحسبون اذا غلى بشترون برخيص من الي بيربي لكم .
الناس وراها تعب واعلاف وكل يوم وهو مرضان من الغنم وريحتها وحسسيتها والاغبار
ويعالج ورايح جاي مع الخطوط.

والناس تصيف في الحر وهو مشقي نفسه عند حلاله وكله على شان يحتري هالموسم وهو معتمد على الله ثم عليه
ثم تتدعون علينا ببساطه استحو على وجيهكم لو مره .

:good2: :good2: :good2: :good2: :good2: :good2: :good2:

[قليط]

ابلشتون المستهلك والمستهلك وش دخلنا بحقين المطاعم حنا

والثاني ابلشنا ان عنده غنم ويا خوان خير الكلام ماقل ودل مو 20 سطر

[الغرابيM]

خل الاسعار ترتفع ماهو ظارنا شي انشاء الله تدرون ليش ..

اشوف الموضوع وضع للأسعار الشعير والي اشوفه وللأسف ان اكثر الردود على اصحاب الحلال ..

انا ابي اسألك سؤال انت يالي تبي لراعين الحلال الخساره ..

انا ابي اشتري شعير بمبلغ 34 ريال وكم راح اشتري كميه والعلاف كذالك وتبي ابيعلك الطلي او التيس مبلغ 600 للطلي و350 للتيس ليش ..

انا ماربيت وتعبت علشان اخسر ..

نبي نشتري شعير غالي ونبي نعوضه انشاء الله بالحلال الي نبيع ..

الي يبي يدعي ..يدعي على التجار الي يرفعون الاسعار ولا همهم غير جني المال ..

ولا وش ذنب الي يربي ويتعب ويخسر واخرتهاا يجي المستهلك وياخذ طلي ماينطح بمبلغ قليل ويتجمل عند ضيوفه وحنا ننقش اسنونا فقر ..

كل مازاد الشعير والعلف كل مازادت اسعار الحلال وهذا شي طبيعي ..

والي يبي الرخص يشتري من الي يجي مستورد ولا حيله بالدجاج

[يدوي الشرق]

الله يعين إنشاء الله هذا من اتجار يخوان حسبي الله عليهم

[عاشق الجهامه]

خل الاسعار ترتفع ماهو ظارنا شي انشاء الله تدرون ليش ..

اشوف الموضوع وضع للأسعار الشعير والي اشوفه وللأسف ان اكثر الردود على اصحاب الحلال ..

انا ابي اسألك سؤال انت يالي تبي لراعين الحلال الخساره ..

انا ابي اشتري شعير بمبلغ 34 ريال وكم راح اشتري كميه والعلاف كذالك وتبي ابيعلك الطلي او التيس مبلغ 600 للطلي و350 للتيس ليش ..

انا ماربيت وتعبت علشان اخسر ..

نبي نشتري شعير غالي ونبي نعوضه انشاء الله بالحلال الي نبيع ..


الي يبي يدعي ..يدعي على التجار الي يرفعون الاسعار ولا همهم غير جني المال ..

ولا وش ذنب الي يربي ويتعب ويخسر واخرتهاا يجي المستهلك وياخذ طلي ماينطح بمبلغ قليل ويتجمل عند ضيوفه وحنا ننقش اسنونا فقر ..

كل مازاد الشعير والعلف كل مازادت اسعار الحلال وهذا شي طبيعي ..

والي يبي الرخص يشتري من الي يجي مستورد ولا حيله بالدجاج



:good2: :good2: :good2: كلام صحيح وهذا عين الصواب يالمدهش يبونك تشتري الشعير 34 وتبعلهم الطلي بخساره ليه نكد عاى عميان

[Hch]

السبب تعارض المصالح فالربيعان الرئيس التنفيذي لشركة اراسكو الفاشلة رغم دعم الدولة في انشاء المصنع ودعم مدخلات التصنيع، وكل شيء في المصنع الذي يوظف الاجانب، اقول ان هذا الربيعان هو ايضا رئيس مجلس ادارة صندوق التنمية الزراعية الذي من اهدافه دعم المزارعين ومربي المواشي في البلد وطبعا دعم مشاريع اراسكو، الريعان مصر على بيع منتجات مصنعه تحديدا الوافي او المكعبات للمربين حتى لو تعاون مع وزير الزراعة لسن قوانيين تخدم المصالح الفردية علىحساب الوطن، فهو من طالب في 2008 على صفحات الجزيرة بوقف دعم المربين من خلال ايقاف دعم الدولة لموردي الشعير، كما اتهم الصوامع والغلال بالاغراق، علما ن الصوامع والغلال هي من يوفر لمصنعه الشعير وباقي المدخلات باسعار اقل من الاسعار التي كان يحصل عليها المربيين، تصور يطالب بفرض سعر السوق لمنتجاته المدعومه من الدولة في الوقت الذي يواجه فيه المربي الاغراق من خلال استيراد المواشي.. اما اسعار المواشي البلدية فهي مرتفعه بسبب المشكلة المذكوره ولان سعر التجزئه يتحكم في الاجنبي خصوصا الرشايده وعلى كل حال اللي يبي لحم رخيص البربري 400 ريال وفيه باكستاني وسوداني يعني خيارات مفتوحه لكن المربي حرام عليه الشعير واذا ما يشتري من اراسكو نبي نوريك فيه حتى لو نرتب تأخير دفع مستحقات موردي الشعير.. اقول اصبرو شوي الربيعان قرر يؤسس شركة مواشي باسم خصخصة صندوق التنمية الزراعي لانه مصر على تعليف مواشي السعودية منتجات اراسكو المصنعه مكعبات وغيره ،وطبعا عشان يسيطر على الاغنام ويمارس نفس الاساليب الملفوفه على المواشي كما يمارسها على الاعلاف ، المؤسف ان وزير الزراعه هو من دعمه من خلال اعطاء الاشارة لتجار الشعير قبل سنة برفع الاسعار، باسم التوفي على خزينة الدولة، لكن الهدف الحقيقي هو ان مكعبات اراسكو لم تستطع منافسة الشعير الطبيعي وليس المصنع ! عموما اي دراسة موضوعية ستثبت ان الاعتماد على الشعير المستورد اوفر على خزينة الدولة من الاعتماد على مصانع اعلاف مدعومه من الاف الى الياء وتوظف الاجانب وتحارب التجار الصغار من المواطنيين.

كلام يخوف اذا فعلن أسمع ان سبق وان قلت في ردي اللي راح انه ظغط من التجار اصحاب المشاريع واهل اسيراد من الخارج على المربين للبيع عليهم بسعر اللي يبونه وكثير اللان في هذا الوقت ناس تبيع على تجار ماندري من وين ولا نعرفهم انفهمت الفكره هي انشتري بسعر ارخص لابد من رفع الشعير علشان يضطرون للبيع بعد فتره ينزل الشعير ونبيع بسعر اللي نبي انا اتوقع حسب المعطيات واللي صار قبل فتره مثلا اذا كان عدد مربين الماشيه كثير فاهو نزل الي النصف بعد ارتفاع الشعير الاخير واذا جاتنا موجه ثانيه من ارتفاع الشعير فاخلف الله عليهم راح نكون في يدين من لايرحم ولا فيه اخر الشهر مع الرواتب ههههه
يعني اهل المشاريع الكبيره يعني اهل الغلال يعني ليست من صالح تجار الاغنام ولا من صالح تجار الشعير معروف توجهاتهم اتمنى ان يكون هناك هيئة رقابه الموضوع اكبر من باديه الموضوع تدمير الباديه وبداء في مشاريعهم يعني خطر كبير على ثروتنا الحيوانيه ...

[قليط]

خل الاسعار ترتفع ماهو ظارنا شي انشاء الله تدرون ليش ..

اشوف الموضوع وضع للأسعار الشعير والي اشوفه وللأسف ان اكثر الردود على اصحاب الحلال ..

انا ابي اسألك سؤال انت يالي تبي لراعين الحلال الخساره ..

انا ابي اشتري شعير بمبلغ 34 ريال وكم راح اشتري كميه والعلاف كذالك وتبي ابيعلك الطلي او التيس مبلغ 600 للطلي و350 للتيس ليش ..

انا ماربيت وتعبت علشان اخسر ..

نبي نشتري شعير غالي ونبي نعوضه انشاء الله بالحلال الي نبيع ..

الي يبي يدعي ..يدعي على التجار الي يرفعون الاسعار ولا همهم غير جني المال ..

ولا وش ذنب الي يربي ويتعب ويخسر واخرتهاا يجي المستهلك وياخذ طلي ماينطح بمبلغ قليل ويتجمل عند ضيوفه وحنا ننقش اسنونا فقر ..

كل مازاد الشعير والعلف كل مازادت اسعار الحلال وهذا شي طبيعي ..

والي يبي الرخص يشتري من الي يجي مستورد ولا حيله بالدجاج


اقول كانك صادق بع بعشر الاف وخل كيس الشعير 500 ههههههههههههههههههههه

وان كان لد ك الدجاج من ذو مبطي وحنا حيلن بالدجاج

[الصمصامه]

اكيد انك طايح في دجاج
http://www.arasco.com/ar/entaj.jpg (http://www.arasco.com/ar/products/poultry/index.asp) من اراسكو !

[رحال 6]

ياخي وش بلاك انت فيه ناس عايشين على الله وعلى هالغنم حب لاخيك ماتحب لنفسك اهم شي انت وش لون تبون اسعار الشعير والغنم تنزل وفيه ناس تحسد ياخي انت وش اللي حادك تشتري ب1400 انا نازل السوق الاسبوع الللي راح تاخذ اطيب واحد 950 ياخي راع الغنم يشتري 900 كم تبيه يبيع لك 600

بلاك من الاجانب والتجار الللي مافيه احد مراقبهم والا السوداني لو يترك سوق الغنم والاببل السوق ضاع لاننا معتمدين عليهم وبعدين السعودي اصلا مايشتري الا من سوداني واذا شاف السعودي انحاش عنه ليه يقول هذا يغشني

حب لاخيك ماتحب لنفسك لو كل الناس مشت مع الحديث ذا الله اكبر شف كيف الارزاق والخير

كنت اتمنى من اخوي روووح مايقول الكلام ذا ويدعي انه اسعار الغنم ترخص واتمنى منه ايضا ان يتقبل ردي بكل روح


اسف على الاطاله



أخي العزيز انتبه الصحيح أن تقول ( عايشين على الله ثم على هالغنم ) فقد تقع بالشرك وأنت لا تدري
بورك فيك

[ابوعيسى1]

يقولون اسعار الاغنام بمنطقة الحفر انخفضت من 1200 الى 850 ريال
وانا اتوقع ان اسعار المواشي عامة سوف تنخفض الى ان تصل كما كانت صابقا

[علي الصقري]

ترى راعين الحلال يتعبون ويكدون على حلالهم 6 شهور او سنة
وهو يومياً ماسك الخط رايح جاي
وتعرفون انتم وين مكان راعين الحلال ( مشاوير ) اقل شي 40 كيلو عن الرياض واحسب الشعير والاعلاف الآخرى والماء والبنزين وراتب الراعي
والمستهلك يبي ذبيحة 500 ريال
لا ويدعي يقول يااااارب الشعير 100 ( والله لو يصير بمية ماتشد الخروف الا بالفين ) يعني مافي مفاطيح مافي فله

[ابوعيسى1]

اصحاب الحلال سوف يضطرون لبيع الحلال وكسر اسعارها عل شان يشرون العلف ولا سوف تموت مواشيهم من الجوع
وانا اقول لو استمر الارتفاع الشعير والعلف عامة سف تنخفض الغنم الى ادنى مستوياتها
بس اهم شي استمرار الارتفاع لمدة سنة وشوف تشوف الطي 500ريال

[رئبال الحجاز]

:good2:يا ناس والله اذا استمر ارتفاع الشعير ما رايح تاكلون لحم لان راعي الاغنام يبي يضهر الفرق على ضهورنا يعني ياخذ قيمة الشعير من الى يبى ياكل لحم:good:

[مخاوي دابذريع]

الله يرحم الحال مالقاها الا راعين مزارع البرسيم والله يكون بعون الي راس ماله الحلال

[عبدالله الموسي]

اسعار الغنم بدأت بالنزول الآن

لأن نسبة العرض زادت بسبب غلا الشعير

وكل ما ارتفع الشعير زادت نسبة العرض ورخ الحلال

[نباك]

اسعار الغنم بدأت بالنزول الآن

لأن نسبة العرض زادت بسبب غلا الشعير

وكل ما ارتفع الشعير زادت نسبة العرض ورخ الحلال


اي اسعار الي نزلت الله يحفضك وين فيه دلنا خلنا نشري

انت تحسب راعين الحلال الحين يعلفون شعير
العالم كلها تركت الشعير وراحت تعلف وافي حق اراسكو
الشعير ب52 والوافي 35

[asdali]

والله منتم مستفيدين شي من غلاء الشعير

والله ياناس كان معي 500 نعيميه في وقت غلاء الشعير السابق
والحين ماعندي غير 100 بعضها مات وبعضها بعته جايه الموت وكله من سبب الغلاء
والحين اذا غلاء زياده يمكن مايبقى معي الا خمس شياه فكرو زين ياناس

تحسبون اذا غلى بشترون برخيص من الي بيربي لكم .
الناس وراها تعب واعلاف وكل يوم وهو مرضان من الغنم وريحتها وحسسيتها والاغبار
ويعالج ورايح جاي مع الخطوط.

والناس تصيف في الحر وهو مشقي نفسه عند حلاله وكله على شان يحتري هالموسم وهو معتمد على الله ثم عليه
ثم تتدعون علينا ببساطه استحو على وجيهكم لو مره .

كلامك صحيح اخوي وانا مربي سابق وهجرت الشغلة هذي من سنتين واحد اهم الاسباب غلاء الشعير والتعب في متابعة الحلال والاهتمام به والان معظم المربين اللي حولي تركوا الشغلة هذي والسبب الغلا .

اللي يطلبون رفع الشعير اقولهم اتقوا الله المربي يشري البهيمة بـ 800 وزود ويعتنيبها ويسمنها لكم 4 و 5 وشهور وتبونها بـ 600 الصراحة هذا نظرة ناس فاسقة ما تخاف الله

الحل بعد الله بيد الدولة

زراعة الشعير وتوفير المياه سوا من الابار او التحلية ولو يسوون محطات تحلية خاصة بالزراعة افضل .

استيراد الشعير من جميع الدول المنتجة له عن طريق مؤسسة الصوامع وتوزيعها بنفسها عبر نقاط بيع تشرف عليها اطراف من وزارة الزراعة

منع التجار من استيراد وتوزيع الشعير .

تسعير الشعير يكون عن طريق الدولة وحسب الاسواق العالمية لبورصة الشعير

اذا تم الشي هذا راح تنزل اسعار المواشي ولكن بالتدريج حتى لا يخسر المربي اللي اشترى حلاله بسعر مرتفع وخلال سنة او اكثر قد تصل لـ 50% من سعرها الحالي .

[الرويضة اون لاين]

في الرويضة الشعير بـ 54 والمكعب بـ 40

[ابو سعود الغامدي]

طيب 800 زين 1000 زين 1100 زين لاكن توصل الى 3500 ليـ ـه اقرو الخبر





سبق - متابعة: شهد سوق الأغنام بالعاصمة الرياض, ارتفاعاً كبيراً لأسعار الأضاحي التي بلغ سعر بعض أنواعها أرقاماً فلكية غير معتادة، طبقاً للزميل عبد الرحمن السريع في "الجزيرة"، حيث تراوح سعر " النجدى" ما بين 1300 - إلى 3500 ريال، و "النعيمي" بين 1200 إلى 1700 ريال، و "السواكني" بين 700 إلى 1200 ريال، و "البربري" بين 450 إلى 550 ريالاً، و "التيس البربري" بين 500 إلى 650 ريالاً.
http://sabq.org/sabq/misc/get?op=GET_NEWS_IMAGE&name=news49246032.jpg&width=256&height=176
واستغل التجار الإقبال الشديد من المواطنين والمقيمين على السوق لشراء الأضاحي، لرفع الأسعار بشكل مبالغ فيه.

[ابوعمرالفاروق]

التدخل في التسعير لا يفيد فدعوا الناس يرزق الله بعضهم من بعض كما جاء عنه صلى الله عليه وسلم
فالحكومة عليها مسؤولية ترك حرية استيراد الشعير لكل مريد دون تدخل إلا ما كان للرقابة ضد الضرر فقط واتركوا بائعي الأنعام كما يشاؤون دون تدخل
بعد ذلك سوف يتوازن العرض والطلب وترخص الأسعار فهل يتحقق ما نريد ؟

[السبراوي]

ابشكركم أسعار الأغنام بدأت بالأنخفاظ في النعيرية والدمــام المعروض كثير والأسعار 1 العرب الطيبه ب600 ريال والنعيم من 650 إلى 850 الله يغلي الشعير ياكريم

[volcano]

ابشكركم أسعار الأغنام بدأت بالأنخفاظ في النعيرية والدمــام المعروض كثير والأسعار 1 العرب الطيبه ب600 ريال والنعيم من 650 إلى 850 الله يغلي الشعير ياكريم


تحلم وسبق رديت عليك خلك على الدياي :D

[راعي الوضح.]

ابشكركم أسعار الأغنام بدأت بالأنخفاظ في النعيرية والدمــام المعروض كثير والأسعار 1 العرب الطيبه ب600 ريال والنعيم من 650 إلى 850 الله يغلي الشعير ياكريم

ان شاء ماتشريها الا بخمس الاف

الله يزود سعر الضحايا الى خمس الاف وفوق ان شاء الله ;)

[محمدالزبيدي]

ممكن يكون الريال قد انخفضت قيمته امام العملات الأخرى

وبما اننا مستوردين لمعظم احتياجاتنا ترتفع الأسعار علينا

وبالتالي ترتفع أسعار المنتجات المحلية

[abojoud1]

اكثروا من التوبة والإستغفار ترزقوا بالأمطار ثم ترخص الأسعار


(بس قويه 3500 مافيه اكذب من الجرايد ومادمرنا غيرها)

[حسن الصالحي]

يا أخوان ينبغي أن نناقش الأمر بعقلانية بعيداً عن الانفعالات المؤدية إلى السباب والخروج عن الأخلاق الإسلامية الحميدة , كما يعلم الجميع أن الغلاء ليس في الحلال وحده وإنما شمل كل السلع الاستهلاكية فخذ مثلاً كرتون الطماطم البلدي وصل إلى خمسين ريالاً وهنا نتساءل هل الطماطم أغلا من اللحم , ثم لو فرضنا أن الشعير ارتفعت أسعاره (وهل سمعتم برجل عاقل فضلاً عن مسلم يدعو الله أن يرفع الأسعار) ستكون النتيجة حتماً عكسية سيهلك الحلال وبالتالي يقل عدده ويبقى بأيدي التجار الموسرين والمعروفين عند العامة ب( الهوامير) وسترون ارتفاع الاسعار الحقيقي , أما لو رخص الشعير وبقية الأعلاف فستكون النتيجة كثرة الحلال وامتلاكه من قبل عامة الناس وبالتالي ارتفاع العرض في السوق وستكون النتيجة بإذن الله انخفاض الأسعار إلى الحد المعقول , نسأل الله أن يرحم البلاد والعباد وأن يكفينا شر غلاء الأسعار فليس من وراءها فائدة ترجى , والسلام عليكم ورحمة الله وبركاته .

[محمدالزبيدي]

كلام جميل جدا اخي الصالحي ولا يهونون الأخوان جميعا خلونا نفكر في الموضوع بعقلانية لا بتفكير عاطفي متشنج ..

الغلاء عم العالم كله ليس عندنا فقط والدولة ما قصرت في واجباتها والوزراء يجتهدون لتخفيف وطأة الغلاء
على المواطن والتجار ليس من صالحهم الغلاء لأن يقلل من مكاسبهم ورواج سلعهم هذا الشيء من المسلمات التي يجب أن لا يتجاهلها اي عاقل .. فأنا لو كنت اشتري مثلا صندوق طماطم بعشرة ريال كل ثلاثة أيام اذا ارتفع سعره الى عشرين ريال ممكن أقلل واشتري كيلو لثلاثة أيام .. الشعير يوم كان بـ 12 و13 ريال الناس تشتري منه بكميات كبيرة وعندما ارتفع سعره قللوا من الاستهلاك الى الربع تقريبا ويمكن بعض المربين استغنوا عنه واتجهوا الى بدائل اخرى ..

طيب وين المشكلة :

المشكلة يا اخوان هي أننا شعب معظمه غير مستفيد من خير بلده ويشترك في المسؤلية عن ذلك المواطن والأجهزة التي تشرف على سوق العمل وزارة العمل والبلديات وغيرها .. كيف : لقد سلمنا التجارة وهي العمود الفقري لكل دولة للوافد كلنا يعلم ذلك وليس بوسعه عمل أي شيء المواطن يتستر والمسؤلين عاجزين عن أن يكشفوا الحقيقة ويعالجوا الوضع .

الزراعة للوافد والسعودي المواطن متستر ووزارة الزراعة ووزارة العمل نائمة في العسل وكأن الأمر لا يعنيها

يا اخواني في أمريكا اذا جاء موسم زراعة الذرة تقوم وزارة الزراعة بعملية المراقب وتوجيه المزارع عن الكمية التي يجب أن يقوم بزراعتها كي لا يكون هناك اغراق للسوق وتباع الذرة بسعر يعيق نمو المزارعين فلو رأوا ان السوق طلبه ضعيف اشاروا للمزارع بتقليل الانتاج .

نحن كشعب ماذا نعمل موظفين عسكريين او مدنيين او في شركات ومؤسسات كثير منها للوافدين والسعودي اسم على ورق .

بالله تلفتوا يمينا وشمالا هل رأيتم أو سمعتم بوافد عندنا يشتكي من الغلاء

بعملهم وجهدهم هم مع المؤشر ارتفع او انخفض واحنا اذا ارتفع المؤشر شهقنا وإن انخفض بركنا ..

مشكلتنا اننا قوم تعودنا ان نكون عالة على كاهل الدولة وهذه نتائج الطفرة اللي انا عايشتها واقع في عهد الملك خالد رحمه الله فوالله كان وقتها كل او جل العمالة في شتى الميادين ميادين العمل هم السعوديين والسعوديات في المزارع ورعي الحلال والعناية به وتصدقون وقتها كان صندوق الطماطم يصل الى اربعين وخمسين ريال والحبحب الجح كما يسميه اخواننا اهل نجد يصل سعر الحبة الواحدة 150 ريال الوانيت الحوض يباع جملة بثلاثة الى اربعة الاف ريال ولا واحد يشتكي بل كل المواطنين يشكرون الله على ما أفاء عليهم من نعم وشيئا فشيئا ويفتح باب استقدام العمالة وينحدر مستوى تفكير الفرد ومعه مستوى معيشته الى ان جاء اليوم اللي يقف فيه عاجزا عن حل مشكلاته المالية

ولا حول ولا قوة الا بالله