ابي ورشة للباترول في الرياض ..

[ابونايف الروقي]

السلام عليكم

السيارة باترول 2009 سفاري ..
العداد :60 الف

ابي اسوي له صيانه كامله ..
-سيور -بواجي-اسلاك بواجي-فلتر بنزين-فلتر هواء-فحمات امامي -فحمات خلفي -شد الجلنط-تشحيم رمانات امامي -تغيير زيت القير -تشييك زيت الدفرنسات -تربيط

ابي ورشة في الرياض شغلهم مضمون ويفهمون في الباترول ..
رحت للوكاله قالو لي 1250 ريال كشف صيانة 60 الف من غير شغل يد القطع الي تبي تبدلها من غير قيمة القطع يعني تطلع من عندهم دافع لك 4500 ريال .

لا احد يقول لي زيت القير مايحتاج تغيير ابي اغيره بس ابي ورشه يضبطونه لي ..
اخوكم
ابونايف الروقي

[جهام القصيم]

أول شي سيارك جديدة ولا تحتاج تغيير اي شي الى ان كانك عجل على تغيير زيت القير إذا كان تمتيك فلا بأس والفحمات يتم فحصها قبل التغيير السيور وباقي القطع تستهلك من 120 الف الى 150 الف كيلو تجربة باترول أكثر من 7 سنوات
ملاحظة شد الجلنط 10 ريال والسيارة شغالة ما يمديك تطفي السيارة
وفق الله الجميع

[ابونايف الروقي]

بارك الله فيك اخوي جهام القصيم وماقصرت

[الحظ المدحدر]

تبغى السلامه انحش عنهم والله انهم حراميه ................

[واثق الخطوه-]

الموضوع له سنتين وراك عليهم ؟؟؟؟؟؟؟؟؟؟

[ابو ساره 999]

التركي يبدو لي انه جاه ماجاء ورشة سوافي السعودي بصراحه ياشينه اذا اشتهر ودك به لاصار توه منعرف

[RW7..ALBDAWA]

مشكلتي قبل اسبوع مودي فتك 2002 لبو صآلح التركي وقلت له موتري يبيله وزن بلوف

قآلي ماهي مشكله خله عندي وابي اتصل عليك وجاء اليوم اللي بعده واتصل ولا يرد ويومين اتصل ولا يرد

ويوم جيت لعند موتري الا موتري واقف على ماهو لاشتغلو فيه ولا اي حاجه ولقيت اثنين سودانيه واكلمهم

والمهم انهم صرفوني جابولي هندي يشتغل بالموتر جلست على روسهم لين مآخلصو الموتر الصرآحه ابو صآلح هذآ فيه شوفت نفس والظآهر بينجلد بوسط الورشة وهذآ كله يوم انه اشتهر جته شوفت نفس

[ساكن الفارس]

لا حول ولا قوة الا بالله

[بايسن حار]

موترك جديد
واذا مصمّل افحص القطع هذي شفها كويسه والا لأ قبل لاتبدأ بالتغيير
وتغيير الزيت تلاقي في بعض محطات الرياض محل إسمه ون ستوب هذا متفق مع الحمراني يسوي صيانه لسيارات نيسان (صيانة وكاله) يعني سرعة خدمه
عندك محطه على مخرج 25 و مخرج 10 وله فروع كثيره
يغيرون لك زيت القير لو تبي (تغيير وكاله)

[ماجد الحايلي]

يااخوان ترى الموضوع قديم جدا