شروكي 2001 مشكله بسيطه ان شاء الله

[ابو مشرف]

السلام عليكم ورحمة الله

بصراحه منتدى :good2: باعضاءه ومشرفيه



بادخل في صلب الموضوع

انا عندي شروكي 2001 امريكي توني اشتريته وانا بصراحه جديد على الشروكي يعني اول شروكي اشتريه

ومالي خبره فيه مرره


والسياره اشتريتها بدون ما افحصها بس مشاء الله تبارك الله نظيفه


بس فيه مشكله وانا ماشي ولفيت الطاره يمين او يسار اسمع صوت حنه

ولا اذا جيت ابي اديور برضه صوت حنه يعني صوت الحنه ما يجي وانا ماشي بالسياره سيده لا اذا كان فيه منعطف يمين او يسار يطلع لي صوت حنه

المشكله الثانيه اذا شغلت الدبل الخفيف وجيت ابي الف الطاره ما تلف الطاره معي ثقيله وتحسن كان الكفر مبنشر

مدري وش المشكله


المشكله الثالثه والاخيره ان شاء الله جيت ابي افحصه كمبيوتر قالو لي ماهو راضي يشبك مع الكمبيوتر يقول المهندس ممكن فيه مشكله بالظفيره وانا بصراحه ما صدقته

وسلامتكم

والله يجزاكم خير

[رفيع المقآم]

الله يعينك وتلقا هنا الحل باذن الله

[ابوعقل]

وعليكم السلام ورحمة الله وبركاته

الله يعطيك خيره ويكفيك شره

المشكله الأولى لا تلف الطار اخر شي

والمشكله الثانيه

الدبل اكيد انت شابكه على الزفلت

اذا على الزفلت كل السيارات اللي فيها دبل اذا شبكت الدبل على الزفلت وجيت تلف الطاره ما يلف معك الا شي بسيط

وعلى الرمل ماعندك مشكله يلف

المشكله الثالثه

مر اكثر من محل وشف وش يقولون

[ابو مشرف]

منوتي الشاص

الله لا يوريك مكروه ولاهنت على المرور


ابو عقل

لا المشكله الاولى حتى وانا ماشي بالطريق وجا فيه لفه بيسطه يطلع الصوت تقول ونه دفرنش بس اذا كنت ماشي سيده مافيه شي

اما بالنسبه للمشكله الثانيه فعلا كلامك صحييح جربته ع الزفلت

بس يوم جربته اليوم بالرمله واخذت لي كذا مصب تعرف الارض ماهي مستويه طلعت رجه قويه بالاخص تحت سيت السواق رجه قويه وقربعه

اما بالنسبه للمشكله الاخيره انا باروح اشوف اكثر من محل

سؤال اخير لمبه المكينه الصفراء طافيه عندي ممكن تكون فيوز ولا كلبس مفصول

[شعيب المسمى]

الرجة اذا جت مع المطاب الصغيرة غالبا تكون من مساعد الدركسون

[سوبر VTC]

حياك
اذا كان الدركسون يرج مع المطبات
تاكد من مساعد الدركسون تحصله مهرب زيت
تركب مساعد ايسي ديلكو
اذا عندك اصوات بالنفود قرقعة تحت مرتبة السواق
لازم تتاكد من رباطات الدفرنس الامامي
رباطين تحت الدفرنس و 2 فوق الدفرنس
كل رباط له ربلتين2 اذا كانت خربانة متاكلة تسبب صوت
قيمه الربلة الواحدة ب30 و اللي تحت ب40
لازم تتاكد من ربلات مسمار التوازن طقم الربلات اصلي ب30ريال
تتاكد من ربلات عمود التوازن يكون متاكل
عندك المساعدات الامامية لازم تتاكد من الربل اللي بالرفرف الداخلي
اذا كان الربل متاكل يسبب اصوات
هذولاي اهم حاجة بالموتر

اهم انك تسيخ الاديتر + تركيب بلف كابرس 160 يفتح على حرارة 72
افضل من حق البلد ب20ريال
+ حط جالون احمر تويوتا + مقطر
و تنسى الحرارة

حدد موقعك ادلك على ورش متخصصة
بعنيزة و بريدة و الرياض


موفق

[ابو مشرف]

حياك
اذا كان الدركسون يرج مع المطبات
تاكد من مساعد الدركسون تحصله مهرب زيت
تركب مساعد ايسي ديلكو
اذا عندك اصوات بالنفود قرقعة تحت مرتبة السواق
لازم تتاكد من رباطات الدفرنس الامامي
رباطين تحت الدفرنس و 2 فوق الدفرنس
كل رباط له ربلتين2 اذا كانت خربانة متاكلة تسبب صوت
قيمه الربلة الواحدة ب30 و اللي تحت ب40
لازم تتاكد من ربلات مسمار التوازن طقم الربلات اصلي ب30ريال
تتاكد من ربلات عمود التوازن يكون متاكل
عندك المساعدات الامامية لازم تتاكد من الربل اللي بالرفرف الداخلي
اذا كان الربل متاكل يسبب اصوات
هذولاي اهم حاجة بالموتر


اهم انك تسيخ الاديتر + تركيب بلف كابرس 160 يفتح على حرارة 72
افضل من حق البلد ب20ريال
+ حط جالون احمر تويوتا + مقطر
و تنسى الحرارة


حدد موقعك ادلك على ورش متخصصة
بعنيزة و بريدة و الرياض



موفق






يا هلا والله وغلا

ان شاء الله راح اشيك على الي قلت لي عليه

اليوم رحت لورشه بالدمام اسمها العميد فيها واحد فلبيني وواحد هندي يقولون انهم كانو بالوكاله جيب طبعا تخصص الورشه هذي جيب ودوج بس

شيكت على الصوت الي اذا جيت ابي اديور الف يوتيرن يعني قالي المهندس ممكن انه يكون وحده من ثنتين يا رمانات الدفرنس الخلفي او كلتشات الدفرنس الخلفي هل عندك خلفيه عن هذا الصوت اخوي vtc

طبعا الصوت زي ما قلت اذا جيت اديور او اذا كان في منعطف في خط يطلع زي حنه الدفرنش



وبكره ان شاء الله راح اشوف وش المشكله

اما بالنسبه للصوت الي اقولك بالنفوذ فهو صوت قوي يعني حسيت فيها يصقع بالبدي من تحت السياره لاكن ان شاء الله بكره بيبن كل شي اذا فعلا الورشه هذي فاهمين الي فيها.


ولاكن للاسف ماني بالرياض انا بالشرقيه اذا تعرف احد فاهم هنا فتكفى

واذا مرره ما عرفت احد هنا راح اروح للي بالرياض

بيض الله وجيهكم جميع

[ولدبريدة]

انصحك رح لورشة ابوتركي الفهيد ببريدة
وترتاح
والا بندر بعنيزة

[سوبر VTC]

جزاك الله خير
الصوت اللي اسفل الموتر خصوصا بالنفود
او اذا كانت لاف مع دوار
تاكد من الربلات كلها + كرسي القير + كراسي المكينة

الكارونة الخلفية له كلتشات مثل الوردات مدورات
اذا خربن يكلف اصلاحن جدد مع شغل اليد حول 400ريال
متى تدري ان الصوت من كلتشات الكارونة ؟
اذا كنت تمشي على سرعة 40 او 50 ارفع رجلك عن البنص
راح تسمع صوت خلفي صوت قرقشة
طبعا جرب بالزفلت
و كلتشات الكارونة حتى لو ماصلحتهن مايضرن
وظيفة كلتشات الكارونة يدور كلا الكفرين بالنفود :good:
يعني كانه دفلك :good:

اذا كنت لاف الدركسون
و طلع صوت طقطقة عند الكفر
فتكون المشكلة من راس العكس
يوجد صليب يكون خربان و تحصل طالع منه اثر صدا اصفر
يكون داخله ماء و خربان
الصليب واضح شكله مكانه بين الدفرنس و فلنجة الهوب
على شكل +


انتبه تغير زيت الكوراين
خله لاتلمسه
احد الربع غير زيت الكارونة الخلفية و حط زيت اصلي 90 ايسي ديلكو
و طلع صوت قرقشة لكلتشات الكارونة
و السبب ان راعيه الاول حاط زيت ثقيل + شحم
حركة شريطية عشان يختفي الصوت

[ابو مشرف]

والله ودي يالغالي بس مشوار من الشرقيه

بعدين مشاء الله تبارك الله

موتري مثل الموتر الي بتوقيعك بس جنوط الوكاله

بس يبيله رفعه بيسطه من ورى شلون اضبطها

[سوبر VTC]

مر على رابطة ملاك الشيروكي :good2:

[ابو مشرف]

السلام عليكم اخوي سوبر فتك


اليوم طلعت سيارتي من الورشه كانت عند واحد يفحص عليها وفاهم


طلع لي عمود الدبل يبي له تتغير يقول ما يصلح هل يتصلح وكم يكلف او اغيره جديد وكم يكلف الجديد ووين احسن محل بالرياض او هل تنصحني اجيبها من الكويت

عمود الكردان يبي له ترصيص مع تغير الصليبات

كلتشات الدفرنس ويقول فيه ونه ولاكن انا ما اسمع ونه اسمع خرخشه بسيطه اذا مشيت 40 وونه خفيفه وقالي نصيحه لا توضب الدفنس اشتر لك دفرنس من الكويت وش رايك

كم برايك الشغلات هذي تكلف لو جيت ضبطتها بالرياض عند ورشه مضبوطه تعرفها

او هل تنصحني اركبها بالكويت

اما بالنسبه للربلات ورباطات الدفرنس كلها الحمد لله تمام


الله يجزاك عنا كل خير يالغالي

[ابو مشرف]

للرفع الله يرفع مقداركم جميع

[فايق ورايق]

طبعا انصحك بالكويت اذا ماكان الموضوع شاق لديك

قطعهم ارخص بكثير

واذا بتروح للكويت عطني خبر اوصيك على كم شغلة مع سعيك طبعا

تحياتي

[هوايتي مكشات]

ياجماعة وين احصلها بالكويت ابي ورشة شيروكي وهل اسعارها مناسبة ولا اختلاف

[ابو مشرف]

فايق الي تامر عليه انا حاضر

حتى لو بدون سعي

[ابو مشرف]

والله يالغالي حتى انا ما اعرف بس بااسال لك وابشرر